I Lalte 22

THUTHLUNGHLUI   I Lalte   Bung 22
22:1	Tin, kum thum chhung chu Suria ho le Israel-hote chu indo lovin an awm a.
22:2	Tin, a kum thum kum chuan heti hi a ni a, Juda lal Jehosaphata chu Israel lal hnena a zuk kal a.
22:3	Tin, Israel chuan a puipate hnenah, "Ramoth-gilead kua hi keimahni ta ani tih hre reng sia engtia Suria lal hi chhusak lova awm mai mai kan i nge le?" a ti a.
22:4	Tin, Jehosaphata hnena chuan, "Ramoth-gilead khua mi han beipui ve duh ang emaw chu?" a ti a. Tin, Jehosaphatan Israel lal hnena chuan, "Kei leh nang, ka mite leh mite chu pumkhat kan ni a, ka sakawrte leh i sakawrte chu pumkhat an ni alawm," a ti a.
22:5	Tin, Jehosaphata chuan Israel lal hnenah, "LALPA thu ngaichang rih zet la maw le," a ti a.
22:6	Chutichuan Israel lal chuan zawlneiho mi zali lai a ko khawm a, an hnenah, "Ramoth-gilead kua bei turin ka han tawk ang nge thawk lo vang?" a ti a. Tin, anni chuan, "Han thawk rawh, Lalpan lal kutah a pe dawn a ni," an ti a.
22:7	Nimahsela Jesaphatan, "Hetah hian LALPA zawlnei dang tu emaw tal kan han rawn tur an awm lo vem ni le?" a ti a.
22:8	Tin, Israel lal chuan Jehosapahata hnenah, "LALPA min rawnsak tur mi pakhat Imla fapa Mikaia zawng a la awm kha maw; nimahsela ani hi chu ka huatzawng tak a ni; ka chungchang thu hi a chhe lam ngawt lo chu a tha reng reng a sawi ngai si lo va," a ti a. Tin Jehosaphata chuan, "Lal chuan chutiang chuan ti teh suh se a," a ti a.
22:9	Tichuan Israel lal chuan hotu pakhat a han ko va, "Imla fapa Mikaia han hruai thuai teh," a ti a.
22:10	Tin, Israel lal leh Juda lal Jehosaphata chu Samari kulh kawngka luhna bula hruih zawlah an lal puana intuamin, an lalthutthleng ve veah an thu a; tin, zawlnei zawng zawngte chuan an hmaah thu an sawi a.
22:11	Tin, Kenaana fapa Zedekian thir kite a siamsak a, "LALPAN heti hian a ti, 'Hengte hian Suria-hote chu boral der kawpin i si ang,' tiin," a ti a.
22:12	Chutiang bawkin zawlnei zawng zawngte chuan, Ramoth-gilead-ah chuan han cho la, han hlawhtling rawh khai. LALPAN lal kutah hian a pe dawn a ni," tiin an sawi a.
22:13	Tin, Mikaia va ko tura an tirha chuan a hnenah, "Ngai teh khai, zawlnei hian thukhat vuain a tha lamin lal hnena thu a sawi theuh va; an sawi tak theuh ang chuan han sawi ve la, a tha lamin han sawi ve rawh aw," tiin a sawi a.
22:14	Tin, Mikaia chuan, "LALPA nunna chhalin ka sawi e, LALPAN ka hnena a sawi chu ka ni, ka han sawi dawn ni," a ti a.
22:15	Tin, lal hnen a han thlen chuan, lal chuan a hnenah, "Mikai, Ramoth-gilead khua bei turin kan han thawk ang nge, thawk lo vang?" a ti a. Tin, ani huan a chhang a. "Han thawk la, han hlawhtling rawh khai; LALPAN lal kutah a pe dawn a ni," a ti a.
22:16	Tin, lalin a hnenah, "Thutak ngawt lo ka hnena LALPA hminga sawi lo turin vawi engzat nge maw chia ka chhamtir dawn che le?" a ti a.
22:17	Tin, ani chuan, "Israel-ho zawng zawngte chu vengtu nei lo beram angintlangahte an darh vek ka hmu a; LALPAN, 'Hengho hian hotu an nei ta lo va, mi tin, mahni in lamah thlamuang takin haw dial mai rawh se,' a ti a ni," a ti a.
22:18	Tin, Israel lal chuan Jehosaphata hnenah, "Ka chungchang thu hi a chhe lam ngawt lo chu a tha lam reng reng zawng a sawi lovang tih ka hrilh che ani lawm ni kha?' a ti a.
22:19	Tin, ani chuan, "Chuvangin LALPA thu hi ngaithla teh, LALPA chu a lalthutthlenga thu ka hmu a, vana mipuiho zawng zawng, a dinglam leh veilama dingte nen.
22:20	Tin, LALPAN, 'Aaba hi Ramoth-gilead khuaa han kala rala thi turin tuin nge thlem ang?" a ti a ni. Pakhatin hetiang hian a ti a, mi dangin chutiang chuan a ti a.
22:21	Tichuan thlarau pakhat hi a lo chuak a, LALPA hmaah a ding a, 'Keiman ka thlem ang e,' a ti a.
22:22	Tin, LALPAN a hnenah, 'Engin maw?' a ti a. Tin, ani chuan 'Ka va kal ang a, a zawlnei zawng zawngte hmuiah chuan thlarau dawtheiah ka va chang ang,' a ti a. Tin, anin, 'I thlem ngei ang a, hlawh pawh i hlawhtling bawk ang; va kal ta la, chutiang chuan va ti tawh le,' a ti a.
22:23	Chutichuan ngai teh, LALPAN heng i zawlneiho zawng zawng hmuiah hian tlarau dawthei a dah a, i chungchang thu hi a tha lo lamin LALPAN a sawi tawh a ni," a ti a.
22:24	Tichuan Kenaana fapa Zedekia chuan a rawn naih a, Mikaia bianga a rawn beng a, "LALPA thlarau chuan i hnena thu sawi turin khawi lamah nge mi kalsan?" a ti a.
22:25	Tin, Mikaia chuan, "Ngai rawh, pindan chhungrila biru tura i luh niin i la hria ang," a ti a.
22:26	Tin, Israel lal chuan, "Mikaia hi hruai ula, khawpui awptu Amona leh lal fapa Joasa hnena kalpui leh tawh u;
22:27	tin, 'Lalin heti hian ati, He mi hi lung ina khung ula, thlamuang taka ka lo haw leh hma lo chuan chaw leh tui tlemte chauh pe raw u, tiin,' ti rawh u," a ti a.
22:28	Tin, Mikaia chuan, "Thlamuang taka i lo haw leh hrim chuan LALPAN kei mi hmangin thu a sawi lo ani ang le," a ti a. Tin, amah vek chuan, "Nangni, mipuite u, in vaiin lo hre rawh u," a ti a.
22:29	Chutichuan Israel lal leh Juda lal Jehosaphata chu Ramoth-gilead khuaah chuan an han cho va.
22:30	Tin, Israel lal chuan Jehosapahta hnenah, "Ka inbawl danglam ang a, inbeihnaah chuan ka han kal ve ang e; nang erawh chuan i lal puan sin ang che," a ti a. Tichuan Israel lal chu a inbawl danglam a, inbeihnaah chuan a han kal a.
22:31	Tin, Suria lal chuan a tawlailir chunga hotu sawmthum leh pahnihte hnenah chuan, "Israel lal ngawt lo chu mi te pawh, mi lian pawh a tuama bei su ang che u," tiin thu a pe a.
22:32	Tin, tawlailir chunga hotute chuan Jehosaphata an han hmuh chuan, heti hi a ni a, "Israel lal a ni ngei mai le," an ti a; tichuan beih tumin an hual ta a; tin, Jeosaphata chu a au chuak a.
22:33	Tin, tawlailir chunga hotute chuan Israel lal ani lo tih an hriat chuan heti hi a ni a, an um chu an let leh ta a.
22:34	Tin, mi pakhat hian tum bik nei lovin a thalngul a kuai a, Israel lal chu awmphaw leh awmphaw inkara a kap a: tichuan a tawlailir khalhtu hnenah, "Kai her la, sipaiho zing ata hi mi chuahpui rawh khai, hliam na tak ka tawh tak hi," a ti a.
22:35	Tin, chu mi ni chuan inbeihna chu a nasa ta hle mai a; lal chu a tawlailir chuan Suria-hote hmuhah an dintir a, tin, tlai lama chuan a thi ta a: tin, amah an hliamna atang chuan thisen chu tawlailir chhunga chuan a luang zawih zawih a.
22:36	Tin, ni tlak dawn vel lai chuan, sipaihote zingah, "Mi tin, mahni khaw lamah mi tin mahni ram lama haw vek tawh rawh se," tiin an au vel ta chiam a.
22:37	Chutichuan lal chu a thi ta a, Samari khuaah an luhpui a; tichuan Samari khuaah lal chu an phum ta a.
22:38	Tin, Samari khaw dil kama tawlailir chu an sil a; tin, LALPA thu sawi ang ngei khan uiin a thite chu an liak ta a; (chutah chuan nawhchizuarhote chu an insil thin).
22:39	Tichuan Ahaba chanchin dangte, a thiltih zawng zawng te, a saingo in sak te, a khaw siam zawng zawngte chu Israel lalte lal lai thu ziakna buah a chuang a ni lawm ni?
22:40	Chutichuan Ahaba chu a pute hnena chuan a muhil ta a; tin, a fapa Ahazia chu a aiawhin a lal ta a.
22:41	Tin, Israel lal Ahaba lal kum linaa Asa fapa Jehosaphata chu Judate chunga a lal tan a.
22:42	Jehosaphata chu a lal tan la chuan kum sawmthum leh kum nga a ni a; Jerusalem khuaa kum sawm hnih leh kum nga ro a rel a. A nu hming chu Azubi, Silhia fanu a ni.
22:43	Tin, a pa Asa kawng zaw zawng zawng chu a zawh ve a; pensan hauh lovin LALPA mithmuha thil tha a ti thin a; hmun sangte erawh chu a thehthang bo lo va, hmun sangahte chuan mite chu an la inthawiin, rimtui an la hal reng thin.
22:44	Tin, Jehosaphata chuan Israel lal nena inremna a siam a.
22:45	Tichuan Jehosaphata chanchin dang te, a thiltihtheihzia a tilan thu te, a ral beih thute chu Juda lalte lal lai thu ziakna bua a chuang a ni lawm ni?
22:46	Tin, a pa Asa dam laia mipa inzuarho la awmate kha a ram ata a hnawtchuak vek a.
22:47	Tin, Edom rama chuan lal an awm lo va, lal aiawhtuin ro a rel a.
22:48	Jehosaphata chuan Ophir-a rangkachak phur tur Tarsis lawngte a tu a; nimahse an kal ta lo; Ezion-geber hmunah lawngte chu a chhe ta vek si a.
22:49	Tichuan Ahaba fapa Ahazian Jehosaphata hnenah, "Ka mite hi i mite nen lawngahte kal za ang hmiang," a ti a. Nimahsela Jehosaphata chuan a remti lo.
22:50	Tin, Jeosaphata chu a pute hnena a muhil a, a pute zingah a pu Davida khawpuiah an phum ta a; tin, a fapa Jehorama chu a aiawhin a lal ta a.
22:51	Tin, Juda lal Jehosaphata lal kum sawm leh kum sarih kumin Ahaba fapa Ahazia chu Samari kuaah Israelte chungah a lal tan a, Israelte chunga kum hnih a lal a.
22:52	Tin, LALPA mithmuhah thil tha lo a ti thin a, a nu leh a pa kawng zawh te, Nebata fapa Israel-hote tihsualtirtu Jeroboama kawng zawhte a zawh ve thin a.
22:53	Tin, a pa ti ang apiang tiin Baala rawng a bawl a, a be thin a, LALPA, Israelte Pathian chu a tithinrim thin a.

I Lalte 21

THUTHLUNGHLUI   I Lalte   Bung 21
21:1	Tin, chung thil hnuah chuan heti hi a ni a, Jezreel mi Nabothan grep huan a nei a, chu chu Jezreel-ah samari lal Ahaba in bul lawkah a awm a.
21:2	Tin, Ahaban Nabotha chu, "Ka in bul a nih avang hian, thlai huanah i grep huan hi mi pe rawh khai, a aia grep huan tha zawk ka pe ang che; a ni loh leh i duh zawk phei chuan a tangkain a man tawk ka pe ang che," tiin a bia a.
21:3	Tin, Nabotan Ahaba hnenah, "Ka pute ro han pek che chu ka tan a awmin a awm lo ve," a ti a.
21:4	Tin, Jezreel mi Babtoahn chutiang thu a hnena a sawi avang chuan Ahaba chu ngui tak leh lungni lo takin a inah a lut ta a, "Ka pute ro ka pe thei lo vang che," a ti tlat si a. Tichuan a khumah a mu a, lehlam a hawi a, chaw reng reng a ei duh ta lo va.
21:5	Chutichuan a nupui Jezebeli chua va kal a, a hnenah, "Eng tizia nge i rilru chuti taka a lungngaih a, chaw reng reng i ei loh le?" a ti a.
21:6	Tin, ani chuan a hnenah, "Jezreel mi Nabotha ka bia a, a hnenah, 'I grep huan i mi leitir rawh, a nih loh leh i duh zawk chuan a aiah grep huan dang ka pe ang che,' ka ti a; tin, ani chuan, 'Ka grep huan zawng ka pe lo vang che,' tiin mi chhang alawm maw le," a ti a.
21:7	Tin, a nupui Jezebeli chuan a hnenah, "Israel ram lal hi i ni lawm ni? Tho la chawi ei la, rilru hlim takin awm rawh khai Jezreel mi Nabotha grep huan chu keiman ka pe ang che," a ti a.
21:8	Chutichuan Ahaba hmingin lehkha a ziak a, a nemnain a nem a, tin, lehkha chu a awmna khuaa Nabotha thenawm upate leh mi thate hnena a thawn a.
21:9	Tin, lehkhaa chuan, "Chaw nghei thu lo puang ulangin, mipui zingah Nabotha chu hmatawntir ula;
21:10	mi pahnih Beliala fate a hmaah thuttir ula, 'Pathian leh lal i sawichhia a ni,' tia a hektu atan lo siam rawh u. Tin, hruai chhuak ula, lo denghlum rawh u," a ti a.
21:11	Tin, a awmna khua ami, a awmna khuaa awm upate leh mi thate chuan Jezebelin an hnena a thawn lehkhaa a ziak ang chuan an lo ti a.
21:12	Chaw nghei thu an puang a, mipui zingah Nabotha chu an hmatawntir a.
21:13	Tin, mi pahni Beliala fapate chu a hmaa chuan a vat hu a: tin, Beliala mite chuan mipuiho hmaa chuan, "Nabotha hian Pathianleh lal a sawichia e," tiin ama Nabotha chu an hek a. Tichuan khua ata a hruai chhuak a, lungin an deng a, a thi ta a.
21:14	Tichuan Jezebeli hnenah, "Nabotha lungin an deng a, a thi ta e," tiin mi an tir a.
21:15	Tin, Jezebelin Nabotha chu lungin an deng a, a thi ta tiha hriatin heti hi a ni a, Jezebeli chuan Ahaba hnena, "Tho la, Jezreel mi Nabotha gr阷 huan, a leitir phal loh che kha nei tawh rawh le: Nabotha chu a dam tawh lo, a thi taw e," a ti a.
21:16	Tin, Ahaban Nabotha a thi ta tih a hriatin heti hi a ni a, Jezreel mi Nabotha grep huan nei tura thawk thla turin Ahaba chu a tho ta a.
21:17	Tin, LALPA thu chu Tisbe mi Elija hnenah a lo thleng a:
21:18	"Tho la, Samari khuaa awm Israel lal Ahaba be turin zuk kal rawh kai: ngai teh, Nabotha grep huana a awm a, neih tumin chutah chuan a chhuk a ni e.
21:19	A hnenah,'LALPAN heti hiana ti, I that a, i neihsak lehngal elo? tiin,' ti langin a hnenah, 'LALPAN heti hian a ti, Uiin Nabotha thisen an liahna hmun ngeia hian nanga thisen pawh hi an la liak ve dawn a ni, tiin,' ti ang che," tiin.
21:20	Tin, Ahaban Elija hnenah, "Mi rawn hmu ta maw, ka hmelmapa?" a ti a. Tin ani chuan a chhang a, "Ka hmu ta che a ni hi, LALPA mithmuha thil tha lo ti turin inzuar ta hek che.
21:21	Ngai teh, i chungah hian thil tha lo ka rawn thlentir ang a, ka rawn tibo hlauh ang chia, Ahaba atang hian mipa fa tawh phawt chu Israel rama mi khuahkirh leh khirh loh pawh ka tiboral ang a,
21:22	nangin mi tihthinrim avang leh Israelho thil i tihsualtir avangin Beata fapa Jeroboama chhungte leh Ahija fapa Baasa chhungte ang maiin i chungtehi ka siam ang," a ti a.
21:23	Tin, Jezebeli chungchang thu pawh LALPAN a sawi a, "Jezreel khaw kulh bula uiin Jezebeli h a la ei ang.
21:24	Ahaba chhungkaw zinga mi khawpuia thi apiangte hu uiin an ei ang a; rama thi apiangte chu chungleng savaten an ei ang," tiin.
21:25	A nupui Jezebeli fuihpawrha LALPA mithmuha thil tha lo ti tura inzuar, Ahaba ang reng reng hi tumah an awm lo.
21:26	LALPAN Israela thlahte hmaa a hnawhchhuah Amor-hote thiltih tinreng ang, milemte biain thil tenawm takin a ti thin a.
21:27	Tin, Ahaban chung thu a hriat chuan heti hi a ni a, a puan a pawtthler a, saiip puan a sin a, chaw a ngei a, saiip puanah a mu a, dim takin a che ta a.
21:28	Tin, LALPA thu chu Tisbe mi Elija hnenah a lo thleng a,
21:29	"Ahaba ka hmaa a inngaihtlawmzia hi i hmu em? Ka hmaa a inngaihtlawm avang hian ama chanah hi chuan thil tha lo ka thlentir lo vang a, a fapa chhanah erawh chuan a chhungte chungah thil tha lo ka thlentir ang," tiin.

I Lalte 20

THUTHLUNGHLUI   I Lalte   Bung 20
20:1	Tin, Suria lal Benhadadan a sipaiho zawng zawnga khawm vek a: lal sawmthum leh pahnih an tel a, sakawr leh tawlailirte nen a han cho va, Samari khua a han hual a, a ha bei a,
20:2	Israel lal Ahaba hnena chuan khawpui chhunga mi a tir a, a hnenah, "Benhadadan heti hian a ti,
20:3	I tangka leh i rangkachakte kha ka ta a ni e; i nupuite leh i fate, a tha thate chenin ka ta a ni,' tiin," a ti a.
20:4	Tin, Israel lal chuan a lo chhang a, "Aw lalber, ka pu, i sawi ang chuan a ni alawm; keimah leh ka neih zawng zawng chu i ta a ni e," a ti a.
20:5	Tin, a mi tirhte chu an kal leh a, "Benhadadan heti hian a ti, "I hnenah, i tangka te, i rangkachak te, i nupui te, i fate chu mi pe tur a ni, tiin mi ka rawn tir tak a;
20:6	nimahsela naktuk hetih hun vela hian ka mite i hnenah ka rawn tir ang a, i in leh i mite in hu an rawn dap dawn a nia; tin, heti hi a ni ang a, i mit la apiang chu an la ang a, an rawn kalpui vek ang,' tiin," an ti a.
20:7	Tichuan Israel lal chuan a rama upaho zawng zawng chu a ko va, "Lo hre teh u khai, he mi hian thil tha lo tak tih a tumzia hi; ka hnenah mi a rawn tir a, ka nupui te, ka fa te, ka tangka te, ka rangkachakte a rawn ngen a, ka lo hnial pawh a ni si lo," a ti a.
20:8	Tin, upaho zawng zawng leh mipuiho zawng zawng chuan a hnenah, "Lo bengkhawn duh suh, rem pawh ti hek suh," an ti a.
20:9	Tin, Benjamina thlahte chuan chutiang chuan an ti a, lamho zinga mi anmahni zat theuh nupuiah an man a, an kal bopui ta a: tin, an ram lamah chuan an hawng a, khawpui chu an chei leh a, chutah chuan an awm ta a.
20:10	Tin, Benhadadan a hnena mi a tir leh a, "Ka hnung zuitute zawng zawng hian Samari khaw vaivut vei khat theuh pawh an hmuh theih dawn chuan pathianten an ti tihin mi ti sela, chu aia nasa pawhin," a ti a.
20:11	Tin, Israel lal chuan a chhang a, "Mi a inralthuam lai rengin, a inralthuamna hlip thla tawh ang rengin an uang ngai lo ve,' tiin va hrilh rawh u khai," a tia .
20:12	Tin, heti hi a ni a, amah leh lalten bukte azuah an lo inho laiin chu mi thu chu Benhadadan a lo hria a, a mite hnenah chuan, "Insiam rawh u khai," a ti a. Tichuan khaw bei tur chuan an insiam ta a.
20:13	Tin, ngai teh, zawlnei pakhat hian Israel lal Ahaba a va hnaih a, "LALPAN heti hian a ti: 'Heng mipui tam tak hi i hmu em? Ngai teh, vawiinah hian i kutah ka pe dawn a ni; tichuan kei hi LALPA chu ka ni ti i hria ang,' tiin," a ti a.
20:14	Tin, Ahaban, "Tu hmangin maw?" a ti a. Tin, ani chuan, "LALPAN heti hian a ti, 'Ram thentea hotute tlangvalho hmang hian,' tiin," a ti a. Tichuan ani chuan, "Tuinnge ral rel ang," a ti a. Tin, ani chuan a chang a, "Nangmahin," a ti a.
20:15	Tichuan ani chuan ram thetea hotute tlangvalho chu a han khawm a, zahnih leh sawmthum leh pahnih an ni a; tin, chu mite zawhah chuan mi zawng zawng, Israelta thlahte zawng zawng chu a khawm a, sangsarih an ni a.
20:16	Tin, chhun lai takah hian an va chhuak ta a. Benhadada leh lalho, amah tanpuitu lal sawmthum leh pahnihte erawh chu bukteah an lo in-in tui a.
20:17	Tin, a ram thentea hotute tlangvalho chu an va chhuak hmasa a; tin, Benhadadan mi a tir a, anni chuan, "Samari khua atanga lo chhuak an awm e," tiin an hrilh a.
20:18	Tin, ani chuan, "Inrem tuma lo kal an nih leh a nungin lo man ula; indo tuma lo kal an nih leh a nung bawkin lo man rawh u," a ti a.
20:19	Tichuan chungho, ram thentea hotute tlangvalho leh a rawnzuitu sipaihote chu khua ata an chhuak a.
20:20	Tin, an va bitum theuh chu an va that a: tichuan Suria-ho chu an tlanchhe ta a. Israel-ho chuan an um a; tin, Suria lal Benhadada chu sakawr chung chuangin sakawr chung chuang mite nen an tlan chhuak ta a.
20:21	Tin, Israel lal chu a va chhuak a, sakawr leh tawlailirte chu a va bei a, Suria-ho chu a that chiam a.
20:22	Tin, zawlnei chuan Israel lal chu a va hnaih a, a hnenah, "Intichak sauh sauh langin, i tih dan tur ngaihtuah rawh khai, kum a lo vei hian Suria lal chuan a rawn bei leh dawn che a nia," a ti a.
20:23	Tin, Suria lal hote chuan a hnenah, "An pathian hi tlang pathian a ni a; chuvangin keimahni aiin a chak a ni hi: phaizawlah bei tawh ila, anni ai chuan kan chak zawk ngei ang e.
20:24	Tin, hetiangin ti ang che: lalho hi an zavaiin thlak vek la, an aia rawm awptute dah langin;
20:25	tin, sipai sakawr leh tawlailir te, i chan tak zat chiah kha sipaiho din tha leh ang che; tichuan phaizawlah ka bei ang a, anni ai chuan kan chak zawk ngei ang e," an ti a. Tin, an thu chu a pawm a, chutiang chuan a ti ta a.
20:26	Tin, a kum lehah chuan heti hia ni a, Benhadadan Suria-ho chu a khawm a, Israel-hote bei turin Aphek khuaah a han cho va.
20:27	Tin, Israel thlahte chu an pung khawm a, ei turte an chek te te a, bei turin an thawk ta a; tin, Israela thlahte chuan kel no tlem te te rual hnih ang lek hian an va ep ve a; Suria-hote erawh chu a ram khah an khat mup mai a.
20:28	Tin, Pathian mi chuan Israel lal chu a va hnaih a, ava bia a, a hnenah, "LALPAN heti hian a ti: 'Suria-hovin LALPA chu tlang pathian a ni a, ruam pathian zawng ani lo va, an ti a ni; chuvangin heng mipui tam takte hi i kutah ka pe dawn e, tichuan kei hi Lalpa chu ka ni tih in hria ang,' tiin," a ti a.
20:29	Tin, ni sarih chhung zet chu an inep reng a. Tin, heti hia ni a, a ni sarih ni chuan an inbei ta a; tin, Israela thlahte chuan Suria mite chu ni khatah sipai nuaikhat an that a.
20:30	Mi dangte erawh chu Aphek-ah, khawpui chhungah an tlan lut a, a la awmate chu mi singhnih leh sangsarih kulh chimin a delh hlawm a. Tin, Benhadada chu a tlanchhia a, khawpui chhungah pindan chung rilan a lut a.
20:31	Tin, a hoten a hnenah, "Ngai teh, Israela chhungkaw zinga lalte hi mi khawngaih thei tak lal an ni ti thu kan ria a: saiin puan fengin, kan lu-ah hruia inhlingin Israel lal hnenah min va kaltir rawh khai; ani chuan a zuah duh mial mahna che," an ti a.
20:32	Chutichuan saiip puan an feng a, an lu-ah hruia inhlingin Israel lal hnenah min va kaltir rawh khai; ani chuan a zuah duh mial mahna che." a ti a. Chutichuan saiip puan an feng a, an lu-ah hruiin an hling a, Israel lal hnena chuan an va kal a, "I chhiahlawh Benhadadan, "Khawngaih takin mi zuah rawh se,'a ti e," an ti a. Ani chuan, "A la dam ani maw? Ka unaupa a ni alawm," a ti a.
20:33	Chu mite chuan ngaih tha takin, a rilru thu tak a sawi a ni ang ti ringin, "I unaupa Benhadada ni e," an ti var a. Tichuan ani chuan, "Va kal ula, rawn hruai rawh u," a ti a. Tichuan Benhadada chu a lo chhuak a, a hnenah a kal a; tin, ani chu tawlailirah a lo chuantir a.
20:34	Tin, Benhadada chuan a hnenah, "Ka pain i pa laka khua a lo lak takte kha ka pe kir leh ang a: tin, ka pain Samari khuaa dawrpui hmun a siam ang khan Damaska kuaah i dawrpui hmun tur i siam ve dawn nia," a ti a. Tin, chutianga thu inthlung chuan ka kaltir ang che." a ti a. Chutichuan a hnenah thu a thlung a, a kaltir ta a.
20:35	Tin, zawlnei fapate zinga mi pakhat hian LALPA thuin a thianpa hnenah, "Mi han vaw teh khai," a ti a. Tin, chu mi chuan a vaw du lo va.
20:36	Tichuan a hnenah, "LALPA thu i awih loh avangin, ngai the, nang hian mi liamsan veleh sakeibakneiin a lo she ang che," a ti a. Tin, a liamsan tak veleh chuan sakeibakneiin a lo hmu a, a she ta a.
20:37	Tichuan mi dang a va mu leh a."Mi han vaw teh khai," a ti a. chu mi chuan a han vua a, a vaw sil ta a.
20:38	Chutichuan zawlnei chu a kal a, kalkawngah lal a lo chang a, a chalhrennaa a mit khuhin a i bawl danglam a.
20:39	Tin, lal a lo thlen chuan, lal chu a lo au va, "I chhiahhlawh hi indona runpui hmunah ka va kal a; tin, ngai teh, mi pakhat hi a lo awi a, ka hnena mi pakhat a rawn hruai a, "He mi hi lo veng rawh, a tlanbo hlauh zawngin a nun aiah i nun i chan ang a, a nih loh leh tangka talent khat i pe tur a ni,' a ti a.
20:40	Tin, i chhiahhlawh hi ka buai vel chugavangin, a lo bo ta dai mai," a ti a. Tin, Israel lal chuan a hnenah, "chutiang tak chu a ni, i chunga thu tlu chu; nangmahin zuk titlu taw diam chia," a ti a.
20:41	Tin, ani chuan a mit ata chalhrenna chu a lim ta thuai a; tin, Israel lal chuan zawlneite zinga mi a ni tih a hre ta a.
20:42	Tin, ani chuan a hnenah, "LALPAN heti hian a ti: Ka anchhe lawha chu i chhuah tak avangin a nun aiah i nun, a mite aia i mite i chan ang,' tiin," a ti a.
20:43	Tin, Israel lal chu ngui tak leh lungni lo takin a haw a, Samari khuaah a kal ta a.

I Lalte 19

THUTHLUNGHLUI   I Lalte   Bung 19
19:1	Tin, Ahaban Elija thiltih zawng zawng, khandaiha zawlnei zawng zawng a thah thute nen Jezebeli a hrilh a.
19:2	Tichuan Jezebeli chuan Elija hnenah, "Kha mite zinga mi pakhat nunna ang khan naktuk hetih hun hmaa i nunn ka siam sak ve loh che huan pathianten an ti tihin mi ti mai sela, chu aia nasa pawhin," tin, mi a tir a.
19:3	Tichuan a hlau va, a tho va, a tlanche ta a, Judai rama Beer-seba khua a va thleng a, chutah chuan a chhiahlawh a hnutchhiah a.
19:4	Ani erawh chu thlalera ni khat bana a kal a, Juniper thing hnuaiah hian a thu a; tin, thih a dil ta a, "A tawk ta e; aw LALPA, tunah hian ka nunn hi la mai teh, ka pute aiin ka tha chuang bik si lo va," a ti a.
19:5	Tichuan Juniper thing hnuaiah chuan a mu a, a muhil ta a; tin, ngai te, vantirhkoh hian a rawn khawih a, a hnenah, "Tho la, ei rawh," a ti a.
19:6	Tin, a han en vel a, ngai teh, a lu bulah chuan chhangper lung saa hem hmin diam leh tuithawl hi a lo awm a. Tichuan a ei a, a in a, a mu leh ta a.
19:7	Tin, LALPA vantirhkoh chu a lo kal nawn leh a, a rawn khawih a, "Tho la, ei rawh, i kalna tur i chelh lo vang e," a tia.
19:8	Tin, a tho va, a eiin a in a, tichuan chu chaw avang chuan Pathian tlang Horeb thlengin ni sawmli leh zan sawmli a kal a.
19:9	Tin, chuta puk pakhat chu a va thleng a, chutah chuan a awm ta a; tin, ngai teh, LALPA thu a hnenah a lo thleng a, ahnenah, "Heta hian eng nge i tih, Elija?" a ti a.
19:10	Ani chuan, "LALPA sipaihote Pathian tan hian thahnem ka ngai em em thin a, Israel thlahte lah chuan i thuthlung an hawisan a, i maichamte an tichim a, i zawlneite khandaihin an sathlum si a; a la awm chu keimah chauh hi ka ni a,ka nunn mi laksak an tum a ni," a ti a.
19:11	Tin, ani chuan, "Va chhuak la, tlangah sawn LALPA hmaah va ding rawh," a ti a. Tin, ngai teh, LALPA a lo kal a, thlipui na takin tlangte chu LALPA hmaan chuan a rawn chem khi a, lungpuite ch a phel rem rum a; nimahsela thli-ah chuan LALPA ch a awm lo: tin thli tleh zawng chuan lir a lo nghing a; nimahsela lirnghinga chuan lalpa chu a awm lo.
19:12	Tin, lirnghin zawh chuan mei a lo chuak a; nimahsela meiah chuan LALPA chu a awm lo; tin, mei zawhah chuan aw dam diai hian a lo chhuak a.
19:13	Tin, heti hi a ni a, Elijan chu chu a hriat chuan a puanina hmai a khuh a, a va chuak a, puk kawngkaah a va ding a. Tin, ngai teh, awin a hnenah, "Heta hian engnge i tih, Elija?" a rawn ti a.
19:14	Tin, ani chuan, "LALPA, sipaihote Pathian tan hian thahnem ka ngai em em thin a, Israela thlahte lah i thuthlung an hawisan a, i maichamte an tichim a, i zawlneite khandaihin an sathlum si a; a la awm chu keimah chau hi ka ni a, ka nunn mi laksak an tum a ni," a ti a.
19:15	Tin, LALPAN a hnenah, "Haw leh ta langin,thlaler lama Damaska khuaan kal rawh: i va thlen chuan Suria lal atan Hazaela hriak i thih ang a;
19:16	tin, Israel lal atan Nimsia fapa Jehua hriak i thih ang a; tin, i aiawha zawlnei ni turin Abemehola khuaa mi Saphata fapa Elisa hriak i thih bawk ang.
19:17	Tin, heti hi a ni ang a, Hazaela khandaih pumpelh apiang chuan Jehuan a that ang a; tin, Jehua khandaih pumpel apiang chu Elisan a that ang.
19:18	Nimahsela Israel ramah hian Baala hmaa la thingthi ngai lo leh, la fawp ngai lo mi sangsarih ka tan ka hum dawn a ni," a ti a.
19:19	Chutichuan chuta ta chu a chuak ta a. Saphata fapa Elisa chu a va hmu chhuak a, ani chuan lei a lo let a, a hmaa chuan sebawng tuak sawm leh tuak hnih a awm a, a sawm leh pahnihna chu amahin a lo khalh a; tin, Elija chuan a va pan a, a puan a va bahtir a.
19:20	Tin, sebawngte chu a kalsan a, Elija chu a um a, "Ka nu leh ka pa ka va fawp rih zet ang e aw, tichuan ka rawn zui ang che," a ti a. Tin, ani chuan a hnenah, "Va haw ta che, eng nge ka tih che kha le?" a ti a.
19:21	Tin, a va zui chu a hawng a, sebawng tuak khat a khala chu a talh a, a sa chu sebawng thuamhnawte chuan a chhum a, mite a sem a, an ei ta a. Tichuan a tho va, Elija chu a um a, a rawng a bawlsak ta a.

I Lalte 18

THUTHLUNGHLUI   I Lalte   Bung 18
18:1	Tin, ni rei fe hnua chuan heti hi a ni a, a kum thum kumaha chuan LALPA thu Elija hnenah a lo thleng a, "Va kal la, Ahaba hnena va inlan rawh; tichuan lei chungah hian ruah ka rawn surtir dawn e," tiin.
18:2	Tin, Elija chu Ahaba hnenah inlan tur chuan a kal ta a. Samari ramah chuan tam chu a nasa hle mai a.
18:3	Tin, Ahaban Obadia, a in chung lam hotu chu a ko va. Obadia chu LALPA tih mi tak a ni a;
18:4	heti hi a ni a, Jezebelin LALPA zawlneite a rawt chiam lai khan Obadia chuan zawlnei za a hruai a, pukah sawmnga telin a thukru a,c hhang leh tuiin a chawm thin a ni)
18:5	Tin, Abahan Obadia hnenah, "Tuihna zawng zawng leh luikawr zawng zawng awmna lam ram va fang teh khai; sakawr leh sabengtungte hi kan chhandam theihna turin hlobette kan hmuhsak thei mahna, chutilochuan rante hi kan chan vek da ang e," a ti a.
18:6	Chutichuan ram fan chauh tur an insem a: Ahaba chu amahin kawng danga a kal a, tin, Obadia chu amahin kawng dangah a kal a.
18:7	Tin, chutia Obadia a kal lai chuan, ngai teh, Elija nen an intawk a: tin, ai chuan a la hria a, tichuan a bawkkhup a, "Nang i ni maw, ka pu Elija?" a ti a.
18:8	Tin, ani chuan a chhang a, "Ni e, kal ta la, Nai teh, Elija sawtah sawn a awm e,' tiin a pu va hrilh rawh,"
18:9	Tin, ani chuan, "Thil eng nge ka tihsual a, i chhiahhlawhhi thah tura Ahaba kuta pek i duh mai le?
18:10	LALPA i Pathian nunna chhalin ka sawi e, ka puin nangmah zawntir lohna hnam leh ram reng reng a nei lo asin: 'Hetah a awm lo ve,' an tih chuan an hmu loh che thu-ah ram leh hnam chu chhia a chhamtir zel mai a ni a.
18:11	Tunah hian nangin, 'Kal ta la, ngai teh, Elija sawtah sawn a awm e, tiin i pu va hrilh rawh,' i ti mai a.
18:12	Heti hi a ni ang a, ka kalsan veleh che hian LALPA thlarauvin ka hriat lohnaah a la bo si ang chia; tichuan Ahaba ka va hrilh a, a rawn hmuh theih si loh che chuan mi that mai ang asin: nimahsela i chhiahhlawh hian ka tleirawl tirh ata LALPA chu ka tih thin si a.
18:13	Jezeblein LALPA zawlneite a rawt chiam laia ka thiltih, LALPA zawlneite zinga mi 150 tela puka ka thuhruka, chhang leh tuia ka chawmziate kha ka pu hi an hrilh lo che em ni?
18:14	Tunah hian nangin, 'Kal ta la, ngai teh, Elija chu sawta sawn a awm e, tiin i pu va hrilh rawh,' i ti mai a: mi that ngei ang le," a ti a.
18:15	Tin, Elija chuan, "A bula ka awm thinna sipaihote LALPA nunna chhalin ka sawi e, vawiinah hian ahnena ka inlan ngei ngei dawn a ni," a ti a.
18:16	Chutichuan Obadia chu Ahaba be turin a kal a, a va hrilh ta a: tin, Ahaba chu Elija hmuh tumin a kal ta a.
18:17	Tin, heti hi a ni a, Ahaban Elija a va hmuh chuan Ahaban a hnenah, "Nang i ni maw, Israel-ho timangangtupa?" a ti a.
18:18	Tin, ani chuan a chhang a, "Israel-ho ka timangang lo ve; nang leh i pa chungten alawm timangang zawk ni, LALPA thupekte hi hawisan a, Baala-te i pawm zawkah hian.
18:19	Chutichuan tunah hian Israel-ho zawng awng leh Baala zawlnei zali leh sawmnga leh, Aseri zawlnei, Jezebeli dawhkana chawhlui kil ve thin zali-te kha ka hnenah Karmel tlangah hian va koh khawmtir rawh," a ti a.
18:20	Chutichuan Ahaban Israel thlahteho zawng zawng hnenah mi a tir a, zawlneihote chu Karmel tlanga chuan a ko khawm a.
18:21	Tin, Elija chuan mipuiho zawng awng ch a va hnaih a, "Tuilairapin eng chen nge in awm dawn? LALPA chu Pathian a ni chuan, amah chu zui ula; tin, Baala a ni leh, ama chu zui rawh u," a ti a. Mipuite chuan kam khat mahin an chhang lo va.
18:22	Tichuan Elijan mipuite hnenah chuan, "LALPA zawlnei la awm chu keimah chauh hi ka ni a; Baala zawlneite eaw chu mi 450 an ni a.
18:23	Chutichuan bawngpa pahnih min han pe sela; annin bawngpa pakhat chu an puala thlang sela, chan sawm sela, thing chungah chuan dah sela, a hnuaiah mei chhem lovin: tin, keiin bawng pakhat chu ka buatsaih ve ang a, thing chunga chuan ka dah ang a, mei ka chem bik lo vang e.
18:24	Tin, nangnin in pathian hming chu lam ula, kei pawhin LALPA hming ka lam ang a: tichuan meia rawn chhangtu Pathian apiang chu Pathian ni raw se," a ti a. Tin, mi zawng zawng chuan an chhang a, "A dik alawm," an ti a.
18:25	Tichuan Elijan Baala zawlneite hnena chuan, "Nangnin bawngpa pakhat hi in pualah thlang ula, buatsaih hmasa rawh u; nangni zawng in tam deu hi; tin, in pathian hming chu lam ula, amaherawhchu a hnuaiah mei chem su u," a ti a.
18:26	Tin, bawngpa an pual chu an la a, an buatsaih a, "Aw Baala, min han chang rawh khai," tiin zing atangin chhun thlengin Baala hming chu an lam a> nimahsela aw riva reng reng chu a awm lo va, changtu reng reng lah an awm hek lo. Tin, an maicham siam velah chuan an zuang a zuang mai a.
18:27	Tin, chhhun lai takah chuan heti hi a ni a, Elija chuan anmahni chu tielin, "Au ring che u le: pathian ani si a; a inngaihtuah rih emaw, a bibo rih lawk emaw, a thang bo rih emaw emaw, a nih loh leh a muhil hlauhva, tihharh tur emaw ani ang e," a ti a.
18:28	Tin, ring takin an au va, an tih thin danin chemte leh feitein thi chuak zawih zawih khawpin an inzaiin an invit a.
18:29	Tin, ni a lo thlengher chuan heti hi a ni a, tlai lam inthawi hun thlengin an sawi dual dual mai a; nimahsela aw riva reng reng a awm lo va, changtu tur reng reng emaw an awm bawk hek lo.
18:30	Tichuan Elijan mipuiho zawng zawng hnenah chuan, "Min rawn hnaih teh u khai, " a ti a; tin, mipuiho zawng zawng huan an va hnaih a. Tin, LALPA maicham tihchim taw chu a siam tha a.
18:31	Tin, "I hming chu Israela a ni ang," tia LALPA thu lo dawngtu Jakoba fate hnam zat lung sawm le pahnih Elijan a la a.
18:32	Tin, lungte chuan LALPA hmingin maichama a siam a; tin, maicham vel chu buh chi tehkhawng hnih leng zetin a lai khuar a.
18:33	Tin, thing chu a han chep fel a, bawngpa chu a chan sawm a, thing chungah chuan a dah a. Tin, "Bel pali tuiin tikhat ula, halral thillan leh thing hi han leih rawh u," a ti a.
18:34	Tin, "Han leih rawh u," a ti a; an han leih leh a. Tin, "Han leih nawn leh rawh u," a ti a; an han leih nawn leh a.
18:35	Tin, tui chu maicham velah chuan a luang ta dul dul a; tin, laih khuar chu tuiin a tikhat bawk a.
18:36	Tin, tlai lam inthawi hun lai chuan eti hi a ni a, zawlnei Elija chuan a va pan hnai a, "Aw LALPA, Abrahama te, Isaaka te, Israela te Pathian, nang hi Israel rama Pathian i ni leh, kei hi i chhiahhlawh ka nih a, heng zawng zawng hi nangma thua ti ka nih vawiinah hian hre hlawm rawh se.
18:37	Mi lo ngaihthlaksak la, heng mipuite hian nang LALPA hi Pathian i ni a, an thinlungte i lamlettir leh ta a ni tih hi an lo hriat theih nan aw LALPA, mi lo ngaithlaksak ang che," a ti a.
18:38	Tichuan LALPA mei chu a lo tla a, halral thilhlan te, thing te, lung te, vaivute chu a kangral a, laih khuara tui chu a hip kang ta vek a.
18:39	Tin, mipuiho zawng zawngin chu chu an han hmu chuan an bawkkhup a, "LALPA hi a lo ni. Pathian chu, LALPA hi a lo ni, Pathian chu," an ti a.
18:40	Tin, Elijan an hnenah, "Baala zawlneite hi man ula, pakhat mah chhuah suh u," a ti a. Tin, an man a, Elijan Kison luiah a hruai thla a, chutah chuan a that hlawm a.
18:41	Tichuan Elijan Ahaba hnenah, "Han cho ta langin, eiin han in tawh rawh; ruahpui sur tur thawm a awm a nia," a ti a.
18:42	chutichuan Ahaba chu ei leh in turin a han cho ta a. Tin, Elija chu Karmel tlang chhip lamah a han chho va; tin, lei lama a kun a, a kapkara a hmai a rawlh a.
18:43	Tin, a chiahhlawh hnenah, "Han chho ta la, tuifinriat lam han thlir teh khai, a ti a. Tin, a han chho va, a han thlir a; "Engmah a awm lo," a ti a. Tin, ani chuan, "Kal leh rawh, vawi sarihin, " a ti a.
18:44	Tin, a vawisarihnaa chuan, heti hi a ni a, "Ngai teh, tuifinriat atangin mihring kut tiak lek chhum a ho nel nel e," a ti a. Tin, ani chuan, Han kal ta la, Ahaba hnenah, 'I tawlailir bautsaih la, chhuk tawh rawh, ruahin a dang dah ang che,' ti ang che," a ti a.
18:45	Tin, rei lo teah chuan heti hi a ni a, van chu thli leh chhumin alo duk ta kuih mai a. ruahpui vanawn a lo sur ta a. Tin, Ahaba chu tawlailira chuangin Jezreel khuaah a kal ta a.
18:46	Tin, LALPA kut chu Elija chunga a awm a; tichuan puan a veng a, Ahaba hmaah chuan Jezreel khaw luhna thlengin a tlan ta a.

I Lalte 17

THUTHLUNGHLUI   I Lalte   Bung 17
17:1	Tisbe khua, gilead rama Tisbe khuaa mi Elijan Ahaba hnena chuan, "LALPA, a bula ka awm thinna Israelte Pathian nunna chalin ka sawi e: kum eng emaw i chung chu ka thu lo chuan dai leh ruah reng reng a tla lo vang," a ti a.
17:2	Tin, LALPA thu chu a hnenah a lo thleng a,
17:3	"Heta ta hi chhuak la, khawchhak lam panin kal la, Jordan bula awm Kerith luiah han biru rawh
17:4	Tin, heti hi a ni ang a; chuta a chawm tur che in choakte thu ka pe tawh e," tiin.
17:5	Chutichuan a kal a, LALPA thu ang chuan a ti ta a: Jordan bula awm Kerith luiah chuan a han awm ta a.
17:6	Tin, choakten zing lamah chhang leh sa an rawn putsak thin a, tlai lamah chhang leh sa an rawn putsak leh thin a; tin, lui tui chu a tlan a.
17:7	Tin, nakin deuhvah chuan heti hi a ni a, hung ramah chuan ruah reng reng a sur loh avangin lui chu a lo kang chat ta a.
17:8	Tin, LALPA thu a hnenah a lo thleng a,
17:9	"Tho la, Zidon rama Zarephath khuaah kal la, chuta chuan awm rawh: ngai teh, a chawm tur chein hmeithai pakhat thu ka pe tawh e," tiin.
17:10	chutichuan a tho va, Zarephath khuaah chuan a kal ta a; tin, chu mi khaw kulh kawngka chu a va thlen chuan, ngai teh, hmeithai pakhat thing fawm hi a lo awm a; tin, ani chu a han au va, "Belin ti tlemte mi han lak teh khai, ka lo in ang e," a han ti a.
17:11	Tin, la tura a kal chu a han au va, "Chhang tlemte paw mi han ken te ang che," a ti a.
17:12	Tin, a ni chuan, "LALPA i Pathian nunna chhalin ka sawi e, chhang zawng ka nei lo va, belah chhangphut vei khat lek leh, umah sahriak tlemte chauh ka nei a; tin, ngai teh, ka hawna ka tan leh ka fapa atana siamna turin thingtang pahnih emaw lek ka fawm a ni a, tichuan ka ei ang a, kan ti mai ang," a ti a.
17:13	Tin, Elijan a hnenah, "Hlau suh; i sawi ang chuan va ti ta che: amaherawhchu chu mi chuan chhang te tak te mi han siam phawt la, chu chu mi rawn lak la, chu mi zawhah chuan i tan leh i fapa atan i la siam dawn nia.
17:14	LALPA, Israelte Pathianin heti hia a ti a ni, 'LALPAN lei chungah hian ruah a rawn surtir hma loh chuan chhangphut bel chu a ruang chuang lo ang a, sahriak um pawh a kang lo vang,' tiin," a ti a.
17:15	Tichuan Elija sawi ang chuan a va t a: tin, amah le a chhungte leh Elija nen chuan ni engzat emaw lai an ei a.
17:16	Elija hmanga a sawi LALPA thu ang khan chhangphut bel chu a ruak chuang lova, sahriak um pawh a kang hek lo.
17:17	Tin, chung thil hnua chuan heti hi a ni a, in neitunu, hmeiche fapa chu a lo dam lo ta a; a na chu a na hle mai a, a thaw a tawp ta a.
17:18	Tin, ani chuan Elija hnenah, "Aw nang Pathian mi, nang leh kei hi engnge mawi kan ni? Kan sualna hriatchhuahtir tur leh ka fapa mi thahsak tura lo kal i ni hi le!" a ti a.
17:19	Tin, ani chuan a hnenah, "I fapa chu mi han pe teh," a ti a. Tichuan a pawm lai chu a laksak a, a awmna pindanah chuan a pawm cho va, ama khumah a muttir a.
17:20	Tin, LALPA a au va, "Aw LALPA ka Pathian, ka chenna hmeithainu chungah pawhhian a fapa tihlumsakin thil tha lo i rawn thlentir ta em ni le?" a ti a.
17:21	Tichuan naupang chungah chuan vawi thum a bawk a, LALPA chu a au va, "Aw LALPA ka Pathian, khawngaih takin he naupang nunna hi amahah hian han awmtir leh ang che," a ti a.
17:22	Tin, LALPAN Elija thu chu a lo ngaihthlaksak a; tichuan naupang nunna chu amahah chuan a lo awm leh a, a lo harh leh ta a.
17:23	Tin, Elija chuan naupang chu a hruai a, pindan ata chu in chhungah a chhukpui a, a nu a pe ta a: tin, Elijan, "En teh, i fapa hi a dam leh ta e," a ti a.
17:24	Tin, hmeichhia chuan Elija hnenah, "Tunah zet chuan Pathian mi i ni a, i kaa LALPA thu hi thutak a ni tih ka lo hre ta," a ti a.

I Lalte 16

THUTHLUNGHLUI   I Lalte   Bung 16
16:1	Tin, Baasa chungchang thuah Hanania fapa Jehua hnenah LALPA thu a lo thleng a:
16:2	"Vaivut ata ka chawisang chia, ka mi Israelte chunga hian hotuah 'ka siam chia; tin, nangin Jeroboama kawng zawh chu i zawh ve a, an sualnatea mi tihthinrim nan ka mi Israelte thil i tihsualtir a;
16:3	ngai teh; Baasa leh a chungte hi ka tibo hlauh dawn a ni; tichuan Bebata fapa Jeroboama chhungte ang maiin i chhungte hi siam ang.
16:4	Baasa chhungkaw zinga mi khawpuia thi apiangte chu chungleng savaten an ei ang," tiin.
16:5	Baasa chanchin dangte, a thiltih te, a thiltih theihziate chu Israel lalte lal lait hu ziakna buah a chuang a ni lawm ni?
16:6	Tin, Baasa chu a pute hnenah chuan a muhil a, Tirza khuaah an phum ta a; tin, a fapa Ela chu a aiawhin a lal ta a.
16:7	Tin, Baasa leh a chhungte chungchahng thuah chuan a kutchuaka LALPA tihthinrim nana Jeroboama chungte anna neia LALPA mithmuha thil tha lo tak a tih avang leh amah chu a thah avangin Hanania fapa zawlnei Jehua hmanga a sawi LALPA thu chu a lo thleng a.
16:8	Juda lal Asa lal kum sawmhnih leh kum ruknaah chuan baasa fapa Ela chu tirza khuaan Israel-ho chungah a lal tan a, kum hnih a lal a.
16:9	Tin, a puipa Zimria, a tawlailir zatve chunga hotuin a phiar ru a: chutih lai chuan Tirza khuaah, tirza khuaa a in chhung lam hotu Arza inah a lo inin rui a:
16:10	Tin, Juda lal Asa lal kum sawmhnih leh kum sarih kumah chuan Zimria chu a va lut a, a bei a, a that a, a aiawhin a lal ta a.
16:11	Tin, heti hi a ni a, a han lal tan a, a lalthutthlenga a han thut veleh chuan, Baasa chungte zawng zawng chu a that vek a: a laichinte leh a thiante zinga mi mipa fa tawh pawht chu pakhat mah a zuah lo.
16:12	,13 Chutiang chuan LALPA, Israelte Pathian chu an lawilohnaa tihthinrim nana Israelhote thil tihsualtira an tih, Baasa sualna zawng zawng leh a fapa Ela sualnate avanga LALPAN zawlnei Jehua hmanga Baasa chungchang thua a lo sawi tawh ang khan, Zimria chuan Baasa chungte zawng zawng chu a tiboral vek a ni.
16:13	,12 Chutiang chuan LALPA, Israelte Pathian chu an lawilohnaa tihthinrim nana Israelhote thil tihsualtira an tih, Baasa sualna zawng zawng leh a fapa Ela sualnate avanga LALPAN zawlnei Jehua hmanga Baasa chungchang thua a lo sawi tawh ang khan, Zimria chuan Baasa chungte zawng zawng chu a tiboral vek a ni.
16:14	Ela chanchin dangte leh a thiltih zawng zawngte chu Israel lalte lal lai thu ziakna bulah a chuang ani lawm ni?
16:15	Juda lal Asa lal kum sawmhnih leh kum sarihnaah chuan, Zimria tirza khuaa ni sarih a lal a. Philistia-ho chan khuaah ni sarih a lal a. Philistia-ho chan Gibbethon khua chu, mite chuan an hual a ni.
16:16	Tin, a hualtute chuan Zimrian a phiar ru a, lal a that ta tih an sawi an lo hria a; chutichuan Israel-ho zawng zawng chuan sipai hotu Omria chu, chumi ni chuan an riah hmunah Israelte chunga lalah an siam ta a.
16:17	Tin, Omria chu Israel-ho zawng zawngte nen gibbethon khua atang chuan an han chho va, tirza khua an han hual ta a.
16:18	Tin, heti hi a ni a, Zimrian khua chu an la tih a hriat chuan, lal ina kulhah a tlan lut a, lal inah chuan a inhalkhum a, a thi ta a,
16:19	LALPA mithmua thil tha lo tak tia a sualnate avang leh Jeroboama kawng zawhc hu zawh vea Israel-hote thiltihsualtira a sualna avangin.
16:20	Zimria chanchin dangte leh, a phiarrukna thute chu Israel lalte lal lai thuziakna buah a chuang a ni lawm ni?
16:21	Chutichuan Israel mipuite chu pawl hnihah an lo inthen ta a: mipi zatve chuan Ginatha fapa Tibnia chu lala siam tumin an zui a; tin, a zatvein Omria an zui a.
16:22	Nimahsela Omria zuitute chuan Ginatha fapa Tibnia zuitute chu an hneh ta a: tichuan tibnia chu a thi a, Omria chu a lal ta a.
16:23	Juda lal Asa lal kum sawmthum le kum khatnaa Omria chu Israelte chungah a lal ta a, kum sawm leh kum hnih a lal a: Tirza khuaah kum ruk a lal a.
16:24	Tin, Semera ta Samari tlang chu tangka talent hnihin a lei a; tin, tlangah chuan khu a siam a, a khaw siam hmingah chuan chu mi tlang neitu Semera hming chawin Samari aputtir a.
16:25	Omria chuan LALPA mithmuhin thil tha lo tak a ti thin a, a hmaa mite zawng zawng aiin thil a tisual nasa bik a,
16:26	Nebata fapa Jeroboama dan zawng zawng ka a la a, an lawilohna avanga Israel-hote thil a tihsualtirna ang khan a sual ve si a.
16:27	Omria thiltih chanchin dangte leh a thiltihtheihzia a tilan thute chu Israel lal lai thu ziakna buah a chuang a ni lawm ni?
16:28	Chutichuan Omria chu apute hnenah chuan amu hil a, Samari khuaah an phum ta a: tin, a fapa Ahaba chu a aiawhin a lal a.
16:29	Juda lal Asa lal kum sawmthum le kum riatnaa Omria fapa Aaba chu Israelte chungah a lal tan a: tin, Omria fapa Ahaba chu Samari khuaan kum sawmhnih leh kum hnih Israelte chungah a lal a.
16:30	Tin, Omria fapa Ahaba chuan a hmaa mite zawng zawng aiin LALPA mithmuin thil tha lo tak a ti thin a.
16:31	Tin, heti hi a ni a, Nebata fapa Jeroboama sualna ang tih vete chu engma lova ngai ni awm takin, Zidon-ho lal ethbaala fanu Jezebeli nupuiah a nei a, Baala rawngte bawlsanin a be ve ta mai a,
16:32	Tin, Samari khuaa Baala in a sakah chuan Baala tan maicham a siam a.
16:33	Tin, Ahaba chuan Aseri a siam a; a hmaa Israel lalte zawng zawng aiin Ahaba chuan LALPA, Israelte Pathian tihthinrimna thil a ti nasa bik a ni.
16:34	A lal lai chuan Bethel mi Heilan Jeriko khua a siam a: a fatir Abirama chanin a lungphum chua phum a; tin, a fa tlum Seguba chanin a kulh kawngkharte chu a din a, lalpan Nuna fapa Josua hmanga a lo sawi tawh ang khan.

I Lalte 15

THUTHLUNGHLUI   I Lalte   Bung 15
15:1	Nebata fapa lal Jeroboama kum sawm leh kum riat a lal kum chuan Juda hote chungah Abijama chu a lal tan a.
15:2	Jerusalem khuaah kum thum a lal a: a nu hming chu Kaaki, Abisaloma fanu a ni.
15:3	A hmaa a pain thil sual a tih zawng zawngte kha a ti ve a: a pu Davida thinlung angin a thinlung chu LALPA a Pathian lamah a tha famkim ve lo va.
15:4	Nimahsela Davida avangin LALPA a Pathianin a hnua a fapa la tundinna tur leh Jerusalem khua din nghet turin Jerusalem khuaah chuan khawnvar a neihtir a;
15:5	Hit mi Uria chungchang tih lovah chuan Davidan LALPA mithmuha thil tha a tih thin avang leh a dam chhung zawnga ti tura thu a pek tawh phawt chu a hnial ngai hauh loh avnaign.
15:6	Rehoboama nen an indo reng thin a.
15:7	Abijama chanchin dangte leh a thiltih zawng zawngte chu Juda lalte lal lai thu ziakna buah chuan a chuang a ni lawm ni? Tin, Abijama leh Jeroboama chu an indo thin a.
15:8	Tin, Abijama chu apute hnenah chuan a muhil a; tichuan Davida khawpuiah an phum ta a: tin, a aiawhin a fapa Asa chu a lal ta a.
15:9	Israel lal Jeroboama kum sawmhnih a lal kum chuan Asa chu Juda-hote chungah a lal tan a.
15:10	Tin, kum sawmli leh kum khat Jerusalem-aha lal a: a nu hming chu Maaki, Abisaloma fanu a ni.
15:11	Tin, Asa chuan apu Davida ang bawkin LALPA mithmuha thil tha a ti thin a.
15:12	Tin, mipa inzuarhote chu a ram ata a hnawt chhuak a, a putena milem an lo siam zawng zawngte chu a thehthang bo vek a.
15:13	Tin, a nu Maaki pawh chu, milem tenawm tak tak Aseri a siamsak avangin, a lalnu nih a ban a; tin, Asa chuan a milem siam chu a sat thlu a, Kidron luiah a hal a.
15:14	Hmun sangte erawh chu a thehthang bo lo va: nimahsela Asa thinlung chu a dam chhung zawng LALPA lamah a tha famkim a ni.
15:15	Tin, a pain thil alo hlan sa tawhte leh, amah ngeiin a lo hlan tawh, tangkarua te, rangkachak te, bungbelte chu LALPA inah a la lut a.
15:16	Tin, Asa leh Israel leh Baasa chu an lal chhung zawng an indo reng thin a.
15:17	Tin, Israel lal Baasa chuan Juda-ho a han bei a, Juda lal Asa hnena lut tur leh chhuak tur dan nan Rama khua a siam a.
15:18	Chutichuan Asan LALPA in leh lal ina ro la awm, tangkarua leh rangkachak zawng zawngte chu a la a, a chhiahhlawhte a pe a; tin, lal Asa chuan Damasaka khuaa awm Suria lal Heziona fa tabrimona fapa Benhadada hnenah chuan,
15:19	"Kei leh nanga karah leh ka pa leh i pa karah thuthlung a awm a: ngai teh, lawmman atan tangkarua leh rangkachak ka han thawn a che; ti teh, Israel lal Baasa hian mi tinsanna turin a hnena i thuthlun kha that teh mai," tiin a thawn a.
15:20	Tin, Benhadada chuan lal Asa thu chu a lo pawm a, tichuan Israel khuate chu bei turin sipai hotute a tir a, Ijon khua te, Dan khua te, Abel-bethmaaka khua te, Kineroth bial zawng zawng, Naphtali ram zawng zawngte nen a bei a.
15:21	Tin, heti hi ani a, Baasan chu mi thu chu a lo hriat veleh Rama khaw siam chu a bang a, Tirza khuaah a awm ta a.
15:22	Chutichuan lal Asa chuan Judai ram zawng zawngah thu a than vel ta a; tumah awl reng reng an awm lo: tichuan Baasan Rama khaw siam nana lung leh thing a hmante chu an thiar a; tin, chung hmang chuan lal Asan Mizpe khua leh Banjamin rama Geba khua a siam a.
15:23	Asa chanchin dang zawng zawng te, a thiltih zawng zawng te, a khaw siamte chu Juda lalte lal lai thu ziakna buah chuan a chuang a ni lawm ni? Amaherawhchu a tar lamah a keah hri eng emaw alo vei ta a.
15:24	Tin, Asa chu a pute hnenah a muhil a, a pu Davida khawpuiah a pute zingah an phum ta a; tin, a fapa Jehosaphata chu a aiawhin a lal ta a.
15:25	Tin, Jeroboama fapa Nadaba chu Juda lal Asa lal kum hnihnaah chuan Israel- hote chungah a lal tan a, Israel hote chungah kum hnih a lal tan a, Israel hote chungah kum hnih a lal a.
15:26	LALPA mithmuhin thil tha lo tak a ti thin a, a pa kawng zawh chu a zawh ve a, Israel-hote thil tihsualtira a tih sualna kha a ti ve a.t
15:27	Tin, Isakara chhungte zinga mi Ahija fapa Baasan amah a phiar ru a, Philistia-ho chan, Gibbethon khuaah Baasa chuan a that ta a; Nadaba leh Israel-hoz awng zawngte chuan Gibbethon khua chu an hual lai a ni.
15:28	Juda lal Asa lal kum thumnaah a ni, Baasa chuan a thah a, a aiawha a lal ni.
15:29	Tin, heti hi a ni a, lal anih veleh chuan a tihchimih hma loh chuan Jeroboama chhungte zawng zawng chu a that a; nung tawh phawt chu pakhat mah Jeroboama chu a zuahsak lo; LALPAN Silo khuaa mi a chhiahhlawh Ahija hmanga a lo sawi tawh ang khan:
15:30	chu chu Israel hote htil tihsualtira a tih, Jeroboama sualnate avang leh LALPA, Israelte Pathian chu a tihthinrim avang a ni.
15:31	Nadaba chanchin dangte leh a thiltih zawng zawngte chu Israel lalte lal lai thu ziakna buah a chuang a ni lawm ni?
15:32	Tin, Asa leh Israel lal Baasa chu an lal chhung zawng an indo reng thin a.
15:33	Juda lal Asa lal kum thumnaah chuan Ahija fapa Baasa chu Tirza khuaan Israel-ho zawng zawng chungah a lal tan a, kum sawmhnih leh kum li a lal a.
15:34	LALPA mithmuhin thil tha lo tak a ti thin a, Jeroboama kawng zawh chu a zawh ve a, Israel-hote thil tihsualtira a tih sualna kha a ti ve a.

I Lalte 14

THUTHLUNGHLUI   I Lalte   Bung 14
14:1	Chung lai chuan Jeroboama fapa Abija a dam lo va.
14:2	Tin, Jeroboama chuan a nupuia hnenah, "Tho la, Jeroboama nupui ani tih an hriat loh nan che intidanglam la, Silo-ah va kal teh khai; ngai teh, chutah chuan zawlnei Ahija, he miteho chunga lala ka la awm tur ka chungchang thu sawitu kha a awm e.
14:3	Tin, chhangper sawm leh chhang hlawm te te leh khawizu um khat keng langin, a hnenah va kal teh: naupang awm dan tur chu a lo hrilh ang che," a ti a.
14:4	Tin, Jeroboama nupui chuan chutiang chuan a ti a, a tho va, Silo-ah chuan a kal a, Ahija inah chuan a va kal ta a. Ahija chuan khua a hmu thei tawh lo va: a upat avangin a mit a thim tawh si a.
14:5	Tin, LALPAN Ahija hnenah, "Ngai teh, Jeroboama nupui a fapa chungchanga rawn tur chein a lo kal e; a dam lo a ni a: hetiang hian lo hrilh ang che: heti hi ani ang a, a lo luh hunah chuan hmeichhe dang ni awm takin a rawn insiam dawn a ni, " a ti a.
14:6	Tin, heti hi a ni a, Ajijan chutia kawngkaa a lo luh laia a ke rah ri a han hriat veleh chuan, "Nang, Jeroboama nupui, lo lut rawh khai; eng tiziaa mi danga insiam nge i nih? Chanchin tha lo tak hrilh tur chea tirh ka ni asin.
14:7	Kal leh ta la, Jeroboama hnenah, 'LALPA, Israelte Pathianin heti hian a ti, Mipuite zing ata hi ka chawisang chia, ka mi Israelte chungah hian hotuah ka siam chia,
14:8	Davida chhungte ram ka chhuhsak a, chu chu ka pe chia: nimahsela nang zawng ka chhiahhlawh Davida angin i awm ve lo va, ani zawngin ka thupekte a pawm a, ka mithmuha thil tha chauh tih tumin a thinlung zawng zawngin mi zui thin a;
14:9	nang erawh chuan i hmaa mite zawng zawng aiin thil i tisual nasa bik a, mi tihthinrim nan pathian dangte leh milem chhunte i siam a, mi hnuchhawnsan ta a:
14:10	chuvangin, ngai teh, Jeroboama chhungkaw chungah hian thil tha lo ka rawn thlentir ang a, Jeroboama atang hian mipa fa tawh phawt chu Israel rama mi khuahkhirh leh khirh loh pawh ka tiboral ang a, miin ek a phait fai hliau ang mai hian Jeroboama chhungkua hi a mang vek hma loh chuan ka phiat bo hlauh dawn a ni.
14:11	Jeroboama chhungkaw zinga mi, khawpuai thi apiangte chu uiin an ei ang a; tin, rama thi apiangte chu chungleng savaten an ei ang: chu chu LALPAN a sawi tawh a ni, ti ang che.'
14:12	Chutichuan tho la, i in lamah haw leh mai tawh: khawpui chhung i rah veleh naupang chu a hti dawn a ni.
14:13	Tichuan Israel-ho zawng zawngin an sun ang a, an vui ang; Jeroboama chhungkaw zingah chuan amah chuah chu thlana dah tur a ni dawn si a: Jeroboama chhungkaw zingah hian amah chauhvah hian LALPA Israelte Pathian chunga thtna eng emaw a lan avangin.
14:14	Tin, LALPAN tun la laa Jeroboama chhungkua rawn tiboraltu tur Israelte chunga lal a insiam ang; tunah pawh hian engtin nge ni ta ang le?
14:15	LALPA chuan tuia rairuang nghing nging ang maiin Israelte chu a rawn vaw nghing ang a; tichuan LALPA thin tirima an Aser-te chu a siam avangin an pute a lo pek tawh, he ram tha tak ata hi Israel-hotek chu a la pawt chhuak fai vek ang a, Lui piah lamah chuan a la tidarh vek ang.
14:16	Tin, Israel-hote htil tihsualtira a tih Jeroboama sualnate avangin Israel-hote chu a hawisan ang," a ti a.
14:17	Tin, Jeroboama nupui chu a tho va, a chhuak ta a, Tirza khua chu a va thleng a: tin, in kawngka bul a va thlen veleh chuan naupang chu a thi ta a.
14:18	Tin, LALPAN a chhiahhlawh zawlnei Ahija hmanga thu a lo sawi tawh ang ngei khan Israel-ho zawng zawngte chuan an vui a, an sun ta a.
14:19	Jeroboama chanchin dang-a ral bei thu te, a rorel thu te chu - ngai teh, Israel lalte lal lai thu ziakna buah chuan a chuang a.
14:20	Tichuan Jeroboama rorel chhung chu kum 22 a ni: tin, a pute hnenah a muhil a, a fapa Nadaba chu a aiawhin a lal ta a.
14:21	Tin, Solomona fapa Rehoboama chu Judai ramah a lal a. A lal tantirh lai chuan Rehoboama chu kum sawmli leh kum khat mi ani a, LALPAN a hming awmtir nana Israel hnam zawng zawngte zinga a thlan khawpui Jerusalemah chuan kum 17 a lal a: a nu hming chu Naami, Amon mi a ni.
14:22	Juda-ho chuan LALPA mithmuhin thil sual an ti a; an pute thiltih zawng zawng khuma an sualnate chuan a thikthu a chawhthawhsak a.
14:23	Tlang sang tinah leh thing hring tin, hnuaiah hian lungphunte phunin hmun sangte leh Aser-te lam hi an siam bawk si a;
14:24	Tin, chu ramah chuan mipa inzuar te pawh an awm a: Israel thlahte hmaa LALPAN a hnawhchhuah tak hnamte thiltih tenawm tinreng ang chu an ti ve a.
14:25	Tin, lal Rehoboama lal kum nga kum chuan heti hi a ni a, Aigupta lal Sisakan Jerusalem khua chu a han bei a:
14:26	LALPA ina rote leh lal ina rote chu a la a, a vai chuan a la ta vek a: tin, Solomona rangkachak phaw siam zawng awngte chu ala tel vek a.
14:27	Tin, lal Rehoboama chuan chung aiah chuan lal Rehoboama chuan chung aiah chuan dar phawte a siam a, lal in kawngka vengtu hotute a kawltir a.
14:28	Tin, heti hi ani a, lal chu LALPA ina a luh apiangin vengtute chuan an keng a, tin, vengtute pindanah an dah leh zel thin a.
14:29	Rehoboama chanchin dangte leh a thiltih zawng zawngte chu Juda lalte lal lai thu ziakna buah chuana chuang a ni lawm ni?
14:30	Rehoboama leh Jeroboama chu indo reng rengin an awm thin a.
14:31	Tin, Rehoboama chu a pute hnenah chuan a muhil a, Davida khawpuiah a pute zingah chuan an phum ta a: a nu hming chu Naami, Amon mi a ni. Tin, a fapa Abijama chu a aiawhin a lal ta a.

I Lalte 13

THUTHLUNGHLUI   I Lalte   Bung 13
13:1	Tin, ngai teh, Judai ram atangin Pathian mi, LALPA thuin Bethel-ah a lo kal a: tin, Jeroboama chu maicham bulah rimtui hal turin a lo ding a.
13:2	Tin, LALPA thuin maicham chu a au khum a, "Aw maicham, maicham, LALPAN heti hian a ni, 'Ngai teh, Davida chhungte zingah fapa hming Josia a lo piang ang a, i chunga rimtui hal thintu, hmun sang puithiamte hi i chungah hian inthawi nan a la rawn hlan ang a, i chungah hian mihring ruhte an la rawn hal ang,' tiin," a ti a.
13:3	Tin, chu mi ni vek chuan chhinchhiahna a pe a, "Hei hi LALPAN chhinchhiahna tur a tih chu a ni: 'Ngai teh u, maicham hi ala khi phawk ang a, a chunga meivapte hi a la bawk vek ang,' tih hi," tiin.
13:4	Tin, heti hi a ni a, Pathian miin Bethel-a maicham a han au khum thu lalin a hriat chuan, Jeroboama chuan, "man rawh u," tiin maicham atang chuan a kutin a han ban a. Tin, man tuma a banna kut chu alo zeng ta a, tichuan a kut chu a la leh thei ta lo va.
13:5	Pathian miin LALPA thua chhinchhiahna tura a sawi ang khan maicham pawh chu a khi bawk a, maichama meivapte chu a baw ta vek a.
13:6	Tin, lal chuan a chhang a Pathian mi hnenah chuan, "Ka kut hi alo lem leh theihna turin LALPA i Pathian khawngaihna ngen la, min tawngtaisak teh khai," a ti a. Tin, Pathian mi chuan LALPA hnenah a ngen a, tin, lal kut chu a lo dam leh a, a hma ang bawkin a lo awm leh ta a.
13:7	Tichuan lal chuan Pathian mi hnenah, "Ka in lamah ka hnenah lo kal la, va chawl hahdam rih tawh khai, tin, lawmman ka pe dawn che nia," a ti a.
13:8	Tin, Pathian mi chuan lal hnenah, "I in lo zatve pawh mi pe dawn mah la, i hnenah zawng ka lo kal chuang lo vang, he mi hmunah hian chhang ka eiin tui reng reng pawh ka in hek lo vang:
13:9	Chhang va eiin tui reng reng pawh va in suh la, i va kalna kawngah pawh haw leh tawh suh,' tia LALPA thua tirh ka ni asin," a ti a.
13:10	chutichuan kawng dangah akal a, Bethel-a a lo kalna kawngah chuan a haw leh ta lo va.
13:11	Bethel khuaah chuan zawlnei putar pakhat hi a awm a; afapa pakhat chuan chu mi nia Bethel-a Pathaim mi thiltih zawng zawng chu a hrilh vek a: lal hnena, a thu sawite pawh chu an pa an hrilh bawk a.
13:12	Tin, an pa chuan an hnenah, "Khawi lam kawngah nge a kal tak?" a ti a. A fapate chuan Judai ram atanga lo kal Pathian mi haw lehna kawng chu a kawhhmuh a.
13:13	Tichuan a fapate hnenah, "Sabengtung mi han siam teh u," a ti a. Chutichuan sabengtung chu an siamsak a: tichuan a chuang ta a:
13:14	Tin, pathian mi chu a um ta a, sasqaw thing hnuaia a thu hi a va hmu a: a hnenah, "Nangmah hi em ni Judai ram atanga lo kal Pathian mi chu?" a ti a. Tin, ani chuan, "Ni e," a ti a.
13:15	Tichuan ani chuan a hnenah, "Ka in lamah ka hnenah lo kal la, chhang va ei rawh khai," a ti a.
13:16	Tin, ani chuan, "I ruala kir leh thei ka ni lo va, i hnena lo kal thei pawh ka ni hek lo: he mi hmunah hian i hnenah chhang ka eiin tui reng reng pawh ka in hek lo vang:
13:17	Chhang va eiin, tui reng reng pawh va in suh la, i va kalna kawngah pawh lo kir leh tawh suh,' tia LALPA thua hrilh ka ni si ," a ti a.
13:18	Tin, ani chuan a henah, "Kei pawh nangmah ang bawka zawlnei ka ni alawm: vantirhkohvin LALPA thuin, 'Chhangte eia tuite in turin i inlamah hruai kir leh rawh khai,' tiin mi bia a sin," a ti a. Nimahsela a hnenah dawt a sawi a ni.
13:19	Chutichuan a hnenah chuan a kir leh ve a, a inah chuan chhangte a eiin tui te a in ta a.
13:20	Tin, heti hi a ni a, dawhkan an kil lai chuan a hruai kirtu zawlnei hnenah chuan LALPA thu chu a lo thleng a:
13:21	Judai ram atanga lo kal Pathian mi hnenah chuan, "LALPAN heti hian a ti, LALPA thu sawi i awih loh va, LALPA i Pathianin thu a pek che i pawm loh avang leh,
13:22	i lo kir leh a, chhang va eiin tui reng pawh va in suh ang che, a tihna hmun ngeiah chhang i ei a, tuite i in avangin i ruang hi i pute thlana dah ani ve lo vang,' tiin, "tiin a sawi chhuak ta a.
13:23	Tin, heti hi a ni a, chhangte a ei a, tuite a in zawh chuan, zawlnei a hruai kir leha chu sabengtung a siamsak a.
13:24	Tin, a kal ta chu kawng lakah sakeibaknei nen an intawk a, a lo she ta a: tin, a ruang chu kawngah chuan thehthal derin a awm a, sabengtung chu a bulah chuan a ding a, sakeibaknei pawh chu ruang bulah chuan a ding ve reng a.
13:25	Tin, ngai teh, mi an va kal a, kawnga ruang thehthal dera awm leh ruang buala sakeibaknei ding reng chu an va hmu a: zawlnei putar pui awmna khuaah chuan an va sawi a.
13:26	Tin, kawng lak ata va hruai kir lehtu zawlnei chuan chu mi thu a lo hriat veleh chuan, "Pathian mi, LALPA thu sawi awih duh lopa kha anih chuL chuti chuan LALPAN a hnena a sawi, a thu ang ngeiin LALPAN sakeibaknei hnenah a pe a, a lo ham a, a sehhlum ta a nih chu," a ti a.
13:27	Tin, a fapate hnenah chuan, "Sabengtung mi siamsak leh u," tiin a sawi a. Tin, an siamsak ta a.
13:28	Tin, a kal ta a, a ruang kawnga thehthal dera lo awm leh sabengtung leh sakeibaknei ruang buala lo ding reng chu a va hmu a: sakeibaknei chuan ruang chu a lo la ei lo va, sabengtung pawh chu a lo la tipem lo va.
13:29	Tin, zawlnei chuan chu Pathian mi ruang chu a hlawm a, sabengtun gchungah chuan a hlang a, a kirpui ta a: tichuan zawlnei putar awmna khuaah chuan sun tur leh vui turin a lut ta a.
13:30	Tin, a ruang chu ama thlanah a zalh a; tichuan, "A va pawi tehluul em, ka unaupa! " tiin a tah a.
13:31	Tin, heti hi a ni a, a vui hnu chuan a fapate hnenah, "Ka thih hunah Pathian mi phumna thlanah hian mi rawn phum ve ang che u: a ruh bulah ka ruhte hi rawh dah ang che u.
13:32	Pathian thua Bethel-a maicham leh, Samari ram khawpuitea hmuns ang in zawng zawng a au khumna thu kha lo thleng ngei tur a ni si a," tiin a sawi a.
13:33	Chung thil hnuah pawh Jeroboama chuan a awm dan dik lo chu a la ban chuang lo va, vantlang zinga mi hmun sang puithiam atan a la siam ta cheu va: hmun sang puithiamte an awm theihna turin a duh apiang a tihrang thin a.
13:34	Chu thil chu Jeroboama chhungkaw sualna anmahni tichimittu leh khawvel ata tiboral hlauhtu a lo ni ta .

I Lalte 12

THUTHLUNGHLUI   I Lalte   Bung 12
12:1	Tin, Rehoboama chu Sekem khuaha akal a; Israel-ho zawng zawng chu Sekem khuaah chuan lala siam turin an kal tawh si a.
12:2	Tin, heti hi ani a, Nebata fapa Jeroboaman chu mi thu chu a lo hriat chuan (lal Solomona hnen atanga a tlan bona Aigupta rama la awm a ni a, tichuan Jeroboaman Aiguipta rama a la awm reng hc a zuk kohtir a;)
12:3	Jeroboama leh Israel pungkhawmho zawn zawng chu an lo kal a, rehoboama hnenah,
12:4	"I pa khan kan nghawngkawl a tirit em thin a: chuvangin i pa min chhawr rimna leh, a nghawngkawl rit tak kan chunga a nghah hi min tihzansak la, tichuan i rawng kan bawl ang e," tiin an rawn sawi a.
12:5	Tin, ani chuan an hnenah, "Ni thum chhung chu lo va kal kiang ta rih ula, tin, ka hnenah lo kal leh ang che u," a ti a. Tin, mipuite chu an kal kiang ta a.
12:6	Tin, lal Rehoboama chuan a pa Solomona dam laia a bula awm thin upahote chu, "Heng mipuihote hi ka chhan dan tur rem engnge mi ruatpui le?" tiin a rawn a.
12:7	Tin, anni chuan a hnenah, "Tunah hian hengho chhiahhlawha i awm a, an rawng i bawl a, anmahni chu i chhan a, an hnena thu tha tak sawi i tum chuan, kumkhuain i chhiahhlawhah an awm ang," tiin an sawi a.
12:8	Nimahsela upaho remtuatpui chu a pawm lo va, ama rualpui tlangvalho, a bula awm thinte chu a rawn ta zawk a.
12:9	An hnenah chuan, "Heng mipuiho, ka hnena, 'I pan kan chunga nghawngkawl anghah hi min tihzansak rwah,' tia sawitute hi ka chhan dan tur rem engnge min ruatpui le?" a ti a.
12:10	Tin, a rualpui tlangvalhote chuan a hnenah, "Heng mipuiho, 'I pa khan kan nghawngkawl a tirit em thin a, nang chuan min tihzaksak rawh khai,' i hnena titute hnenah chuan hetiang hian ti la, hetiang hian an hnenah sawi ang che: 'Ka pa kawng ai chuan ka zungte hi a lian zawk.
12:11	Ka pa khan ngawhngkawl rit ak a lo bahtir che u a, kei chuan in nghawngkawl chu ka belhchhah dawn a sin: ka pan vuaknain a lo hring thin che u a, kei rawh chuan khawmualkaikuangin ka hring dawn che u a ni,' tin," an sawi a.
12:12	Chutichuan Jeroboama leh mipuiho zawng zawng hchu llain, "Nithum chinah ka hnenah lo kal leh ang che u," tia a hrilh ang khan, a ni thum ni chuan Rehoboama hnenah an va kal a.
12:13	Tin, lal chuan, mipuite chu chang takin a lo chhang a, upahote remruatpui kha a pawm lo va;
12:14	tlangvalhote remruatpui ang khan, "Ka pan in nghawngkawl a lo tirit a, kei chuan in nghawngkawl chu ka belhchhah dawn asin, ka pan vuaknain a lo hring thin che u a, kei erawh chuan khawmualkaikuangin ka hring dawn che u a ni," a ti a.
12:15	Chutichuan lal chuan mipuite thu sawi kha a pawm ta lo va; chu chu LALPA avang a ni, LALPAN Silo mi Ahija hmanga, Nebada fapa Jeroboama hnea a thu lo saiw tawh kha a tihngheh theih nan.
12:16	Tin, Israel-ho zawng zawng chuan lalin an thu sawi a pawm lo tih an hriatin, mipuite chuan, "Davidaah hian chanvo engnge kan neih le? Jesaia fapaah chuan roluah tur kan nei hek lo: aw Israelte u, in puan in lamah haw rawh u: David, i chhungkua ngaihtuah mai tawh," tiin lal chu an chhang a. Chutichuan Israel-ho chu an puan in lamah an kal ta a.
12:17	Israela thlah, Judai ram khua awmte erawh chu, an chungah Rehoboaman ro a rel a.
12:18	Tichuan lal Rehoboama chuan hnathawka rawih luihte hotu Adorama a tir a; ani chu Israel-ho zawng zawng chuan lungin an deng a, a thi ta a. Tin, lal Rehoboama chu Jerusalem khuaa tlan tumin a tawlailirah a chuang ta thaui a.
12:19	Chutichuan Israel-hote chu Davida chhungte chungah an lo hel ta a ni, tun thleng hian.
12:20	Tin, heti hi ani a, Israel-ho zawng zawngin Jeroboama chu a lo kir leh tih an hriatin, punkhawmnaa lo kal turin an kohtir a, Israel-ho zawng zawng chunga lalah an siam ta a: Juda hnam ngawt lo chu Davida chhungte zui tumah an awm lo.
12:21	Tin, Rehoboama chuan Herusalem khua a han thlen chuan, Israela chhungtte chu dova Solomona fapa Rehoboama rama la leh turin Juda chhungte zawng zawng leh, Benjamin hnam, mi huaisen thiau thlan chhua 180,000 zet a khawm a.
12:22	Nimahsela Pathian mi Semaia hnenah Pathian thu a lo thleng a,
12:23	"Judai ram lal Solomona fapa Rehoboama hnenah leh Juda leh Benjamina chhungte zawng zawng hnenah leh mipui dangte hnenah chuan,
12:24	LALPAN heti hian a ti, Han kal suh u, Israela thlah, in unauteho chu han do hek suh u: mahni in lamah haw leh vek tawh u; hei hi keimah tih ani e, tiin,' sawi rawh," tiin. Chutichuan LALPA thu ang chuan an kir a, an haw leh ta vek a.
12:25	Chutichuan Jeroboama chuan, Ephraim tlang ramah Sekem khua a siam a, chutah chuan a awm a; tin, chuta tang chuan a chhuak a, Penuel khua a siam a.
12:26	Tin, Jeroboama chuan a rilruin, "ram hi Davida chhungte ta a lo ni leh nghe nghe ang a:
12:27	he miteho hi Jerusalem khuaa LALPA ina inthawinate hlan tura an kal chuan, he miteho thinlung hi an LALPA Rehoboama, Judai ram lal lamah hian a thle leh mai ang a, tichuan kei hi mi that ang a, Judai ram lal Rehoboama lamah an pakai leh mai ang a," a ti a.
12:28	Chutichuan lal chuan mi a rawn a, rangkachak bawng no lem pahnih a siam a; an hnenah chuan, "In tan Jerusalem khuaa han kal chu a harsa lutuk em a; aw Israelte u, en teh u, Aigupta ram ata hruai chhuaktu che u in pathiante hi," a ti a.
12:29	Tin, pakhat chu Bethel-ah a dah a, pakhat hchu Dan-ah a dh a.
12:30	Chu thil chu sual a lo ni ta a ni: mipuite chu a pahniha be turin Dan thleng thlengin an kal si a.
12:31	Tin, hmun sang inte a san a, Levia fate ni lo, vantlang zinga mi puithiamahte a siam a.
12:32	Tin, Jeroboama chuan Judai rama kut an neih ang bawkin thla riatna, chu mi thla ni sawm leh ni nga ni chu kut niah a ruat ve a, maichamah chuan a han kal a; Bethel-ah chuan a bawng no lem siam hnena inthawiin chutian g chuan a ti a ni: tin, a siam hmun sang puithiamte chu Bethel-ah a dah a.
12:33	Tin, amahin a du anga a ruat thla ngei, thla riatna, ni sawm leh ni nga niah chuan Bethel-a a maicham siamah a han kal a: tin, Israel thlahte tan kut a ruat a, maichama rimtui hal turin a han kal a.

I Lalte 11

THUTHLUNGHLUI   I Lalte   Bung 11
11:1	Solomona chuan Pharaoa fanu chang lo pawh hnam dang hmeichha tam tak Moab te, Amon te, Edom te, Zidon te, Hit-ho hmeichhiate a hmangaih a;
11:2	chung hnamho chungchang thu chu LALPAN Israela thlahte hnenah, "Anmahni pawl suh ula, anni pawhin pawl che u suh se: an pathiante lamah in thinlung an hruai kawi ngei dawn si a," tiin alo sawi tawh reng a; chungho chu Solomona chuan hmangaihnain a vuan tlat a.
11:3	Tichuan nupui zasarih, lal fanu a nei a, hmei zathum nen: tin, a nupuite chuan a thinlung an hruai kawisak ta a.
11:4	Tin, heti hi a lo ni ta a, Solomona chu a lo upa hnu chuan, a nupuite chuan pathian dangte lamah a thinlung an hruai kawisak a: tichuan a pa Davida thinlung angin LALPA a Pathian lamah chuan a thinlung chu alo tha famkim ta lo va.
11:5	Solomona chuan Zidon-ho pathiannu Astorethi leh Amon-ho pathian tenawm tak Milkoma chu a lo zui ve ta mai a.
11:6	Tin, Solomona chuan LALPA mithmuhin thil sual alo ti ta a, a pa Davida angin LALPA chu a zui tlat ve ta lo va.
11:7	Chutichuan Solomona chuan Jerusalem bula tlangah Moab-ho pathian tenawm tak Kemosa tan leh, Amona thlahte pahtian tenawm tak Moleka tan hmun sang a lo siam ta a.
11:8	Chutiang bawkin hnam dang a nupui zawng zawng an pathiante hnena inthawia rimtuite hal thinte tan pawh a siamsak a.
11:9	,10 Chutichuan LALPA Israelte Pathian, a hnena vawi hnih lai inlar a, he thu pathian dangte a zui tur ani lo tih thu lo petu chu a thinlungin a hawisan tak avangin Solomona chungah chuan LALPA thin a lo uur ta a: LALPAN thu apek chu pawm si hek lo.
11:10	,9 Chutichuan LALPA Israelte Pathian, a hnena vawi hnih lai inlar a, he thu pathian dangte a zui tur ani lo tih thu lo petu chu a thinlungin a hawisan tak avangin Solomona chungah chuan LALPA thin a lo uur ta a: LALPAN thu apek chu pawm si hek lo.
11:11	Chuvangin LALPAN Solomona hnenah chuan, "Hetiang hian i lo awm ta a, ka thuthlungte leh ka thuruatte pawm tura thu ka pek che hi i lo pawmta si lo va, ram hi ka chhuhsak ngei ngei ang chia, i chhiahhlawh ka pe ang.
11:12	Amaherawhchu i pa Davida avangin i dam chhung em chuan ka ti rih lo vang a: nimahsela i fapa zawng ka chhuhsak dawn a ni.
11:13	Ram zawng zawng erawh chu k achhuhsak vek lo vang a; nimahsela ka chhiahhlawh Davida avang leh ka thlan Jerusalem avang hian hna khat chu i fapa ka pe ang," a ti a.
11:14	Tin, LALPAN Edom mi, Hadada chu Solomona hmelmaah a rawn din chhuak ta a: amah chu Edom rama lal thlah a ni.
11:15	Tin, heti hi a ni a, Davfida Edom rama a awm laia, an mi thahte phum tura sipai hotu Joaba a han kal a, Edom mi mipa fa tawh phawt chu a han thah vek hnu khan,
11:16	(Joaba leh Israel mi zawng zawngte chu thla ruk zet, Edom rama mipa zawng zawng a tihhlum vek hma loh chuan an awm a ni a;)
11:17	Hadada chu a pa chhiahhlawhte zinga Edom mi thenkhatte nen Aigupta rama kal turin an tlan a; Hadada chu naupangte a la ni a.
11:18	Midian ramata an chhuak a, Paran-ah an kal a: tin, Pran atangin mite an hruai a, Aigupta ram, Aigupta ram leh Pharaoa hnen an zuk thleng a; ani chuan in te a lo pe a, ei turte a lo ngaihtuahsak a, ramte a lo pe bawk a.
11:19	Hadada chuan Pharaoa mit a ltung hle mai a, tichuan a nupui ngeia laizawn, lalnu Tahpenesi laizawn chu nupuiah a neihtir a.
11:20	Tin, Tahpenesi laizawn chuan fapa Genubatha a hrinsak a, Tahpenesiin Pharaoa inah a hnute hnek banna a siamsak a: tin, Genubatha chu Pharaoa inah Pharaoa fate zingah chuan a awm ta a.
11:21	Tin, Hadadan Aigupta ram atanga Davida chu a puteho hnenah amuhil ta tih le, sipai hotu Joaba pawh a thi tawh tih a lo hriatin, Hadada chuan Pharaoa hnenah, "Kan rama ka haw theih nan mi chhuahtir ta che," a ti a.
11:22	Chutichuan Pharaoan a hneah, "Ka hnena i awm hian tlakchham engnge i neih ni le, ngai teh, chutia in ram lama haw leh i tum tak mai?" a ti a. Tin, ani chuan, "Engmah phei chu nei lo ve: nimahsela mi kaltir reng reng rawh khai," a ti a.
11:23	Tin, Pathianin a hmelmaah Eliada fapa Rezona, a pu Hadadezera, Zoba lal hnen ata tlan bo tawh kha a rawn din chhuak leh a:
11:24	Davidan Zoba khuaa mite a thah khan ani chuan a hnenah mite a kai khawm a, sipai hotuah a lo tang ta a: tin, Damaska khuaah an kal a, chutah chuan an awm a, Damaska khuaha chuan lalah a thu ta a.
11:25	Hadada tihhreawmna belhchhahin Solomona dam chhung zawng, Israelte hmelma a ni fo thin reng a. Israelte a haw hle mai a, Suria ram chungah ro a rel a.
11:26	Tin, Bebata fapa Jeroboama, Zereda khuaa Phraim mi, Solomona chhiahhlawh pawh chuan, (a nu hming chu Zeruii a ni a, hmeithai ani a,_ chu mi pawh chuan lal chungah a kut a lek ve a.
11:27	Lal chunga akut a rawn lek chhan chu hetiang hi a ni: Solomonan Milo a siam a, a pa Davida khua chu a chhe lai te a siam tha a.
11:28	Chu Jeroboama chu mi chak huaisen a ni a: tichuan Solomonan chu tlangval chu mi taima tak nia a hriat avangin Josefa chhungte hnathawh zawng zawng chunga hotuah a siam a.
11:29	Tin, chung lai chuan heti hi a ni a, Jeroboama Jerusalem khua ata a kal chhuak chu Silo mi zawlnei Ahijan kawng lakah a lo hmu a; Ahija chuan puan thar a sin a; an pahnih chuah chuan phulah an awmdun a.
11:30	Tin, Ahija chuan a puan thar sin chu a la a, phel sawm leh phel hnihah apawtthler a,
11:31	Jeroboama hnenah chuan, "Phel sawm hi la rawh khai: LALPA, Israelte Pathianin heti hian a ti a ni: "Ngai teh, ram hi Solomona ka chhuhsak ang a, hnam sawm chu ka pe dawn che a ni:
11:32	(amaherawhchu ka chhiahhlawh Davida avang leh Israel hnam zawng zawng zinga ka thlan khawpui, Jerusalem avang hian hnam khat zawng anei ang chu:)
11:33	anni chuan mi kalsan a, Zidon-ho pathiannu Astarothi te, Moab-ho pathian Kemosa te, Amon-ho thlahte pathian Milkomate an biak avang leh ka mithmuha thil tha ti tur leh ka thuruatte leh ka rorelte hi pawm tura a pa Davida anga ka kawngte an zawh loh avangin.
11:34	Ram pumpui zawng ka chhuhsak lo vang: amaherawhchu ka thuupekte leh ka thuruatte pawmtu, ka thlan, ka chhiahhlawh Davida avangin a dam chhung hchuan lalah ka la awmtir ang:
11:35	nimahsela ram hi a fapa ka chhuhsak ang a, nangmah hi ka pe dawn che a ni, hnam sawmte chu.
11:36	Tin, ka chhiahhlawh Davidan ka hming awmtir nana ka thlan khawpui Jerusalem-ah hian ka hmaa khawnvar aneih reng theihna turin hnam khat chu a fapa ka pe ang.
11:37	Nang hi ka ruat ang chia, i duh ang angin ro i rel ang a, Israelte lalah i awm ang.
11:38	Tin, heti hi ani ang a, thu ka pek apiang che i pawm a, ka kawngte i zawh a, ka chhiahhlawh Davida anga ka thuruatte leh ka thupekte zawm tura ka mithmuha thil tha i tih chuan i hnenah ka awm zel ang a, Davida ka din nghehsak ang khan chhungkaw nghet ka dinsak ang chia, Israelte hi ka pe ang che.
11:39	Chuvang chuan Davida thlah chu ka tihreawm dawn ai, amaherawhchu kumkhua zawngin a ni lo vang,' a ti e," tiin.
11:40	Chutichuan Solomona chuan Jeroboama chu thah a tum ta a: nimahsela Jeroboama chu a tho va, Aigupta ramah, Aigupta ram lal Sisaka hnenah a tlan a, Solomona thih hma loh chuan Aigupta ramah a awm ta a.
11:41	Solomona chanchin dangte leh, a thiltih zawng zawng leh a finnate chu Solomona thiltih ziakna buah a chuang a ni lawm ni?
11:42	Solomonan Israel-ho zawng zawng chunga Jerusalem khuaa ro a rel chhung chu kum sawmli a ni.
11:43	Tichuan Solomona chu a pute hnenah chuan amuhil a, apa Davida khawpuiah chuan an phum ta a: tin, a fapa Rehoboama chu a aiawhin a lal ta a.