Number 12

THUTHLUNGHLUI   Number   Bung 12
12:1	Tin, Miriami leh Arona chuan Mosian Kus hmeichhia nupuia a neih avangin an sawichhia a: Kus hmeichhia chu a nei ngei si a.
12:2	Anni chuan, "Mosia hnenah chauh hian em ni LALPAN thu a sawi bik: Keini hnenah pawh hian a sawi ve lo em ni?" an ti a. Chu chu LALPAN a lo hria a.
12:3	Mosia chu lei chunga mihring zawng zanga zaidam lawrlak a ni a.
12:4	Tin, Mosia leh Arona leh Miriami hnenah LALPAN, "In pathumin lo chhuak ula, inbiakna puan inah lo kal rawh u," a ti ta thut mai a. Tichuan an pathum chuan an va kal a.
12:5	Tin, LALPA chu chhum dingah a lo chhuk a,Puan In kawngkaah a lo ding a, Arona leh Miriami chu a ko va; tin, an pahnih chuan an lo chhuak a.
12:6	Tin, ani chuan, "Ka thu hi ngaithla rawh u: in zingah hian zawlnei in awm chuan amah chu kei LALPA hi inlarnain ka inhriattir ang a, mang lamah ka bia ang.
12:7	Ka chhiahhlawh Mosia hi zawng chutiang a ni lo: ka chhungkaw thu zawng zawngah chuan a rinawm a ni.
12:8	Ani nen zawng tawngkain thuruk awm lovin tlang takin kan inbia ang a; LALPA hmel pawh a hmu ang; chuvangin ka chhiahhlawh Mosia hi engtiziaa sawichhe ngam nge in nih?" a lo ti a.
12:9	Tichuan LALPA thin chu an chungah a alh a, a kal leh ta a.
12:10	Tin, Puan In chunga chhum chu a kiang ta a; tin, ngai teh, Miriami chu vur ang maia varin a lo phar ta a; Arona chuan Miriami chu a han en a, ngai teh, phar a lo ni ta reng mai a.
12:11	Chutichuan Aronan Mosia hnenah, "Aw, ka pu, ka chungah sual nghat lul suh ang che, atthlak takin kan lo ti a, kan lo sual ta a ni e.
12:12	Mi, a nu chhul ata a lo chhuah tirh atanga thi sa deuhthaw angin awm lul suh se," a ti a.
12:13	Tichuan Mosian, "Aw Pathian, tidam leh teh khai," tiin LALPA chu a au va.
12:14	Tin, LALPAN Mosia hnenah, "A pain a hmaia chil a chhak ngawt pawhin ni sarih chu a zak dawn lawm ni? Daipawnah ni sarih bibo sela, chu mi zawhah hruai luh leh ni rawh se," a ti a.
12:15	Chutichuan Miriami chu daipawnah ni sarih a bibo va; Miriami an hruai luh leh hma chuan mipuite chu an tawl sawn lo va.
12:16	Chumi zawhah chuan mipuite chu Hazeroth ata an chhuak a, Paran thlalerah awmhmun an khuar a.

Number 11

THUTHLUNGHLUI   Number   Bung 11
11:1	Tin, mipuite chuan LALPA beng hriatah phunnawi hmangte angin thil tha lo tak an sawi thin a; chu chu LALPAN a lo hriatin a thin a alh ta a; tichuan LALPA mei chu an zingah chuan a lo thawk a, an riahhmun pawn lam chu a lo kang ta dur dur mai a.
11:2	Chutichuan mipuite chuan Mosia an au va; tin, Mosia chuan LALPA hnenah a tawngtai a, mei chu a rem ta a.
11:3	Chu mi hmun hming chu Tabera an ti a. LALPA mei chu an zinga a lo thawh avang chuan.
11:4	Tin, an zinga hnam dang nena inneih pawlhhote chuan tisa chakna an lo nei ta a; Israela thlahte pawh an tap leh a, "Tunge sa ei tur min pe dawn?
11:5	Duh duha Aigupta rama sangha kan ei thinte chu kan hre reng a, fanghmate, hmazilte, purun hel ei mite, run balte, purun var mite pawh:
11:6	nimahsela tunah chuan kan thling a ro zo ta, engmah reng reng beisei tur a awm lo, mana mai lo hi chu," an ti a.
11:7	Manna chu koriader mu ang, a lan danah chuan tuikeplung ang hi a ni.
11:8	Mite chuan an chhar khawm a, rawtsawmnaah an rawt sawm a, sumahte an deng a, belah an chhum a, chhangahte an siam a: han ei chuan hriaka kan chhang ang a ni a.
11:9	Riahhmuna zana dai a tlakin manna chu a tla tel ve a.
11:10	Tin, mipuite chu an chhungkua kuain an puan in kawngka theuhvah an tap tih Mosian a lo hria a; tin, LALPA thin chu nasa takin a alh ta a. Tin, Mosia pawh a lungni lo va;
11:11	tichuan LALPA hnenah, "Eng vangin nge i chhiahhlawh hi mi tihhreawm, engtizia nge i mit ka tlun loh va, heng mipui zawng zawng phurrit hi ka chunga i nghah?
11:12	Heng mipui zawng zawng hi ka hrin em an nih? An pi leh pute chhechhama pek i tiam rama hruai lut turin, 'Nau pawmtuin hnute hne lai a pawm angin i angchhungah pawm rawh,' i mi tih atan em ni ka hruai chhuah hlawm?
11:13	Heng mipui zawng zawng pek tur hi khawia ta nge sa ka neih ang? Kan ei atana sa mi pe rawh," tia tapin mi bei si a.
11:14	Heng mipui zawng zawng hi mahni ngawt chuan ka phur zo lo, ka tan a rit lutuk a ni.
11:15	Hetianga mi tih dawn chuan min khawngaih la, min tihlum daih law law mai la, mi tirethei tawh suh khai," a ti a.
11:16	Tin, LALPAN Mosia hnenah, "Israelte upa, mipuite upa leh an hotu nia i hriat mi sawmsarihte kha ka hnenah khan hruai khawm la, inbiakna puan inah nangmah nena ding ho turin han hruai rawh.
11:17	Tichuan ka lo chhuk ang a, chutah chuan ka rawn bia ang che: tin, nangmaha thlarau chu an chungah ka dah ang a; nangmah chauhva phur lovin mipuite phurrit chu an phurhpui ang che.
11:18	Tin, nangin mipui hnenah, 'Naktuk atan hian intithianghlim vek ula, tichuan sa chu in ei mawlh ang: Sa ei tur tuin nge min pe dawn? Aigupta rama kan nawm nen khan, tiin LALPA benghriatah in tap a; chuvangin LALPAN sa a pe ang che u a, in ei mawlh ang.
11:19	Ni khat emaw, ni hnih emaw, ni nga emaw, ni sawm emaw, ni sawmhnih emaw mai pawh ni lovin,
11:20	thla khat pumhlum, ngei hlui khawp leh luak chhuak hlui kawpin in ei ang: in zinga awm LALPA chu duh lova, 'Engati nge Aigupta ram ata kan chhuah ni, tia a hmaah in tah avangin,' ti ang che," a ti a.
11:21	Tin, Mosian, "Ka awmpui mipuiho kea kal theih thiau pawh 6,00,000 an ni a: 'thlakhat pumhlum ei tur sa ka pe ang,' i ti a.
11:22	Beram rual leh ran rual pawh talhsak ila, an khawpkham dawn em ni? Tuifinriata sangha zawng zawng pawh mansak vek ila, an khawpkham dawn em ni? A ti a.
11:23	Tin, LALPAN Mosia hnenah, "LALPA kut chu a tawi ta em ni? I chungah ka thu angin a thlen leh thlan loh chu i hre mai ang," a ti a.
11:24	Tichuan Mosia chu a chhuak a, LALPA thu chu mipuite chu a hrilh a: tin, mipuihote upa sawmsarihte chu a ko khawm a, Puan In velah chuan a dintir a.
11:25	Chutichuan LALPA chu chhumah chuan a lo chhuk a, a rawn bia a, amaha thlarau chu upa sawmsarihte chungah chuan a dah a: tin, heti hi a ni a, thlarau chu an chunga a han awm veleh chuan thu an sawi ta dual dual a; nimahsela chutiang chuan an ti an ti leh tawh lo.
11:26	Amaherawhchu bukah chuan mi pahnih an la awm ta a, pakhata hming chu Eldada a ni a, pakhat leha hming chu Medada a ni: thlarau chu an chungah a awm a, chhiarte zinga tel chu an ni a, inbiakna Puan Inah erawh chuan an kal ve lo: bukah chuan thu an sawi bual bual a.
11:27	Tichuan tl鈔gval pakhat a va tlan a, Mosia a va hrilh a, "Eldada leh Medadan bukah thu an sawi bual bual mai," a ti a.
11:28	Tin, Nuna fapa Josua, a tleirawl tirh atanga Mosia rawngbawltu chuan a chhang a, "Ka pu Mosi, khap rawh khai," a ti a.
11:29	Tin, Mosian a hnenah, "Keimah avanga ngaimawh em i nih? LALPA mi zawng zanwgte chuzawlnei ni vek sela LALPAN an chungah a thlarau chu dah theuh sela tih nak alaiin," a ti a.
11:30	Tichuan Mosia chu bukah chuan a lut leh a, amah leh Israel-ho upate nen.
11:31	Tin, LALPA hnen atang chuan thli a lo tleh a, tuifinriat lam ata vahmin a rawn len a, buk lehlam pang ni khat kal, a lehlam pang ni khat kal ve ve awhin buk velchuan tawng hnih laia sangin a tlaktir a.
11:32	Tin, mipuite chuan chu mi ni nileng leh zankhua leh a tuk nileng chuan vahmim chu an va chhar khawm a: a chhar tlem ber pawhin homer sawm a chhar a: buk velah chuan mahni tan tan an pho theuh va.
11:33	Tin, chumi sa chu an ei lai, an la ei zawh hmain, mipue chungah LALPA thin chu a alh ta a, mipuite chu hripui nasa takin LALPAN a hrem ta a.
11:34	Chu mi hmun hmingah chuan Kibrot-hatava an ti a; chutah chuan tisa chakna neitute chu an phum avangin.
11:35	Tin, Kibrot-hatava atang chuan mipuite chu Jazeroth-ah an kal a; Hazeroth-ah chuan an awm ta a.

Number 9

THUTHLUNGHLUI   Number   Bung 9
9:1	Tin, LALPAN Aigupta ram ata an lo chhuah achin kum hnihna thla khatnaah Sinai thlaleran Mosia a bia a,
9:2	"Israela thlahte chuan kalhlen kut chu a hunbi a hunbi zelah nei rawh se.
9:3	A hunbi-ah, he mi thla ni sawm leh ni li tlai lamah in nei tur a ni: chu mia tihtura ruat ang zawng zawng leh a dan ang zawng zawng chuan innei tur a ni," tiin.
9:4	Tichuan Mosia Israela thlahte chu kalhlen kut nei tur chuan a hrilh a.
9:5	chutichuan Sinai thlalerah chuan thla khatna, ni sawm leh ni li ni tlai lamah kalhlen kut chu an hmang ta a:lalpanmosia thu a pek ang zawng zawng chuanisraela thlahte chuan an ti a.
9:6	Tin, tute emaw mitthi ruang avanga thianghlim lo an lo awm a, chu mi ni chuankalhlen kutah an tel ve thei lova; tichuan chumi ni chuan Mosia leh Arona hmaah chuanan kal a;
9:7	chungho chuan a hnenah, "Mitthi ruang avangin kan thianghlim loa ni a; engvangin nge Israela thlahte zinga a hunbia LALPA hnena thilhlan kan hlan ve min khap?" an ti a.
9:8	Tin, Mosian an hnenah, "Lo ngawi teh rih u, in chungchang thuah LALPAN engtin nge thu a pek dawn ka han hre rih phawt ang e," a ti a.
9:9	Tin, LALPAN Mosia a bia a,
9:10	"Israela thlahte hnenah, 'In zinga mi pawh, in thlahte zinga mi pawh, mitthi ruang avanga thianghlim lo emaw, lo thang bo emaw an awm hlauh chuan LALPA tana kalhlen kut chu an nei ve reng reng tur a ni:
9:11	thlah hnihna ni sawm leh ni lo ni tlai lamah an nei tur a ni: chhang, dawidim telh loh hnim hnah kha nen an ei tur a ni;
9:12	a tuk atan chuan a engamah a dah tur a ni lo va, a ruh an titliak tur a ni hek lo: kalhlen kuta tih tur ruat ang zawng zawng chu an ti tur a ni.
9:13	Amaherawhchu thianghlim si, thang bona nei si lova kalhlen kuta tel lo ringawt chu achipuite zing ata chu mi chu tuithlar a ni ang: a hunbia LALPA hnena thil hlan chu a hlan loh avangin chu mi hu tuithlar a ni ang: a hunbia LALPA hnena thilhlan chua hlan loh avangin chu mi chuan a sual mawh a phur ang.
9:14	Tin, hnam dang mi in hnena awmin LALPA tana kalhlen kuta tel ve an duh chuan kalhlen kuta tih tur ruat leha dan angin an ti tur a ni, he rama mi reng reng leh hnam dang mite tan dan angkhat in nei tur a ni,' tiin sawi rawh," tiin.
9:15	Chutichuan biak buk dinni chuan Patian chenna in chu chumina tuam mup a, tin, tlai lamah chuan biak buk chungah chuan mei alh ang mai hi a tuk zing tlengin a awm a.
9:16	Chutiang chuan a awm reng a: chhum chuan a tuam reng a, zanah chuan mei angin a lang a.
9:17	Chhumin Puan In chu a kiansan apiangin Israela thlahte chuan kal zai an rel thin a: tin, chhum a dinna hmun apiangah chuan Israela thlahte chuan awmhmun an khuar thin a.
9:18	LALPA thupekin Israela thlahte chu an kal zel a, LALPA thupek bawkin awmhmun an khuar thin a: biak buk chunga chhum hu a awm chhung zawng awmhmun an khuar reng a.
9:19	Tin, biak buk chunga chhum chu rei tak a awm chuan Israela thlahte chuan LALPA thu chu an zawm an kal lova,
9:20	tin, a chang chuan chhum chu biak buk chungah chuan rei lote chauh a awm thin a: tichuan LALPA thupek angin awmhmun ankhuar a, LALPA thupek angin an kal thin.
9:21	Tin, a chang chuan chhum chu tlai lam atanga zing thlengin aa awm a: tin, zinga chhum chu a invawrh san chuan an kal thin a, ni khat lek emaw, zan khat lek emaw awma chhum chu a invawrh san chuan an kal mai thin a.
9:22	biak buk chungah chhum chu ni hnih emaw, thla khat emaw, kum khat emaw pawh a awm a, chuta a awm reng chuan Israela thlahte chuan awmhmun an khuar reng a, an kal thin lo va: a invawrh san erawh chuan an kal thin.
9:23	LALPA thupekin awmhmun an khuar thin a, LALPA thupekin an kal thin: Mosia hmanga LALPA thupekin LALPA thu chu an zawm a ni.

Number 10

THUTHLUNGHLUI   Number   Bung 10
10:1	Tin, LALPAN Mosia a bi a,
10:2	"Tangkaraw tawtawrawt pahnih siam la; a chhera chherin siam rawh: mipuiho kohkhawm nan leh chhuahtir nan i hmang tur a ni.
10:3	Chu chu a ham kawp chuan mipi zawng zawng chu i hnenah inbiakna puan in kawngka bulah an rawn inkhawm vek tur a ni.
10:4	Tin, pakhat chauh an ham chuan Israel mpuite hotu puipate chauh i hnena an lo kal khawm tur a ni ang a.
10:5	Tin, rankhel hama in ham chuan chhak lampanga awmhote an chuak tur a ni ang.
10:6	Tin, rankhel hama in ham leh chuan chhim lampanga awmhote an chhuak tur a ni, an chhuahna turin rankhel haminan ham tur a ni.
10:7	Amaherawhchu mipuite lo kal khawmna tur chuan in ham phawt ang a, rankhel ham erawh chuan ham lovin,.
10:8	Arona fapa puithiamhote chuan tawtawrawt chu an ham tur a ni; chu chu in tan inthlahte thlenga kumkhaw dan tur a ni ang.
10:9	In rama hmelma hnuaichhiahtu che u do tura in kal hunin rankhel hamin tawtawrawtte chu in ham tur a ni; tiin chuan LALPA in Pathian hmaah
10:10	In hlimna niah te, in kut hun bi neiah te, in thla tharahte chuan inthawinaah te chuan tawtawrawt in ham tur a ni; tichuan in Pathian hmaa in tana hriat rengna a ni dawn nia: kei LALPA in Pathian ka nih hi," tiin.
10:11	Tin, kum hnihna thla hnihna, chu mi thla ni sawmhnih ni chuan heti hi a ni a, chhum chu Pathian chenna in chung ata chu a lo invawrh sang ta a.
10:12	Tichuan Israela thlahte chu an kal dan bi ang chuan Sinai thlaler ata chu an chhuak a; tin, Paran thlalerah chuan chhum chu a ding ta a.
10:13	Mosia hmanga LALPA thu pek angin an chhuak ta phawt a.
10:14	A hmasa berin Juda pawlho an chhungkaw chhinchhiahna kengin an chhuak a: a hotu chu Aminadaba fapa Nasona a ni a.
10:15	Isakar-ho hotu chu Zuara fapa Nethanela a ni a.
10:16	Zebulun-ho hotu chu Helona fapa Eliaba a ni a.
10:17	Tin, biak buk chu an thiat a, Gersona fapate leh Meraria fapa biak uuk zawntute chu an chhuak a.
10:18	Tin, Reuben-ho chu an chhungkaw chhinchhiahna kengin an chhuak a: a hotu chu Seduera fapa Elizura a ni a.
10:19	Simeon-ho hotu Zurisadaia fapa Selumiela a ni a.
10:20	Gad-ho hotu chu Deuela fapa Eliasapha a ni.
10:21	Tin, Kohath-hote chuan thil thianghlim chu an zawn a, an chhuak a; tin, a dangte chuanan thlen veleh biak buk chu an lo din diam a.
10:22	Ephraim-ho chu an chhungkaw chhinchhiahna kengin an chhuak a: a hotu chu Amihuda fapa Elisama a ni:
10:23	Manase-ho hotu hu Pedazura fapa Gamaliela a ni a:
10:24	Benjamina-ho hotu chu Gideonia fapa Abidana a ni a.
10:25	Tin, a hnuhnung berah Danho chu an chhungkaw chhinchhiahna kengin an chhuak a: a hotu Amisadaia fapa Ahiezera a ni a.
10:26	Aser-ho hotu chu Okrana fapa Pagiela a ni a.
10:27	Naphtali-ho hotu chu Enana fapa Ahira a ni a.
10:28	Chutiang chu a ni Israela thlahte an chhungkaw chhinchhiahna kenga an kal dan chu; chutiang tak chuan an chhuak a.
10:29	Tin, Mosia puzawn Midian mi Reuela fapa Hobaba hnenah Mosian, "'Ka pe ang che u,' LALPAN a tih hmunah chuan kan kal dawn a ni a; kan hnenah lo kal ve la,tha takin i chungah kan ti ang: LALPA chuan Israela thlahte chungchang thu chu tha takin a sawi tawh si a," a ti a.
10:30	Ani chuan a hnenah, "Ka lo kal lo mai ang e, keimahni ramah ka laichinte hnenah ka kalzawk ang e," a ti a.
10:31	Tin, ani chuan, "Min kalsan lul suh khai, thlalerah chuan awmhmun kan khuarna tur i hrezawl so a. kan tan mit i lo ni dawn a ni.
10:32	Tin, heti hi a ni ang a, kan hnena i kal ve chuan, a ni, heti hi a ni ang a, LALPAN thil tha min tihsak ang zelin ka tihsak ve zel ang che," a ti a.
10:33	Chutichuan LALPA tlang atanga ni thum kalah chuan an kal a; tin, LALPA thuthlung bawm chu an tana innghahna hmun remchang zawngin ni thum an kal chhung hian an hma a hruai a.
10:34	An buk ata an chhuahin LALPA chhum chu an chungah a awm zel a.
10:35	Tin, heti hi a ni a, bawm chu a chhuah dawn apiangin Mosian, "Aw LALPA, lo thawk la, i hmelmate chu tidarh la, a hawtu che chu i hmaah tlanchhe rawh se," a ti thin a.
10:36	Tin, a innghah apiangin "Aw LALPA, Israel mipuiho hnenah hian lo kir leh rawh," a ti thin a.

Number 8

THUTHLUNGHLUI   Number   Bung 8
8:1	Tin, LALPAN Mosia a bia a,
8:2	"Arona bia la a hnenah, 'Khawnvarte i halin khawnvar pasarih chuan sathau khawnvar dahna hma lam a en tur a ni,' ti rawh," tiin.
8:3	Tin, Arona chuan chutiang chuan a ti a; LALPAN Mosia thu a pek ang chuan khawnvardahna hma lamah chuan khawnvarte chu a chhi a.
8:4	He mi khawnvar dahna siam dan hmang chu rangkachak achhera chher a ni; a bul ngul leh a par cheninchher a ni: LALPAN a lem Mosia a entir ang chiahin khawnvar dahna chu a siam a.
8:5	Tin, LALPAN Mosia a bia a,
8:6	"Levi-hote chu Israela thlahte zing ata tihrang la, tithianghlim rawh.
8:7	Anmahni tithianghlim turin hetiang ian i ti tur a ni: an chunga tlenfaina tui thlawr la, an taksa zawng zawng mehtir la, an puante suktir la, intihthianghlimtir rawh.
8:8	Tin, bawngpa tuai pakhat leh chhangphut thilhlan hriaka pawlh chhangphut dip tak nen laktir la, tin, sual thawi nan bawngpa tuai pakhat dang i kai bawk tur a ni.
8:9	Tin, Levi-hote chu inbiakna puan in bulah chuan hruai la, Israela thlahte mipui zawng zawng chu pun khawmtir vek rawh:
8:10	tin, Levi-hote chu LALPA hnenah i hlan ang a; Israela thlahte chua Levi-hote chungah an kut an nghat ang a:
8:11	tichuan Arona chuan Levi-hote chu, LALPA rawng an bawl theih nan Israela thlahte hmingin then thilhlana LALPA hnenah a hlan ang a.
8:12	Tin, Levi-hote chuan bawngpa lu-ahte chuan an kut an nghat ang a; tin, Levi-hote tana inremna siam nan, pakhat chu sual thawi nan, pakhat chu halral thilhlanah LALPA hnenah i hlan tur a ni.
8:13	Tin, Levi-hote chu Arona leh a fapate hmaah chuan i awmtir ang a, LALPA tana then thilhlanah i hlan tur a ni.
8:14	chutiang chuan Israela thlahte zing ata Levi-hote chu i tihrang ang a, tichuan Levi-hote chu ka ta an ni ang.
8:15	Tin, chu mi zawhah chuan Levi-hote chu inbiakna puan ina rawngbawl turin an lut ang a, tin, nangin anni chu i tithianghlim ang a, then thilhlanah i hlan tur a ni.
8:16	Israela thlahte zing ata ka puala ruat an ni si a; chhul keu zawng zawng Israela thlahte fa tir zawng zawng aiah ka pualah ka nei tawh a ni.
8:17	Israela thlahte zinga fa tir zawng zawng chu ka ta n ni reng a; mihring nen, rante nen; Aigupta rama fa tir zawng zawng ka tihhlum lai khan ka puala ka ruat tawh a ni.
8:18	Tichuan Israela thlahte zinga fa tir zang zawng aiah Levi hote hi ka nei tawh a ni.
8:19	Tichuan Israela thlahte aia inbiakna puan ina rawngbawl tur leh Israela thlahten hmunthianghlim an rawn hnaih pawha Israela thlahte zinga hria len lohna tura remna siam turin Israela thlahte zing ata Levi-hote hi Arona leh a fapate ka pe a ni," tiin.
8:20	chutiang chuan Mosia te, Arona te, Israela thlahte pungkhawmho zawng zawng chuan Levi-hote chunga chuan an ti a. Levi-ho chungchang thua LALPAN Mosia thu a p阫 ang zawng zawng chuan an chungah Israela thlahte chuan an ti a.
8:21	Tichuan Levi-hote chu sual lakah an inthian fai a, an puante an su a: tin, Aronan LALPA hmaah then thilhlanah a hlan a; tin, anmahni tihthianghlim nan Aronan inremna a siamsak a.
8:22	Tin, chu mi zawhah Levi-hote chu Arona leh a fapate hnuaia an rawngbawl hna thawk tur chuan inbiakna puan in chhungah an lut a: Levi-hote chungchang thua LALPAN Mosia thu a pek angin an chungah an ti ta a.
8:23	Tin, LALPAN Mosia a bia a,
8:24	"Levi-hote chanpual chu heng hi a ni: kum sawmhnih leh kum nga chin hung lam chuan inbiakna puan ina rawngbawl hna an bei ang a:
8:25	kum sawmnga mite chuan rawngbawl hna chu an chawlhsan ang a, rawng an bawl tawh lovang;
8:26	amaherawhchu inbiakna puanin enkawl thuah chuanan unaute an puibawm zel ang a, rawng erawh chu an bawl tawh lo vang. Hetianghian Levi-hote chu an hna thawh i relsak tur a ni, tiin.

Number 7

THUTHLUNGHLUI   Number   Bung 7
7:1	Chutichuan Mosian biak buk chu a din zawh a, hriak a thih a, a thianglim a, a bungrua zawng zawng leh a maicham leh a bungbel zawng zawng hriak a thih a, a thianghlim ni chuan heti hi a ni a,
7:2	Israel-ho puipa, an chhungkaw puipae huan thilhlan an hlan a, chungho chu an hnam puipate, an chhiarhote chunga awm an ni a:
7:3	an thilhlante chu, tawlailir chung nei paruk leh bawngpa sawm leh pahnih, puipa pahnihin tawlailir pakhat zel, pakhatin bawngpa pakhat zel LALPA hmaah an rawn la a, biak buk bulah chuan an rawn hlan a.
7:4	Tin, LALPAN Mosia a bi a,
7:5	"biak buk hna atan a tangkai dawn a, lo la hlawm rawh khai; Levi-ho, a hna zir ang zelin i pe theuh dawn nia," tin,.
7:6	Tichuan Mosian tawlailirte leh bawngpate chu a la a, Levi-hote hu a pe a.
7:7	Tawlailir pahnih leh bawngpa pali chu Gersona fapate chu an hna azir zelin a pe a.
7:8	Tin, tawlailir pali leh bawngpa pariat chu, puithiam Arona fapa Ithamara ho, Meraria fapate chu an hna azir zelin a pe a.
7:9	Kohatha fapate erawh chu an pe ve lo; hmun thianghlim hna chu an pual a ni a, a zawna zawn thin an ni.
7:10	Puipahote huan hriak thih ni chuan maicham hlan nan an thilhlante chu maicham bula an hlan a.
7:11	Tin, LALPAN Mosia hnenah, "Puipa tinin maicham hlan nana an thilpek chu a indawt zelin ni tin, an hlan tur a ni," a ti a.
7:12	Ni khat nia a thilhlan hlantu tur chu Juda chi Aminadaba fapa Nasona a ni a:
7:13	a thilhlan chu tangkaraw thleng pakhat, a rih lam selkel za le sawmthum, hmun thianghlima sekel sawmsarih tluka rit tangkaraw berhbu pakhat, chhangphut thilhlan atan hriaka chawhpawlh chhang phut dik taka khat ve e;
7:14	sekel sawm tluka rit rimtuia khat rangkachak fian pakhat;
7:15	halral thilhlan atan bawngpa tuai pakhat, berampa pakhat, beramno a pa kum khat mi pakhat;
7:16	sual thawi nan kelpa pakhat;
7:17	tin, remna inthawi thilhlan atan bawngpa pahnih, berampa panga, kelpa panga, beramno a pa kum khat mi panga: Heng hi Aminadaba fapa Nasona thilhlante chu a ni.
7:18	Ni hnih ni huan Isakar-ho puipa Zuara fapa Nethanela chuan a hlan a:
7:19	a thilhlan atan chuan tangkaraw thleng pakhat a rih lam sekel za leh sawmthum hmun thianga sekel sawmsarih tluka rit tangkaraw berhbu pakhat, chhangphut thilhlan atan riaka chawhpawlh chhang phut dikp taka khat ve ve:
7:20	sekel sawm tluka rit rimtuia khat rangkachak rian pakhat;
7:21	halral thilhlan atan bawngpa tuai pakhat, berampa pakhat, beram no a pa kum khat mi pakhat;
7:22	sual thawi nan kelpa pakhat;
7:23	tin, remna inthawi thilhlan atan bawngpa pahnih, berampa panga, kelpa panga, beram no a pa kum khat mi panga a hlan a. Heng hi Zuara fapa Nethanela thilhlante chu a ni.
7:24	Ni thum ni chuan Zebuluna thlahte puipa Helona fapa Eliaba huan a hlan a:
7:25	a thilhlan chu tangkaraw thleng pakhat, a rih lam sekel za leh sawmthum, hmun thianghlima sekel sawmsarih tluka rit tangkaraw berhbu pakhat,chhangphut thilhlan atan hriaka chawhpawlh chang put dip tak khat ve ve;
7:26	sekel sawm tluka rit rimtuia khat rangkachak fian pakhat;
7:27	halral thilhlan atan bawngpa tuai pakhat, berampa pakhat, beram no a pa kum khat mi pakhat;
7:28	sual thawi nan kelpa pakhat;
7:29	tin, remna inthawi thilhlan atan bawngpa pahnih, berampa panga, kelpa panga, beram no a pa kum khat mi panga a ni. Heng hi Helona fapa Eliaba thilhlante chu a ni.
7:30	Ni li ni chuan Reubena thlahte puipa Sedeura fapa Elizura chuan a hlan a:
7:31	a thilhlan chu tangkaraw thleng pakhat a rih lam sekel za leh sawmthum, hmun thianghlima sekel sawmsarih tluka rit tangkaraw berhbu pakhat, hhangphut thilhlan atan hriaka chawhpawlh chhangphut dip taka khat ve ve;
7:32	sekel sawm tluka rit rimtuia kat rangkachak fian pakhat;
7:33	halral thilhlan atan bawngpa tuai pakhat, berampa pakhat, beram no a pa kum khat mi pakhat;
7:34	sual thawi nan kelpa pakhat;
7:35	tin, remna inthawi thilhlan atan bawngpa pahnih, berampa panga, kelpa panga, beram no a pa kum khat mi panga a ni. Heng hi Sedeura fapa Elizura thilhlante chu a ni.
7:36	Ni nga ni chuan Simeona thlah Zurisadaia fapa Selumiela chuan a hlan a.
7:37	a thilhlan chu tangkaraw thleng pakhat, a rih lam sekel za leh sawmthum; hmun thianglima sekel sawmsarih tluka rit tangkaraw berhbu pakhat, chhangphut thilhlan atana hriak chawhpawlh chhang phut dip taka khat ve ve.
7:38	sekel sawm tluka rit timtuia khat rangkachak fian pakhat;
7:39	halral thilhlan atan bawngpa tuia pakhat, berampa pakhat beram no a pa pum khat mi pakhat;
7:40	sual thawi nan kelpa pakhat,
7:41	tin, remna inthawi thilhlan atan bawngpa pahnih, berampa panga, kelpa panga, beram no a pa kum khat mi panga a ni; heng hi Zurisadaia fapa Selumiela thilhlante chu a ni.
7:42	Ni ruk ni huan ngada thlahte puipa Deuela fapa Eliasapha chuan a hlan a:
7:43	a thilhlan chu tangkaraw thleng pakhat, a irh lam sekel za leh sawmthum, hmunthianghlima sekel sawmsarih tluka rit tangkaraw berhbu pakhat, chhangphut thilhlan atana hriaka chawhpawlhchang phut dip taka khat ve ve;
7:44	sekel sawm tluka rit rimtuia khat rangkachak fian pakhat;
7:45	halral thilhlan atana bawngpa tuai pakhat, berampa pakhat, beram no a pa kum khat mi pakhat;
7:46	sual thawi nan kelpa pakhat;
7:47	tin, remna inthawi thilhlan atan bawngpa pahnih, berampa panga, kelpa panga, beram no a pa kum khat mi panga a ni. Heng hi Deuela fapa Eliasapha thilhlante chu a ni.
7:48	Ni sarih ni huan Ephraima thlahte puipa Amihuda fapa Elisama chuan a hlan a:
7:49	a thilhlan chu tangkaraw thleng pakhat, a rih lam sekel za leh sawmthum, hmun thianghlima sekel sawmsarih tluka rit tangkaraw berhbu pakhat, halral thilhlan atana hriak a chawhpawlh chhangphut dip taka khat ve ve;
7:50	sekel sawm tluka rit rimtuia khat rangkachak fian pakhat;
7:51	halral thilhlan atana bawngpa tuia pakhat, berampa pakhat, beram no a pa kum khat mi pakhat;
7:52	sual thawi nan kelpa pakhat;
7:53	tin, remna inthawi thilhlan atan bawngpa pahnih, berampa panga, kelpa panga, beram no a pa kum khat mi panga a ni: heng hi Amihuda fapa Elisama thilhlante chu a ni.
7:54	Ni riat ni chuan Manasea thlahte puipa Pedazura fapa Gamaliela chuan a hlan a:
7:55	a thilhlan chu tangkaraw thleng pakhat, a rih lam sekel za leh sawmthum, hmun thianghlima sekel sawmsarih tluka rit tangkaraw berhbu pakhat; chhangphut thilhlan atana hriak chawhpawlh chhangphut dip taka khat ve ve;
7:56	sekel sawm tluka rit timtuia khat rangkachak fian pakhat;
7:57	halral thilhlan atan bawngpa tuai pakhat, berampa pakhat, beram no a pa kum khat mi pakhat,
7:58	sual thawi nan kelpa pakhat,
7:59	tin, remna inthawi thilhlan atan bawngpa pahnih, berampa panga, kelpa pang, beram no a pa kum khat mi panga a ni. Heng hi Pedazura fapa Gamaliela thilhlante chu a ni.
7:60	Ni kua ni chuan Benjamia thlah Gideonia fapa Abidana chuan a hlan a:
7:61	a thilhlan chu tangkaraw thleng pakhat, a rih lam sekel za leh sawmthum, hmunthianghlima sekel sawmsarih tluka rit tangkaraw berhbu pakhat, chhangphut thilhlan atana hriaka chawhpawlh chhangphut dip taka khat ve ve;
7:62	sekel sawm tluka rit rimtuia khat rangkachak fian pakhat,
7:63	halral thilhlan atan bawngpa tuai pakhat, berampa pakhat, beram no a pa kum khat mi pakhat;
7:64	sual thawi nan kelpa;
7:65	tin, remna inthawi thilhlan atan bawngpa pahnih, berampa panga, kelpa panga, beram no a pa kum khat mi panga a ni: heng hi Gideonia fapa Abidana thil hlante chu a ni.
7:66	Ni sawm ni chuan Dana thlahte puipa Amisadaia fapa Ahiezera chuan a hlan a:
7:67	a thilhlan chu tangkaraw thleng pakhat, a rih lam sekel za leh sawmthum, hmun thianghlima sekel sawmsarih tluka rit tangkaraw berhbu pakat, chhangphut thilhlan atana hriaka chawhpawlh chhang phut dip taka khat ve ve:
7:68	sekel sawm tluka ritrimtuia khat rangkachak fian pakhat;
7:69	halral thilhlan atan bawngpa tuai pakhat, berampa pakhat, beram no a pa kum khat mi pakhat;
7:70	sual thawi nan kelpa pakhat;
7:71	tin, remna inthawi thilhlan atan bawngpa pahnih, beram panga, kelpa panga, beram no a pa kum khat mi panga a ni: heng hi Amisadaia fapa Ahiezera thilhlante chu a ni.
7:72	Ni sawm leh ni khat ni chuan Asera thlahte puipa Okrana fapa Pagiela chuan a hlan a:
7:73	a thilhlan chu tangkaraw thleng pakhat, a rih lam sekel za leh sawmthum, hmun thianghlima sekel sawm sarih tluka rit tangkaraw berhbu pakhat chhangphut thilhlan atana hriak chawhpawlh chhangphut dip taka khat ve ve.
7:74	sekel sawm tluka rit rimtuia khat rangkachak fian pakhat;
7:75	halral thilhlan atan bawngpa tuai pakhat, berampa pakhat, beram no a pa kum khat mi pakhat;
7:76	sual thawi nan kelpa pakhat;
7:77	tin, remna inthawi thilhlan atan bawngpa pahnih, berampa panga, kelpa panga, beram no a pa kum khat mi panga a ni: heng i Okrana fapa Pagiela thilhlante chu a ni.
7:78	Ni sawm leh ni hnih ni chuan Napthtalia thlahte puipa Enana fapa Ahira chuan a hlan a:
7:79	a thilhlan chu tangkaraw thleng pakhat, a rih lam sekel za leh sawmthum, hmun thianghlim sekel sarih tluka rit tangkaraw berhbu pakhat, chhangphut thilhlan atana hriaka chawhpawlh chhangphut dip taka khat ve ve:
7:80	sekel sawm tluka rit rimtuia khat rangkachak fian pakhat;
7:81	halral thilhlan atan bawngpa tuai pakhat, beram pa pakhat, beram no a pa kum khat mi pakhat;
7:82	sual thawi nan kelpa pakhat;
7:83	tin, remna inthawi thilhlan atan bawngpa pahnih, berampanga, kelpa panga, beram no pa kum khat mi panga a ni: heng hi Enana fapa Ahira thilhlante chu a ni.
7:84	Tichuan, maicham hriak thih nia Israel puipaho thilhlante chu tangkaraw thleng sawm leh pahnih, tangkaraw berhbu sawm leh pahnih, rangkachak fian sawm leh pahnih ani a;
7:85	tangkaraw thleng chu sekel za leh sawmthum tluka rit theuh ani a, berhbu chu sawmsarih theuh a ni: tangkaraw bungbel zawng zawng hu hmun thianghlima sekel singhnih leh za tluka rit a ni.
7:86	Rintuia khat rangkachak fian sawm leh pahnih chu hmun thianghlima sekel sawm tluka rit theuh a n: rangkachak fian zawng zawng chu sekel za leh sawmhnih tluka rit a ni;
7:87	halral thilhlan atana bawngpa zawng zawng chu sawm leh pahniha ni a, berampa sawm leh pahnih, beram noa pa kum khat mi sawm leh pahnih, an chhangphut thilhlante nen; tin, sual thawi nan kelpa sawm leh pahnih:
7:88	tin, remna inthawi thilhlan atana bawng chu bawngpa sawmhnih leh pali ani a, berampa chu sawmhnih leh pali ani a, berampa chu sawmruk, kelpa chu sawmruk, breram no a pa kum khat mi chu sawmruk a ni. Hei hi hriak thih hnua maicham hlan nana thilpekte chu a ni.
7:89	chutichuan inbiakna puan ina amah be tura Mosia a luh chuan thuthlung bawm chunga zahngaihna thutphah chung lama cherub pahnihte inkar atang chuan amah rawn biain Aw chu a hria a: tin, a be ta a.

Number 6

THUTHLUNGHLUI   Number   Bung 6
6:1	Tin, LALPAN Mosia a bia a,
6:2	"Israela tlahte hnenah sawi la, an hnenah, 'mipa emaw, hmeichia emaw pawhin eng emaw thutiam bik, LALPA tana inpekna Nazarit thutiam a tiam lai chuan,
6:3	uain le zu a nghei tur a ni; uain thur pawh, zu thur pawh a in tur a ni lo va, grep tui pawh a inin grep raha tharlam pawh, pho vuai pawh a ei tur a ni hek lo.
6:4	A intihhran chhung zawng chuan grep hruia mi a mu pawh, a pil pawh a ei tur a ni lo.
6:5	LALPA tanaa intihran chhung ni a kim hma loh chuan tihhrana ni ang a, a sam a zuah tur a ni.
6:6	LALPA tana a intihhran chhung zawng chuan mitthi ruang a hnaih tur a ni lo.
6:7	A pa te, a nu te, a unaupa te, a farnute emaw thih thuah pawh a intibawlhhlawh tur a ni lo, Pathian tana a intihhranna chuan a phuar avangin,
6:8	a intihhran chhung zawng chuan LALPA pual a ni.
6:9	A kiangah mi lo thi ta thutin a intihhranna lu chu lo tibawlhhlawh ta ang sela, a inthen ni, a nisarih niin a lu a met tur a ni.
6:10	Tin, ni riat niin inbiakna puan in kawngkaa puithiam hnena thuro tuak khat emaw, parva no tuak khat emaw a rawn keng tur a ni:
6:11	tin, puithiam chuan pakhat chu sual thawi nan a nhlan ang a, pakhat chu halral thilhlanah mitthi avanga atihsualnaah inremna a siamsak anga; tin, chu mi ni vek chuan a lu chu a tithianghlim tur a ni.
6:12	Tin, thiam loh thawi nan beram no a pa kum khat mi rawn kengin a intihhranna nite chu LALPA hnena a titha le ang: a intihhranna chu tihbawlhhlawha ni tak avangin ahmaa mi kha engma lo ani ta si a.
6:13	Tin, hei hi Nazirit mi, an intihran ni bi a kim huna tih dan tur chu a ni: inbiakna puan in kawngkaah hruai tur a ni ang a:
6:14	tin, LALPA tana thilhlanah berampa kum khat mi sawiselbo halral thilhlanah pakhat, sual thawi nan beram no a nu kum khat mi sawiselbo pakhat, remna thilhlan atan berampa sawiselbo pakhat;
6:15	dawidim telh loh chhang leh chhangphut dip tak hriaka hmeh siam chhang hlawm le hriaka chulh chhangper pan bawm khat an chhangphut thilhlan tur leh in tur thilhlan tur te nen an hlan tur a ni.
6:16	Tin, puithiamin chung chu LALPA hmaah a hlan ang a, a sualthawina leh a halral thilhlan chu a hlan ang;
6:17	tin, berampa chu bawma chang dawidim telh lohte nen chuan remna inthawi thilhlan atante LALPA hnenah a hlan ang a: puithiam chuan chhangphut thilhlan leh in tur thilhlan pawh chu a hlan tel bawk ang.
6:18	Nazirit mi chuan inbiakna puan in kawngkaa a intihhranna lu chu amet ang a, intihhranna sam chu ala ang a, remna inthawi thilhlan hnuaia meiah chuan a rawh tur a ni.
6:19	Tin, puithiam chuan berampa dar chhum hmin leh bawma dawidim telh loh chhang pakhat leh dawidim telh loh chhangper pan pakhat a la ang a, Nazirit chuan a intihhranna lu a meh zawhin a kentir ang a:
6:20	tin, puithiam chuan then thilhlanah LALPA hmaah a then tur a ni; hei hi puithiam pual a ni ang, then irawm leh then bawp nen: chu mi zawhah chuan Nazirit chuan uain a in thei tawh ang.
6:21	Hei hi a ni, Nazirit thutiam dan leh LALPA hmaa an thilhlan dan chu, ama duh thua a hlan tiam lovin: a intihhranna thutiam a zir zelin a ti tur a ni,' ti rawh," tiin.
6:22	Tin, LALPAN Mosia a bi a,
6:23	"Arona leh a fapate hnenah, 'Hetiang hian Israela thlahte mal in sawm tur a ni; an hnenah,
6:24	LALPAN malsawm che uin veng zel che u raw se;
6:25	LALPAN a hmel in chungah entir sela, khawngaih zel che u rawh se.
6:26	LALPAN in lam lo hawi sela, thlamuanna pe che u rawh se, tiin sawi rawh u,' tiin.
6:27	chutianga ti chuan Israel thlahahte ka hming chuantir a ni ang a, tin, keiin anni chu mal ka sawm ang," tiin.

Number 5

THUTHLUNGHLUI   Number   Bung 5
5:1	Tin, LALPAN Mosia a bia a,
5:2	Israela thlahte hu an riahhmun ata phar zawng zawng leh thiput zawng zawng leh mitthi avanga bawlhhlawh apiangte chu tichhuakvek turin thu pe rawh:
5:3	a hmei apain i tichhuakin daipawnah I dah tur ani; a lai taka ka awmna thin an riahhmun chu an tiblawlhhlawh dah ang e," tiin.
5:4	Tichuan Israela thlahte chuan chutiang chuanan ti a, daipawnah an dah chhuak a; LALPAN Mosia hnena a sawi angin Israela thlahte chuan an ti a.
5:5	Tin, LALPAN Mosia a bia a,
5:6	"Israela thlahte hnenah sawi la, 'Mipa emaw, hmeichhia emawin LALPA chungah thil engpawh lo tisualin thiamloh chang sela,
5:7	an tihsualnaah chuan thupha an chawi tur ani: tin, a tihsual man chu kim takin rulh tur ani a, tihsualna pa chu a pe belh tur a ni.
5:8	Amaherawhchu sual man teltuin laichin anei loh chuan, sual man teltuin laichin a nei loh chuan, sual man LALPA hnena hlana chu puithiam pual tur ani ang a; inremna berampa tiam lovin inremna a siam tur ani ang.
5:9	Tin, Israela thlahte thil thianghlim hen thilhlan zawng zawng, hlansak tura an pek puithiam hnena an hlan apiang a hlantu puithiamina nei ang.
5:10	An thil serh chu anmahnin an nei ang, puithiam hnena an pek chu puithiamin a nei tur ani, tiin," a ti a.
5:11	Tin, LALPAN Mosia a bia a,
5:12	Israela thlahte hnenah sawi la, an hnenah 'tu nupui pawh uirein miin
5:13	mutpui sela, a pasal chuan a hre lo va, chesual ngei si puang bawk si lo, kut man ni bawk si lo chu
5:14	a pasal chuan thikthu avangin ringhlel tlat sela emaw nupui chesual lo pawh a rinhlelh tlat si chuan
5:15	chutiang thuah chuan chu mi chuan a tana thilhlan barli chhangphut epha hmun sawma thena hmun khat kengin a nupui chu puithiam hnena a hruai tur ani; hriak a leih tur ani lova, thil rimtui a telh tur ani hek lo; thik thawina chhang phut thilhlan, hriat rengna thilhlan khawlohna hriat chhuahna a ni si a.
5:16	Tin, puithiam chuan a rawn hruai ang a, LALPA hmaa a dintir ang a;
5:17	tin, puithiam chuan hlumbelin tui thianghlim a la ang a, biak buk chhuata vaivut a la ang a, tuiah chuan a phul ang a:
5:18	tin, puithiam chuan hmeichhia chu LALPA hmaah a dintir ang a, a sam a thlahtir ang a, hriat rengna chhngpui thilhlan, thik thawina thilhlan chu a kentir ang a; puithiam chuan anchhe thlentirtu tui kha chu a keng ang a;
5:19	tin, puithiam chuan hmeichhia chu chhia a chhamtir ang a, hmeichhe hnenah chuan, i pasal ni lo midang tumahin an mutpui loh chia, bawlhhlawhna lama i kal pen loh chuan anchhe thlentirtu he tui kha ata hi i lo fihlim ang a;
5:20	amaherawhchu khaw dang hawia i bawlhhlawh a, i pasal lo mi tuin ema a mutpui che chuan i fihlim lovang, a ti tur a ni.
5:21	Tin, puithiam chuan hmeichhia chu a vau vang a, chhia a chhamtir ang a, hmeiche hnenah puithiam chuan, LALPAN i malpui a tihbal a, i pum a tihvun chuan, LALPAN i chipuite anchhe dawntirtuah siam che rawh se;
5:22	tin, anchhe thlentirtu he tui hi i rilah a lut ang a, i puma tivung ang a, i malpui a tirawp ang a, a ti ang a: tin, hmeichhia chuan, Amen, Amen, a ti ang a.
5:23	Tin, puithiam chuan chung anchhe thute chu lehkhabuah a ziak ang a, tuikhaah chuan a chiah tur ani;
5:24	tin, hmeichhia chu anchhe thlentirtu tui kha chu aintir tur ani: tichuananchhe thlentirtu tui chu a kawchhunga a lut ang a, a lo kha ang.
5:25	Tin, puithiam chuan thik thilhlan chhangphut hmeichhe kut ata chu a la ang a; LALPA hmaah chhangphut thilhlan chu a then ang a, maichamah a kalpui ang a:
5:26	puithiam chuan chhangphut thilhlan hriat chhuahtirtu chu vei khatin a la ang a, maichamah chuan ahal ang a. chu mi zawhah chuantui ch hmeichhia a intir tur a ni.
5:27	Tin, tui a han intir chuan heti hi a ni ang a; a lo bawlhhlawh a, a pasal chunga thil a tisual a lo nih chuananche tlantirtu tui ch a kawchungah alut ang a, alo kha ang a, a pum a lo vung ang a, a malpui a lo rawp ang a; tichuan hmeichhia chu achipuite anchhe dawntirtu a lo ni ang.
5:28	Amaherawhchu hmeichhia chu a bawlhhlawh loh va, a thianghlim chuan a fihlim ang a, nau pai thei zel a ni ang.
5:29	Hei hi, nupui,khaw dang hawia a pasal ni lo midang nena intibawlhlaw emaw,
5:30	mipain thikna rilru a lo put a, a nupui a thik emawa rel dan chu a ni a: tichuan LALPA hmaaha hruai ang a, tinpuithiam chuan heng dan zawng zawng ang hian a chunga a ti tur a ni.
5:31	chutichuan mipa chu khawlohnaa chuan a fihlim ang a, hmeichhia chuan a sualna mawh a phur ang,' ti rawh," tiin.

Number 4

THUTHLUNGHLUI   Number   Bung 4
4:1	Tin, LALPAN Mosia leh Arona a bia a,
4:2	"Levia fate zinga Kohatha thlahte, a thlah thlahin, a chhungkua kuain,
4:3	kum sawmthum achin chung lam, kum sawmnga thlengin rawngbawlna hna, inbiakna puan ina thawk tur zawng zawng zat chu chhiar vek rawh u.
4:4	Inbiakna puan in hmun thianghlim bera Kohatha fapate hnathawh tur chu hei hi a ni:
4:5	awmhmun an sawn dawn apiangin Arona chu a fapate nen an lut ang a, hmun thianghlim puan zar an hlip thla ang a, chu chuan thuthlung bawm an khuh ang a:
4:6	chu chu savun tha miin an khuh ang a, chu chu puan dum pawlin an khuh ang a, a zawnfung an vuah tur a ni.
4:7	Tin, entirna chhang dawhkan chungah puan dum pawl an phah ang a, chutah chuan thleng te, fian te, berhbute leh note a bun chhuahna tur an dah tur a ni; tin, chatlak lova chhang dah chu chutah chuan a awm tur a ni.
4:8	chu chu puan senin an khuh ang a; a khuna savun tha miin an khuh ang a, a zawnfung an vuah tur a ni.
4:9	Tin, a entu khawnvar dahna leh chu mi atana an hman tur a khawnvarte, a chaichehte, a vap dahnate, hriak bur zawng zawngte puan dum pawlin an khu tur a ni:
4:10	chu mi leh ahmanrua zawng zawng chu a khuna savun tha mia khuhin a zawnnaah an dah tur a ni.
4:11	Tin, rangkachak maicham chu puan dum pawlin an khuh ang a, a khuhna savun tha miin an khuh leh ang a, a zawnfung an vuah tur a ni;
4:12	hmun thianghlima an hmanrua, rawngbawlna bungbel zawng zawng chu an la vek ang a, puan dum pawlinan fun ang a, a khuhna savun tha miin an khuh ang a, a zawnnaa an dah tur a ni.
4:13	Tin, maichama meivap chu an lawk fai ang a, a chungah puan dum pawl an phah ang a,
4:14	tin, a chungah chuan an rawngbawl velna bungbel zawng zawng, mei lakna te, sa thurna thir kawm te, vutlawhna te, maihun te, maiham bungbel zawng zawngte an dah ang a; tin, a khuhna savun tha miin an khuh ang a, a zawnfung an vuah tur a ni.
4:15	Tin, Arona leh a fapaten hmun thianglim leh hmun thianghlim bungrua zawng zawng an khuh zawha, awmhmun sawn dawn paiangin Kohatha fapate chu a zawn turin an lo thawk thin ang a: nimahsela thil thianghlimte chu an khawih tur a ni lo, an khawih zawngin an thi ang. chung chu inbiakna puan ina Kohatha fapate chanpual tur a ni.
4:16	Tin, puithiam Arona fapa Eleazara thawh tur chu, chhit tur hriak te, rimtui te, chatlak lova chhangphut thilhlan te, hriak thih mi te, chhangphut thilhlan te, hriak thih mi te, biak buk, chuta thil awm zawng zawng te, hmun thianghlim leh a bungruate ngaihtuah vel a ni," tiin.
4:17	Tin, LALPAN Mosia leh Arona a bia a,
4:18	Kohatha thlah chhungkua chu Levi-ho zing ata bo mai lova, thil thianghlimte khawih lova thi lova an awm theih nan hetiang hian ti rawh u:
4:19	Arona leh a fapate chu lut sela, an thawh tur leh an chanpual tur theuh ruatsak rawh se;
4:20	amaherawhchu thil thianghlim en turin rei lo te pawh lut suh se, an luh chuan an thi ang," tiin.
4:21	Tin, LALPAN Mosia a bia a,
4:22	"Gersona fapate pawh an chhungkua kuain, a thlah thlahin chhiar vek rawh;
4:23	kum sawmthum achin chung lam kum sawmnga mi thlengin rawngbawlna hna inbiakna puan ina thawk tur zawng zawng zat chu chhiar vek rawh.
4:24	Gersona thlahho chanpual chu rawngbawl lam le phurh lam a ni:
4:25	biak buk puan zar e, inbiakna puan in te, a khuhna te, a chung khuhna savun tha mi vun te, inbiakna pian in kawngkhar puan zar te,
4:26	kawt hung puan zar te, kawt hung kawngkhar puan zar te, biak bk leh maicham bula mi, a hrui te, an hmanrua zawng zawngte an phur ang a, ti tul apiang an ti tur a ni.
4:27	Gersona thlahte chuan Arona leh a fate kawhhmuh ang zelin hna an thawk ang a, an tih tur te te chena ruatsak turin thu I neihtir ang.
4:28	chung chu inbiakna puan ina Gersona thlahte thawh chu a ni: an tih tur chu puithiam Arona fapa Ithamara ruat tur a ni.
4:29	Meraria fapate chu, a thlah thlahin a chhungkua kuain i chhiar tur ani;
4:30	kum sawmthun a chin chung lam kum sawmnga mi thlengin inbiakna puan ina thawk tur zat i chhiar vek tur a ni.
4:31	Inbiakna pian ina an hnathawh, an chanpual tur chu hei hi a ni - biak buk ban rem khawm te, a bangrel te, a ban te, a nghahchhan kerkuak te,
4:32	a kawt hung velnaban te, a nghah chhan kerkuak te, a kilhbehna te, ahrui te, a hmanrua zawng zawng leh a hmanraw dang zawng zawng phurh te: a hming lam zel theuhin an chanpual tur I ruatsak tur a ni.
4:33	chung chu an ni, puithiam Arona fapa Ithamara hova inbiakna puan ina Meraria fapate thlahtehovion an ti tur te te chena an rawngbawl dan tur chu," tiin.
4:34	Tichuan Mosia leh Arona leh pungkhawmho zinga puipate chuan Kohath-ho fapate chu a thlah thlahin, a chhungkua kuain,
4:35	inbiakna puan ina thawk tur zat chu kum sawmthum achin chung lam kum sawmnga mi thlengin an chhiar a.
4:36	chungho a thlah thlahin an chiar chu 2,750 an ni.
4:37	chung chu an ni, inbiakna puan ina rawngbawl thin Kohath-ho thlah an chhiar, Mosia hmanga LALPA thupek anga Mosia leh Aronan an chhiarte chu.
4:38	Tin, Gersona fapate, inbiakna puan ina thawk tura rawngbawl zat tur chu a thlah thlahin, a chhungkua kuain kum sawmthum achin chung lam kum sawmnga mi thlenga chhiar a ni a;
4:39	Tin, Gersona fapate, inbiakna puan ina thawk tura rawngbawl zat tur chu a thlah thlahin, a chhungkua kuain kum sawmthum achin chung lam kum sawmnga mi thlenga chhiar a ni a;
4:40	chung a thlah thlaha, a chhungkua kuaa an chhiarte chu 2,630 an ni.
4:41	chung chu an ni, Gersona fapate thlahho inbiakna puan ina rawngbawlho zawng zawng, LALPA thupek anga Mosia leh Aronan an chhiarte chu.
4:42	Tin, Meraria fapate, inbiakna puan ina thawk tura rawngbawl zat tur chu, a thlah thlahin, a chhungkua kuain, kum sawmthuam achinchung lam kum sawmnga mi thlenga chhiar an ni a;
4:43	Tin, Meraria fapate, inbiakna puan ina thawk tura rawngbawl zat tur chu, a thlah thlahin, a chhungkua kuain, kum sawmthuam achinchung lam kum sawmnga mi thlenga chhiar an ni a;
4:44	chung a thlah thlaha, a chhungkuakuaa an chhiarte chu 3,200 an ni.
4:45	chung chu an ni, Meraria fapate thlahho an chhiar, Mosia hmanga LALPA thupek anga Mosia leh Aronan an chhiarte chu.
4:46	Levi-ho, rawngbawl tur leh inbiakna puan ina phurh mi phurtu tur zat a thlah thlahin, a chhungkua kuain, kum sawmthum achin chung lam kum sawmnga mi thlengin Mosia leh Arona leh Israel-ho puipate chuan an chhiar a;
4:47	Levi-ho, rawngbawl tur leh inbiakna puan ina phurh mi phurtu tur zat a thlah thlahin, a chhungkua kuain, kum sawmthum achin chung lam kum sawmnga mi thlengin Mosia leh Arona leh Israel-ho puipate chuan an chhiar a;
4:48	chung an chhiarte chu 8,580 an ni.
4:49	Mosia hmanga LALPA thupek angin mi tin, an thawh tur leh an chanpual tur zir zelin chhiar an ni a: chutiang tak chuan LALPAN Mosia thu a pek anga chhiar an ni.

Number 3

THUTHLUNGHLUI   Number   Bung 3
3:1	Henghote hi, Sinai tlanga LALPAN Mosia abiak laia Arona leh Mosia chhuana mite an ni,
3:2	Tin, Arona fapate hming chu a upa ber Nadaba te, Abihua te, Eleazara te, Ithamara te an ni.
3:3	Heng hi puithiam atana hriak thih, puithiam hnathawk tura a tihhran Arona fapate hming chu a ni.
3:4	Tin, Nadaba leh leh Abihua chu Sinai thlalera mei thiang lo, LALPA hmaa a hlan lai khan LALPA hmaah an thi a, fa an nei lo. Eleazara leh Ithamara chuan an pa Arona dam laia puithiam hna hi an thawk a.
3:5	Tin, LALPAN Mosia a bia a,
3:6	Levi chite chu, puithiam Arona hnenah hruai la, a rawng an bawl theih nan a hnenah awmtir rawh.
3:7	Tin, anni chuan biakbuka rawngbawl hna thawkin ibiakna puan in bulah amah leh pungkhawm zawng zawng pualah rawng an bawl ang.
3:8	Tin, bungrua zawng zawng an vawng ang a, Israela thlahte puala biak buk rawngbawl hna an thawk ang.
3:9	Tin, levi-ote chu Arona leh a fapate hnenah i hlan ang a: Israela thlate pualah a hnena hlan an ni.
3:10	Arona leh a fapate chu i ruat ang a, an puithiam nihna chu an chang reng ang; hnam dang rawn inrawlhte chu tihhlum an ni ang," tiin.
3:11	Tin, LALPAN Mosia a bia a,
3:12	"ngaiteh, Levi-hote hi Israela thlahte zing ata Israela thlahte fa tir chhul keu hmasa ber aiah keimah ngeiin ka lak an ni a; Lei-ho chu ka tan an ni ang:
3:13	fatir zawng zawng chu ka ta an ni si a; Aigupta rama fa tir zawng zawng ka tihhlum ni khan Israelte zinga fa tir zawng zawng, a mihring a ranin ka pual atan ka hauh a ni: ka ta an niang; kei hi LALPA chu ka ni," tiin.
3:14	Tin, LALPAN Sinai thlalerah Mosia a bia a,
3:15	"Levia thlahte chu achhungkua kua leh a thlah thlahin chhiar la: mipa tawh phawt chu thla khat achin chung lam chu i chhiar tur ani," tiin.
3:16	Tichuan Mosia chuan a tih tura thupek angin LALPA thu ang chuan a chhiar hlawm a.
3:17	Levia fapate hming chu Gersona te, Kohatha te, Meraria te an ni.
3:18	Tin, an thlahtu Gersona fapate hming Libnia leh Sieia an ni.
3:19	An thlatu Kohatha fapate chu Amrama te, Izhara te, Hebrona te, Uziela te an ni.
3:20	An thlahtu Meraria fapate chu Malia leh Misia an ni. Heng hi an chhungkua ang zela Levi-ho thlahte chu an ni.
3:21	Gersona chu Libni-ho leh Simeiho thlahtu a ni: heng hi Gersson-hothlahte an ni.
3:22	Mipa zawng zawng thla khat achin chung lam an chhiarte chu 7,500 zet an tling a.
3:23	Gerson-ho thlahte chuan an puan in chu biak buk thlang lampangah a zar tur a ni.
3:24	Tin, Gerson-ho chhungkaw puipa chu Laela fapa Eliasapha a ni ang.
3:25	Gersona faten inbiakna puan ina an enkawl tur chu biak buk leh Puan In a ni ang, a chung te, inbiakna puan in kawngkar puan zar te,
3:26	a kawtlai zar te, biak buk bula a kawtlai kawngkhar puan zar te, maicham vel amite te, chuta hman tur hrui zawng zawngte nen.
3:27	Tin, Kohatha chu Amram-ho te, Uziel-hote thlahtu a ni: hengho hi Kohatha thlahte an ni.
3:28	Mipa zawng zawng thla khat achin chung lam an chhiar dan ang chuan 8,600 an ni, hmun thianghlim enkawltu tur chu.
3:29	Kohatha fapate thlahte chu biak buk chhim lampangah an puan in an zar tur a ni.
3:30	Kohath-ho thlahte chhungkaw puipa tur hu Uziela fapa Elizaphana a ni. fapate thlahte chu biak buk chhim lampangah an puan in an zar tur a ni.
3:31	An enkawl tur chu, bawm te, dawhkan te, sathau khawnvar dahna te, maicham te, hmun thianghlima rawngbawlna bungbel zwng zawng te, puan zar te, chuta rawngbawlna thil zawng zawngte a ni ang.
3:32	Tin, puithiam Arona fapa Eleazara chu Levi-ho puipate puipa a ni ang a, hmun thianghlim enkawltute chu a ho ang.
3:33	Meraria chu Mali-ho le Musi-ho thlahtu a ni. Heng hi Meraria thlahte an ni.
3:34	Mipa zawng zawng thla khat achin chung lam an chhiar dan ang chuan 6,200 an ni.
3:35	Merariat hlah chungkaw puipa chu Abihaila fapa Zuriela a ni a: bia buk hmar lampangah an puan in an zar tur a ni.
3:36	Meraria fapate enkawl tura ruat chu biak buk ban rem khawm te, a bangrel te, a ban te, a nghahchhan kerkuak te, a hmanrua zawng zawng te, rawngbawlna hmanrua zawng zawngte an ni a:
3:37	a kawt hung velna ban te, a nghahchhan kerkuak te, a kilhbehna leh a hruite nen.
3:38	biak buk chhak lampang inbiakna puan in bul, ni chhuahna lam puan in zartu tur chu Mosia leh Arona le a fapate an ni ang a, hmun thianghlimah Israela thlahte pualah a tul apiang an thawk ang; hnam dang rawn inrawlh apiang chu tihhlum tur an ni ang," tiin.
3:39	LALPA thupeka Levi-ho a thlah thlaha mipa zawng zawng thla khat achin chung lam Mosia leh Aronan an chhiar zawng zawng chu 22,000 an ni.
3:40	Tin, LALPAN Mosia hnenah, "Israela thahte zinga fa tir, mipa, thla khat a chin chung lam zawng zawng chhiar la, ka ta an ni, a zat hre rawh.
3:41	Tin, Levi-hote chu (LALPA chu ka ni a) Israel thlahte zinga fa tir zawng zawng aiah ka hauh a ni; tin, levi-ho rante chu Israela thlahte ran zawng zawnga piang hmasa ber aiah," a ti a.
3:43	An hming indawt ang zela thla khat a chin chung lam fa tir mipa zawng zawng a chhiarte chu 22,273 an ni.
3:44	Tin, LALPAN Mosia a bia a,
3:45	"Israela thlahte zinga fa tir zawng zawng aiah Levi-ho chu la a, an ran aiah Lechi-ho ran; Levi-ho chu ka ta an ni ang; kei hi LALPA chu ka ni.
3:46	Tin, Levi-hote aia an tamna Israela thlahte fa tir 273 tlanna turin.
3:47	mi pakhat tan sekel 5 theuh i la tur ani; hmun thianghlima sekel hma tur a ni, (sekel chu gerah 20 a ni)
3:48	a chuangho tlanna sum chu Arona leh a fapate i pe tur ani," tiin.
3:49	Tin, Mosia chuan Levi-hovin an tlan baka an lanna sum chu a la a;
3:50	Israela thlahte fa tir lak atangin sum chu a la a; hmun thianghlim sekel angin 1,365 a la a.
3:51	LALPAN Mosia thu a pek, LALPA thu angin Mosia chuan tlanna sum chu Arona leh a fapate a pe a.

Number 2

THUTHLUNGHLUI   Number   Bung 2
2:1	Tin, LALPAN Mosia leh Arona a bia a,
2:2	"Israela thlahte chuan an chhungkaw chhinchhiahnate tar theuhin an pawl tih dan angin an puan in an zar tur a ni: inbiakna puan in an theuhin a velin an zar tur a ni.
2:3	Ni lo chhuahna khaw chhak lampanga an chungkaw chhinchhiahna tarin puan in zar turte chu Juda pawlho an ni ang a: tin, Juda thlahte puipa tur chu Aminadaba fapa Nasona a ni ang.
2:4	A pawlte tam lam chu 74,600 an ni.
2:5	Tin, a dawta puan inzartu turte chu Isakara chi an ni tur a ni. Isakara thlahte puipa tur chu Zuara fapa Nethanela a ni ang:
2:6	A pawlte tam lam chu 54,400 an ni.
2:7	Tin, Zebulun chi te: Zebuluna thlahte puipa tur chu Helona fapa Eliaba a ni ang;
2:8	A pawlte tam lam chu 57,400 na ni.
2:9	An pawl tam dan azir zela Juda-ho an chhiarte chu 1,86,400 a ni. Anniho hian hma an hruai zel tur a ni.
2:10	An chhungkaw chhinchhiahna tarin a chhim lampangah Reuben-ho chu an awm ang a; Reubena thlah puipa tur chu Sedeura fapa Elizura a ni ang.
2:11	A pawlte tam lam chu 46,500 a ni.
2:12	Tin, a dawta zar tur chu Simeon chi an ni ang: Simeona thlahte puipa tur chu Zurisadaia fapa Selumiela a ni ang.
2:13	A pawlte tam lam chu 59,300 an ni.
2:14	Tin, Gad chite: ngada thlate puipa tur chu Reuela fapa Eliasapha a ni ang:
2:15	a pawlte tam lam chu 45,650 an ni.
2:16	Reuben-ho tam lam chu 1,51,450 na ni. Ani hi an dawta chuak tur an ni.
2:17	Chutichuan inbiakna puan in chu a chhuak ang a, Levi-ho chu a laiah an awm ang a, an awmna zir zelin a pawl pawlin an kal theu tur a ni.
2:18	An chhungkaw chhinchhiahna tarin a thlang lampangah chuan Ephraim-ho an awm ang a: Ephraima thlahte puipa tur chu Amihuda fapaElisama a ni ang.
2:19	A pawlte tam lam chu 40,500 an ni.
2:20	Tin, a dawtah chuan Manase chi an ni ang: Manasea thlahte puipa tur chu Pedazura fapa ngamaliela a ni ang:
2:21	a pawl tam lam chu 32,200 an ni.
2:22	Tin, a dawt lehah Benjamin chite: Benjamina thlahte puipa tur chu Gideona fapa Abidana a ni ang:
2:23	a pawlte am lam chu 35,400 an ni.
2:24	Tin, Ephraim-hote tam lam chu 1,08,100 an ni. Tin, a dawttu dawt lehtuah an chhuak tur a ni.
2:25	An chhungkaw chhinchhiahna tarin Dan-ho chu a hmar lampangah an awm ang: Dana thlahte puipa tur chu Amisadaia fapa Ahiezera a ni ang.
2:26	A pawlte tam lam chu 62,700 an ni.
2:27	Tin, a dawta puan in zar tur chu Aser chi an ni ang: Asera thlahte puipa tur chu Okrana fapa Pangiela a ni ang:
2:28	a pawlte tam lam chu 41,500 an ni.
2:29	Tin, a dawt lehah Naphtali chite: naphtalia thlahte puipa tur chu Enana fapa Ahira a ni ang:
2:30	a pawlte tam lam chu 53,400 an ni .
2:31	Dan-ho tam lam chu 1,57,600 an ni. Tin, anniho hian apawl pawla chhuakin hnu an dal zel tur a ni.
2:32	Heng hi Israela thlahte chhungkaw tina mi an chhiarte chu, an tam lam 6,03,550 an ni.
2:33	Levi-ho eraw chu Israel thlahte zinga chhiar an ni ve lo, LALPAN Mosia thu a pek ang khan.
2:34	Chutiang chuan Israela thlahte chuan an ti a; LALPAN Mosia thu a pek ang zelin a pawl pawlin puan in an zar a; tin, chutiang bawkin a chi chiin, a chhungkua kua zelin an chhuak thin a.

Number 1

THUTHLUNGHLUI   Number   Bung 1
1:1	Aigupta ram ata an lo chhuah kum hnih kum, thla hnihna, ni khat niin Sinai thlalerah inbiakna puan inah LALPAN Mosia a bia a,
1:2	"Israela thlahte pung khawm zawng zawngte chu, a chi chiin, a chhungkua kuain, an hming indawt dan ang zelin mipa zawng zawng chhiar vek rawh;
1:3	kum sawmhnih achin chung lam Israelte zinga mi ralkai chin zawng zawng chu nang leh Aronan a pawl pawlin chhiar vek tur a ni.
1:4	Tin, i hnenah hnam tin, zinga mi pakhat, chi hrang hrang ata chhungkaw puipa zel an awm tur a ni.
1:5	Tin, heng hi i hnena awm tur hmingte chu a ni. Reuben hnama mi Sedeura fapa Elizura.
1:6	Simeon hnama mi Zurisadaia fapa Selumiela.
1:7	Juda hnam a mi Aminadaba fapa Nasona
1:8	Isakar hnama mi Zuara fapa Nethanela.
1:9	Zebulun hnama mi Aelona fapa Eliaba
1:10	Josefa thlah, Ephraim hnama mi Amihuda fapa Elisama: Manase hnama mi Pedazura fapa Gamaliela.
1:11	Benjamin hnama mi Gideonia fapa Abidana.
1:12	Dan hnama mi Amisadaia fapa Aihezera.
1:13	Aser hnama mi Okrana fapa Pahiela.
1:14	Gad hnama mi Deuela fapa Eliasapha.
1:15	Snaphtali hnama mi Enana fapa Ahira.
1:16	Hengho hi mipuite zing ata thlan, an pi leh pute hnama puipa, Israel chhungkaw puipate an ni," tiin.
1:17	Chutichuan Mosia leh Arona chuan chung an hming lamhote chu a hruai a;
1:18	mipui zawng zawngte chu thla hnihna, ni khat niin an ko khawm vek a; a chi chiin, a chhungkua kuain, an hming indawt dan ang zelin kum sawmhnih achin chung lam zawng chu an thlahtute hming an tarlang a.
1:19	LALPAN Mosia thupek angin Sinai thlalerah chuan a chhiar ta a.
1:20	Israela fapa upa ber Rebena thlah chhuante chu a chi chiin, a chhungkua kuain, an hming indawt dan ang zelin mipa kum sawmhnih achin chung lam,
1:21	Reubena thlah ralkai chin zawng zawngte chu 46,500 an ni.
1:22	Simeona thlah chhuante chu a chi chiin, a chhungkua kuain, an hming indawt dan ang zelin mipa kum sawmhnih achin chung lam,
1:23	Simeona thlah ralkai chin zawng zawngte chu 59,300 an ni.
1:24	Gada thlah chhuante chu a chi chiin, a chhungkua kuain, an hming indawt dan ang zelin mipa kum sawmhnih achin chung lam,
1:25	Gada thlah ralkai chin zawng zawngte chu 45,650 an ni.
1:26	Juda thlah chhuante chu a chi chiin, a chhungkua kuain, an hming indawt dan ang zelin mipa kum sawmhnih achin chung lam,
1:27	Juda thlah ralkai chin zawng zawngte chu 74,600 an ni.
1:28	Isakara thlah chhuante chu a chi chiin, a chhungkua kuain, an hming indawt dan ang zelin mipa kum sawmhnih achin chung lam,
1:29	Isakara ralkai chin zawng zawngte chu 54,400 an ni.
1:30	Zebulun thlah chhuante chu a chi chiin, a chhungkua kuain, an hming indawt dan ang zelin mipa kum sawmhnih achin chung lam,
1:31	Zebulun thlah ralkai chin zawng zawngte chu 57,400 an ni.
1:32	Josepha thlah zinga mi Ephraima thlah chhuante chu a chi chiin, a chhungkua kuain, an hming tam dan ang zelin kum sawmhnih achin chung lam,
1:33	Ephraima thlah ralkai chin zawng zawngte chu 40,500 an ni.
1:34	Manasea thlah chhuante chu a chi chiin, a chhungkua kuain, an hming tam dan ang zelin mipa kum sawmhnih achin chung lam,
1:35	Manasea thlah ralkai chin zawng zawngte chu 32,200 an ni.
1:36	Benjamina thlah chhuante chu, a chi chiin, a chhungkua kuain, an hming tam dan ang zelin, kum sawmhnih achin chung lam,
1:37	Benjamina thlah ralkai chin zawng zawngte chu 35,400 an ni.
1:38	Dana thlah chhuante chu a chi chiin, a chhungkua kuain, an hming tam dan ang zelin, kum sawmhnih achin chung lam,
1:39	Dana thlah ralkai chin zawng zawngte chu 62,800 an ni.
1:40	Asera thlah chhuante chu a chi chiin, a chhungkua kuain, an hming tam dan ang zelin, kum sawmhnih achin chung lam,
1:41	Asera thlah ralkai chin zawng zawngte chu 41,500 an ni.
1:42	Napthtalia thlah chhuante chu a chi chiin, a chhungkua kuain, an hming tam dan ang zelin, kum sawmhnih achin chung lam,
1:43	Napthalia thlah ralkai chin zawng zawngte chu 53,400 an ni.
1:44	Chungte chu an ni, Mosia leh Aronan Israel puia sawm leh pahnih, chhungkaw puipate nena an chhiarte chu.
1:45	Chutichuan Israela thlah a chhungkua kuaa kum sawmhnih achin chung lam ralkai chin kawng zawng, Israel rama mi chu an chhiar a:
1:46	an chhiar zawng zawngte chu 6,03,550 an ni.
1:47	Levi mite thlahtute zawng an chhiar ve lo.
1:48	LALPAN Mosia hnenah,
1:49	"Levi chi zawng i chhiar ve tur a ni lo va, Israel mite zingah i chhiar tel tur a ni hek lo;
1:50	Levi-hote chu Pathian chenna in enkawltu leh a bungrua zawng zawng leh chu mia thil awm zawng zawng enkawltuah i ruat zawk tur a ni: biak buk leh a bungrua zawng zawng an zawn thin ang a; an enkawl ang a, biak buk chu a vela an awm chilh thin ang.
1:51	Tin, biak buk chu a chhuah dawn apiangin Levi-ho chuan an thiat ang a; tin, biak buk zar dawn apiangin Levi-hovin an zar thin ang: hnam dang a rawn inrawlh apiang chu tihlum tur an ni ang.
1:52	Tin, Israela thlahte chuan mahni hmun theihvah, a pawl pawlin an tam dan zir zelin an puan inte an zar ang a.
1:53	Levi-ho erawh chuan thinurna a awm loh nan Pathian chenna in velah an zar tur a ni. Levi-ho chuan hriattirna biak buk hu an enkawl tur a ni," tiin a lo sawi tawh si a.
1:54	Chutiang chuan Israela thlahte chuan an ti a; LALPAN Mosia thu a pek ang zawng zawng chuan an ti ta a.

Leviticus 27

THUTHLUNGHLUI   Leviticus   Bung 27
27:1	Tin, LALPAN Mosia a bia a,
27:2	"Israela thlahte bia la, an hnenah,'Miin eng emaw pawimawh bik chungchangah thu a tiam chuan a mihring hu tawk I ruat ang chu LALPA pual a ni ang a,
27:3	mipa a nih chuan I ruat dan tur chu kum sawmhnih atanga kum sawmrk mi chu hmun thianghlim sekel ang, tangka sekel sawmnga hu a ni ang.
27:4	Hmeichhia a nih chuan I ruat dan tur chu sekel sawmthum a ni ang.
27:5	Tin, kum nga atanga kum sawmhnih mi a nih chuan , I ruat dantur chu mipa chu sekel sawm hnih, hmeichhia chu sekel sawm a ni ang.
27:6	Tin, thla khat atanga kum nga mi a nih chuan, I ruat dan tur chu mipa chu tangka sekel nga, hmeichhia chu tangka sekel thum a ni ang.
27:7	Tin, kum sawmruk atanga a chung lam a nih chuan, I ruat dan tur chu mipa chu sekel sawm leh panga, hmeichhia chu chu sekel sawm a ni ang.
27:8	Amaherawhchu I ruat aia a lo retheih chuan puithiam hnenah hruai tur a ni ang a, puithiamin a lo ruat ang; thutiamtu theih tawk ang ang puithiamin a lo ruat ang.
27:9	tin, thilhlan, LALPA hnena an hlan tur chu ran a nih chuan, tupawhin LALPA tana chutiang an pek reng reng chu thil thianghlim a ni tur a ni.
27:10	A tidanglam tur a ni lova, a thain a chhia, a chhhiain a tha thlakthleng tur a ni hek lo: ran, ran veka a thleng luih chuan apahnihin a thlengna nen chuan thil thianghlim a ni tur a ni.
27:11	Tin, ran thianghlim lo, LALPA hnena hlan ngai loh mi a nih chuan, ran chu puithiam hmaah a dah tur a ni;
27:12	tin, puithiam chuan a that lohva zirin a man tak a lo ruat ang a: nang puithiamin I ruat tawk ang apiang chu a ni zel ang.
27:13	Amaherawhchu a tlan leh tak tak dawn chuan I ruat zat hmun ngaa thena hmun khat a belh tur a ni.
27:14	Tin, miin a in chu LALPA pual atana a hlan dawn chuan a that leh that loh zirin puithiamina ruat tur a ni; puithiam ruat ang ang chu a ni ang.
27:15	Tin, a hlantu chuan a in chu a tlan leh dawn chuan a man tura i ruat zat hmun nga thena hmunkhat a belh tur a ni, tichuan a ta a ni leh ang.
27:16	Tin, miin a rama lo, a then LALPA pual atana a hlan dawn chuan i ruat dan tur chu a chi tuh zir zelin a ni ang. Barli homer khat hmun chu tangka sekel sawmnga man ani ang.
27:17	A lo chu Jubili kum atanga hlan a nih chan I ruat ang chu a ni reng ang a.
27:18	Jubili kum hnua hlan a nih erawh chuan puithiamin a man chu Jubili thlen lehna tur kum zir zelin a ruatsak ang a, I ruat dan atanga a kiam tawk siam ani ang.
27:19	A hlantuin a tlan leh dawn tak tak chuan a man i ruat zat hmun ngaa thena hmun khat a belh ang a, a ta ani leh chiah ang.
27:20	Lo chu a tlan duh lo emaw, mi dang hnenah a hralh emaw a nih chuan tlan leh theih a ni tah lo vang:
27:21	Jubili kuma an chhuah leh hun chuan lo chu LALPA tana thianghlim, a puala lo hluihlawn ang a ni ang a, puithiam ta tur a ni ang.
27:22	A rama mi ni lo, lo a lei LALPA hnena a hlan chuan,
27:23	Jubili kum thlengin I ruat dan angin puithiam in a man chu a ruatsak ang a, i ruat ang chuan LALPA tana thil thianghlimah chu mi ni chuan a pe tur a ni.
27:24	Tin, Jubili kum chuan a leina pa, a ram neitu pangnai chuan a nei leh ang.
27:25	I ruat dan zawng zawng chu hmun thianghlim sekel ang zel ani tur a ni; sekel khat chu gera sawmhnih a ni ang.
27:26	Amaherawhchu ran zinga piang hmasa ber, a pian hmasak ber avanga LALPA pual atana ruat tawh phawt chu tuman an hlan tur a ni lo: sebawngpa pawh beram pawh ni sela, LALPA pual a ni.
27:27	Tin, ran thianghlim lo a ni chuan I ruat dan angin a tlan tur a ni ang a, tin, a hmun ngaa thena hmun khat a belh tur a ni; tin, tlan a nih loh chuan I ruat dan angin hralh tur ani ang.
27:28	Amaherawhchu thil hluihlawn, miin a thil neihte zinga mi, LALPA puala a hluihlawn tawh chu, mihring emaw, a rama lo emaw hralh tur ani lo va, tlan tur ani hek lo: hluihlawn thil zawng zawng chu LALPA tana thianghlim tak a ni.
27:29	Mi, an hluihlawn tawh phawt chu tlan tur a ni hek lo; tihhlum ngei ngei tur a ni.
27:30	Ram chhunga mi, sawma pakhat zawng zawng lova thil hawngte pawh thei rahte pawh LALPA pual ani a, LALPA tana thianghlim a ni.
27:31	Miin a sawma pakhat zinga mi a engpawh a tlan dawn chuan ahmun ngaa thena hmun khat belh tur a ni.
27:32	Ran leh beram rual zinga sawma pakhat, tiang hnuaia lut a sawmna zel chu LALPA tana thianghlim a ni ang.
27:33	A chhiat leh that a fiah tur ani lo va, a thlakthleng tur a ni hek lo; a thleng luih chuan a pahnihin a thlengna nen chuan thil thianghlim a ni ang a, tlan leh theih a ni lo vang,' ti rawh," tii.
27:34	Heng hi Sinai tlanga Israel thlahte tana LALPAN Mosia a pek, thupekte chu a ni.

Leviticus 26

THUTHLUNGHLUI   Leviticus   Bung 26
26:1	Milem in insiam tur a ni lova, milem siam chawp emaw, lung phun emaw in din tur a ni lo va, chibai buk atan in ramah hian milem chuanna lung in phun tur a ni hek lo: Kei hi LALPA in Pathian chu ka ni si a.
26:2	Ka chawlhnite chu in serh ang a, ka hmun thianghlim chu in zah tur a ni: kei hi LALPA chu ka ni.
26:3	Ka thuruatte chu in zawm a, ka thupekte in pawm a, in zawm chuan,
26:4	ruah tuite chu a hun teah ka tlaktir ang a, lei chuan thil a hawntir ang a, rama thingte chun rah an chhuah ang a.
26:5	In hruiha buh chuan grep lawh hun a man phak ang a; in lawh chuan thil chin hun a man phak ang a; in chhang chu hnianghnarin in chen ang a, in ramah hian thlamuang takin in khawsa ang.
26:6	He ram hi ralmuang takin ka awmtir ang a, in mu hle hle ang a, tuman an tihlau lo vang he u: ramsa sual te chu he ram ata hi ka hnawttiau ang a, khandaihin in ram a fang tlang hek lo vang.
26:7	In hmelmate chu in um ang a, in hmaah khandaiha thahin an awm ang.
26:8	Mi pangain za in um ang a, zain sing in um ang a: in hmelmate chu in hmaah khandaiha thahin an awm ang.
26:9	Tin, ka duhsak ang che u a , chi tam tak ka thlahtir ang che u a, ka tipung ang che u; tin, in lakah ka thuthlung ka inghet ang.
26:10	Tin, rei tak in vawn a hluite chu in ei ang a, a thar dah nan a hluite chu in la chhuak ang.
26:11	Tin, in zingah ka biak buk chu ka awmtir ang a; ka nunna chuan a hnuchhawn lo vang che u.
26:12	In zingah ka cheng ang a, in Pathian ka ni ang a, tin, nangni pawh ka mite in ni ang.
26:13	Kei hi LALPA in Pathian, an bawih in nih lohna tura Aiguptaram ata hruaichhuaktu che uchu ka ni a; in nghawnga kawlte chu ka titliak a, ding charin ka kaltir tk che u hi.
26:14	Amaherawhchu ka thu in pawm loh va, heng thupek zawng zawngte hi zawm lo va,
26:15	ka thuruatte in duh lo va, in nunnain ka rorekte a uat a, ka thupek zawng zawngte zawm lova ka thuthlung in bawhchhiat chuan,
26:16	kei pawhin chungah hei hi ka ti ang; in chungah thil hlauhawm tak, in nunna tihmuih elh telh leh in mit tichau telh telh ngawrna leh sikserh te ka lentir ang: tin, in thlai chin chu in ching thlawn mai mai a ni ang, in hmelmate chuan an ei zel dawn a ni.
26:17	In chungah chuan ka hmai ka thuar ang a, in hmelmate hmaah in tlawm ang: nangmahni hawtute in chungah ro an rel ang a, tuma um lohvin in tlan ang.
26:18	Tin, chuti chung pawha ka thu in la pawm loh cheu chuan in sualte avangin vawi sarih ka la hrem leh ang che u.
26:19	In chakna chhuan tawlawl chu ka chhu chhia ang a, in van chu thir angah ka siam ang a, in lei chu dar angah:
26:20	tin, in tha in seng thlawn mai mai a ni ang: in ram chuan thil a hawntir lo vang a, rama thingte chuan rah an chuah hek lo vang.
26:21	Mi kalhzawnga in awm a,ka thu in pawm loh chuan in sualnate zirin a leh sarihin in hungah hremna ka thlentir ang.
26:22	Tin, in zingah ramsate ka rawn kaltir ang a, chu chuan in fate a laksak ang che u a, in rante a sehsak ang che u a, a tikiam tial tial ang che u a, in kawnge a lo thing thuap ang.
26:23	Chuti chung pawha ka thununna in pawm huan loh va, mi kalhzawnga in la awm cheu chuan,
26:24	kei pawh nangmahni kalhzawngin ka awm ang a, keimah ngeiin in sual avangin vawi sarih ka hrem ang che u.
26:25	In chungah khandaih ka len ang a, chu chuan thuthlung phuba a la ang a, mahni khaw chhung theuhvah in tawm khawm ang a: tin, in zingah hri ka lentir ang a, hmelmate kuta pek in ni ang.
26:26	In rinpui ber chhang ka tihchahsak che u hunah chuan hmeichhe sawmin a awmna pakhatah an awm ang a, in chhang chu buk chiah zelin an pe leh ang che u; in ei ang a, in kham huang lo vang.
26:27	Chuti chung pawha ka thu in pawm huan loh va, mi kalhzawng in la awm cheu chuan,
26:28	thinrim takin nangmahnikalhzawngin ka awm ang a; in sual avangin vawi sarih ka hrem bawk ang che u.
26:29	In fapate sa in ei ang a, in fanute sa in ei bawk ang.
26:30	tin, in hmunsangte ka tichim ang a, in ni lemte ka titlu ang a, in ruangte chu in milemte ruang chungah ka paih ang; tin, ka nunna chuan a haw dawn che u a ni.
26:31	In khuate chu ka titiau ang a, inhmun thianghlimte chu ka tiram ang a, in rimtuite chu ka hnim lo vang.
26:32	In ram chu ka titiau vang a; in hmelma chuta awmte chuan mak an ti ang.
26:33	in hnam dangte zingah ka tidarh ang che u a, a um tur che uin khandaih chu ka phawi ang; tichuan in ram chu a tiau avang a, in khuate chu a ram ang.
26:34	Tin, ram chuan a tiau chhung zawng leh in hmelmate rama in awm chhung chuan a chawlhniahte chuan a hli ang; chutih hunah chuan ram chu a chawl ang a, a chawlhniahte chuan a hlim ang.
26:35	A tiau chhung zawng chuan a chawl ang; in awm laia in chawlhnia chawl ve thin lote kha.
26:36	Tin, in zinga mi la awm hhunte chu, an hmelmate ramah an thinlungan chauhna ka awmtir ang; tin, hnathel leng riin a um ang a, khandaih laka tlanchhia angin an tlanchhia ang a, tuma um hleih lohvin an tlu ang.
26:37	Tuma um hleih lovin khandaiha um ang maiin an inpal tlu rem rum ang: inhmelmate lo dang turin chakna reng reng in nei lo vang.
26:38	Hnam dangte zingah in boral ang a, in hmelmate ram chuan a ei zo vang che u.
26:39	Tin, in zinga mi la awm chhunte chu in hmemate ramah an khawlohna avangin an hmuih telh telh ang; an pi leh pute chuan an khawlohnate an hmuih phah angin, anni pawhin an hmuih phah ve bawk ang.
26:40	Ka chunga an sualna avang leh an khawlohna leh an pi leh pute khawlohna leh mi kalhzawnga an awm avanga
26:41	kei pawh anmahni kalhzawnga ka awm a, an hmelmate rama ka awmtirte chu an phat loh vang a; an thinlung tan loh chu an intihhnuai a, an khawlohna vanga hremna chu an pawm chuan,
26:42	Jakoba hnena ka thuthlung chu ka hre reng ang a: Isaaka leh Abrahama hnena ka thuthlungte pawh ka hre reng ang a; tin, ram pawh chu ka hre reng bawk ang.
26:43	Ram pawh chu an kiansan ang a, anmahni awm lohva a tiau chhung chuan a chawlhniahte chuan a hlim ang; ka ror阬nate an duh loh avang leh an nunnain ka thuruatte a huat thin avangin, an khawlohna hremna chu an pawm tur a ni.
26:44	Chuti chung pawh chuan anhmelmate rama an awm chu anmahni tiboral der tur leh an laa ka thuthlung bawhchhiain ka paihthla lo vang a, ka haw hek lo vang: Kei hi LALPA an Pathian chu ka ni si a:
26:45	an Pathian ka nih theihna tura hnam tinte mithmuha Aigupta ram ata ka hruai chhuah, an thlahtute thuthlung chu ahanmahni avang hian ka hre reng zawk ang: Kei hi LALPA chu ka ni,' ti rawh," tiin.
26:46	Heng hi Sinai tlanga Mosia hmanga amah leh Israela thlahte kara LALPAN a siam thupek te, rorel te leh dante chu a ni.