II Samuela 3

THUTHLUNGHLUI   II Samuela   Bung 3
3:1	Saula chhungte leh Davida chhungte chu rei tak an indo va; Davida chu a lo chak tial tial a, Saula chhungte erawh chu an chak lo tial tial a.
3:2	Tin, Davida chuan Hebron khuaah chuan fapate anei a: a fa hmasa ber chu Amnona, Jezreel mi Ahinoami laka mi ani a;
3:3	a dawttu chu Kileaba, Karmel mi Nabala nupi Abigaili laka mi a ni; tin, a pathumna chu Absaloma, Gesur lal Tamaia fanu Maaki fapa a ni a;
3:4	tin, a palina chu Adonija, Jagithi fapa a ni a; a pangana chu Sephatia, Aitali fapa a ni a;
3:5	tin, a parukna chu Ithreama, Davida nupui Ekli laka mi a ni a. Hengte hi Davida fa Hebron-a piangte chu an ni.
3:6	Tin, heti hi a ni a, Saula chhungte leh Davida chhungte an indo chhung chuan Abnera chu Saula chhungte zingah chuan a intichak deuh deu va.
3:7	Saula chuan hmei a nei a, a hming chu Rizpi a ni a, Aii fanu a ni. Tin, Is-bosetha chuan Abnera hnenah, "Engati nge ka pa hmeinu hnenah i ka;?" a ti a.
3:8	Chutichuan Is-bosetha thusawi chuan Abnera chu a tithinur ta hle mai a, "Juda-ho uicho lu mai em ka nih ni? Vawiin thlengin i pa Saula chhungte leh a unaute leh a thiante chungah ngilneihna ka tilang a, Davida kutah ka hlan lo chia; nimahsela nangin he hmeichhe chunga sualah hian mi puh ta mai a.
3:9	, 10 Saula chhungte lak ata ram chu laksaka Israel leh Judate chungah Dan atanga Beer-seba thlenga Davida lalthutthleng tungding tura LALPAN Davida hnena chhia a chham anga ka tih loh chuan Pathianin Abnera chu a tih tihin ti sela, chu aia nasa pawhin," a ti a.
3:10	, 9 Saula chhungte lak ata ram chu laksaka Israel leh Judate chungah Dan atanga Beer-seba thlenga Davida lalthutthleng tungding tura LALPAN Davida hnena chhia a chham anga ka tih loh chuan Pathianin Abnera chu a tih tihin ti sela, chu aia nasa pawhin," a ti a.
3:11	Tichuan Abnera chu a hlauh avangin a chhan reng reng a chhang ngam ta lo va.
3:12	Tin, Abnera chuan a aiah Davida hnenah, "He ram hi tu ta nge ni?" tiin mi a tir a; tin, "Ka hnenah thu thlung rawh, tichuan ngai teh, Israel mi zawng zawngte i hnen lam tang turin ka kut chu i lamah a tang ang," tiin a sawi bawk a.
3:13	Tin, ani chuan, "Aw le; i hnenah chuan thu ka thlung ang e; amaherawhchu i lakah thil pakhat ka phum dawn a ni, chu chu hei hi a ni, mi hmu tura i lo kal hunah Saula fanu Mikali i rawn hruai phawt loh chuan ka hmel i hmu thei lo vang," a ti a.
3:14	Tin, Davida chuan Saula fapa Is-bosetha hnenah chuan, "Philistia mite serh vun zakhata ka lei ka nupui Mikali chu mi rawn pe rawh," tiin mi a tir a.
3:15	Tin, Is-bosetha chuan mi a tir a, a pasal Laisa fapa Paltiela ngei hnen ata chu an hruai ta a.
3:16	Tin, a pasal chu ahnenah a kal a, tap chung zelin a kal a, Bahurim thlengin a zui a. Chutichuan Abneran a hnenah, "Kal rawh, kir leh rawh," a ti a; tin, a kir leh ta a.
3:17	Chutichuan Abnera chuan Israel mite upaho chu a bia a, "Tun hma khan Davida chu in lakah in duh thin a;
3:18	tunah hian siam rawh u khai; LALPAN Davida chungchang thua chuan, "Ka chhiahhlawh Davida kutin ka mi Israelte chu Philistia mite kut ata leh an hmelmate zawng zawng kut ata ka chhanchhuak ang,' tiin a sawi e," tiin.
3:19	tin, Abnera chuan Benjamin mite beng hriatah a sawi bawk a; tin, Abnera chu Israel mite leh Benjamin chhung zawng zawngten tha an tih ang apiang Hebron-a Davida benghriatah sawi turin a kal bawk a.
3:20	Chutichuan Abnera chu Hebron-a Davida hnenah mi sawmhnih nen an kal a. Tin, Davida chuan Abnera leh a hnena mi sawmhnihte tan ruai a theh a.
3:21	Abnera chuan Davida hnenah, "Ka tho vang a, i hnena thu an thlun theih nan leh i duh thusam ang taka ro i rel theih nan Israel mite zawng zawng ka lalpa hnena kaikhawm turin ka kal tang e," a ti a.
3:22	Tin, ngai teh, Davida mite leh Joaba rammu chu an lo haw a, rallak sum tam tak an rawn hawn a; nimahsela Abnera chu Hebron-a Davida hnena chuan a lo awm tawh lo; a lo kaltir tawh si a, ani pawh thlamuang takin a kal ta a ni.
3:23	Joaba leh a hnena mipui zawng zawng an lo thlen chuan, "Nera fapa Abnera chu lal hnenah a lo kal a, ani chuan a kaltir leh ta a, thlamuang takin a kal ta," tiin Joaba chu an hrilh a.
3:24	Chutichuan Joaba chu lal hnena a kal a, "I thil lo tih hi engtizia nge ni le? Ngai teh, Abnera chu i hnenah a lo kal a, engati nge i kal botir a, a kal tawh daih mai le?
3:25	Nera fapa Abnera chu i hria a, nangmah tihder turin, i chhuak lam leh i lut lam leh i thiltih apiang hriat tumin a lo kal a ni," a ti a.
3:26	Tin, Davida hnen ata Joaba a lo chhuah chuan Abnera um turin mi a ti ra, Sira tuichunchhuah atangin an rawn hruai kir a; nimahsela Davida chuan a hre lo.
3:27	Tin, Abneran Hebron a lo thlen chuan Joaba chuan kulh kawngkharah biak ruk turin a hruai hrang a, a unau Asahela thisen chuak thungrulh nan a puma a vit hlum ta a.
3:28	Tin, nakina Davidan a han hriat chan, "Nera fapa Abnera thisen chhuah thuah hian kei leh ka ram chu LALPA mithmuhin kan thiang kumkhua ang a:
3:29	Joaba lu chunga tla sela, a pa chhungte zawng zawng chungah nen; Joaba chhungte zingah chuan thi pur emaw, phar emaw, tiang rinchhana awm mi emaw, khandaiha thi emaw, tam emaw lo awm lovin awm suh se," a ti a.
3:30	Chutichuan an unaupa Asahela chu Gibeon-a indonaah an thah avangin Joaba leha unau Abisaia chuan Abnera chu an that ta a.
3:31	in, Davida chuan Joaba le a hnena mipui zawng zawngte hnenah chuan, "In puante chu pawtthler ula, saiip puan sin ula, Abnera chu sun rawh u," a ti a. Tin, Davida chuan hlang chu a zui a.
3:32	TinAbnera chu Hebron-ah chuan an phum a: lal chuan a awm a chhuah a, Abnera thlanah chuan a tap ta a; mipui zawng zawng pawh an tap a.
3:33	Tin, lal chuan Abnera chu a tah a, "Abnera chu mi a thihin a thi dawn em ni?
3:34	I kut chu phuar ani lo va, i ke chu kawl bun ani hek lo, Mi suaksual fate hmaa mi a tlu anga i tluk tak mai le?" a ti a. Tin, mi zawng zawng chuan an tah leh a.
3:35	Tichuan chhun a la nih laiin Davida chu chaw eitir turin mi zawng zawng chu an lo kal a; nimahsela Davida chuan, "Ni tlak hmaa chaw emaw, thil dang emaw pawh a eia ka ei hlek chuan Pathianin a tih tihin mi ti rawh se: chu aia nasa pawhin" tiin chhia a chham a.
3:36	Chu chu mi zawng zawngin an hriatin an lawm em em a: lal thiltih apiang chuan mipui zawng zawngte chu a tilawm zel a.
3:37	Chutichuan mipui zawng zawng leh Israel mi zawng zawng chuan chu mi ni chuan Nera fapa Abnera thah chu lal thu ani lo tih an lo hre ta a.
3:38	Tin, lal chuan a mite hnenah chuan, "Vawiin hian Israel mi lian, mi ropui tak a thi tih in hre na nge?
3:39	Lal atana hriak thih ni mah ila, vawiinah hian ka chak lo a ni; tin, heng mi, Zeruia fapate hi ka tan tuar an har lutuk a ni: LALPAN thil tha lo titua chu a sualzia ang zelin thungrul rawh se," a ti a .

II Samuela 2

THUTHLUNGHLUI   IISamuela   Bung 2
2:1	Tin, heti hi ani a, chu mi hnua chuan Davida chuan, "Judai rama khawiah emaw ka han kal ang em?" tiin LALPA a rawn a. Tin, LALPA chuan a hnenah, "Han kal rawh khai," a ti a. Tin, Davida chuan, "Khawiah nge ka han kal ang?" a ti a. Tin, ani chuan, "Hebron-ah," a ti a.
2:2	Chutichuan Davida chu chutah chuan a han kal ta a, anupuite pahnih Jezreel mi Ahinoami leh Karmel mi Nabala nupui Abigaili te nen.
2:3	Tin, Davida chuan a hnena mi zawm zawng zawng chu a hruai chho va, mi tin, an chhungkuate theuh nen, Hebron khuaahte chuan an awm ta a.
2:4	Tin, Judai rama mite an va kal a, Juda mite chunga lal atan hriak an thih a. Chutichuan, "Saula phumtute chu Jabes-gilead mite an ni," tiin Davida chu an hrilh a.
2:5	Tichuan Jabes-gilead mite hnenah chuan Davida chuan mi a tir a, an hnenah, "In pu, in pu Saula chu in khawngaihzia tilangin in lo phum avangin LALPA chuan malsawm che u rawh se.
2:6	Tichuan LALPA chuan in chungah ngilneihna leh thutak lantir sela: heng thil in tih avang hian kei pawhin in ngilneih man chu ka rul ang che u.
2:7	Chutichuan in kutte chu lo chak sela, huai takin awm rawh u: in pu Saula chu a ti ta si a, tin, Juda chite chuan an chunga lal atan hriak min thih ta bawk a," a ti a.
2:8	Tin, Nera fapa Abnera, Saual sipaite hotu chuan, saual fapa Isbosetha chu Mahanai-ah a hruai a;
2:9	Gilead chungah te, Asur chungah te, Jezreel chungah te, Ephraim chungah te, Israel zawng zawng chungah te lalah a siam ta a.
2:10	(Saula fapa Is-bosetha chu Israel chunga ro a rel tan lai chuankum sawmli mi ani a, kum hnih ro a rel a.) Nimahsela Juda mite chuan Davida chu an pawm zawk a.
2:11	Davidan Hebron-a Juda chite chunga ro a lo relna chu kum sarih le thla ruk ani tawh a.
2:12	Tin, Nera fapa Abnera leh Saula fapa Is-bosetha chhiahhlawhte hchu Mahanaim ata an chuak a, Gibeo-ah an kal a.
2:13	Tin, Zeruia fapa Joaba leh Davida chhiahhlawhte chu an kal chhuak a, Gibeon dilah chuan an intawk a; tichuan pawl khat chu dil ral lehlamah an thu a. pawl khat chu dil ral lehlamah.
2:14	Tin, Abnera chuan Joaba hnenah, "Tlangvalte chu lo thawk sela, kan hmaah han inbei teh reng ang hmiang," a ti a. Tin, Joaba chuan, "Lo thawk ang hmiang," a ti a.
2:15	Chutichuan an thawk a, a zat chin ruat chiahin an kai phei a, Benjamin chi, Saula fapa Is-bosetha lama tang swm leh pahnih, tin, Davida chhiahlawh sawm leh pahnih.
2:16	An kingpuite chu an lu theuhvah an inman a, mahni bitumate chu khandaihin an nakah an inchhun theuh va; tichuan an tlu za t vek mi a: chuvanin chu mi hmun chu Helkath-hzurim an ti ta a, chu chu Gibeon-a awm a ni.
2:17	Tichuan chu mi nia an ibei chu a nasa ta hle mai a; tin, Abnera leh Israel mite chu Davida chiahhlawhte lakah chuan an tlawm ta a.
2:18	Tin, chutah chuan Zeruia fapate pathum, Joaba te, Abisaia te, Asahela te an awm a: Asahela chu zukpui ang maia ngalchak a ni.
2:19	Chutichuan Asahela chuan Abnera chu a um a; Abnera a um chu ding lam leh vei lama peng hauh lovin a um ngat ngat a.
2:20	Chutichuan Abnera chu ahan lehhawi a, "Nang i ni maw, Asahel?" a han ti a, Tin, ani chuan a chhang a, "Keimah ni e," a ti a.
2:21	Tin, Abnera chuan a hnenah, "I dung lamah emaw, i vei lamah emaw khan peng la, tlangval pakhat kha man la, a inralthuamna laksak rawh," a ti a. Nimahsela Asahela chuan amah a um chu a pensan duh chuang lo va.
2:22	Tin, Abnera chuan Asahela hnenah, "Min pensan rawh; engah nge ka chhun thluk ang che? I unaupa Joaba hmel ka hmu ngam dawn em ni?" a ti leh a.
2:23	Nimahsea a peng duh chuang lo va: chuvangin Abnera chuan a fei chhawr lamin a pumah a chhun a, fei chu a hnung lamaha tlang a, chutah chuan a tlu ta tawp a, chu mi hmunah chuan a thi ta a; tin, heti hi ani a, Asahela a tluka a thihna hmun lo thleng paiang chu chutah chuan an ding chawt zel a.
2:24	Mahse Joaba leh Abisaia chuan Abnera chu an um zel a; tin, Gibeon thlaler kawnga Gia dep Ama tlang an thlen dawn chuan ni a tla a.
2:25	Tin, Benjamina thlahte chu Abnera hnenah an pung khawm a, pawl khatah an insiam a, tlang chhipah an va ding t .
2:26	Chutichuan Abnera chuan Joaba a au va, "Khandaihin a sam reng dawn em ni ang? A tawp lamah chuan a la lungngaihthlak hle danw tih i hre lo vem ni? Eng chen nge mipuite chu an unaute um kir tura hrilh lovin i awm dawn le?" a ti a.
2:27	Tin, Joaba chuan, "Pathian nunna chhalin ka sawi e, engmah han sawi lo la chu naktuk zing thlengin ka miten an um dawn che u asin le," a ti a.
2:28	Chutichuan Joaba chuan a tawtawrawt chu a han ham a, mipuite chu an ding ta thup mai a, Israel mite chu an um ta lo va, an bei leh ta lo.
2:29	Tichuan Abnera leh a mite chu Araba kal tlangin chu mi zan chuan an kal zankhua a; tin, Jordan an kan a, Bithron an kal tlang zak a, Mahanaim an thleng a.
2:30	Tin, Joaba chu Anera a um a kir leh ta a; tin, mipui zawng zawngte a han khawm vek chuan Davida hote sawm leh pakua leh Asahela an lokim ta lo va.
2:31	Davida hote erawh chuan Benjamin mite leh Abnera mite chu zathum leh sawmruk an tihlum a.
2:32	Chutichuan Asahela ruang chu an la a, Bethlehem-a a pa thlanah an phum a. Tin, Joaba leh a mite chu zankhuain an kal a, Hebron an thlenin khua a var a.

II Samuela 1

THUTHLUNGHLUI   II Samuela   Bung 1
1:1	Tin, heti hi a ni a, Saula thih hnua Davida Amalek-ho runa a lo haw a, Davida chu Ziklag khuaa ni hnih a awm hnu chuan;
1:2	heti hi ani a, a ni thum ni chuan ngai teh, mi pakhat an tanhmun ata saula hnen atangin a puante pawtthlerin a lu-a lei kai luam hi a lo kal a; tin, Davida hnen a lo thlen chuan leia bawkkhupin chibai a buk a.
1:3	Tin, Davida chuan a hnenah, "Khawi atanga lo kal nge i nih?" a ti a; tin, ani chuan a hnenah, "Israel mite tanhmun atangin ka lo tlan chuak a ni," a ti a.
1:4	Tin, Davida chuan a hnenah, "Eng angin nge thil a awm le? Min hrilh teh khai," a ti a. Ani chuan a chhang a, "Indona ata mite chu an tlanchia a, mi tam tak chu an tlu a, an thi hlawm a; tin, Saula leh a fapa Jonathana te pawh an thi ve asin," a ti a.
1:5	Tin, Davida chuan a hrilhtu tlangval hnenah chuan, "Engtin nge Saula leh a fapa onathana chu an thi tih i hriat?" a ti a.
1:6	Tin, a hrilhtu tlangval chuan, "Eng emaw ti tiin Gilboa tlangah chuan ka lo awm hlauh va, tin, ngai teh, Saula chu a fei rinchhana ding ka hmu a, tin, tawlailirte leh sakaw chung chuang mite chuan an rawn hnaih ta chiam mai a.
1:7	Tin, a hnun glam a han hawi chuan mi han hmu a, mi han au va. Tin, keiin, 'Heta hi ka awm e,' tiin ka chhang a.
1:8	Tichuan ka hnenah, 'Tunge i nih?' mi ti a. Tin, keiin 'Amalek mi ka ni,' tiin ka chhang a.
1:9	Tin, ani chuan ka hnenah, 'Ka kiangah hian lo ding la, mi han that teh mai, ka la nung ting a, mangannain min tlakbuak ta si a,' a ti a.
1:10	Chutichuan a kiangah chuan ka ding a, chutia tlu tawh der hnu chu a dam zo tawh lo reng reng ang tih ka hriat avangin ka that ta mai a, a lua lallukhum leh a bana banbun chu ka la a, ka pu hnenah hetah hian ka rawn la a ni," a ti a.
1:11	Chutihuan Davida chuan a silhfente chu a chelh a. a pawtthler ta a; chutiang bawk chuan a hnena mi awm zawng zawng chuan an ti a:
1:12	tichuan Saula leh a fapa Jonathana leh LALPA mite leh Israela chhungte chu an sun a, an tah a, tlai lam thlengin chaw an nghei a, khandaiha tihhlum an nih tak avangin.
1:13	Tin, Davida chuan a hrilhtu tlangval hnenah chuan, "Khawi lam mi nge i nih?" a ti a. Tin, a ni chuan, "Ram dang mi, Amalek mi fapa ka ni," a ti a, a chhang a.
1:14	Tin, Davida chuan a hnenah, LALPA hriak thih tiboral tura a chunga kut thlak chu eng tiziaa hlau lo nge i nih le?" a ti a.
1:15	Chutichuan Davida chuan talngval pakhat a ko va, "Va hnaih la, va that rawh," a ti a. Tin, a va sat a, a thi ta a.
1:16	Tin, Davida chuan a hnenah, "I thisen chu nangma lu chung ngeiah awm rawh se; nangma ka ngeiin, 'LALPA hriak thih chu ka that a ni,' a ti a.
1:17	Tichuan Davida chuan Saula leh a fapa Jonathana chu he tah hle hian a tah a;
1:18	tin, thal kah hla chu Juda thlahte zirtir turin a tir hlawm a, ngai teh, Jasara buah ziak a ni.
1:19	Aw Israel, i ropuina chu i hmun sangahte an that a, Mi liante an tluk tak hi!
1:20	Gath-ah chuan hril suh ula, Askelon kawtthlerahte chuan puang suh u; Chutilochuan Philistia fanute an lawm ang a, Serhtan loh fanuo hlimin an au dah rual ang e.
1:21	Nangni Gilboa tlangte u, In chungah dai leh ruah tla suh se, thilhlan turte chhuah hek suh; Chutah chuan mi lian phaw chu mualpho takin an paih si a, Saula phaw hriak thih loh mi phaw ang maiin.
1:22	Thahte thisen atang leh mi lian thau atangin Jonathana thla chu a let lo va, Saula khandaih chu a thlawnina let ngai lo.
1:23	Saula leh Jonathana nun dan chu a duhawmin a mawi a, An thih pawhin an inthen lo, Mupuite aiin an chak zawk a, Sakeibakneite aiin an chak zawk.
1:24	Nangni Israela fanute u, Saula chu tah rawh u, Puan sen mawite a ban che u a, In puanahte rangkachaka cheimawnate beltu che u chu.
1:25	Indo lai taka mi liante an lo tluk tak mai chu! In hmun sangahte Jonathana an that ta.
1:26	Ka unaupa Jonathan, i chung thuah hian ka mangang a ni: Ka chungah i tha em em thin a, I mi hmangaihna chu a mak a, Hmeichhe hmangaihna a kum a ni. Mi liante chu an tlu a, Indona thuamhnawte pawh a boral zo ta!