I Lalte 9

THUTHLUNGHLUI   I Lalte   Bung 9
9:1	Tin, heti hi a ni a, Solomonan LALPA in leh lal in a saka Solomonan chak taka a tum zawng zawng a tihzawh vek hnuah chuan,
9:2	Gibeon khuaa a hnena a inlar ang khan LALPA chu Solomona hnenah a rawn inlar leh a.
9:3	Tin, LALPA chuan a hnenah, "I tawngtaina leh i dilna ka hmaa i rawn thlente kha ka lo ngaithla a: he mi in i sak hi kumkhuaa ka hming awmtir nan ka tithianghlim tawh e; ka mit leh ka thinlung chu chutah chuan a awm kumkhua tawh ang.
9:4	Tin, nang pawh hi thu ka pek apiang che anga ti tura i pa Davida awm anga thinlung tha tak pu leh rilru dik tak pua ka mite hmuha i awm a, ka thuruatte leh ka rorelte i pawm reng zangin,
9:5	Israelte chungah hian i ram lalthutthleng chu kumkhua atan ka tinghet ang; i pa Davida hnenah 'Israelte lalthutthlenga thu tur i hmai lo vang,' tia ka lo tiam tawh ang khan.
9:6	Amaherawhchu nangin emaw, in thlahten emaw mi zui chu min kirsan a, ka thupekte leh ka thuruate ka hriattir che u hi in pawm loh va, pathian dangte rawng in va bawl a, in vabiak chuan,
9:7	Israel hote hi ram ka pek ata ka tiboral ang a; tin, he mi in ka hming atana ka tihthianghlim tawh sa hi ka mithmuh phak lovah ka sawn bo daih ang; tichuan Israelte hi hnam tinrengte zingah tihelna leh a chhe lam tehkhinnaah hman an la ni ang a:
9:8	tin, he in i sang teh mah sela, a kal pel apiangte chuan maik tiin an la faifuk ang a, 'Engati nge LALPAN he ram leh he in hi heti taka a tih le?' an ti ang.
9:9	Tin, miten, 'LALPA an Pathian, an pute Aigupta ram ata hruai chhuaktu kha an kalsan a, pathian dangte an vuan a, an bia a, an rawngte an bawl tak vang a ni; chuvangin LALPAN heng chhiatna zawng zawngte hi an chungah a rawn thlentir ta anih hi,' tiin an la chhang ang," a ti a.
9:10	Tin, heti hi a ni a, Solomonan in pahnih, LALPA in leh lal in a sak chhung, kum sawmhnih a vei hnuin
9:11	(tura lal Hiraman Solomona chu sidar thin te, far thing te, rangkachakte a mamawh apiang a tum vek ani a,) lal Solomona chuan Hirama chu Galili rama khaw sawmhnih a pe a.
9:12	Tin, Hirama chu tura khua atangin Solomonan khua apekte chu en turin a chhuak a; a duhzawng a ni lo hle a.
9:13	Tin, ani chuan, "Ka unaupa, heng i kawh mi pekte hi khaw engnge maw ni ngai le?" a ti a. Tichuan tun thleng hian Kabul ram an ti ta a ni.
9:14	Tin, Hirama chuan lal chu rangkachak talent 120 a thawn a.
9:15	Lal Solomonan hnathawka rawih lui pawl a siam chhan chu hei vang hi a ni: LALPA in leh ama in satu atan leh, Millo te, Jerusalem kulh te, Hazor khua te, Megiddo khua te, Gezer khua te siamtu atan a ni.
9:16	Aigupta lal Pharaoa chu a han chho va, Geer khua han la a, a hal a, chu khua a awm Kanaan hote chu a that a, a fanu Solomona nupui chu inthlahna thilpek atan alo pe tawh a ni.
9:17	Tin, Solomonan Gezer khua te, Beth-horon thlangta zawk khua te,
9:18	Baalath khua te, Israel rama thlaler Tamar khua te,
9:19	Solomonan thil dah khawmna khua neih zawng zawng te, a tawlailir dahna khua te leh, a sakaw chungchuang mi dahna khua te, Jerusalem khuaah te, Lebanon-ahte leh a rorelna ram chhung zang zanga Solomonan chak taka siam a tum zawng zawngte chu a siam a ni.
9:20	Tin, Israela thlahte ni ve lo, Amor-ho te, Hit-ho te, Periz-ho te, Hebus-ho la awm chhun zawng zawngte kha chu,
9:21	an thlah, chung rama la awm Israela thlahten an tihboral zawh vek theih lohvate zingah chuan Solomonan chhiahhlawh, hnathawka rawih luih pawl a siam a, tun thleng hian.
9:22	Israela thlahte erawh chu Solomonan chhiahhlawhah a siam ve lo va: indo mi te, a puipa te, a mi lian te, a sipai hotu te, a tawlailir leh a sakaw chungchuang mi hotute an ni zawk a ni.
9:23	Chungte chu Solomona hna chunga hotu bik 550, hnathawk vengtute chu an ni.
9:24	Pharaoa fanu erawh chu Davida khaw pui ata chu ama in, Solomonan a saksakah chuan a chho ta a: tichuan Millo chu a siam ta a.
9:25	Tin, Solomona chuan LALPA tana maicham a siamah chuan kum tin, vawi thum halral thilhlan leh remna thilhlan a hlan thin a, LALPA hmaa maichamah chuan rimtuite a hal tel bawk thin a. Chutichuan in chu a peih ta a.
9:26	Tin, lal Solomona chuan Edom rama Tuirinfiat Sen kam Eloth bula awm Eziongeber hmunah lawng rual a siam a.
9:27	Tin, Hioraman a chhiahhlawh lawng mite tuifinriata che thang, lawnga Solomona chhiahhlawhte kalpuiah a ti ra.
9:28	Chumite chu Ophir-ah an va kal a, chuta mi chu rangkachak talent 420 an rawn hawn a, lal Solomona hnenah an rawn thlen a.

I Lalte 8

THUTHLUNGHLUI   I Lalte   Bung 8
8:1	Chutichuan Solomona chuan Israel upaho te, an hnam puipa zawng zawng te, Israela thlahho chhungkaw puipate chu, Jerusalem khuaa lal Solomona hnenah chuan Davida khawpui Zion ata LALPA thuthlung bawm zawn chho turin a khawm chiam a.
8:2	Tin, Israel mi zawng zawngte chu Ethanim thla (thla sarihnaah chuan kutnaah lal Solomona hnenah an inkhawm chiam a.
8:3	Tin, Israel upaho zawng zawngte chu an lo kal a, puithiamte chuan bawm chu an zawn a,
8:4	Tin, LALPA bawm leh, inbiakna puan in leh, Puan Ina bungbel thianghlim zawng zawngte chu an zawn chho va; chungte chu puithiamte leh Levi chite chuan an zawn chho va.
8:5	Tin, lal Solomona leh Israel-ho pungkhwm zawng zawng, a hnena rawn inkhawmte chu bawm hmaah an awmho va, beram leh bawm hmaah an awmho va, beram leh bawngpa a tam avanga chiar sen rual loh leh a zat hriat sen rual lohvin an inthawi a.
8:6	Tin, chuan puithiamte chuan LALPA thuthlung bawm chu a awmna turah an la lut a, in chhunga biakna hmun, hmun thianghlim berah, cherub te thla hnuaiah chuan.
8:7	Cherubte chuan bawm awmna chung zawnah chuan an thla an zar reng si a, cherubte chuan bawm leh zawnfunge chu an huap vek a.
8:8	Tin, a zawnfungte chu a sei khawp a, a zawnfung hmawrte chu biakna hmun hma, hmun thianghlim atang chuan a hmuh theih a; a maherawhchu pawn lamah zawng a lang lo: tun thleng hian chutah chuan a la awm reng a ni.
8:9	Aigupta ram ata an chhuaha LALPAN Israela thlahte hnena thu a thlun laia Mosian Horeb tlanga lungphek pahnih a dah chauh lote kha chu, chu mi bawm chhungah chuan engmah dang a awm lo.
8:10	Tin, heti hi a ni a, puithiamhote chu hmun thianghlim ata an lo chhuah veleh chuan lalpa in chu chhum chuan a khat ta muip mai a, puithiamhote chu hmun thianghlim ata an lo chhuah veleh chuan lalpa in chu chhum chuan a khat ta muip mai a,
8:11	tichuan chhum avang chuan puithiamte chu rawngbawlin an awm thei ta lo hial a: LALPA ropuinain LALPA in chu a tikhat ta vek si a.
8:12	Chutichuan Solomonan thu a sawi ta a: "LALPAN, 'Thim chhah mupah chuan ka awm ang,' a ti reng a.
8:13	I chenna tur in, kumkhuaa i awmna tur chu ka lo saksak ta ngei che a nih hi," a ti a.
8:14	Tin, lal chu a lehhawi a, Israelho pungkhawm zawng zawngte chu mal a sawm a: tichuan Israel-ho pungkhawm zawng zawngte chu an ding thuip a.
8:15	,16 Tin, ani chuan, "LALPA, Israelte Pathian, ka pa Davida hnena ama ka ngeia, 'Aigupta ram ata ka mi Israel ka hruai chhuah ni atangin Israel-ho hna zinga khawii khua mah hi ka hming awmna tur in sak nan ka la thlang ngai lo va, amaherawhchu ka mi Israelte hotu atan hian Davida hi ka thlang a ni,' tia lo sawitu, ama kut ngeia rawn puitlintu hi fakin awm rawh se.
8:16	,15 Tin, ani chuan, "LALPA, Israelte Pathian, ka pa Davida hnena ama ka ngeia, 'Aigupta ram ata ka mi Israel ka hruai chhuah ni atangin Israel-ho hna zinga khawii khua mah hi ka hming awmna t没r in sak nan ka la thlang ngai lo va, amaherawhchu ka mi Israelte hotu atan hian Davida hi ka thlang a ni,' tia lo sawitu, ama kut ngeia rawn puitlintu hi fakin awm rawh se.
8:17	Ka pa Davida khan Israelte Pathian, LALPA hming atan in sak a rilruin a tum thin a.
8:18	Nimahsela, LALPAN ka pa Davida hnenah, 'I rilruah chuan ka hming atan in sak in sak i tum thin a, hetiang rilru i lo pu hi i ti tha e:
8:19	nimahsela nang zawngin in chu i sa lo vang: i fapa, i thalbea la chhuak tura chuan ka hming atan in chu a la sa zawk ang,' a lo ti tawh a.
8:20	Tin, LALPAN a thusawi chu a rwan tinghet ta a; LALPA lo tiam tawh ang ngeiin ka pa Davida hmun chu ka lo luah tain, Israel lalthutthlengah chuan ka lo thu ta a, Israelte Pathian, LALPA hming atan in chu ka lo sa ta ngei si a.
8:21	Chutichuan bawm awmna tur hmun chu ka lo r uat a a, chu miah chuan Aigupta ram ata a hruai chhuah laia ka pa hnena a lo thlun, LALPA thuthlung chu a awm a," a tia .
8:22	Tin, Solomona chu LALPA maicham hma, Israel pungkhawmho zawng zawng hmuhah a ding a, van lam banin a kut a phar a,
8:23	,24 "Aw LALPA, Israelte Pathian, i chhiahhlawh an thinlung zawng zawnga i mithmuha awm tha hnena thuthlung hlena khawngaihna tilang thin, i chhiahhlawh ka pa Davida hnena thutiam hlentu, chung lam vanah leh hnuai lam leiah hian nangmah ang hi Pathian dang reng reng an awm lo ve: a ni, nangin i kain thu i sawi a, i kutin i rawn hlawhtlintir ta a, vawiina a lo awm ta ngei ang hian,
8:24	,23 "Aw LALPA, Israelte Pathian, i chhiahhlawh an thinlung zawng zawnga i mithmuha awm tha hnena thuthlung hlena khawngaihna tilang thin, i chhiahhlawh ka pa Davida hnena thutiam hlentu, chung lam vanah leh hnuai lam leiah hian nangmah ang hi Pathian dang reng reng an awm lo ve: a ni, nangin i kain thu i sawi a, i kutin i rawn hlawhtlintir ta a, vawiina a lo awm ta ngei ang hian,
8:25	Chutichuan aw LALPA, Israelte Pathian, i chhiahhlawh ka pa Davida hnena, 'I thlahte chu ka mithmuha i awm anga ka mithmuha awm ve tura an awm dana an fimkhur phawt chuan ka mithmuhah Israelte lalthutthleng a thu tur i hmai lo vang,' tia i lo tiam tak kha hlen ang che.
8:26	Chutichuan aw ka pa Davida hnena thu i lo sawi tawh kha khawngaih takin thlentir ngei ang che.
8:27	Nimahsela Pathian chu leiah hian a awm tak meuh ang emaw chu? Ngai teh, van leh vante vanah pawh i leng lo nasa lehzual awm em!
8:28	Nimahsela aw LALPA ka Pathian, vawiina i chhiahhlawhin a auhna che leh tawngtaina a chham hi ngaihthlaksakin, i chhiahhlawh tanwgtaina leh dilna hi rawn ngaihsak ang che:
8:29	he mi hmun lam hawia i chhiahhlawh hian tawngtaina a chham tur chu ngaithlaa nangin, 'Chutah chuan ka hming chu a awm ang,' i tihna hmun ngei in lamah hian chhun leh zana i mit i len reng thin theihna turin.
8:30	Tin, i chhiahhlawh leh i mi Israelte hian he mi hmun lam hawia an tawngtai hunin an dilnate lo ngaihthlaksak thin ang che; a ni, i chenna hmun vanan lo ngaithla langin; tin, lo ngaithlain ngaidam ang che.
8:31	I Mi tupawhin a vengte hchungah t hil tisualin, chhechhamtir hial lo tul sela, he mi ina i maicham hmaah hian rawn chham sela,
8:32	nangin van atangin lo ngaithla langin, che la, mi sual chu ama lu chungah ngei a awm dan nghata thiam loh chantirin mi fel chu a felna ang anga hlawhtira thia chantirin i chhiahhlawhte ro relsak ang che.
8:33	I mi Israelte hian i chungah thil an tihsual avanga hmelmate laka an lo tlawm a i lam an lo hawi leh a, i hming an fak a, he mi ina tawngtaia thil an rawn dil chua,
8:34	nangin van atangin lo ngaihthlaksak la, i mi Israelte sualna chu ngaidam la, an pute ram i pekah hruai leh ang che.
8:35	I chunga thil an tihsual avanga van a pin a, ruahte a lo sur loh hunah chuan, he mi hmun la hawia an tawngtai a, i hming an fak a, anmahni i tihretheih avanga an suale an sim chuan,
8:36	nangin van atangin lo ngaithla la, i chhiahhlawhte leh i mi Israelte sualna hi ngaidam langin, an kalna tur kawng tha i kawhhmuh dawn si a, tin, i mite an rochan atana i pek i r amah hian ruah han surtir ang che.
8:37	Kan ramah hian tam te a lo tlak a, hrite a lo len a, rona emaw, tawihna a lo awm a, an hmelmatn an kawngka velahte an rawn hual a, hri engpawh natna engpawh a lo thlen chuan,
8:38	i mi Israel zawng zawngte zinga mahni thinlunga hri awma hria a, he mi in la hawia kut rawn phar apiangin tawngtaina leh dilna an rawn hlan reng reng chu
8:39	i awmna van atangin lo ngaithla la, ngaidam la, che la, nang an thinlung hretu, mi tin, an awmdan ang zelin hlawhtir ang che; nang zawng, nangmah chuah hi mihring zawng zawngte thinlung hretu i ni si a;)
8:40	kan pute i pek rama an awm chhung zawng hian an tih theihna tur chein.
8:41	I mi Israelte ni lo hnam dang mi, i hing avanga ram hla tak ata lo kalte chungchang thu pawh hi;
8:42	(i hming ropui tak te, i kut chak tak te, i ban i phar thute hi an la hre hlawm dawn si ; chungte chuan he mi in lam hawia an rawn tawngtai hunin,
8:43	nangin i awmna van atangin lo ngaithla la, hnam dang mi chuan a dil ang ang che chu lo tihsak ang che; i mi Israel ang bawka khawvela hna tinin i hming an hriat a, an tih chia, he mi ka in sak hian i hming a pu ani tih an l o hriat theih nan.
8:44	I miten an hmelmate chu i tirhna lam apiangah lo bei sela, i khawpui thlan lam hawi leh, i hming atana in ka lo sak la hawia LALPA hnena an tawngtai chuan,
8:45	an tawngtaina leh an dilna chu nangin van atangin lo ngaithla la, an thuah che ang che.
8:46	I chunga thil tisual a, (tumah thil tisual lo an awm si lo va,) an chunga i thinur a, hmelma kuta i pek a, hmelma ram hla takah emaw, hnai teah emaw pawh sala an hruai a,
8:47	sala an hruaina rama an inngaihtuah chhuah a, an inchhir a, 'Thil kan lo tisual a, dik lo tak leh sual takin kan ti ta,' tia sala hruaitute rama an rawn ngen che erawh a,
8:48	an hmelma sala hruaitute rama na thinlung tak leh an rilru taka i lam an lo hawi a, an pute i pek ram leh, i khawpui thlan lam leh i hming atana ka in sak lam hawia i hneka an tawngtai chuan,
8:49	an tawngtaina leh an dilna chu nangin i awmna van atangin lo ngaithla la, an thuah che ang che;
8:50	tin, i mi i chunga thil tisual tute leh i laka an lo bawhchhiat kawnga an bawhchiatna zawng zawngte chu ngaidam la; sala hruaitute chuan anmahni an khawngaih theih nan khawngaihna neihtir ang che:
8:51	I mi i rochan, Aigupta ram ata, thir rawhtuina chhung ata i hruai chhuahte an ni si a:
8:52	an auhna apiang che a i lo ngaihthlak tura i chhiahhlawh dina leh, i mi Isreal dilna lama i mit i len theih nan,
8:53	Aw LALPA PATHIAN, ka pute Aigupta ram ata i hruai chhuah laia i chhiahhlawh Mosia hmanga i sawi angin i rochan atan khawvel hnam tin, zing ata i tihrang ani si a," a ti a.
8:54	Tin, heti hi a ni a, Solomonan LALPA hnena a tawngtaina leh dilna zawng zawng a chham zawh c huan, LALPA maicham lama thingthia, van lam bana a kut phara a awm chu a tho va.
8:55	,56, Tin, a ding a, aw ring takin, "A thutiam zawng zawng ang zela a mi Israelte chawlhna petu LALPA chu fakin awm rawh se: a chhiahhlawh Mosia hmanga a thutiam tha zawng zawngte kha thu pakhat mah a thlawn lo va,
8:56	,55 Tin, a ding a, aw ring takin, "A thutiam zawng zawng ang zela a mi Israelte chawlhna petu LALPA chu fakin awm rawh se: a chhiahhlawh Mosia hmanga a thutiam tha zawng zawngte kha thu pakhat mah a thlawn lo va,
8:57	LALPA kan Pathian chu ka pute hnena a awm ang khan kan hnenah awm sela: min kalsanin, min thlahthlahthlam suh se:
8:58	tichuan a kawng zawng zawngte zawh tur leh, kan pute thu a pek tawh anga a thupekte, a thuruatte, a rorelte pawm tura kan thinlungte a lama a hawitir theihna turin.
8:59	,60, Tin, LALPA hi pathian a ni a, tumah dang an awm lo tih khawvela hnam tinin an lo hriat theihna tura a chhiahhlawh thuah leh, a mi Israelte thuah hian a ni zir ang zela a chet theihna turin heng ka thu sawi, LALPA hmaa dilna ka thlente hi chhun leh zan lalpa kan Pathian hmaah chuan cham reng rawh se.
8:60	,59, Tin, LALPA hi pathian a ni a, tumah dang an awm lo tih khawvela hnam tinin an lo hriat theihna tura a chhiahhlawh thuah leh, a mi Israelte thuah hian a ni zir ang zela a chet theihna turin heng ka thu sawi, LALPA hmaa dilna ka thlente hi chhun leh zan lalpa kan Pathian hmaah chuan cham reng rawh se.
8:61	Chutichuan a thuruat anga awm tur leh a thupekte zawm turin LALPA kan Pathian lamah chuan in thinlungte tha famkim rawh se, vawiin ang hian," tiin Israel pungkhawmho zawng zawngte chu mal a sawm a.
8:62	Tin, lal leh Israel-ho zawng zawngte chuan LALPA hmaah inthawin an hlan za a.
8:63	Tin, Solomonan LALPA tana a hlan remna thilhlan inthawi nan sebawngpa 22,000 leh, beram 120,000 a hlan a. Chutiang hchuan lal leh Israela thlahte zawng zawng chuan LALPA in chu an hlan a ni.
8:64	Chu mi ni vekah chuan lalin LALPA in hma zawna hun ghchung kawtlai tak chu a tithianghlim a, chutah chuan halral thilhlan te, chhangphut thilhlan te, remna thilhlan sa thau te chu a hlan a, LALPA hmaa dar macham chu chung thilhlante dawng tura a tet luattuk avangin.
8:65	Chutichuan chu mi tum chuan Solomona leh Israel-ho zawng zawng, mipui pungkhawmho tam tak, Hamath khaw luhna achin Aigupta ram lui thlenga mit echu LALPA kan Pathian hmaah chuan ni sarih leh ni sarih, ni sawm leh ni lo chhung zet an kut zaa .
8:66	A ni riat ni chuan mipuihote chu a tintir a, tin, lal chu mal an sawm a, tichuan LALPAN a chhiahhlawh Davida leh ami Israelte chunga a thatna chuti zozaia alantir avang chuan rilru hlim leh lawm takin an in lamah an haw ta a.