I Samuela 7

THUTHLUNGHLUI   I Samuela   Bung 7
7:1	Tichuan Kiriath-jearim khuaa mite chu an zu kal a, LALPA bawm chu an la chho va, tlanga Abinadaba ina chuan a la lut a, a fapa Elazara chu LALPA bawm enkawltu atan an tihrang a.
7:2	Tin, heti hi ani a, Kiriath-jearim-a bawm a awm chung chu rei tak ani a. kum sawmhnih ze a ni: tin, Israel chungte zawng zawngin LALPA chu an lunglen leh ta a.
7:3	Tin, Samuela chuan Israel chungte zawng zawng hnenah chuan, in thinlung takzeta LALPA lam lo hawi in nih tak tak chuan, ram dang pathiante leh Asterothi-te chu in zing ata dah bo daih ta che u, in thinlung chu LALPA tan buatsaih ula, ama rawng chau bawl rawh u tichuan Philistia mite kut ata hi a chhanchhuak dawn che u nia," tiin a sawi a.
7:4	Tin, Israel mite chuan Baala-te leh Asterothi-te chu an dah bo ta a, LALPA rawng chauh chu an bawl ta a.
7:5	Tin, Samuela chuan, "Israel mi zawng zawng chu Mizpe-ah ko khawm vek ula, LALPA hnenah ka tawngtaisak ang che u," a ti a.
7:6	Tichuan Mizpe-ah an kal khawm ta a, tin, tui an chawi a, LALPA hmaah chuan an leihbua a, chu mi ni chuan chaw an nghei a, chutah chuan, "LALPA chunga chuan kan lo sual taa ni," an ti a. Tin, Samuela chuan Mizpe-ah chuan Israel mite ro a relsak a.
7:7	Tin, Philistia miten Israel mite Mizpe-ah chuan an awm khawm tih an riat chuan Israel mite bei turin Philistia lalhoe chu an thawk chho va, Chu chu Israel miten an lo hriat chuan Philistia mite chu an hlau va.
7:8	Tichuan Israel mite chuan Samuela hnenah, "Philistia mite kut ata min chhandam tura LALPA kan Pathian min auhsak chu bang suh khai," an ti a.
7:9	Tin, Samuela chuan beram no hnute hne lai a la a, pum hal atan LALPA hnenah ahlan a: Israel mite tan Samuela chuan LALPA chu a au va: tin, LALPA chuan a chhang a.
7:10	tin, Samuelan halral thilhlan a hlan lai tak chuan Philistia mite chuan Israel mite bei tur chuan an rawn hnaih a; nimahsela chu mi ni chuan LALPAN Philistia mite chunga khawpui nasa tak maiin a riktir ta dur dur mai a, a tibuai ta nuai nuai a, Israel mite hmaah chuan an tlawm ta der mai a.
7:11	Tin, Israel mite chu Mizpe atang chuan an chuak a, Philistia mite chu an uma, Bethkar hnuai an thlen thlengin an that zel a.
7:12	Chutichuan Samuela chuan lung a la a, Mizpe leh Sen inkarah chuan a phun a, "Hei lehchenhi LALPAN min pui a ni," tiin a hmingah chuan Eben-ezer a vuah a.
7:13	Chutihuan Philistia mite chu an tlawm ta a, Israelte ramah chuan an kal leh ta lo va; tin, LALPA kut chan Philistia mite chu Samuela dam chhung zawng chuan a tai ta reng a,
7:14	Tin, Philistia miten Israel mite khua an lakte chu Ekron atanga Gath thlengin Israel mite an pe kir leh a, a ram chu Israel miten Philisita mite kut ata an chhan chhuak a. Tin, Israel mite leh Amor mite chu inremin an awm a.
7:15	Tin, Samuela chuan a dam chungin Israel mite ro a rel a.
7:16	Tin, kum tinin Bethel leh Gilgal leh Mizpe hi a kan vel thin a; chung hnuahte chuan Israel mite ro a rel thin a.
7:17	Tin, a in awmna a ni avangin Rama khuaa chuan a haw thin a; chutah chuan Israel mite ro a rel a, chuta chuan LALPA tan maicham a siam a.

I Samuela 6

THUTHLUNGHLUI   I Samuela   Bung 6
6:1	Tin, LALPA bawm chu Philistia mite ramah chuan thla sarih a awm a.
6:2	Tin, Philistia mite chuan, "LALPA bawm chu engtin nge kan tih ang? A awmna pangngaia kaltir lehnaziamin hrilh teh u khai," tiin puithiamte leh aienthiamte an ko va.
6:3	Tin, anni chuan, "Israelte Pathian bawm hi in kaltir dawn pawhin a ruak chuankaltir hauh suh u, a hnenah bawhchhiat thawina hlan ngei ngei rawh u, tichuan tihdamin in awm ang a, tin, eng tiaa a kut chu a sawnsak loh che u nge ni tih in hriaang, " an ti a.
6:4	Chuti chuan anni chuan, "A hnenah kan bawhchhiatthawina hlan tur chu engnge ni ang?" an ti a. Tin, anni chuan, "Philistia lal zatin rangkachak ngawt lem panga leh rangkachak chaichim lem panga; in zaa chunga hri leng leh in lalte chung leng chu hmun khat a ni si a.
6:5	Chuvangin in ngawt lemte leh in ram tichetu chaihim lemte siam ula; tin, Israelte Pathian chu chawimawi rawh u, tichuan a kut chu in chungah te, in pathian leh in ram chungahte a tizang du mahna.
6:6	Aigupta mite leh Pharoan rilru an tihkhauhang khan engati nge in rilru in tihkhauh ni? An zinga thil mak taka a tih khan mie chu an kaltir a, an chhuak ta ani lawm ni?
6:7	Chuvangin tunah hian tawlailir tharbuatsaiula, bawngpui pahnih, a hnute sawrlai, nghawngkawl la bel ngai hauh loh nen; chung bawngpuite chu tawlailira chuan bel ula, tin, a note chu in lamah rawn hruai hawnsak rawh u.
6:8	Tin, LALPA bawm chu la ula, tawlailirah chuan dah ula; tin, bawhchhiat thawi nana in hlan rangkachak thil hlu chu thingremah kungin a sirah dah ula, kaltir ula, thlah mai rawh u.
6:9	Tichuan amaha ramri lampang kawng zawhin Beth-semes-ah akal emaw ent eh u, a kal chuan kan chunga thil tha lo tak hi ama tih a lo ni ang a; a kal loh chuan min hrem chu ama kut a lo ni lo tih kan hriat a, kan chungah a lo awm ve hrim mai a ni ang," an ti a.
6:10	Tin, mite chuan chutiang chuan an ti a: bawngpui, a hnute sawrlai pahnih an hruai a, tawlailirah chuan an bel a, a note chuin lamah an khung a:
6:11	Tin, LALPA bawm chu tawlailirah chuan an dah a, rangkachak chaichim lem leh ngawt lem dahna thingrem nen.
6:12	Tin, bawngpuite chuan Beth-semes lam panin kawng an zawh ta ngat ngat a; tichuan bu chung zelin kawngpui chu an zawh a, ding lamah emaw vei lamah emaw an pen hlek lo va; tin, Philistia lalte chuan Beh-semes ramri thlengin an zui a.
6:13	Tin, Beth-semes khuaa mite chuan ruamah hian an buh an lo seng a, an hawi chho va, bawm chu an han hmu a, an lawm hle ta mai a.
6:14	Tin, tawlailir chu Beth-semes khuaa mi Josua lovah chuan a lo lut a, lungpui lian tak awmna laiah chuan a ding ta reng a; tin, tawlailir thing chu an ek a, LALPA biak nan bawngpuite chu halral thilhlanah an hmang ta a.
6:15	Tin, Levi chite chuan LALPA bawm chu rangkachak thil hlu awmna thingrem nen chuan an la thla a, lungpui chungah chuan an dah a; tin, Beth-semes khuaa mie chuan chu mi ni vek chuan halral thilhlante chu inthawinate LALPA hnenah an hlan a.
6:16	Tin, chu chu Philistia lal pangate chuan an en zawh hnuin, chu mi ni la la chuan Ekron khaw lamah an haw leh ta a.
6:17	Philistia miten rangkachak ngawt lem LALPA hnena bawchiat thawi nana an hlan chu heti zat hi a ni: Asdod khaw pualah pakat, Gaza khaw puala pakhat, Askelon khaw pualah pakhat, Gaza khaw puala pakat, Askelon khaw puala pakhat, Gat khaw puala pakhat, Ekron kaw puala pakhat:
6:18	tin, rangkachak chaichim lem chu khua zawng zawng, kulh ne kua le thingtlang lam khua pawh chhiarveka lal panga te a Philistia mite khaw zat a ni a: LALPA bawm an ngahna pungpui ngei chua Beth-semes khuaa mi Josua lova chuan tun thleng hian a la awm reng a ni.
6:19	Tin, LALPA bawm chhung a en avangin Beth-semes khuaa mite chu a hrem a, an zinga mi 50,070 ze a hrem a ni: LALPAN a hrem nasat em avag chuan mite chu an tap a.
6:20	Beth-semes khuaa mite chuan, "He Pathian thianghlim LALPA maa hian tunge ding thei ang a, kan nen ata hi tu hnena nge a kal chhoh tak ang le?" an ti a.
6:21	Chu chuan Kiriath-jearim khuaa mite hnena chuan, "Philistia mite chuan LALPA bawm chu an rawn da leh ta a, lo chhuk ula, in hnen lamah la chho rawh u khai," tia hrilh turin mite an tir ta a.

I Samuela 5

THUTHLUNGHLUI   I Samuela   Bung 5
5:1	Chutichuan Philistia mite chuan Pathian bawm chu an la a, Eben-ezer ata chu Asdod khuaah an kalpui ta a.
5:2	Tin, Philistia mite chuan Pathian bawm chu an la a, Dagona biak inah an la lut a, Dagona kiangah chuan an dah a.
5:3	Tin, Asdod khuaa mite chu atuk zing taka an han thawh chuan, ngai teh, LALPA bawm hmaah chuan Dagona chu a hmaia lei siin a lo tlu der mai a. Tin, Dagona chu an la a, a awmna hmunah chuan an dah leh a.
5:4	Tin, a tuk leh zing taka na han thaw chuan, ngai teh, LALPA bawm hmaah chuan Dagona a hmaia lei siin a lo tlu der mai a; tin, Dagona lu leh a kutphah bawr khing hnih chhum chu kawngka bulah chuan alo lum reng mai a: Dagona taksa chauh chu a lo awm ta mai a.
5:5	Chu mi avang chuan Dagona puithiam te, Dagona biak ina lo kal thin reng rengte pawhin Asdod kua Dagona kawngka bul chu tunthlengin an rap ngam lo a ni.
5:6	Chutichuan LALPA kut chuan Asdod khuaa mite chu a delh ta hle mai a, chhiatna a thlensak ta hlawm a, Asdod khua le a chehvelte chu ngawtin a hrem ta bawk a.
5:7	Tichuan Asdod khua amiten chutiang chu a nih an lo hriatin, "Israelte Pathian bawm chu kan hnenah awm reng teh suh se, kan chung leh kan pathian Dagona chunga a kutthlak ana em mai," an ti a.
5:8	Chutichuan Philistia lal zawng zawngte chu an hnenah an ko khawm a, "Israelte Pathian bawm chu engtin nge kan ti ang?" an ti a. Tin, anni chuan, "Israelte Pathian bawm chu Gath khuaah va kalpui rawh u," tiin an chhang a: tichuan Israelte Pathian bawm chu an va kalpui ta a.
5:9	Tin, heti hi a lo ni a, chutia ankalpui lai chuan LALPA kut chuan khua chu a tibuai ta nuai nuai mai a:khuaa mihringte chu alian atein a hrem a, ngawtna hri an chungah a lentir a.
5:10	Tichuan Pathian bawm chu Ekron-ah an thawn let a, a va thlen chuan Ekron khuaa mite chu, "Israelte Pathian bawm chu keimahni leh kan mite tihlum turin, kan hnenah an rawn la ta," tin, an au ta chiam mai a.
5:11	Chutichuan Philistia lal zawng zawngte chu an ko khawm a, "Israelte Pathian bawm hi kal botir ula, keimahni leh ka mite min tihhlum loh nan a awm hmun pangngaiah kal leh rawh se," an ti a. Khaw pum puiah chuan thihna khawp buai nuai nuaina a awm a; Pathian kut chuan chu khua chu a delh hle mai si a.
5:12	Tin, a thi lote chu an ngawt hlawm a, tichuan chu khaw au thawm chuan van khi a han thleng a.

I Samuela 4

THUTHLUNGHLUI   I Samuela   Bung 4
4:1	Tin, Samuela thu chu Israel mite zawng zawng zingah a thang chhuak ta a. Tin, Israel mite chu Philistia mite do turin an kal chuak a, Ebeezer kiangah tanhmun an khuar a. Tin, Philistia mite chuan Aphek-ah tanhmun an khuar a.
4:2	Tin, Philistia mite chu Israel mite lo dang turin an lo inzar darh a: tin, an han inbei chuan Philistia mite hmaah chuan Israel mite chu an tlawm ta a, indona hmunah chuan sipai sangli emaw lai an that a.
4:3	Tin, mipuite an riahmuna an va kalin Israel upate chuan, "Eng vangin nge vawinah hian Philistia mite hmaa LALPA chuan min tihtlawm ni aw? Kan hnena awma kan hmelmate kut ata min chandam turin Silo ata LALPA thuthlung bawm chu i han la ang u," an ti a.
4:4	chutichuan mipuite chuan Silo-ah chuan mi an ti r,a chuta ta chu cherubim chunga thu, sipaihote LALPA thuthlunna bawk chu an va la ta a: tin, Pathian thuthlunna bawm an laknaah chuan Elia fapate pahnih Hopnia leh Phinehasa an tel ve a.
4:5	Chutichuan LALPA thuthlunna bawmin an riahhmun a lo thlen chuan Israel mi zawng zawnge chu ring takin an au dur dur mai a, leite lam pawh a nghawr ri dur dur mai a.
4:6	Tin, Philistia miten an au thawm an hriat chuan, "Hebrai-ho riahhmun au thawm ri ta dur dur mai chu eng tizia nge ni le?" an ti a. Tin, an riahhmuna LALPA bawm a lo thleng a ni tih an hre ta a.
4:7	Tin, Philistia mie chuan an hlau ta a, "Riahhmunah Pathian a lo kal ta a nih chu," an ti a. "Kan chung a pik e! Tun hma lamah chutiang a awm ngai si lo va,
4:8	kan chung a pik e! Chung Pathian kut chak tak ata chu tuin nge min chhandam ang? Chung Pathian chu a ni, Aigupta mite thlalera hri chi tinrenga tihlumtu kha.
4:9	Aw, nangni Philistia mite u, in chiahhlawha an awm ang khan Hebrai-hote chhiahhlawha in awm loh nan chak takin awm ula, intimipa rawh u; intimipa ula, bei zel rawh u," an ti a.
4:10	Tichuan Philistia mi chuan an bei a, Israel mite chu an tlawm a, an puan in lam theuhvah an tlan ta vek mai a: an that nasa em em mai a, Israel-ho zinga sipai singthum an thi a ni.
4:11	Tin, Pathian bawm chu an laksak a, tin, Elia fapa pahnih, Hopnia leh Phinehasa te chu an that bawk a.
4:12	Sipai zinga Benjamina thlah mi pakhat a tlan a, a puante tet phung leh a lua lei kai luamin chu mi ni la la chuan Silo a va thleng a.
4:13	Tin, a va thlen chuan ngai teh, Elia chuan kawng sira a thutnaah thu chungin a lo thlir reng a, Pathian bawm avang khan a rilruin a khur a khur a. Tin, mi chuan khua a han thlan chuen, chanchin chu a han sawi chuan a khuain an au ta chuah chuah mai a.
4:14	Tin, Elian an au thawm alo hriatin, "Chu mi ri mur mur chu eng tizia nge ni?" a ti a. Tin, mi chu hmanhmawh takin a va kal a, Elia chu a va hrilh a.
4:15	Elia chu kum 98 mi a ni a, a mit a thim tawh a, khua a hmu thei tawh lo va.
4:16	Tin, mi chuan Elia hnenah chuan, "Sipai zing atanga lo kal ka nih hi, vawiinah hian sipai zing ata lo tlan ka ni," a ti a. Tin, ani chuan, "Ka fapa, eng angin nge thil a awm le?" a ti a.
4:17	Tin, chanchin rawn thlentu chuan achhang a, "Israel mite chu Philistia mite hmaah chuan an tlanchhia a, tin, mipui zingah inthahna nasa tak a awm bawk a, tini fapate pahnih Hophnia leh Phinehasa pawh an thi a, tin, Pathian bawm paw an laksak ta," a ti a.
4:18	Tin, heti hi a ni a, chutia Pathian bawm thu a han sawi veleh chuan kawngkhar bula thutphah ata chu a zangthalin a tlu a, a nghawng a tliak a, a thi ta a: amah hi a tar tawhin a indawl zo tawh lo a ni. Israel chunga kum sawmli ro rel tawh a ni.
4:19	Tin, a monu, Phinehasa nupi chuan nau a pai a, a hrin a hnai tawh hle a:Pathian bawm a lasak tih thua han riat a, a pu leh a pasal an thi tih a han hriat chuan a kaikun a, nau a hring ta a, a na chuan a rawn nang ta nghal si a.
4:20	Tin, a thih dawn tepa a kianga ding hmeichhiate chuan a hnenah, "Hlau suh, fapa i hrin tak hi," an ti a. Nimahsela a chang hauh lo va, angaihsak ek lo.
4:21	Tin, "Ropuina chuan Israel chu a chuahsan ta." tin, naupang hmelah chuan Ikaboda a sa a. Pathian bawm chu an laksak ta a, a pu leh a pasal pawh an thi ta si a.
4:22	Ropina chuan Israel-te chu a chhuahsan ta, Pathian bawm chu a laksak ta si a," a ti a.