Roreltute 13

THUTHLUNGHLUI   Roreltute   Bung 13
13:1	Tin, Israela thlahte chuan LALPA mithmuhin thil sual an lo ti leh ta a; tichuan LALPAN Philistian-ho kutah kum sawmli a awmtir a.
13:2	tin, Zora khuaah Dan hnam mi pakhat a awm a, a hming chu Manoa a ni a; a nupui chu a ching a, nau reng reng a pai ngai lo va.
13:3	Tin, LALPA vantirhkoh hmeichhe hnenah chuan a rawn inlar a, a hnenah chuan, "Ngaiteh khai, i ching a, nau reng reng i la pai ngai lo va: nimahsela i rai ang a, fapa i hring ang.
13:4	Chutichuan fimkhur rawh khai, uain leh zu reng reng in suh la, ei thiang lo thil reng reng pawh ei hauh suh ang che;
13:5	ngai teh, i rai ang a, fapa i hring dawn si a; a luah chuan bakmehna reng reng rawih a ni lovang: naupang chu chhula a awm lai atnagin Pathian tan Nazarit mi a n dawn si a: ani chuan Israel-hote hi Philistia mie kut ata chu a chhanchhuak tan ang," a ti a.
13:6	Chutichuan hmeichhia chuan a pasal hnenah, "Pathian mi mi pakhat ka hnenah a lo kal a, a hmel chu vantirhkoh hmel ang, tihbaiawm tak a ni; khawi lam mi nge anih ka zawt hlei lo va, ani chuan a hming mi hrilh bawk lo va:
13:7	amaherawhchu ka hnenah, 'Ngai teh i rai ang a, fapa i hring ang; chutichuan uain leh zu reng reng in suh la, ei thian glo thil reng reng pawh ei hauh suh ang che: naupang chu chhula a awm lai atanga a thih thlengin Pathian tana Nazarit mi a ni dawn si a,' a ti a," tiin a sawi a.
13:8	Chutichaun Manoa chuan LALPA hnenah a ngen chiam a, a hnenah, "Aw LALPA, khawngaih takin Pathian mi i rawn tirha kha ka hnenah lo kal leh sela, naupang lo piang tur ch engtin nge ka nt ihang min han zirtir rawh se," a ti a.
13:9	Tin, Pathianin Manoa thusawi chu alo ngaithla a; tin, hmeichhia chu phula a thut laiin a hnenah Pathian vantirhkoh chu a lo kal leh a: a pasal Manoa erawh chu a hnenah a awm ve lo va.
13:10	Tin, hmeichhia chu hmanhmawh takin a tlan ta thuai a, a pasal chu a va hrilh a, a hnenah,"Ngai teh, hman nia ka hnena lo kala kha ka hnenah a rawn inlar leh ta e,"a ti a.
13:11	Tichuan Manoa chu a tho va, anupui chu a zui a, chu mi hnen chu a va thleng a, a hnenah, "Nangmah hi em ni hmeichhe hnena thu sawitu chu?" a ti a. Tin, ani chuan, "Ni e," a ti a.
13:12	Tin, Manoa chuan, "I thu ang zel chuan lo thleng rawh se: naupang awm dan tur chu engtin nge ni ang a, engnge ni a thawh tur chu ni ang le?" a ti a.
13:13	Tin, LALPA vantirhkoh chuan Manoa hnenah, "Hmeichhe hnena ka sawi zawng zawng kha, ngaihtuah tha mai rawh se.
13:14	Grep hruia m reng reng chu ei tur ani lo va, uain leh zu reng reng a in tur ani lo, ei thian glo thil reng reng pawh a ei tur a ni lo; thu ka pek tak zawng zawng kha vawng tha rawh se," a ti a.
13:15	Tin, Manoan LALPA vantirhkoh hnenah chuan, "Khawngaih takin kan chelh ang chia, kel no kan han buatsaih sak rih ang che," a ti a.
13:16	Tin, LALPA vantirhkoh chuan Manoa hnenah, "Min chelh mah la, i chaw zawng ka ei lovang: tin, halral thilhlan tura buatsaih i nih chuan LALPA hnenah i hlan tur a ni," a ti a. Manoa chuan ani chu LALPA vantirhkoh ani tih a hre si lo va.
13:17	Tin, Manoan LALPA vantirhkoh hnenah chuan, "Tunge i hming, i thusawi ang ngeia a lo theln huna kan chawimawit heihna tur chein?" a ti a.
13:18	Tin, LALPA vantirhkoh chuan a hnenah, "Engati nge ka hming mi zawh? Sawi mi a ni hlei nem," a ti a.
13:19	Chutichuan Manoan kel no chu ei tur thilhlan nen a la a, lungpui chungah LALPA hnenah ahlan a: tin, vantirhkoh chuan thilmak tak a ti ta a, Manoa leh anupui chuan an thlir reng a.
13:20	Heti hi ani a, maicham atanga meialh chu van lama a chhoh lai chuan, LALPA vantirhkoh chu maichama meialhah chuan a chho ta si a: Manoa leh anupui chuan an thlir reng a; leiah an bawkkhup ta der a.
13:21	Amaherawhchu LALPA vantirhkoh chu Manoa leh a nupui hnenah chuan a rawn inlar leh ta lo. Tichuan Manoa chuan LALPA vantirhkoh a ni tih a hre ta a.
13:22	Tin, Manoa chuan a nupui hnenah, "Pathian kan hmuh tak avang hian kan thi ngei ang," a ti a.
13:23	Nimahsela anupui chuan a hnenah, "LALPAN min tihhlum a tumte chuan halral thilhlante leh ei tur thilhlan kan hlante kha a chhang duh hlei nang, heng ang zawng zawngte pawh hi min entir lo vang a, heng ang thilte pawh hi tun tumah min hrilh hek lovang," a ti a.
13:24	Tin, hmeichhia chuan fapa chu a hring ta a, a hmingah Samsona an sa a; tin, nausen chu a lo sei lian a, LALPAN mal a sawmsak a.
13:25	Tin, Zora leh Estaol inkara Mahane-dan hmunah chuan LALPA thlarauvin a rawn khawih harh tan ta a.

Roreltute 12

THUTHLUNGHLUI   Roreltute   Bung 12
12:1	Tin, Ephraim-hote chu an pungkhawm chiam a, hmar lam panin an kal a; tin, Jephtha hnenah, "Engati nge Amona thlahte bei tura i lo kal phei a, i hnena kal tura min rawn sawm ve loh ni? I inah kan hal khung dawn che a ni," an ti a.
12:2	Tin, Jephthan an hnenah, "Amona thlahteho hi ka mite nen theihtawp chhuahin kan bei ani a; ka chah lai che u khan an kut ata mi chhan chhuak si lo.
12:3	Tichuan nangnin mi chhanchhuak duh lo tih ka hriat veleh, thih dawn miah lovin ka tang a, Amona thlahte bei turin ka va thawk a, tichuan LALPAN anniho chu ka kutah mi pe ta a: chuvangin eng atan nge mi bei tura vawiinah hian in lo thawh ni?" a ti a.
12:4	Chutichuan Jephtha chuan Gilead mi zawng zawng chu a khawm chiam a, Ephraim ho chu a bei ta a: tin, Gilead-hote chuan Ephraim-ho chu an that ta chiam a, "Nangni Ephraim hnam tlan boho, nangni Gilead-ho, Ephraim-ho zingah leh Manase-ho zinga tel ve mai maih" an tih thin avangin.
12:5	Tin, Gilead-hote chuan Ephraim-ho dep Jorda lui kaite chu an lo man a: tin, heti hi ani a, Ephriama-ho tlan bote chuan, "Ka lo kai ang e," an tih apiangin, Gilead-hote chuan an hnenah, "Ephraim mi i ni em?" an lo ti zel a. Annin, "Ni lo ve," a lo tih chuan,
12:6	A hnenah, "Shiboleth' han ti teh," an lo ti a, tin, ani chuan, "Siboleth" a lo ti zawk thin a; a lam fiah ve thiam si thin lo va; tichuan an man a, Jorda lui kaiahte chuan an lo that zel a: tichuan chu mi tm chua Ephraim-ho chu singli leh sanghnih an that a.
12:7	Tin, Jephtha chuan Israel-ho chungah kum ruk ro a rel a. Tichuan Gilead mi Jephtha chu athi a, Gilead rama khaw pakhatah an phum ta a.
12:8	Tin, a hnuah chuan Beth-lehem khuaa mi Ibzanan Israel-ho chungah ro a rel a.
12:9	Chu mi chuan fapa sawmthum a nei a, fanu sawmthum ram dangah a kaltir a, tin, a fapate tan chuan ram danga mi fanu sawmthum a hruaisak bawk a. Tin, Israel-ho chungah kum sarih ro a rel a.
12:10	Tin, Ibzana ch a thi a, Beth-lehem khuaah an phum a.
12:11	Tin, a hnuah chuan Zebulun mi Elonan Israel-ho chungah ro a rel a; Israel-ho chungah kum sawm ro a rel a.
12:12	Ti Zebulun miElona chu a thi a, Zebulun rama Aijalon khuaah an phum a.
12:13	Tin, chu mi hnuah chuan Pirathon mi, Hilela fapa Abdonan Israel-ho chungah ro a rel a
12:14	Chu mi chuan fapa sawmli leh tupa sawmthum sabengtung no sawmsarih chunga chuang thin mi a nei a: ani chuan Israel-ho chungah kum riat ro a rel a.
12:15	Tin, Pirathon mi, Hilela fapa Abdona chu a thi a, Ephraim ram, Amalek mite tlang ramah Pirathon khuaah an phum ta a.

Roreltute 11

THUTHLUNGHLUI   Roreltute   Bung 11
11:1	Tin, Gilead mi Jephtha chu mi chak huaisen a ni a, nawhchizuar fapa a ni: tin, Gileada chuan Jephtha chu ahring a.
11:2	Tin, Gileada nupui chuan fapate a hrinsak a; tin, anupuia fapate chu an lo puitlin chuan Jephtah chu an hnawtchhuak a, a hnenah, "Nang zawngin kan pa in ro i luah thei lovang: hmeichhe dang laka fa i ni si a," an ti a.
11:3	Chutichuan Jephtha chu a unaute ho hnen ata chu atlan bo va, Tob ramah a awm ta a: tin, Jephtha hnenah chuan mi ho tak takte an cheng khawm a, an zui thin a.
11:4	Tin, heti hi ani a, nakin deuhvah chuan Amona thlahte chuan Israel-hote chu an do ta a.
11:5	Tin, heti hi ani a, Amona thlahte chuan Israel-hote chu an han do chuan, Gilead-ho upate chu Tob rama mi Jephtha hruai turin an kal chhuak ta a.
11:6	Jephtha hnenah chuan, "Amona thlahte kan beih theihna turin kan hotu berah lo awm ta che," an ti a.
11:7	Tin, Jephthan Gilead-ho upate hnenah chuan, "Mi hua a, ka pa in ata chu mi hnawtchhuak a ni lawm ni? Enga ti nge in mangan veleh ka hnena in lo kal hi? a ti a.
11:8	Tin, Gilead-ho upate chuan Jephtha hnenah, "Chuvang tak chuan a lawm tunah hian i lam kan lo hawi leh, Amona thlahte ve bei tura kan hnena i kal theihna turin; tin, Gilead rama awm zawng zawngte chungah kan hotuah i awm ang," an ti a.
11:9	Tin,Jephtan Gilead-ho upate hnenah chuan,"Amona thlahte bei tura mi hruai hawn leh a, tin, LALPAN anni chu mi pek chuan in hotuah ka awm tak meuh ang maw?" a ti a.
11:10	Tin, Gilead-ho upate chuan Jephtah hnenah, "LALPA chu kan karah hretu ani ang; i thu ang angin kan ti ngei ngei ang," an ti a.
11:11	Chutichuan Jephtha chu Gilead-ho upate hnenah chuan a kal ta a, tin, mite chuan hotu atan leh a puipa ber atan an lo siam ta a: tin, Jephtha chuan Mizpe khuaah LALPA hmaan thu engkim a sawi ta a.
11:12	Tin, Jephtahn Amona thlahte lal hnenah chuan, "Eng tiziaa hetia kan ram rawn bei tura ka hnena lo kal mai nge maw i nih le?" tiin palai a ti r a.
11:13	Tin, Amona thlahte lal chuan, "Israel-ho Aigupta ram ata an lo chhuah lai khan ka ram an lak avang alawm, Arnon atanga Jabok leh Jorda thlengin: chuvangin chun gramte chu tlang takin mi rawn pe leh mai rawh," tiin Jephtha palaite chu a lo chhang a.
11:14	Tichuan Hjephthan Amona thlahte lal hnenah palai a tir leh a:
11:15	a hnenah, "Jephthan heti hian at i e, 'Israel-hote Moab ram an laksak lo va, Amona thlahte ram pawh an laksak hek lo:
11:16	Aigupta ram ata an lo chhuahna Tuifinriat Sen thlenga thlaler kha an kal tlang a, Kades kha an thlen khan,
11:17	Israel-hovin Edom lal hnenah, Khawngaihtakin i ram kan kal tlang ang e, tiin palai a tir a: nimahsela Edom lal chuan a lo ngaithla duh lo va. Tin, chutiang bawkin Moab lal hnenah a tir leh a: nimahsela a lo remti lo va: tichuan Israel-hote chu Kades-ah an awm ta a.
11:18	Tichuan thlaler chu an kal tlang a, Edom ram leh Moab ram chu an kal hual a, Moab ram chhak pampangah an kal a, Arnon lehlam pangah awmhmun an khuar a; Moahb ram chhungah zang an lut hauh lo a ni, Arnon chu Moab ramri chin a ni si a.
11:19	Tin, Israel-hovin Amor-ho lal Sihona, Hesbon lal hnenah palai an tir a; Israel-ho chuan a hnenah, kan hmun lama kal nan khawngaih takin i ram kan kal tlang ang e, ant i a.
11:20	Nimahsela Sihona chuan Israel-ho chu a ram kal tlang atan chuan a ring zo lo va: Sihona chuan a mite zawng zawng chu a khawm a, Jahaz khuaah a inkulh a, Israel-ho chu a bei ta a.
11:21	Tin, LALPA, Israel-te Pathianin Sihona leh ahote zawng zawng chu Israel-hote kutah a pe a, an that ta a: chutichuan Israel-hote chuan chu mi ram Amor-hote awmna ram zang zang chu an nei ta vek a.
11:22	Tichuan Amor-ho ramri chin zawng zawng Arnon atanga Jabok thleng rakin an nei ta vek a ni.
11:23	Chutichuan LALPA, Israelte Pathianin a mi Israel-hote hmaah Amor o chu a chhuhsak a ni a, nangin i neihsak theih thu em mi?
11:24	I pathian Kemosan i puala a lo ruatsak che chu i nei dawn a ni lawm ni? Chutichuan LALPA kan Pathianin kan hmaa a chhuhsakte chu kan nei ang.
11:25	Moab lal Zipora fapa Balaka aiin i chak zawk em ni? ani chuan Israel-hote kha a chawk buaiin, a do ngai em ni?
11:26	Israel-ho Hesbon-ah leh a khawperah te, Aroer leh a khawperah te, Arnon ramri dep khawpui zawng zawngahte chuan kum zathum zet an awm lai khan, eng vanga la lova lo la awm reng nge i nih?
11:27	Chuvangin i chungah hian thil engmah ka tisual lo ve, nangmah zawk hian mi beih i tum avangin ka chungah hian thil i tisual ani e: LALPA Roreltu chuan tunah hian Israel thlahte leh Amona thlahte kara thu chu ngaihtuah rawh se,' a ti," tiin.
11:28	Nimahsela Amona thlahte lalchuan Jephtha thuchah chua lo ngaithla duh lo va.
11:29	Chutichuan LALPA thlarau chu Jephtha chungah a lo thleng a, tichuan Gilead leh Mansea ram a kal tang a, Gilead rama Mizpe a kal tlang a, tin, Gilead ram Mizpe atang chuan Amona thlahte hnenah chan a kal zel a.
11:30	Tin, Jephthan LALPA hnenah chhia a chham a, "Amona thlahte hi ka kuta mi pek takmeuh chuan,
11:31	heti hi a ni ang a, Amona thlahteho hnen atanga ralmuanga ka hawn leh hun chuan engpawh ka kawngka atanga mi rawn hmuak hmasa ber paiang chu LALPA ta tur ani ang a, halral thilhlan atan ka hmang ngei ngei ang," a ti a.
11:32	Chutichuan Jephtha chu Amona thlahte beit ur hchuan a kal ta a; tin, LALPAN a kutah a pe ta a.
11:33	Tin, Arorer atanga Mintih thlengin a bei zel a, khaw sawmhnih zet, tin, Abelkeramim thlenign a that chiam a. Chutichuan Amona thlahte chu Israela thlahte hmaah chuan an lo tlanm ta a.
11:34	Tin, Jeptha chu a awmna Mizpe khuaa a in chu a thleng ta a, tin, ngai teh, a fanu chuan khuangtete nen lamin a lo hmuak a: a fa neih chhun a ni a; amah lo chu fapa leh fanu dang reng reng anei lo.
11:35	Tin, heti hi ani a, amah a han hmuh veleh chuan, a puante a pawtthler a, "E khai, ka fanu! Mi titlawm ta hle mai a, mi timangangtu zinga mi i ni ta: LALPA lamah ka ka ka lo ang ta si a, chu chu zep leh thei ka ni ta lo," a ti a.
11:36	Tin, ani chuan a hnenah, "Ka pa, LALPA lamah i ka zu lo ang ta chia; i kaa i thu chhuak ang ngeiin ka chungah i ti tur alawm; LALPAN i hmelma Amona thlahte chung ngeiah chuan i phuba zuk la ta si a," a ti a.
11:37	Tin, a pa hnenah chuan, "Hetiang hian ka ti ang e: thla hnih chhung chu keimahin ka han tal hrang ang a, tlangahte ka han rawl ang a, ka nulatna hi ka han sun ang e, kei leh ka thianteho nen hian," a ti a.
11:38	Tin, ani chuan, "Kal ta che," a ti a. Tichuan thla hnih thang turin a tir a: tin, a chhuak ta a, amah leh a thianteho nen chuan, tin, tlangahte chuan a nulatna chu a han sun a.
11:39	Tin, heti hi ani a, thla hnih hnuah chuan a pa hnenanah a haw leh ta a, ani chuan chhia a lo chham tawh ang khan a chungah a ti ta a: mipa tumahinan pawl lo.
11:40	Chutichuan Israel-hote zingah chuan Israela fanuten Gilead mi Jephtha fanu chu kum tin ni li sun danah an lo nei ta a,

Roreltute 10

THUTHLUNGHLUI   Roreltute   Bung 10
10:1	Tin, Abimeleka hnuah chuan Israel hote chan chhuak turin Isakar mi Dodoa fa Pua fapa Tola a lo chhuak a, Ephraim tlang ram Samir khuaah a awm a.
10:2	Tin, kum sawmhnih leh kum thum Israelte ro a rel a, tin, a thi a, Samir khuaah an phum a.
10:3	Chu mi hnuah chuan Gilead mi jaira a l chhuak a, kum sawmhnih leh kum hnih Israelte ro a rel a.
10:4	Tin, chu mi chuan fapa sawmthum, sabengtung no sawmthum chunga chuang thin mi a nei a, tin, Gilead ramah khaw sawmthum an nei a, chung chu tun thleng hian Havoth-Jair an ti a.
10:5	Tin, jaira chu a thi a, Kamon khuaah an phum a.
10:6	Tin, Israela thlahte chuan LALPA mithmuhin thil sual an lo ti leh ta a, Baala-te leh Astarothi, Suria-ho pathiante, Zidon ho pathian te, Moab-ho pathian te, Amona thlah pathian te, Philistia-ho pathiante rawng an lo bawl ta a; tichaun LALPA chu an hawi- san a, a rawng an bawl ta l va.
10:7	Tichuan LALPA chu Israelte chungah chuan a thinrim ta hle mai a, Philistia-hote hnenah leh Amona thlahte hnenah a hralh ta a.
10:8	Tin, chu mi kum chuan Israela thlahte ch an timangangin, an hnehchhiah em em mai a: Jorda ral Gilead rama Amor-ho rama Israela thlah awm zawng zawngte chu kum sawm leh kum riat chhung zet an hnehchhiah a.
10:9	Tin, Amona thlahte chu Juda-ho te, Benjamin-ho te, Ephraima thlahte bei turin Jorda ral an kai a; chutichuan Israel-hote chu mangan namenin an mangang ta lo va.
10:10	Tin, Israela thlahte chuan, "Kan Pathian chu kan lo hawisan tak ngei a, Baal-te rawng chu kan lo bawl tak avnaign i chungah thil kan lo tisual ta a ni," tiin LALPA an au va.
10:11	Tin, LALPAN Israela thlahte hnenah, "Aigupta-ho lak ata te, Amor-ho lak ata te, Amona thlahte lak ata te, Philistia-ho lak ata te ka chhan chhuak che u a ni lo vem ni?
10:12	Zidon-hote Amalek-ho te, Maon-hote pawhin an hnehchhiah che u a; tin, mi au va, tichuan an kut ata chu ka chhan chhuak che u a.
10:13	Nimahsela nangnin mi hawisan a, pathian dangte rawng chu in bawl ta zawk a: chuvangin ka chanchhuak tawh lo vang che u.
10:14	In thlann pathiante chu au ta che u: anni chuan in mangan hunah chuan chhan chhuak che u ang hmiang," a ti a.
10:15	Tin, Israela thalhte chuan LALPA hnenah, "Thil kan lo tisual ta ani : nangin tha i tih ang angin kan chungah rawn ti langin; a chhan erawh chu vawiinah hian khawngaih takin min rawn chhan chhuak hram rawh khai," an ti a.
10:16	Tichuan an zinga hnam dang pathiante chu an dah bo vek a, LALPA rawng chu an bawl ta a: tin, Israel-hote manganna avang chuan a rilru a lungngai ta em em a.
10:17	Tin, Amona thlahte chu an pung khawm a, Gilead ramah chuan an va inkulh a. Tin, Israela thlahte chu an inkhawm ve chiam a, Mizpe khuaah an inkulh a.
10:18	Tin, mipuiho, Gilead rama mi lianhote chu an inbia a, "Amona thlahte bei tan tur hi tunge awm le? Gilead rama awm zawng zawngte chunga hotuah a awm ang," an ti a.

Roreltute 9

THUTHLUNGHLUI   Roreltute   Bung 9
9:1	Tin, Jerubaala fapa Abimeleka chu Sekem khuaah a nu nutate hnenah a kal a, a nu pate chhungkua zawng zawngte nen a bia a,
9:2	"Sekem khuaa mi zawng zawngte beng hriatah thu sawi ula, 'Jerubaala fa zawng zawng mi sawmsarihten in chunga ro an rel ange tha zawk in tih, pakhatin in chungah ro a rel?' ti teh u khai: tin, kei pawh in thisen zawmpui ka ni tih hi hre reng bawk ang che u," tiin a sawi a.
9:3	Tin, a nu nutate chuan Sekem khua ami zawng zawngte beng hriatah chuan chung a thu zawng zawng chu an sawi a: tichuan Abimeleka zui duhna rilru an lo pu ta a: "Ani chu kan unau a ni alawm," an ti ta si a.
9:4	Tin, Baal-berith in ata tangka sawmsarih an pe a, chu chuan Abimelekan mi ho tak tak leh , mi tawrawt pui puite a ruai a, anni chuan amah chu an zui a.
9:5	Tin, Ophra khuaa a pa inah a va kal a, Jerubaala fapa, a unau sawmsarihte chu lung pakhat chungah a that hlawm a: Jerubaala fapa naupang ber Jothama erawh chu a damah a tang a: a lo biru hlau a ni.
9:6	Tin, Sekem khuaa mi zawng zawng leh Beth-milo a mi zawng zawng chu an pung khawm a, tichuan Abimeleka chu Sekem khuaa lungphun bul sasaw kiangah chuan lalah an siam ta a.
9:7	Tin, chu chu Jothama an hrilh chuan Gerizim tlang chhipah a han ding a, aw ring takin a au va, an hnenah, "Nangni Sekem khuaa mite u, ka thusawi hi ngaithla teh u, tichuan Pathian pawhin in thu a lo ngaithla ve dawn nia.
9:8	Vawikhat chu thing hi an lal atana hriak thih turin an va chhuak a; olive thing hnenah hian, 'Nang kan lalah awm ta che,' an ti a.
9:9	Nimahsela olive thing chuan an hnenah, 'Pathian leh mihring chawimawi phah nana an mi hmanna ber ka hriak hi chhuahsanin thing chungah lehlam lehlaman ka peh ka pheh tehlul ang maw?' a ti a.
9:10	Tin, thingte chuan theipui kung hnenah hian, 'Hawh teh, nang kan lalah awm ang che,' an va ti a.
9:11	Nimahsela theipui kung chuan an hnenah, 'Ka thlumna leh ka rah tha tak hi chhuahsanin, thing chungah lehlam lehlaman ka phe ka phe tehlul ang maw?' a ti a.
9:12	Tin, thingte chuan grep hrui hnenah, 'Hawh teh, nang kan lalah awm ang che,' an ti a.
9:13	Tin, grep hrui chuan an hnenah, 'Pathian leh mihring tilawm thintu ka uain hi chhuahsanin thing chungah lehlam lehlaman ka phe ka phe tehlul ang maw?' a ti a.
9:14	Chutichuan thin gzawng zawng chuan hling hnenah, 'Hawh teh, nang kan lalah awm ang che,' an ti a.
9:15	Tin, hling chuan thing hnenah, 'In lal atana hriak mi thih takzet in nih chuan ka hlimah hian lo bi ta che u: in nih loh erawh chuan hlingah chuan mei lo chhuakin Lebanon tlanga sidar thingte chu kang zo vek rawh se,' a ti a.
9:16	Chutichuan Abimeleka in lal atana in lo siam ta mai hi tih takzet leh fel taka ti in nih a, Jerubaala leh a chhungte chu tha taka in tih a, a phu ang zela a chunga lo tite in nih a;
9:17	(Ka pa hian ral a lo dosak che u a, a lo thih phah ta hial a, Midian-ho kut ata chu a lo chhanchhuak ta che u a:
9:18	vawiinah hian ka pa chhungte chungah chuan in lo hel a, a fapate sawmsarih zet lung pakhat chungah in lo tihlum a, in unaupa a nih avangin a bawihnu fapa Abimeleka hi Sekem khaw mite lalah in lo siam ta si a;)
9:19	vawiinah hian Jerubaala leh a chhungte chunga tih takzet leh fel taka ti in ni phawt zawngin le, Abimeleka chungah hian lawm rawh u, tin, ani pawh in chungah hian lawm rawh se:
9:20	chutiang a nih loh erawh chuan Abimeleka atang hian mei lo alh chhuak sela, Sekem khuaa mite leh Beth-milo mite chu kang zo vek rawh se; tin, Sekem khuaa mite leh Beth-milo atangin mei lo alh chhuak sela, Abimeleka chu kang zo vek rawh se," a ti a.
9:21	Chutichuan Jothama chu a tlan a, a tlan bo va, Beer-ah a tlan a, a unaupa Abimeleka a hlauh avangin chutah chuan a awm ta reng a.
9:22	Tin, Abimeleka chu Israel-ho chungah kum thum a lal a.
9:23	Tin, Pathianin Abimeleka leh Sekem khuaa mite karha chuan rilru sual a awmtir a, tichuan Sekem khuaa mite chuan Abimeleka chungah vervek takin an ti ta a:
9:24	chu chu Jerubaala fapa sawmsarihte chunga rawng taka an tih avanga an chunga phuba lakna a lo thlen theihna tur leh, anmahni thattu an unaupa Abimeleka chungah leh, a unaute that tura a kut lo tichaktu Sekem-hote chunga an thisen awm theihna turin a ni.
9:25	Tin, Sekem khuaa mite chuan tlang chhipahte amah chang rutute an dah a, chu mi kawnga kal apiangte chu an lo suam thin a; chu mi thu chu Abimeleka an hrilh a.
9:26	Tin, Ebeda fapa Gaala a unauteho nen an lo thawk a. Sekem khuaah an lut a: Sekem- hote chuan an lo ringhlel lo va.
9:27	Tin, lo lamah an va kal a, an grep huana mi an lo va, an chil a, an kut a, an pathian inah an lut a, an eiin an in a, Abimeleka chu anchhia an lawh a.
9:28	Tin, Ebeda fapa Gaala chuan, "Tunge ni Abimeleka chu? Sekema pawh hi tunge maw anih a, keinin a rawng kan han bawl tehlul tur chu? Jerubaala fa a ni lawm ni? Zebula hi a upa a ni lawm ni? Sekema pa Hamora hote rawng i bawl ang u hmiang; engah nge a ni rawng chu kan bawl ang?
9:29	Hengho hi ka thuin han awm teh sela chu aw! Abimeleka hi ka han titlawm der mai tur," a ti a. Tin, Abimeleka hnenah, "I sipaite tipung la, lo thawk rawh khai," a ti a.
9:30	Tin, chu mi khaw roreltu Zebula chuan Ebeda fapa Gaala thusawi chu a lo hriat chuan a thin a ur ta thut a.
9:31	Tichuan fin vervekin, Abimeleka hnenah chuan, "Ngai teh, Ebeda fapa Gaala leh a unauteho Sekem-ah an lo kal a; tin, ngai teh, i chunga helpui tumin khua amite an fuihpawrh e.
9:32	Chutichuan i hote nen azan azanin lo thawk ula, phulah lo chang rawh u:
9:33	tichuan heti hi a ni ang a, zingah ni chhuah veleh, tho la, khua chu rawn bei mai ang che: tin, ngai teh, amah leh a hote chuan an rawn beih dawn veleh che, remchang i tih dan ang angin an chungah lo ti mai ang che," tia hrilh turin mite a tlantir a.
9:34	Chutichuan Abimeleka leh a hote zawng zawng chu azan azan chuan an tho va, pawl lia insiamin Sekem khua chu an hual ta a.
9:35	Tin, Ebeda fapa Gaala chu a va chhuak a, khawpui luhna kawngkaah chuan a va ding a: tin, Abimeleka chu ahote nen chuan an chan rukna hmun ata chu an lo thawk ta a.
9:36	Tin, Gaalan mipuite a han hmuh chuan Zebula hnenah, "Ngai teh, tlang chhip atangin mipuite an lo chhuk e," a ti a. Tin, Zebula chuan a hnenah, "Tlang hlim saw mihring angina i hmu mai ani ang," a ti a.
9:37	Tin, Gaala chuan, "En ta che maw le, ram lai taka saw mipui an lo chhuk, pawl khat phei chu Meonemim sasaw thing, kawngah an lo kal saw," a ti leh a.
9:38	Tichuan Zebual chuan a hnenah, "Tunge maw Abimeleka, a rawng kan han bawl tura chu ni?' tia i sawina ka kha khawiah nge ni ta, hengho hi i mi hmusitate ngei kha an ni lawm ni? Va chhuak la, va bei mawlh rawh khai," a ti a.
9:39	Tichuan Gaala chuan Sekem-hote hma chu a va hruai a. Abimeleka chu a va bei ta a.
9:40	Tin, Abimeleka chuan a lo um a, a tlanchhe ta a, khawpui luhna kawngka thlengin mi tam tak hliamin an tlu phung a,
9:41	Tin, Abimeleka chu Aruma khuaah chuan a awm ta a" tichuan Zebula chuan Gaala leh a uanute ho chu Sekem khuaa awm thei lo turin a hnawt chhuak ta vek a.
9:42	Tin, heti hi a ni a, a tukah chuan mipuite chu phulah hian an va kal chhuak a; tin, Abimeleka an va hrilh a.
9:43	Tin, mipuite chu a hruai a, pawl thumah a siam a, phulah chuan an chang a: tin, a han hawi a, tin, ngai teh, mipuite khawpui ata an lo chhuak a, tichuan anmahni chu a lo bei a, a lo that a.
9:44	Tin, Abimeleka leh a pawlhote chuan an lo bawh a, khawpui luhna kawngakaah chuan an va ding a: tin, pawl hnihte chuan phula awmho zawng zawng chu an bawh chiam a, an that ta hlawm a.
9:45	Tin, Abimeleka chuan khawpui chu chu mi ni chuan nilengin a bei a, tichuan khawpui chu a la a, a chhunga mite ch a that a: khawpui chu a chhu chhe vek a: chiin a theh ta a.
9:46	Tin, Sekem kulha awm zawng zawngte chuan chu mi thu chu an lo hria a, Elberith kulhbingah an lut ta vek a.
9:47	Tin, Sekem kulah mi zawng zawngte chu an awm khawm vek tih Abimeleka an hrilh a.
9:48	Tin, Abimeleka leh a hnena awmho zawng zawngte chu Zalmon tlangah an chho va; tin, Abimeleka chuan hreipui a keng a, thing zik a chek thla a, a pu ta a: tin, a hote hnenah chuan, "Ka tih dan in hmu a, ka tih ang hian nangni pawhin ti ve thuai thuai rawh u," a ti a.
9:49	Tin, mi awng zangin thin gzar chu an chek thla ve theuh va, Abimeleka chu an zui a, kulhbing velah chuan an dah zel a, tin, kulhbingah chuan an hal khum ta a; chutichuan Sekem khulha mi zawng zawngte pawh chu an thi a, mipa leh hmeichhia sangkhat lai an ni.
9:50	Tichuan Abimeleka chu Thebez khuaah a kal a, Thebez khua chu a hal a, a la a.
9:51	Amaherawhchu chu khawpui chhungah chuan kulhpui a awm a, chutah chuan mipa leh hmeichhia zawng zawng leh khawpui chhunga mi zawng zawng chu an tlan lut a, an inkhar khum tlat a, kulh chungah chuan an awm khawm a.
9:52	Tin, Abimeleka chu kulh lamah chuan a han kal a, a han bei a, hal tumin kulh kawngka bulah a kal a.
9:53	Tin, hmeichhia tuin emaw buh rawtsawmna chung lam lung hi Abimeleka luah a zuk thlak a, a lu ruh a keh a.
9:54	Tichuan ralthuam kengtu tlangval chu a han ko thuai a, a hnenah, "I khandaih kha phawi la, mi han that theh khai, tichuan miten, 'hmeichhe thah a ni,' mi tih loh nan," a ti a. Tin, a tlangval chuan a vit tlang ta zawk a, tichuan a thi ta a.
9:55	Tin, Israel-hote chuan Abimeleka chu a thi tih an hriat veleh, mi tin, mahni in lamah an haw ta theuh va.
9:56	Abimeleka a unaute sawmsarih a thah a, a pa chunga a tih dan kawnga a suahsualna kha Pathianin chutiang chuan a lo thungrul ve ta a ni:
9:57	i sualna zawng zawng kha Pathianin a rawn thungrul ve tha thung a: tin, Jerubaala fapa Jothama anchhia kha an chungah chuan a lo tla ta a ni.