Roreltute 8

THUTHLUNGHLUI   Roreltute   Bung 8
8:1	Tin, Ephraim-hote chuan a hnenah, "Engtiziaa hetianga min ti nge i nih a, Midian-ho i beihnaah chuan min sawm ve loh?" an ti a. An hau nasa hle mai a.
8:2	Tin, ani chuan an hnenah, "Nangni aiin engnge ka tih uchuak bik le? Abiezer-ho grep lawh ai chian Ephraim-ho grep hmaih chhar hi a nasa zawk lo vem ni?
8:3	Pathianin Midian-ho lal Oreba leh Zeeba chu in kutah a rawn pe ta a ni a: tichuan nangni ai hian keiin engnge ka lo tih uchuak theih bik ni?" a ti a. Chutichuan chu mi thu a han sawi chuan a chunga an thinrim chu a reh ta a.
8:4	Tin, Gideona leh a hnena mi zathum awmte chuan Jorda lui chu an zuk thleng a, an kan a, chu chung chungin an um zel a.
8:5	Tin, Sukoth khuaa mite hnenah chuan "Heng ka hnungzuite hi khawngaih takin chhangper pe teh u khai; an chau tawh em mai a, Midian-ho lal Zeba leh Zalmuna ka um a ni e," a ti a.
8:6	Tin, Sukoth khuaa mi lianhote chuan, "Zeba leh Zalmuna chu i kuta awm tawh ang renga chutia i sipaihote chhang kan han pek mai tur chu?" a ti a.
8:7	Tin, Gideona chuan, "Aw le, LALPAN Zeba leh Zalmuna chu ka kuta mi pek hunah thlaler hling leh hnimhlingneite chuan in taksa chu ka chhun thlak diai duai mai ang maw le," a ti a.
8:8	Tin, chu ta tang chuan Penuel-ah a han kal a,an hnenah chutiang bawk chuan a sawi leh a: tin, Penuel khua amite chuan Sukoth khuaa mite chhan ang bawkin an lo che ve a.
8:9	Tin, Penuel khuaa mite hnenah chuan, "Remna thu hawna ka lo kir leh hunah, he kulh hi ka rawn tichim ang maw le," tiin a sawi bawk a.
8:10	Zeba leh Zalmuna chu Karkor-ah an awm a, an sipaihote khawchhak fate sipaiho thi bang zawng zawng, singkhat leh sangnga laite nen: khandaih keng mi thiau nuaikhat leh singhnih an thi si a.
8:11	Tin, Gideona chu Noba leh Jogbeha chhak lama puan ina chenghote kawngah a han chho va, sipaihote chu a han bei a; sipaihote chu ralmuang takin an lo awm si a.
8:12	Tin, Zeba leh Zalmuna chu an tlanchhe ta a; tin, ani chuan a um a; tichuan Midian-ho lal pahnih Zeba leh Zalmuna chu a man a, sipaiho zawng zawngte chu a tibuai ta nuai nuai a.
8:13	Tin, Joasa fapa Gideona chu Heres chho atangin indona ata chu a lo kir leh ta a.
8:14	Tin, Sukoth khua a tlangval pakhat hi a man a, thute a zawt a: tichuan Sukoth khuaa mi lianhote leh, upate hming chu a ziahsak vek a, sawmsarih leh pahnih a an ni a.
8:15	Tin, Sukoth khuaa mite hnenah chuan a han kal a, "Zeba leh Zalmuna hi en teh u le, he mite alawm 'Zeba leh Zalmuna chu i kuta awm tawh ang reng a, chutia i mi chaute chhan gkan han pek mai tur chu?' tia mi tihel vei kha," a ti a.
8:16	Tichuan chu mi khaw upate chu a man a, thlaler hling leh hnimhlingneite chuan Sukoth mite chu a zirtir a.
8:17	Tin, Penuel khaw kulh chu a tichim a, khuaa mite pawh chu a that a.
8:18	Tichuan Zeba leh Zalmuna hnenah chuan,"Tabor tlanga in mi thahte kha mi eng ang nge an nih?" a ti a. Tin, anni chuan, "Nangmah ang bawk hi an ni; lal fa anna an nei theuh mai," an ti a.
8:19	Tin, ani chuna, "Ka unau, ka nu fapate ngei an ni asin: LALPA c hu anung ngei ang hian, anni chu lo zuah ta ni ula chu, ka that lo tur che u," a ti a.
8:20	Tin, a fapa upa ber Jethera hnenah chuan, "Khai le, nangin that rawh," a ti a.Nimahsela tlangval chuan a khandaih a phawi lo; tlangval mai a la nih avangin a hlau a ni.
8:21	Tichuan Zeba leh Zalmuna chuan, "Nangmah kha lo thawk la, min rawn bei ta che: patling leh patling inbeih tur alawm," an ti a. Tin, Gideona chu a tho va, Zeba leh Zalmuna chu a that ta a, tin, an sanghawngsei nghawnga nghawngkawlte chu a la a.
8:22	Chutichuan Israel mite chuan Gideona hnenah, "Nangin ka chungah ro rel tawh ang che, nang leh i fapa leh, i fapaa fapate chen pawhinL nangin Midian-hote lakah hian min chhandam ta si a," an ti a.
8:23	Tin, Gideonan an hnenah, "Kei zawngin in chungah hian ro ka rel lo vang a, ka fapa lahin in chungah ro a rel hek lovang: LALPAN in chungah ro a rel zawk ang," a ti a.
8:24	Tin, Gideonan an hnenah, Thil pakhat erawh chu dil che u ka duh a ni, mi tinin in rallak bengbeh chu mi pe ta theuh che u," a ti a. (Ismael-ho an nih avangin rangkachak bengbeh an nei a ni).
8:25	Tin, anni chuan, "Kan pe mawlh ang che, " an ti a. Chutichuan puan an phah a, mi tinin an rallak bengbeh chu an theh chhuak ta theuh va.
8:26	Tin, chung rallak bengbeh a dilte chu a rih lam rangkachak sekel sangkhat leh zasarih a ni; nghawngkawl e, bengbeh te, Midan lalte puan sen duk tiam lovin, an sanghawngseite khaidiat awrh pawh tel lovin.
8:27	Tin, Gideona chung chuan ephod a siam a, a awmna Ophra khuaah a dah a: chu tah chuan chu mi lakah chuan Israel-ho zawng zawng chu an lo uire zo ta a: tichuan Gideona leh a chhungte tan pawh thang a lo ni a mai a.
8:28	Chutichuan Midian-ho chu Israela thlahte hmaah chuan tihtlawmin an lo awm awm ta a, tichuan an chechang thei ta lo va. Tin, Gideona dma chhung chuan ram chu kum sawmli chhung ralmuangin a awm a.
8:29	Tin, Joasa fapa Jerubaala chu a in lamah a awm ta a.
8:30	Tin, Gideona chuan ama hrin ngei fapa sawmsarih a nei a: nupui tam tak nei a ni a.
8:31	Tin, Sekem khuaa a hmeiin fapa a hrinsak bawk a, a hmingah Abimeleka a sa a.
8:32	Joasa fapa Gideona chu tar kuna damin a thi a, tichuan Abiezrit mi Ophra khuaa a pa Joasa thlanah an phum ta a.
8:33	Tin, heti hi a ni a, Gideona thih veleh chuan Israela thlahte chu an lo hnungtawlh leh ta a, Baal-e lakah an uire a, Baal-berith chu an pathianah an lo siam ta a,
8:34	Tin, Israela thlahte chuan an vela hmelmate zawng zawng lak ata chhan chuaktu LALPA an Pathian chu an hre ta lo va:
8:35	Jeru-baala (Gideona chu) Israel-hote chunga theihtawpa that chhuah thintu chhungte chungah pawh chuan that an chhuah ve ta hek lo.

Roreltute 7

THUTHLUNGHLUI   Roreltute   Bung 7
7:1	Chutichuan Jerubaala (chu mi chu Gideona a ni) leh a hnena mipui awm zawng zawngte chu zing takah an tho va, Harod lui bulah an inkulh a: tin, Midian-hote kulh chu an awmna hmar lampang More tlang bul ruamah a ni.
7:2	Tin, LALPAN Gideona hnenah, "I hnena awmte kha Midian-hote an kuta ka pek nan zawng an tam lutuk a, chutilozawng Israel-hoten, 'Keimahni kut ngeia inchhandam kan ni alawm,' tiin mi uankhum dah ang e.
7:3	Chuvangin ngai teh, mipuihote beng hriatah, 'Tupawh hlau leh khur apiang chu kir leh sela, Gilead tlang ata hi haw leh rawh se,' tiin puang rawh," a ti a. Tichuan mipuite chu sing hnih leh sanghnih an kir leh a; tin, singkhat an la awm a.
7:4	Tin, LALPAN Gideona hnenah, "Mite kha an la tam lutuk fo mai; luiah hruai thla la, chutah chuan keimah ka thliarsak ang che: heti hi a ni ang a, 'He mi hi chu i hnenah kal ve rawh se,' ka tih apiang chu, i hnenah kal se la; tin, 'He mi hi chu i hnenah kal ve suh se,' ka tih apiang chu kal suh se," a ti a.
7:5	Chutichuan mipuite chu luiah chuan a hruai thla a: tin, LALPAN Gideona hnenah, " Ui anga a leia tui a liaha liak apiangte chu a hrangin dah zel langin; chutiang bawkin kuna thingthia tui dawt apiangte pawh," a ti a.
7:6	Tin, an kut phaha mi a liaha liakte chu mi zthum an ni a, mi dang zawng zawngte chu kuna thingthia tui dawt vek an ni.
7:7	Tichuan LALPAN Gideona hnenah, "Mi zathum, a liaha liakate kha hmangin ka chhandam dawn che u a, Midian-hote hi i kutah ka pe dawn a ni: mipui zawng zawngte chu mahni hmun theuhvah haw vek rawh se," a ti a.
7:8	Chutichuan mipuite chuan ei turte leh an tawtawrawtte chu an keng a: tin, Israel mi zawng zawngte chu an puan in lamah a hawtir ta vek a, mi zathumte erawh chu a awmtir a: tin, Midan-ho kulh chu an hnuai ruamah chuan a ni.
7:9	Tin, heti hi a ni a, chu m zanah chuan LALPAN a hnenah, "Tho la, kulhah chuan zuk chhuk rawh khai; i kutah ka pe tawh e.
7:10	Amaherawhchu zu chhuk i hlauh chuan, I chhiahhlawh Pura nen hian kulhah chuan zuk kal phawt ula;
7:11	tichuan an thusawi i hria ang a; chu mi hnuah zawng i kut chu tihchakin a awm ang a, kulhah chuan i kal ngam tawh ang," a ti a. Chutichuan a chhiahhlawh Pura nen chuan kulha ral vengho tawntirh ber awmnaah chuan an zuk kal a.
7:12	Tin, Midian-hote leh Amalek-hote leh khawchhak fateho zawng zawng chu ruamah chuan khau ang maiin tam tak an lo awm hmur mai a; an sanghawngseite chu chhiar sen rual loh, an tam lam chu tuifinriat kama tiauvaivur zat zet an ni a.
7:13	Tin, Gideona a zuk thlen chuan, ngai teh, mi pakhat hian a thianpa chu a mumang a lo hrilh a, a hnenah, "Ngai teh, mumang ka lo nei a, tin, ngai teh, barli chhang hlawm hi Midian-ho kulhah hian a lo lum a, puan inah hian alo lum lut a, a rawn tichim a, a tilet ling tawp a, puan in chu a per ta thlawp mai a," a tia .
7:14	Tin, a thianpa chuan a chhang a, "Chu chu Israel mi, Joasa fapa Gideona ngunhnam anih mai chu: Pathianin Midan-ho leh sipaiho zawng zawng chu akutah a pe a nih chu," a ti a.
7:15	Tin, chuti chu a ni a, Gideonan chu mumang leh a awmzia an inhrilhfiah chu a hriatin, Pathian a be ta a; tichuan Israel-hote kulh lamah chuan a kir leh a, 'Tho rawh u khai; LALPAN Mididan sipaihote chu in kutah a pe tawh ani e," a ti a.
7:16	Tichuan mi zathumte chu pawl thumin a siam a, an vai chuan tawtawrawt leh bel ruak, a chhunga meichhe dah sa a pe theuh va.
7:17	Tin, ani chuan an hnenah, "Min en ula, ka tih angin ti ve zel ang che u: tin, ngai teh u, kulh tawntirh ber ka thlen veleh, ka tih ang zelin ti ve ang che u.
7:18	Kei leh ka hnena awm zawng zawngte hian tawtawrawt kan han ham veleh, kulh vela awm zawng zawngte pawhin tawtawrawt in ham vek bawk ang a, 'LALPA tan leh Gideona tan,' ti theuh vang che u," a ti a.
7:19	Chutichuan Gideona leh a hnena awm mai zate chu zan ven laita, ralveng an inthlak hlim chhawn lai takin kulh tawntirh an zuk thleng a : tin, tawtawrawt chu an han ham a, an bel ken chu an tikeh sawm vek a.
7:20	Tin, a pawl thum chuan tawtawrawt chu an ham a, an bel chu an tikeh a, an vei lamin meichher an keng a, an ding lamin tawtawrawt ham tur an keng a; tin, "LALPA leh Gideona ngunhnam," tiin an au dur dur a.
7:21	Tin, kulh velah mi tin, mahni dinhmun theuhvah chuan an ding vek a: tichuan sipaiho zawng zawng chu an tlan ta a; tin, an au chiam a, an tlanchhiattir ta a.
7:22	Tin, tawtawrawt zathum chu an ham a, tin, LALPA sipaiho zawng zawngte chu anmahni leh anmahni khandaihin a inbeihtir ta chiam a: tichuan sipaihote chu Zerera lampang Beth-sita thleng, Tabath kianga Abel-mehola ramri thlengin an tlanchhia a.
7:23	Tin, Israel-ho chu Naphtali atang te, Aser atang te, Manase zawng zawng atangte chuan an pung khawm a, Midian-ho chu an um ta a.
7:24	Tin, Gideonan Ephraim tlang ram zawng zawngah chuan, "Midian-ho hi rawn bei rawh u, Beth-bara thlengin luite hu lo lak khalh ang che u, Jordan lui nen," tiin mite a tlan veltir a. Chutichuan Ephraim-ho zawng zawng chu an pung khawm a, Beth-bara thlengin luite chu Jordan lui nen an lo lak khalh vek a.
7:25	Tin, Midian lal pahnih Oreba leh Zeeba an man a; tin, Oreba chu Oreb lungpuiah an that a, tin, Zeeba chu Zeeb grep sawr khurah an that a, Midan-ho chu an um ta a; tichuan Oreba leh Zeeba lu chu Jordan lui rala Gideona hnenah an rawn la a.

Roreltute 6

THUTHLUNGHLUI   Roreltute   Bung 6
6:1	Tin, Israel thlahte chuan LALPA mithmuhin thil an lo tisual ta a: tichuan LALPAN Midian-ho kutah kum sarih a awmtir a.
6:2	Tin, Midian-hote chuan Israel-hote chu an lo hmin ta a: tichuan Midian-hote avang chuan Israela thlahte tlangah khur te, puk te, kulh te an siam a.
6:3	Tin, heti hi ani a, Israelhoten thil an han chin tehian Midian-hote, Amalek-hote, khawchhak fateho chu an han chho va;
6:4	an han bei a; awmhmun an han khuar a, Gaza thlengin leia thil toe chu an tihchhiatsak a, Israel ramah ei tur reng reng an zuah lo, beram te, bawng te, abengtung te lamin.
6:5	An ran rualte leh an puan inte nen an lo thawk a, khau ang maiin tam takin an lo thawk si thin a; anmahni leh an sanghawngseite chu chhiar sen pawh an ni lo: ram tichhe turin an lo kal thin a ni.
6:6	Chutichuan Israel-hote chu Midain ho avang chuan an lo rethei ta hle mai a; tin, Israela thlahte chuan LALPA chu an au ta a.
6:7	Tin, heti hi a ni a, Midan-ho avanga Israela thlahten LALPA an han auh ve leh chuan,
6:8	LALPAN Israela thlahte hnenah chuan zawlnei a rawn tir a: ani chuan an hnenah, "LALPA Israelte Pathianin, heti hian a ti a ni, 'Aigupta ram ata chu ka hruai chho che u a, bawihho kut ata leh, hnehchhiatu che u zawng awng kut ata chu ka chhan chhuak che u a,
6:9	Aigupta-ho kut ata leh, hnehchhiahtu che u zawng zawng kut ata chu ka chhanchhuak che u a, in hma ata anmahni chu ka hanwtchhuak a, an ram chu ka pe che u a;
6:10	tin, keiin, Kei hi LALPA in Pathian ka nih hi, heng in awmna ram neitu Amor-ho pathiante hi in hlau hlek t没r a ni lo ve, ka ti a: nimahsela ka thusawi chu in pawm ta si lo,' a ti e," a ti a ni.
6:11	Tin, LALPA vantirhkoh a lo kal a, Ophra khuaa Abiezrit mi Joasa sasaw thing hnuaiah a thu a: tin, a fapa Gideonan Midian-hote hmuh theih loh turin grep sawrna khurah buh a lo vua a.
6:12	Tin, LALPA vantirhkoh chu a hnenah a rawn inlar a, a hnenah, "Nang mi chak huaisen, LALPA hchu I hnenah a awm e," a ti a.
6:13	Tin, Gideonan a hnenah, "Aw ka pu, LALPA kan hnena a awm si chuan, eng tizia nge hetianga kan chunga thil a lo thlen si? Min thlahtute khan, 'LALPAN Aigupta ram ata chu min hruai chho a ni lawm ni?' tia a thiltih mak tak takte min hrilh thinte kha khawiah nge a nih zawh tak? Tunah zawng Midian-ho kutah min pe tawh alawm," a ti a.
6:14	Tin, LALPA chuan mah chu a en a, a hnenah, "He i chakna hian kal la Israel-ho hi Midian-ho lak ata chhandam ang che: ka tir che a ni lawm ni?" a ti a.
6:15	Tin, ani chuana hnenah, "Aw LALPA, engtin nge Israel-hote hi ka han chhandam tehlul ang? Ngai teh, Manasea thlah zingah hnam rethei ber kan ni a, kei lah hi ka pa chhungte zinga te ber ka ni si a," a ti a.
6:16	Tin, LALPA chuan a hnenah, "I hnenah ka awm zel dawn alawm, tichuan Midian-ho chu pakhat ang maiin ai hneh vek mai ang," a ti a.
6:17	Tin, ani chuan a hnenah, "I mittlung ka lo nih chuan, nangmah ngeiin mi bia a ni tih chhinchhiahna eng emaw mi entir ta che.
6:18	I hmaa hlan tur thil pek ka va lak a, I hnena ka lo kal leh hma loh chuan heta ta hi khawngaih takin lo kal bo hauh suh ang che," a ti a. Tin, ani chuan, "I lo kal leh hma loh chuu ka lo awm reng ang e," a ti a.
6:19	Tin, Gideona chu alut ta a, kel no leh chhangphut epha khat dawidim telh loh a buatsaih a: a sa chu fawngah a dah a, tin, a tui chu belah a dah a, sasaw thin ghnuaiah a hnenah chuan a rawn keng a, a rawn hlan a.
6:20	Tin, Pathian vantirhkoh chuan a hnenah, "Sa leh chhang dawidim telh loh kha la langin, he lung chungah hian dah la, a tui kha bun chhuak rawh," a ti a.
6:21	Chutiang chuan a han ti a. Chutichuan LALPA vantirhkoh chuan a tiang ken hmawr chuan sa leh chhang dawidim telh loh chu a han khawih a; tin, lung atang chuan mei a lo chhuak a, sa leh chhang dawidim telh loh chu a kang ral ta vek a; tin, LALPA vantirhkoh chu a hmuh theih lohvah a kal ta a.
6:22	Chutichuan Gideona chuan LALPA vantirhkoh ani tih a hre ta a; tin, Gideonan, "E khai aw, aw Lalpa PATHIAN! LALPA vanrirhkohchu a hmai chhan ngeiah ka hmuh tak chu le," a ti a.
6:23	Tin, LALPAN a hnenah "Thlamuang takin awm la, hlau suh: I thi lo vang," a ti a.
6:24	chutichuan Gideonan chutah chuan LALPA tan maicham a siam a, Jehova-salom a vuah a: tun thlengin Abiezrit mite khua Ophra-ah a la awm reng a ni.
6:25	Tin, heti hi a ni a, chu zan vekah chuan LALPAN a hnenah, " I pa bawngpa, bawngpa pahnihna kum sarih mi chu la langin, I pa neih Baala maicham hi tichim la, a bula Asera hi kit rawh:
6:26	tin, he kulh chungah hian kawngzawng nei tein LALPA i Pathian tan maicham siam langin, bawngpa pahnihna chu la la, Asera i kih tur thing hmangin halral thilhlan hlan rawh," a ti a.
6:27	Chutichuan Gildeona chuan a chhiahhlawhte zinga mi sawm a hruai a. LALPAN a hnena a sawi ang chuan a ti ta a; tin, heti hi ani a, a pa vangin, chhunah a ti ngam lo va, zanah a ti a ni.
6:28	Tin, khawpuia mite chu zing taka an han thawh chuan ngai teh, Baala maicham chu tihchimin a lo awm a, a bula Asera chu kih thlukin a lo awm a, maicham siam chunga bawngpa pahnihna hlan chu a lo awm ta mai a.
6:29	"Hei tu tih nge maw ni chu le?" tiin an inbe hlawm a. Tin, an han inzawh a, an han indap vel hnu chuan, "Joasa fapa Gideona tih a lo ni reng alawm maw le," an ti ta a.
6:30	Tichuan khawpuia mite chuan Joasa hnenah, "I fapa chu han hruai chhuak rawh, a thi ngei tur a ni: Baala maicham a tihchim avfang leh a bula Asera a kih avangin," an ti a.
6:31	Tin, Joasa chuan amah rawn khingtu zawng zawng hnenah chuan, "Baala chu in tan dawn a ni maw? Amah chu in hum dawn a ni maw? Tupawh amah tan apiang chu zingah la la hian tihhlum tur a ni: pathian anih chuan a maicham an tihchim avamgin, intan chawp ang hmiang," a ti a.
6:32	Chutichuan, "A maicham tihchim avangin Baalan amah khing rawh se,: tiin, chu mi ni chuan Jerubaala a vuah ta a.
6:33	Tichuan Midian-ho zawng zawngte leh Amelek-hote leh, khaw chhak fate chu an pung khawm chian a; lui an kan a, Jazreel ruamah an inkulh a.
6:34	Nimahsela LALPA thlarau chu Gideona chungah a lo thleng a; tin, tawtawrawt a hantum a: tichuan Abiezer-ho chuan an pn khawm ta chiam a.
6:35	Tin, Manase-ho zawng zawng zingah mite a tlantir a; chungho pawh chuan an pan khawm ta chiam a: tin, Aser-hote hnenah te, Zebulun-ho hnenah te, Naphtali-ho hnenahte pawh miet a tlantir a; anni pawh chuan an han fin ve ta a.
6:36	Tin, Gedeonan Pathian hnenah, "I sawi anga keima kuta Israelte hi i chhandam dawn chuan,
6:37	ngaiteh, hrui zawlah beram hmuh ka dah ang a, beram hmulah chuah chuan dai alo awm a, lei zawng zawngte chu a lo ro vek chuan, i sawi angin keima kutin Israelte hi i chhandam dawn ani tih ka hria ang," a ti a.
6:38	Chutiang chu a lo ni ta ngei a: a tuk zing taka a han thawh a, beram hmul chu a han hmeh sawr chuan beram hmula mi chu dai berhbu khat zet a han sawr chhuak ta mai si a.
6:39	Tin, Gideonan Pathian hnenah, "Ka chungah thinrim suh ang che, vawikhat tal ka han sawi leh teh ang; khawngaih takin vawi khat tal beram hmulin mi fiahtir leh teh ang che; tun tumah chuan beram hmuh chauh chu lo hul sela, lei chung zawng zawngah dai lo awm leh thng rawh se," a ti a.
6:40	Tin, chutiang chuan beram hmuh chauh chu a lo hul a, lei chung zawng zawngah chuan dai a lo awm ta thung a.

Roreltute 5

THUTHLUNGHLUI   Roreltute   Bung 5
5:1	Chutichuan Debori leh Abinoama fapa Baraka chuan chu mi ni chuan,
5:2	"Hotute chuan Israel zingah zai an zap a. Mipuite chu chak takin an lo inpek tak hi, LALPA chu fak rawh u.
5:3	Aw, nangni lalte u, lo ngaithla ula; Aw, nangni hotute u, beng lo chhi rawh u; Keimah ngeiin LALPA chawimawiin hla ka sa ang a, LALPA, Israelte Pathian fakin hla ka sa ang.
5:4	LALPA, Seir ram ata i lo kal chhuah a, Edom phul ata i lo kal chhuah khan, Lei chu a nghing dur dur a, vante pawh a lo far a, A ni, chhungte chuan ruah a surtir a.
5:5	Tlangte chu LALPA hmaah a lo khur a, Sinai tlang lam pawh saw - LALPA Israelte Pathian hmaah chuan.
5:6	Anatha fapa Samgara dam laite leh, Jaeli dam laite khan, lamliante chu a thing thup a. Zin veivakte chu kawng mai maiahte an kal thin a.
5:7	Israel rama khuate chu luah lohvin a ram zo va, a ram zo va. Kei Debori ka chet a, Israel ram nu hi ka chet hma loh kha chuan.
5:8	Pathian tharte a vuan a; Tichuan kulh kawngkhar bulahte khan indona a lo awm a: Israel rama singli zet zingah Phaw leh fei kha awm reng reng a awm em ni?
5:9	Ka rilru chu Israel-hote roreltu, Mipuite hnena chak taka inpete lamah chuan a awm: LALPA chu fak rawh u.
5:10	Nangni sabengtung var chunga chuangte u, Nangni puan phah chhah taka thute u; Nangni mi mirte u, chung thute chu puang rawh u.
5:11	Thal kaptute thawm reng reng hriat phak loh, Tui chawina hmunah chuan LALPA thil fel tihte chu an sawi an sawi ang, Israel ram chunga a thil fel tihte ngei chu. Chutichuan LALPA mipuite chu kulh kawngkhar lamahte chuan an zu chhuk a.
5:12	Harh la, harh la, Debor; Harh la, harh la, hla sa rawh.
5:13	Tichuan mi lian la awm chhungte leh mipuite chu an lo chhuk a; Mi chak tak mi beihpui turin LALPA chu a lo chhuk ta.
5:14	Ameleka zungzamte chu Ephraim atangin an lo chhuk a; Benjamin, i mite zinga miten an rawn zui che, Makir atangin ram roreltute an lo chhuk. Tin, Zebulun atangin ziaktu tiang kengtute chu an lo chhuk.
5:15	Isakar mi liante chu Debori hnenah an tel a; Isakara angin, Baraka pawh: Ruam lamah chuan amah nen an tlan chhuk chiam a. Reuben-ho tui luannahte chuan An tum a ruh hle mai.
5:16	Eng atan nge beram huang karahte i thut reng, Beram rual kohna phenglawng ngaithla tur maiin? Reuben-ho tui luannaahte chuan Ngun taka i ngaihtuah chhuahna a awm a,
5:17	Gilead-ho chu Jordan ralah an awm reng a: Tin, Dan-ho chu engah nge lawngah te an awm reng? Aser-ho chu tuifinriat kamah an thu hle hle a, An litengsawlahte chuan an awm reng.
5:18	Zebulun-ho leh Napthali-ho hi Phul hmun sanga thih huam reng mi hi.
5:19	Lalten an rawn bei a, Tichuan Kanaan lalte chuan Megido tui kiang, Taanak khuaha an bei a: Sum lak reng an nei lo
5:20	Van atangin an rawn bei a; Arsiten an hmun atangin Sisera chu an rawn bei a.
5:21	Kison luiin anni chu a hnawl vek a Hmasang lui, Kison lui chuan. Aw ka thlarau, chak takin kal zel rawh.
5:22	Tichuan sakawrte chu an per ta tlut tlut a, Sakawr chakte chu an zuan an zuan avangin.
5:23	'Meroz chu anchhia lawh r'u,' LALPA vanrihkohvin a ti, Chuta awmte chu nasa takin anchhia lawh rawh u; LALPA tanpuiin, LALPAN mi chak tak a beinaa tanpui tura an lo kal loh avangin,'
5:24	Hmeichhia azawngah Jaeli, Ken mi Hebera nupui hi engthawl ber a ni ang, Hmeichhia puan ina chengho azawngah chuan a engthawl ber a ni ang.
5:25	Ani chuan tui a rawn dil a, hnute tui a lo pe a. Mi tha novin hnutetui khal a lo pe a.
5:26	Kilhna a keng a, A ding lamin hnathawk mi tuboh; tin, tuboh chuan Sisera chu a kheng a, a luah a kheng tlang a, A ni, a bekbawrah chuan a kheng a, a kheng buk ta ngur a.
5:27	A ke bulah a awp rawk a, a tlu a, a bawk ta der a: A ke bulah a awp rawk a, a tlu a, a tlu ta a: A awp rawkna hmunah chuan a thi ta der mai.
5:28	Sisera nu chu tukverah a han dak a, Zawngdaikalh awngah a au va, 'Engati nge a tawlailir a lo thlen har? Engati nge a tawlailir a muan? A ti.
5:29	A hmeichhe fingten an lo chhang a, A ni, amah a inchhang chawp leh a,
5:30	'An hmu zo ta lo vem ni? rallak an insem ta lo em ni ;e? Mi tinin nula pahnih khat emaw theuh; Sisera chan tur chu rallak puan ze hrang hrang, Rallak puan zehmawi, ze hrang hrang, Rallak nghawnga bah tur puan a khing hniha zehmawi, ze hrang hrang,' tiin.
5:31	Chutiang chuan aw LALPA, I hmelmate zawng zawng chu boral vek sela: Amah hmangaihtute erawh chu chak taka kal, ni ang hi ni rawh se," tiin hla an sa a. Tin, ram chu kum sawmli chhung ralmuangin a awm a.

Roreltute 4

THUTHLUNGHLUI   Roreltute   Bung 4
4:1	Ehuda thih hnu chuan Israela thlahten LALPA mithmuhin thil sual an lo ti leh ta a.
4:2	Tichuan Hazor khaw thuttu, Kanaan ram lal Jabina hnenah chuan LALPAN a hralh ta a: chu mi sipai hotu ber chu Sisera a ni a, Jentail-te ram Haroseth khuaa awm a ni.
4:3	tin, Israela thlahte chuan LALPA an au va: ani chuan thiir tawlailir zakua lai a nei si a; tin, kum sawmhnih chhung zet Israela thlahte chu nasa takin a hnehchhiah a ni.
4:4	Tin, chung lai chuan zawlnei Bebori, Lalpidotha nupuiin Israelte ro a rel a.
4:5	Ephraim tlang rama Rama leh Bethel khaw inkara Debor tum thing hnuaiah a awm thin a: tin, Israela thlahte chu a hnenah an ro reltir turin an kal thin.
4:6	Tin, Kedes-naphtali ram ata Abinoama fapa Baraka chu a chah a, a hnenah, "LALPA Israelte pathianin, 'Tabor tlangah han kal langin, Naphtalia thlahte leh Zebuluna thlahte mi singkhat hruai rawh.
4:7	Tichuan Kison luiah Jabina sipai hotu Sisera chu a tawlailirte leh a hote nen ka rawn tir ang a; tin, ani chu ka pe che,' tiin thu a pe a ni lawm ni?" a ti a.
4:8	Tin, Barakan a hnenah, "Mi kalpui ve la, tichuan ka kal ang e: mi kalpui ve dawn loh erawh chuan ka kal lo vang," a ti a.
4:9	Tin, ani chuan, "Ka kalpui ve mawlh ang che: amaherawhchu i kalnaah chuan hming that i hlawh dawn lo a nih chu; LALPAN Sisera chu hmeichhe hnenah a hralh dawn a ni," a ti a. Tin, Debori chu a tho va, Baraka hnenah Kedes khaw lamah chuan a kal ve ta a.
4:10	Tin, Baraka chuan Zebulun-ho leh Naphtali-ho chu Kedes-ah a chah khawm a; mi singkhat amah nen an han kal a: tin, Debori pawh a hnenah chuan a han kal ve a.
4:11	Tin, Ken mi Hebera chu Ken mi Mosia puzawn Hobaba thlahte zing ata a lo awm hrang a, Kedes kianga Zaananim rama sasaw thing hmun daihah a puan in a va zar a.
4:12	Tin, Abinoama fapa Baraka chu Tabor tlangah a chho tih Sisera an hrilh a.
4:13	Tichuan Sisera chuan a tawlailir zawng zawng, thir tawlailir zakua leh a hote Jentail-te ram Haroseth khua ata. Kison luiah a khawm chiam a.
4:14	Chutichuan Debori chuan Baraka hnenah, 'Khai le, vawiin hi LALPAN Sisera chu a pek ni che a ni e: I hma hruaitu chu LALPA a ni lawm ni?" a ti a. Tichuan baraka chu Tabor tlang ata a chhuk a, mi singkhatin an zui thla a.
4:15	Tin, LALPAN Sisera leh, a tawlailir zawng zawng leh, a sipaiho zawng zawngte chu khandaihin Baraka hmaah chuan a tibuai ta nuai hlawm a; tin, Sisera chu a tawlailir ata a chhuk a, a kein a tlan bo ta daih a.
4:16	Baraka erawh chuan tawlailirte leh sipaiho chu Jentail ram Haroseth thleng chuan a um ta a: tichuan Sisera sipaiho zawng zawngte chu khandaihin an that vek a: pakhat mah dam an awm lo.
4:17	Sisera erawh chu Ken mi Hebera nupui Jaeli puan inah kein a tlan lut a: hazor lal Jabina leh Ken mi Hebera chhungte chu inrem reng an ni a.
4:18	Tin, Jaeli chu Sisera hmuak turin a lo chhuak a, a hnenah, "Ka pu, lo lut rawh, ka hnenah lo lut rawh; hlau suh," a ti a. Tichuan puan in chhungah chuan a hnenah a lut ta a, tin, ani chuan puanin a khuh a.
4:19	Tin, a hnenah, "Khawngaih takin tui tlemte mi han pe teh khai, ka tui a hal em mai e," a ti a. Tin, bawnghnute um a han hawng a, a intir a, a khuh leh ta a.
4:20	Tin, a hnenah, "Puan in kawngkaah khan ding la, tichuan, 'Hetah hian mi an awm em? Tia an rawn zawh che chuan, 'Awm lo,' lo ti zel ang che," a ti a.
4:21	Chutichuan Hebera nupui Jaeli chuan puan in khenkilhna a la a, tuboh a keng a, zawitein a pan phei a, khenkilhna chuan a bekbawrah a kheng a, a kheng tlang a, leiah a buk ta ngur mai a; a chauvin a mut a tui hle mai si a; tichuan a thi ta a.
4:22	Tin, ngai teh, Barakan Sisera a rawn um chu, va hmuah tumin Jaeli chu a va chhuak a, a hnenah, "Lo kal teh khai, i mi zawna chu ka lo entir teh ang che," a ti a. Tichuan a hnenah a va kal a; tin, ngai teh, Sisera chu a lo thi reng ma a, puan in khenkilhna chu abekbawrah alo buk ngur mai a.
4:23	chutichuan Pathian chu mi ni chuan Israela thlahte hmaah Kanaan ram lal Jabina chu a titlawm ta a.
4:24	Tichuan Israela thlahte chua Kanaan ram lal Jabina an hmin ta deuh deuh va, Kanaan ram lal Jabina chu chhe der khawpin an lo siam ta a.

Roreltute 3

THUTHLUNGHLUI   Roreltute   Bung 3
3:1	Heng hnamte hi a ni LALPAN Israelte Kanaan rama ral la bei ve ngai hauh lo fiahna tuka a awmtirte chu,
3:2	chung Israela thlah chhuanho, tun hmaa engmah la hre hauh lote chuan an lo hriat nan leh ral beih dan zirtir tuk atan chauh awmtir ani;
3:3	chungte chu Philistia-ho lal panga te, Kanaan mi zawng zawng te, Zindon-ho te, Lebanon tlanga awm Hiv-hote an ni, Baal-hermon tlang atanga hamath khaw luhna thlengin.
3:4	LALPAN Mosia hmanga an thlahtute thu a lo pekte kha an pawm dawn leh dawn loh hriat nan chungho chu Israelte fiahna tur an ni.
3:5	Tin, Israela thlahte chu Kanaan-ho te, Hit-ho te, Amor-ho te, Periz-ho te, Hiv-ho te, Jebus-hote zingah chuan an awm a;
3:6	tin, an fanute chu nupuiah an nei a, tin, an fanute chu an fapate an neihtir thung a, an pathiante rawng an bawl a.
3:7	Tin, Israela thlahte chuan LALPA mithmuhin thil sual an lo ti ta a, LALPA an Pathian chu an theihnghilh a, Baal-ho leh Astoreti rawng an bawl ta a.
3:8	Chutichuan LALPA thin chu Israelte chungah chuan a ur ta a, Mesopotamia ram lal Kusan-risathaima hnenah a hralh ta a; tichuan Israela thlahte chu Kusan-risathaima thu hnuaah kum riat
3:9	Tin, Israela thlahte chuan LALPA an auh veleh, LALPAN Israela thlahte chhandamtu a rawn siamsak a, chu mi chuan a rawn chhandam ta a, chu chu Kaleba nau Kenaza fapa Othniela a ni.
3:10	Tin, LALPA thlarau chu a chungah a lo thleng a, tichuan Israelte ro a relsak ta a; ral bei turin a va thawk a, tin, LALPAN Mesopotamia ram lal Kusan-risathaima chu a pe a: Kusan-risa
3:11	Tin, ram chu kum sawmli ralmuangin a awm a. Tin, Kenaza fapa Othniela chu a thi ta a.
3:12	Tin, Israela thlahte chu LALPA mithmuhin thil sual an lo ti leh ta a: chutichuan LALPA mithmuha thil an lo tihsual avangin LALPAN Moab lal Eglona chu Israelte laka chakin a siam a.
3:13	Tin, ani chu Amona thlahte leh Amalek-hote a pun khawm a; tin, Israel-hote chu a va bei a, tum khawpui chu a luah ta a.
3:14	Tichuan Israela thlahte chu Moab lal Eglona thu hnuaiah kum sawm leh kum riat an awm a.
3:15	Nimahsela Israela thlahte chuan LALPA an han auh veleh LALPAN Gera fapa Ehuda, Benjamin mi, mi veikhawr, chhandamtu a rawn siamsak a: tin Israela thlahte chuan Moab lal Eglona pek tur
3:16	Tin, Ehuda chuan khandaih hriam tawn, tawng chena seiin a chher a; chu chu a malpui ding lam puan hnuaiah a taivawn a.
3:17	Tin, Moab lal Eglona chu lawmman chu a han pe a: Eglona chu mi thau tak a ni a.
3:18	Tin, lawmman a han pek zawh veleh chuan, lawmman kengtute chu a kaltir leh ta a.
3:19	Ani erawh chu Gilgal khaw kianga lung chherna hmun atangin a let leh a, "I e lalpa, thuruk hrilh tur che ka nei e," a ti a. Tin, ani chuan,"Ngawi thiap rawh u," a ti a. Tichuan a bula dingho zawng zawngte chuan an chhuahsan ta vek a.
3:20	Tin, Ehuda chu a hnenah a va kal a; ani chu a thlan daihna pindanah a mah chauhin a lo thu a. Tin, Ehuda chuan, "Pathianin i hnena sawi tur thu mi chah e," a ti a. Tin, a thutphah ata chu a tho va.
3:21	Tin, Ehuda chuan a kut vei lamin a malpui dinglama khandaih chu a han phawrh a, a pumah a chiu ta vak mai a:
3:22	a fawng pawh chu a lut pil hmawk a; tin, a khandaih chu a thauvin a hnawh ping ta tlat a, a puma khandaih chu a phawi si lo va; a hnungah a tlang a ni.
3:23	Chutichuan Ehuda chu hulhliapah a chhuak a, pindan kawngkharte chuan a kharhung a, a kalh ta tlat a.
3:24	Tin, chutia a chhuah tak hnu chuan, a chhiahhlawhte chu an lo kal a; tin, an han hmuh chuan ngai teh, pindan kawngkate chu a lo inkalh tlat mai a; "A thlandaihna pindanah a va inthiar fihlim rih a ni ang chu maw," an ti a.
3:25	Tin, zahthlak khawpin an nghak ta reng mai a: tin, ngai teh, pindan kawngkate chu a hawng ta hauh lo mai a; chutichuan chabi an la a, an han hawng a: tin ngai teh, an lalpa chu chhuatah chuan, thiin a lo lum der mai a.
3:26	Tin, Ehuda lah chu khatia an nghah reng chhung khan a lo tlan bo tawh a, lung chherna hmun kha a pel a,
3:27	Seira-ah a tlan a. Tin, heti hi a ni a, chu mi hmun a thlen chuan Ephraim tlang ramah chuan tawtawrawt a ham ta, tin, Israela thlahte chu tlang ram ata a hnenah an chhuk a, ani chuan an hma a hruai ta a.
3:28	Tin, ani chuan an hnenah, "Mi zui rawh u khai: LALPAN in hmelma Moab-hote hi a pe tawh che u a ni," a ti a. Tichuan an zui thla a, Moab ram dep Jordan lui kaite chu an man a, tumah an kaitir phal lo.
3:29	Chu mi tum chuan Moab-ho singkhat lai, mi awmkhauh thiau leh mi chak huaisen tha thiau an that a; pakhat mah tlan chhuak an awm lo.
3:30	Chutichuan chu mi ni chuan Moab-hote chu Israel hote lakah an lo tawm ta a. Tin, ram chu kum sawmriat chhung ralmuangin a awm a.
3:31	Tin, a hnuah chuan Anatha fapa Samgara a lo lang ve a, chu mi chuan Philistia-ho mi zaruk sebawng chhunna tiangin a chhun hlum a: amah bawk chuan Israel-hote chu a chhandam a ni.

Roreltute 2

THUTHLUNGHLUI   Roreltute   Bung 2
2:1	Tin, LALPA vanrirhkoh Gilgal khua atangin Bokim khuaah a han chho va, tin, ani chuan, "Aigupta ram ata kha ka chhuahtir che u a, in thlahtute hnena chhehchhama ka lo tiam tak ramah khan ka hruai lut che u a, 'In hnena thu ka thlun kha ka bawhchhe tawp lo vang.
2:2	tichuan heng rama awmhote nen hian thu thlung suh ula;an maichamte tihchimsak ang che u,' ka ti a: nimahsela ka thupek in pawm lo va: eng vangin nge hetianga in tih?
2:3	Chuvangin, "Anni chu ka hnawhchhuahsak tawh lo vang che u, in nakahte hling ang an ni sawk ang a, tin, an pathiante chu in tan thang an ni ang,' ka ti bawk a nih kha," a ti a.
2:4	Tin, heti hi a ni a, LALPA vantirhkoh vin Israela thlahte zawng zawng hnenah chung thu chu a han sawi chuan, mipuiho chu rawn chhuah meuhvin an tap ta hlawm a.
2:5	Tin, chu mi hmun hmingah chuan Bokim an vuah a: tin, chutah chuan LALPA hnenah an inthawi ta a.
2:6	Josuan mipuite a tin, darhtir hnu chuan Israela thlahte chu mi tin, mahni chanpual theuh ram chu luah tukin an kal ta a.
2:7	Josua dam chhung leh upaho Josua khuma dam te, LALPAN Israelte tana thil ropui tak a tih zawng zawng hmu thintute dam chhung chuan mipuiten LALPA rawng an bawl thin a.
2:8	Tichuan Nuna fapa Josua, LALPA chhiahhlawh chu kum za leh kum sawm miin a hi a.
2:9	Tin, Gas tlang hmar lampang Ephraim tlang rama ama chanpual ramri chhung Timnath-heres khuaah chuan an phum ta a.
2:10	Tin, chung chhuan zawng zawngte pawh chu an thlahtute hnen lamah an kal khawm zo ta a: tin, chu mite hnuah chuan LALPA leh Israelte tana a thiltihte pawh hre lo chhuan dang an la awm ta a.
2:11	Tin, Israela thlahte chuan LALPA mithmuhin thil sual an lo ti a, Baal-hote rawng an bawl ta a.
2:12	LALPA an thlahtute Pathian, Aigupta ram ata hruaichhuaktu kha an hawisan a, pathian dang, an kiang vela awmho pathiante zinga mi chu an zui a, chibai an buk ta a: tichuan LALPA chu a thinur ta a.
2:13	Tin, LALPA chu an hawisan a, Baala leh Astarothi rawng an bawl ta a.
2:14	Chutichuan LALPA thin chu Israelte chungah chuan a ur ta a, anmahni rawk thintute kutah chuan a pe ta hlawm a, an hmelma, an kiang vela awmte hnenah chuan a hrlah a, tichuan an hmelmate chu an lo chelh ta lo va.
2:15	Khawiah pawh kal sela, LALPA kut chu an chungah a chhe lamin a tla zel a, LALPAN a lo sawi tawh ang leh, LALPAN an hnena chhechhama a lo sawi tawh ang khan: tichuan mangan namenin an mangang ta lo va.
2:16	Tin, LALPAN roreltute a siamsak a, chungte chuan anamhni rawktute kut ata chu an rawn chhan chhuak ta a.
2:17	Chuti chung pawhin an roreltute thu chu an pawm lo va, pathian dangte lakah chuan an uire a, chibai an lo buk ta zawk a: an thlahtuten LALPA thupekte pawma an zawh thin kawng chu an pensan ta thuai mai a.
2:18	Tin, LALPAN roreltute a rawn siamsak chuan, LALPA chu roreltu hnenah chuan a awm a, roreltu dam chhung chuan an hmelmate kut ata chu a chhanchhuak zel a: anmahni hnehchiah leh timangangtute avangin an rum a, chuvangin LALPA chu a inchhir ta a.
2:19	Nimahsela heti hi a ni a, roreltu chu a thih veleh, an hnungtawlh leh ta a, pathian dangte rawng an bawl a, chibai buk thuah an thlahtute ai mahin an lo che chhe lehzual ta a; an thiltih thinte leh an luhlulte pawh a bang hek lo.
2:20	Tin, LALPA thin chu Israelte chungah chuan a ur ta a; tichuan, "He hnamte hian an thlahtute thu ka pek, ka thuthlun chu an bawhchhia a, ka thu an pawm ta si lo va;
2:21	chuvangin kei pawhin tun achinah zawng Josua thih hmaa hnawhchhuah bak hnamte hi ka hnawh chhuahsak tawh lo vang,
2:22	an thlahtute zawh ang khan LALPA dan an zawh dawn nge dawn lo tih Israel-hote fiah nan anmahni chu ka hmang ang," a ti a.
2:23	Chutichuan LALPAN chung hnamte chu hnawt chhuak nghal ta lovin a awmtir ta a; Josua kutah pawh a pe ta hek lo.

Roreltute 1

THUTHLUNGHLUI   Roreltute   Bung 1
1:1	Tin, Josua thih hnu chuan heti hi a ni a, Israela thlahte chuan, "Kanaan hote chu dova kan tana bei tukin tunge han kal hmasa phawt ang le?" tiin LALPA chu an rawn a.
1:2	Tin, LALPA chuan, "Juda han kal rawh se: ngai teh u, a kutah ram chu ka pe tawh e," a ti a.
1:3	Tin, Judan a unau Simeona hnenah,"Kanaan-hote bei tukin ka ram chanpualah hian l o chho ve rawh; kei pawh i ram chanpualah ka lo kal ve dawn nia," a ti a. Chutichuan Simeona chu a hnenah a kal ve ta a.
1:4	Tin, Juda chu a han kal a; tichuan Kanaan-hote leh Periz-hote chu LALPAN an kutah a pe ta a: tin, Bezek khuaah mi singkhat an that a.
1:5	Tin, Bezek khuaah chuan Adoni-zedeka-bezeka an han hmu a: tin, an bei a, Kanaan- hote leh Periz-hote chu an that chiam a.
1:6	Adoni-zedeka-bezeka erawh chu a tlan a; tichuan an um a, an man a, a kutzungpuite leh a kezungpuite an tansak a.
1:7	Tin, Adoni-zedeka-bezeka chuan, "Lal sawmsarih kutzungpui leh kezungpui tan chhumte chuan ka dawhkan hnuaia buh mal an chhar thin a: ka tih ang chiahin Pathianin mi thungrul ve ta a nih hi le," a ti a. Tin, Jerusalem khuaah an hruai a, chutah chuan a thi ta a.
1:8	Tin, Juda thlahte chuan Jerusalem an han do va, an la a, khandaihin an bei a, khawpui chu an hal a.
1:9	Tin, chu mi hnuah chuan Juda thlahte chu Kanaan-ho tlang rama awm te, Chhim lama awm te, phaia awm te chu do tukin an zuk kal a.
1:10	Tin, Juda chuan, Kanaan-ho Bebron khuaa awmte chu a va bei a: (a hma chuan Hebron khaw hming chu Kiriath-arba a ni.) tichuan Sesaia te, Ahimana te, Talmaia te an that a.
1:11	Tin, chuta tangin Debir khuaa awmte chu a bei a. (A hma chuan Debir khaw hming chu Kiriath-sepher a ni.)
1:12	Tin, Kaleban, "Tupawh Kiriath-sepher khua chu bei a, la apiang chu ka fanu Aksai nupuiah ka neihtir ang," a ti a.
1:13	Tin, Kaleba nau Kenaza fapa Othnielan a la a: tichuan a fanu Aksai chu nupuiah a neihtir ta a.
1:14	Tin, a pasal hnen a va thlen chuan a pa ram dil tukin a lo fuih a, tin, sabengtung ata a chhuk a; Kaleba chuan a hnenah, "Enge i duh le?" a lo ti a.
1:15	Ani chuan, "Eng emaw dil che ka duh a ni, chhim lam ram ro takah mi lo awmtir ta si a, tuikhur mi pe tel bawk tukin ka ngen a che," a ti a. Tichuan tuikhur chhakta leh thlangta chu a pe ta a.
1:16	Tin, Mosia puzawn Ken-ho thlahte chu Arad chhim lama Judai thlalerah chuan Juda thlahte nen tum khawpui ata chu an han chho va; an zingah chuan an han cheng ve a a.
1:17	Tin, Juda chu a unau Simeona nen an thawk a, Zephath kihuaa awm Kanaan-ho chu an that a, an tichimit vek a. Chu khawpui hming chu Horma an ti.
1:18	Tin, Juda chuan Gaza khua a ram chin nen, Askelon khua a ram chin nen, Ekron khua a ram chin nen a la bawk a.
1:19	Tin, LALPA chu Juda hnenah a awm a; tichuan tlang rama chengte ch a hnawt bo vek a; ruama chenghote erawh chu thir tawlailirte an neih avangin an hnawtchhuak thei lo a ni.
1:20	Tin, Mosian a lo sawi tawh angin Hebron khua chu Kaleba an pe a: chuta mi Anaka fapa te pathum chu a hnawt chhuak a.
1:21	Tin, Benjamina thlahte chuan Jebus-ho Jerusalem khuaa awmte chu an hnawt chhuak lo: Jebus-hote chu Benjamina thlahte nen tun thleng hian Jerusalem-ah an la cheng za ta reng a ni.
1:22	Tin, Josefa chhungte pawh chu Bethel khaw bei tukin an thawk ve bawk a: tin, an hnenah LALPA a awm a.
1:23	Tin, Josefa chhungte chuan Bethel khuaah chuan enthlatute an tir a. (A hma chuan chu khaw hming chu Luz a ni.)
1:24	Tin, enthlatute chuan mi pakhat khaw chhung ata lo chhuak hi an han hmu a, a hnenah, "Khawngaih takin khawpui chhung luhna min entir teh khai, tichuan tha takn kan ti dawn che nia," an ti a.
1:25	Tin, khawpui chhung luhna hchu a entir a, tichuan khandaihin chu khua chu an bei a; chu mi leh a chhungte zawng zawng erawh chu an zuah a.
1:26	Tin, chu mi chu Hit-ho ramah a lut a, khua a siam a, chu mi khaw hmingah chuan Luz a vuah a: tun tlengin chu mi hming chu a la pu a a ni.
1:27	Tin, Manasea chuan Beth-sean khua leh a khawpera awm te, Tanaak khua leh a khawpera awm te, Dor khua leh a khawpera awm te, Ibleam khua leh a khawpera awm te, Megido leh a khawpera awmte chu a hnawt chhuak lo: chu ramah chuan Kanaan-hote erawh chu an awm ta reng a.
1:28	Tin, heti hi ani a, Israela thlahte chuu an lo chai tak tial tial chinah chuan Kanaan- hote chu hnathawka rawih atan an awmtir a, an hnawtchhuak fai vek ta lo.
1:29	Tin, Ephraima chuan Gezer khua Kanaan-ho awmte chu a hnawtchhuak lo; Kanaan- ho chu Gezer khuaah chuan an zingah an cheng ve ta zawk a ni.
1:30	Zebuluna chuan Kitron khuaa awmte leh Nahalal khuaa awmte chu a hnawt chhuak lo.Kanaan-ho chu an zingah an cheng ve a, hnathawka rawih atan an awm ta zawk a ni.
1:31	Asera chuan Ako khuaa awm te, Zidon khuaa awm te, Ahlab khuaa awm te, Akzib khuaa awm te, Helba khuaa awm te, Aphik khuaa awm te, Rehob khuaa awmte chu an hnawt chhuak lo:
1:32	Asera thlahte chu chu mi rama awm Kanaan-hote zingah chuan an cheng ve ta zawk a ni: anni chuan an hnawt chhuak lo a ni.
1:33	Naphtalia chuan Beth-semes khuaa awm te, Beth-anath khuaa awmte chu a hnawt chhuak lo; chu mi rama awm Kanaan-hote zingah chuan a cheng ve ta zawk a ni: amaherawhchu Beth-semes khua aawmte leh Beth-anath khuaa awmte chu a hnathawka rawih atan an awm ta a ni.
1:34	Tin, Amor-ho chuan Dana thlahte chu tlang ramah an hnawt chho va, ruama an chhuk an phal si lo va,
1:35	Amor-ho erawh chu Heres tlangah te, Aijalon khuaah te, Saalbim khuaah te an awm ta reng a: nimahsela Josefa chhungte kut chu a chak a, an hnathawka rawih atan an lo awm ta a ni.
1:36	Tin, Amor-ho ram chin chu Akrabim chhoihna leh Sel atangin a chho ta zel a ni.

Josua 24

THUTHLUNGHLUI   Josua   Bung 24
24:1	Tin, Josuan Israel hnam zawng zawngte chu Sekem-ah a ko khawm a, Israel-ho upa te, an puipa te, an roreltu te, an hotute a kohtir a; tin, Pathian hmaah an rawn inlan hlawm a.
24:2	Tin, Josuan mi zawng zawng hnenah chuan, "LALPA, Israelte Pathianin heti hian a ti a ni: 'In thlahtute kha hman laiin Lui piah lamah khan a awm thin a, Abrahama pa leh Nahora pa Tera meuh pawh kha: anni chuan pathian dangte rawng an bawl thin a.
24:3	Tin, in thlahtu Abrahama kha Lui ral ata ka hruai chhuak a, Kanaan ram chhung zawng zawngah khan ka hruai a, a thlahte chu ka tipung a, Isaaka kha ka pe a.
24:4	Tin, Isaaka chu Jakoba leh Esauva ka pe a: tin, Esauva chu a chanpual atan Seir tlang ka pe a; tin, Jakoba leh a fate kha Aigupta-ah an zuk chhuk a.
24:5	Tin, Mosia lehArona ka tir a, Aigupta ram chu an zingah thilmak tiin ka hrem a; tin, chu mi zawhah chuan ka hruai chhuak che u a.
24:6	Tin, inthlahtute chu Aigupta ram ata ka hruai chhuak a: tin, tuipui in va thleng a; tichuan Aigupta mite chuan in thlahtute chu tawlailirte leh sakawr chung chuang mite nen Tuifinriat Sen thlengin an um a.
24:7	Tin, anni chuan LALPA an han au va, Aigupta mite nena an inkar chu a rawn tithim ta muip a, tin, tuipui a rawn tuamtir a, a chimpil ta a; tichuan Aigupta rama ka thiltih kha in mit ngeiin a hmu a; tin, thlalerah khan rei tak in awm a.
24:8	Tin, Jordan lui rala awm Amor ho ramah chuan ka hruai che u a; tin, an lo do che u a: tichuan in kutah ka pe a, an ram chu in luah ta a; tin, anni chu ka tihboralsak ta che u a.
24:9	Tin, Moab leh Zipora fapa Balaka kha a lo thawk a, Israel-hote a lo do va; tin, Beora fapa Balaama kha an chhiahhlawh tur che uin a kohtir a:
24:10	a sawm ta zawk che u a: chutichuan a kut ata chu ka chhanchhuak ta che u a ni.
24:11	Tin, Jordan lui in kai a, Jeriko khua in han thleng a; tin, Jeriko khua amiten an lo do che u a, Amor-ho te, Periz ho te, Kanaan ho te, Hit ho te, Girgas-ho te, Hiv ho te, Jebus-ho te nen kha; tichuan anni chu in kutah ka pe ta a.
24:12	Tin, in hmaah khawinghla ka tir a, chu chuan in hmaah anmahni chu a um a, Amor-ho lalte pahni ngei kha; in khandaihin emaw, in thalngulin emaw ani hek lo.
24:13	Tin, in thawhchhuah hauh loh ram leh nangmahni siam hauh loh khawpuite ka pe che u a, chungah chuan in awm a; in phun loh grep huan leh oliv huana mite chu in ei a,' tiin.
24:14	Chuvangin LALPA chu tih ula, tih takzet leh dik takin a rawng chu bawl ula: inthlahtuten Lui ral leh Aigupta rama a rawng an bawl thin pathiante kha paih vek ula; LALPA rawng bawl ang che u.
24:15	Tin, LALPA rawngbawl hi a tha lo awm anga in hriat chuan vawiinah hian tu rawng nge in bawl dawn thlang mai rawh u; in thlahtuten Lui rala a rawng an bawl thin pathiante kha nge, in luah ram Amor-hote pathiante kha? Kei leh ka chhungte erawh hi zawngin LALPA rawng ania kan bawl dawn ni," a ti a.
24:16	Tin, mipuite chuan, "LALPA Pathian chu kalsanin pathian dangte rawng chu kan bawl loh turzia mai chu;
24:17	amah LALPA kan Pathian ngeiin alawm kan thlahtute nen Aigupta ram bawih ata min hruai chhuak a, kan mithmuha chhinchhiahna ropui tak takte ti a, kan kalna apiang leh, mipui zawng zawng kan tawn tlangna pawha min veng him zeltu chu.
24:18	tichuan LALPAN kan hma ngeiah hnam tin, chung rama awm Amor-hote ngei chu a hnawt chhuak vek a: chuvangin keini pawhin LALPA rawng a ni kan bawl dawn ni: amah chu kan Pathian a ni si a," an ti a, an chhang a.
24:19	Tin, Josuan mipuite hnenah chuan, "LALPA rawng chu in bawl thei lo vang; ani zawng Pathian thianghlim ani si a; Pathian thikthuchhia a ni a; in bawhchhiatnate leh in sualnate chu a ngaidam lo vang.
24:20	LALPA chu in kalsan a, hnam dang pathiante rawng in bawl zawngin, in chunga a tha chung hian in chungah thil tha lovin a tuan ve ang a, a tiboral mai tur che u a nia," a ti a.
24:21	Tin, mipuite chuan Josuan hnenah, "Ni lo ve, LALPA rawng kan bawl tlat zawk dawn a ni," an ti a.
24:22	Tin, Josuan mipuite hnenah,"A rawngbawl tumin LALPA chu in thlang ta ngei mai tih thu hretute chu nangmahni ngei hi in ni ta e," a ti a. Tin, anni chuan, "thu hretute chu kan ni ta alawm." an ti a.
24:23	Tin, amah vek chuan, "Chuti anih chuan in zinga hnam dang pathian awmte chu dah bo daih ula, in thinlunge chu LALPA, Israelte Pathian lamah chuan thlektir rawh u," a ti a.
24:24	Tin, mipuite chuan Josua hnenah," LALPA kan Pathian rawng chu kan bawl ang a, a thu kan zawm zel ang," an ti a.
24:25	Chutichuan Josuan chu mi ni chuan mipuite hnenah thu a thlung a, Sekem khuaah chuan dan leh rorelna a ruatsak a.
24:26	Tichuan hosuan chung thu chu Pathian dan buah a ziak a; tin, lung lianpui a la a, LALPA hmun thianghlim bula sasaw hnuaiah a phun a.
24:27	Tin, Josuan mipuiho zawng zawng hnenah chuan, "Ngai teh u, he lung hi kan thu hretu ni rawh se," LALPAN kan hnena thu a sawi zawng zawng chu a hriat tak vek hi, chuvangin in thu hretu ani dawn a ni, chutilozawng in Pathian hi in phatsan mai dah ang e," a ti a.
24:28	chutichuan Josuan mipuite chu anmahni chanpual ram theuhvah a hawntir ta a.
24:29	Tin, heti hi a ni a, chung thil hnuah chuan Nuna fapa Josua LALPA chhiahhlawh chu kum za leh kum sawm miin a thi a.
24:30	Tin, Gas tlang hmar lampang, Ephraim tlang rama ama chanpual ramri chhung Timnath-sera-ah chuan an phum ta a.
24:31	Tin, Josua dam chhung leh, upaho Josua khuma dam te, LALPAN Israel-hote tana thil a tih zawng zawng hretute dam chhung hchuan Israel-hoten LALPA rawng an bawl thin a.
24:32	Tin, Israela thlahten Aigupta ram ata Josefa ruh an chhawm chhoh kha Sekem khuaa hmun, Sekema pa Hamora fate laka Jakoban tangkaa zaa a leiah khan an phum a: tichuan chung chu Josefa thlahte pualah a lo awm ta a.
24:33	Tin, Arona fapa Eleazara chu a thi a; tin, Ephraim tlang rama a puala an pek, a fapa Phinehasa tlangah chuan an phum ta a.

Josua 23

THUTHLUNGHLUI   Josua   Bung 23
23:1	Tin, heti hi a ni a, kum eng emaw zat lai a lo vei hnu a, LALPAN Israel-hote chu an kiang vela hmelma zawng zawngte laka muanna a pek hnu chuan Josua pawh chu a lo upain, a lo tar ta hle a:
23:2	tichuan Josuan Israel-ho zawng awngte, an upate leh an puipa te, an roreltute leh an hotute chu a kohtir a, an hnenah, "Kei zawng ka lo upain, ka lo tar ta:
23:3	LALPA in Pathianin nangmahni avanga heng hnam zawng zawngte chunga a tih dan hi in hmu a; LALPA in Pathianin, amah ngeiin a ni, dosak che u ni.
23:4	Ngai teh u, heng hnam a la awmate hi heng hnam ka tihbo takho zawng zawng ramte nen hian, Jordan atanga ni tlakna lam tuifinriat zauna tleng rakin in chite rochanah ka ruatsak a che u.
23:5	Tin, LALPA in Pathianin inhmaah hian a hnawtchuak ang a, in hmuh phak lohvah a hnawt bo vek ang a; tichuan LALPA in Pathianin in hnena a sawi tawh ang khan a ram chu in nei dawn nia.
23:6	chuvangin Mosia dan lehkhabua ziak zawng zawngte hi ding lamah emaw, vei lamah emaw in pensan hauh loh nan huai takin pawm ula, ti rawh u;
23:7	heng hnam in zinga la awmate nen hian inchiahpiah lova an pathiante hming pawh lam lo va, an hming chhala chhia chham lo va, an rawng pawh bawl lo va, kuna chibai in buk hek loh nan vawiin thlenga in la tih cheu thin ang hian,
23:8	LALPA in Pathian chu vuan tlat zawk thin ang che u.
23:9	LALPAN in hmaah chi ropui tak leh chak takte chu a hnawhchhuah tak vek hi: nangni hmaah zawng vawiin thlengin tumah tang thei reng reng an awm loh hi.
23:10	In zinga mi pakhatin mi sangkhat a um ang: in hnena a lo sawi tawh angin, LALPA in Pathian hian a ni, dosak thin che u ni.
23:11	Chutichuan LALPA in Pathian chu hmangaih turin fimkhur tha hle rawh u.
23:12	chutilochuan in hawisan hlauh va, heng hnam, la awmho in zinga la cheng rengte hi in kungkaih a, anmahni nena nupui pasala in inneih a, anmahni chu in pawl a, anni pawhin an pawl vaih che u zawngin,
23:13	LALPA in Pathianin heng hnamte hi in mithmuhah chuan a hnawhchhuahsak dawn tawh tawp lo che u a, LALPA in Pathian ram tha tak a pek che u ata hi in boral vek hma loh chuan anmahni chu in tan thang leh fal leh, in nak atana vuakna tiang leh, in mit atana hling an lo ni zawk ang tih chiang takin hre rawh u.
23:14	Tin, ngai teh u, tunah hian leilung zawng zawng dan angin ka kal ve dawn ta a ni: LALPA in Pathianin in chungchang a tha lam a lo sawi tawh zawng zawngte kha thlawn pakhat mah a awm lo tih chu in thinlung zawng zawng leh in rilru zawng zawngin in hria e; in chungah a lo thleng ta vek a, pakhat mahk thlawh a awm lo ve.
23:15	Tin, heti hi a ni ang a, LALPA in Pathianin thil tha in hnena a sawi zawng zawngte kha in chunga a lo thleng ta vek ang bawk hian, LALPA in Pathianin he ram tha tak a pek che u ata hi a tihboral vek hma loh che u chuan LALPAN thil tha lote chungah a la rawn thlentir ve ang.
23:16	LALPA in Pathian thuthlung, pawm tura a pek che u hi in bawhchhiat a, pathian dangte rawng in bawl a, kuna chibai in buk chuan, LALPA thinurna chu in chungah a ling ang a, ram tha tak a pek che u ata hi in boral thuai mai ang," a ti a.

Josua 22

THUTHLUNGHLUI   Josua   Bung 22
22:1	Chutichuan Josuan Reuben-ho te, Gad-ho te, Manase hnam zatvete chu a ko ve,
22:2	an hnenah, "LALPA chhiahhlawh Mosian thu a pek apiang che u pawh in pawm zel a:
22:3	hei lehchen hi vawiin thlengin in unauteho chu in thlahthlam lo va, LALPA in Pathianin tih tura thu a pek che u in zawm thin a.
22:4	Tichuan LALPA in Pathianin an hnena a lo sawi tawh ang khan in unaute hi muanna a lo pek tak hi: chuvangin LALPA chhiahhlawh Mosian Jordan rala in chanpual atana ram a lo pek tak che uah khan, in puan in lamahte chuan haw leh tawh u.
22:5	LALPA chhiahhlawh Mosian LALPAN in Pathian chu hmangaih a, a kawng zawng zawng chu zawh a, a thupekte chu pawm a, amah chu vuan tlat a, in thinlung zawng zawng leh in thlarau zawng zawnga a rawng bawl tlat tura thu a lo pek che u kha, chu thupek leh dante chu fimkhur takin vawn that tum phawt mai ang che u,m" a ti a.
22:6	Chutichuan Josuan anmahni chu mal a sawm a, a kaltir ta a: tichuan an puan in lamahte an haw ta a.
22:7	Tin, manase hnam zatvete kha Mosian Basan ramah chanpual a pe a: a zatve dangte kha erawh chu Josuan thlang lampang Jordan ralah an unaute zingan chanpual a pe awk a. Tin, Josuan an in lama a hawntir dawn lai khan mal a asawm a,
22:8	an hnenah, "In puan in lamah te chuan hausa takin haw ta ula, ran tam tak nen, tangka te nen, rangkachak te nen, dar te nen, thirte nen, silhfen tam takte nen: in hmelmate laka in rallakte kha in unaute nen insem tlang rawh u," tiin a sawi a.
22:9	Tin, Reuben thlahte leh Gada thlahte leh manase hnam zatvete chu an kir leh a, Kanaan ram Silo khua ata chu Israela thlahte hnen atang chuan Gilead ram, LALPAN Mosia hmanga thu a lo pek tak ang khan an chanpual renga a lo ruat tawh rama kal turin an chhuak ta a.
22:10	Tin, Kanaan rama Jordan bial an va thlen chuan Reubena thlahte leh, Gada thlahte leh, Manase hnam zatvete chuan Jordan lui kamah chuan maicham lianpui langsar tak an siam ta a.
22:11	Tin, Israela thlahte chuan, "Ngai teh u, Reubena thlahte leh Gada thlahte leh, Manase hnam zatvete khan Kanaan ram bul tak, Jordan bial, Israela thlahte ram lampangah maicham an siam e," tia mi sawi an hria a.
22:12	Tin, chu chu Israela thlahteho chuan an lo hriatin, Israela thalhate mipuiho zawng zawng chu anmahni han do tumin Silo khuaah an inkhawm ta chiam a.
22:13	Tin, Israela thlahte chuan Gilead rama Reubena thlahte leh, Gada thlahte leh, Manase hnam zatvete hnenah chuan puithiam Eleazara fapa Phinehasa an tir a;
22:14	a hnenah mi lian sawm, Israel-ho hnam zinga chhungkaw puipa ber pakhat zel nen; chungte chu Israel-ho hnam zinga an chhungkaw puipa ber zelte an ni.
22:15	Tin, Reubena thlahte leh, Gada thlahte leh, Manase hnam zatvete hnenah Gilead ramah chuan an kal ta a, an hnenah,
22:16	"LALPA mipuiho zawng zawngin, 'Israelte Pathian chungah engnge maw in tihsual le, LALPA chungah vawiinah hian hel tuma maiham siamin vawiinah hian LALPA chu in hawisan le?
22:17	Peor hmuna bawhchhiatna te kha kan tan te luaah ngaih theih em ni? Tun thleng pawh hian khang kan sualte kha kan la intleng fai zo lo a ni a, LALPA mipuiho zingah kahn hri kha a leng na chungin,
22:18	vawiinah hian LALPA chu hawisan in tum chu le? Tichuan vawiina LALPA chunga in lo hel ta mai hi naktukah zawng Israel mipuiho zawng zawng chungah a thinrim ngei dawn mai.
22:19	Amaherawhchu in ram luah hi a bawlhhlawh chuan, LALPA ram chhung, LALPA biak buk awmna hmunah lo kal ve mai ula, kan zingah cheng ve ta mai che u; amaherawhchu LALPA kan Pathian maich鈓 tih loh maicham dang siam zawngin LALPA chungah hel suh ula, kan chungah pawh hian hel ma ta che u.
22:20	Zera fapa Akana khan hluihlawn thil-ah khan thil a tisual a, Israel mipuiho zawng zawng chungah khan thinurna a tla a ni lawm ni kha? Kha mi kha ama bawhchhiatnaah amah ngawtin a boral bik loh kha,' an ti a sin," tiin a sawi a.
22:21	Chutichuan Reubena thlahte leh, Gada thlahte leh, Manase hnam zatvete chuan Israel- ho hnam puipate chu an chhang a, an hnenah,
22:22	,23 "LALPA pathiante Pathian, LALPA, pathiante Pathian chuan a hria a: Israel-ho pawhin an hria ang; kan maicham siam hi LALPA hawisan tum a, hel tumna emaw, thilsual tumna emawa siam kan nih chuan (vawiinah pawh hian min zuah lo mai rawh,) halral thilhlannan emaw, ei tur thilhlan nan emaw, remna thilhlan nan emaw a nih chuan, amah lalpa ngeiin rawn ngaihtuah ang hmiang.
22:23	,22 "LALPA pathiante Pathian, LALPA, pathiante Pathian chuan a hria a: Israel-ho pawhin an hria ang; kan maicham siam hi LALPA hawisan tum a, hel tumna emaw, thilsual tumna emawa siam kan nih chuan (vawiinah pawh hian min zuah lo mai rawh,) halral thilhlannan emaw, ei tur thilhlan nan emaw, remna thilhlan nan emaw a nih chuan, amah lalpa ngeiin rawn ngaihtuah ang hmiang.
22:24	Nakin hnuah hian in thlahten kan thlahte hnenah hian, 'Nangnin LALPA, Israelte Pathian hi enga in hman phak vena nge maw awm ni?
22:25	nangni Reubena thlahte leh Gada thlahte u, LALPAN keini leh nangni tan Jordan hi ramri china a siam a sin ni: LALPAAH hian chanpual in nei ve hlei nem,' an la rawn ti hlauh dah ang e tia a, fimkhur avanga tih chhan nei taka ti kan ni asin: in thlahtehovin kan thlahte chu lalpa tih nachang hre lovin an la siam maithei asin: in thlahtehovin kan thlahte chu lalpa tih nachang hre lovin an la siam maithei asin.
22:27	keini leh, nangni leh, kan hnua kan thlahteho karah hriatna a ni ang, tichuan kan halral thilhlante leh kan inthawina te leh, kan remna thilhlante hian LALPA rawng kan bawl theih nan leh, an thlahte pawhin nakinah kan thlahte hnenah chuan, LALPAAH chanpual in nei ve lo ve, an la tih loh nan,' kan ti a ni.
22:28	Chuvangin, 'Heti hi a ni ang a, nakin hnuahte kan hnenah emaw, kan thlahte hnenah emaw chutianga an la rawn tih huna keinin, En ta che u, kan thlahtuten LALPA maicham awm dan an siam hi, halral thilhlanna tur leh inthawina tur ani lo ve; keini leh nangni karah hriatna a ni zawk e, kan la tih atan,' kan ti a sin.
22:29	LALPA chungah chuan helin vawiinah hian LALPA hawisan a, LALPA kan Pathian maicham, a biak buk bula maicham ngawt lo hi halral thilhlan nan emaw, ei tur thilhlan nan emaw, inthawi nan emaw maicham siam kan nih lohzia mai chu," an ti a.
22:30	Tin, puithiam Phinehasa leh a hnena awm mipuiho mi lian, Israel-ho hnam puipate chuan Reubena thlahte leh Gada thlahte leh Manasea thlahte thusawi an hriat chuan a tilawm ta hle a.
22:31	Tin, puithiam Eleazara fapa Phinehasa chuan Reubena thlahte leh Gada thlahte leh Manasea thlahte hnenah chuan, "LALPA chungah thil in tihsual loh avangin, tunah zawng LALPA chu kan zingah a awm ngei ani tih kan hre ta alawm: tichuan Israela thlahte hi lalpa kut ata in chhan chhuak ta anih hi," a ti a.
22:32	Chutichuan puithiam Elazara fapa Phinehasa leh mi lianho chu Reubena thlahte leh Gada thlahte hnen atang chua Gilead ram ata chu Kanaan ram lamah Israela thlahte hnen lamah chuan an haw leh ta a, thu chu an va thlen leh a.
22:33	Tin, chung thu chuan Israela thlahte chu a tilawm hle a; tin, Israela thlahte chuan Pathian chu an fak ta a; tichuan Reubena thlahte leh Gada thlahte chu an han do va, an awmna ram han tihchhiatsak thute chu an sawi leh ta lo va.
22:34	Tin, Reubena thlahte leh Gada thlahte chuan chu maicham chu Ed an ti a: "LALPA chu Pathian a lo ni ngei mai tih kan karah hian hriattir anih hi," an ti a ni.

Josua 21

THUTHLUNGHLUI   Josua   Bung 21
21:1	Tichuan Levi chi chhungkaw puipate chu puithiam Eleazara hnenah leh Nuna fapa Josua hnenah leh Israela thlahte hnam chhungkaw puipate hnenah te chuan an va kal a;
21:2	Kanaan rama Silo khuaah chuan," LALPAN Mosia hmangin kan awmna tur khawpuite, kan ran tlatna tur a daivelte nen min pe turin thu a lo pe tawh asin," tiin a an sawi a.
21:3	Chutichuan Israela thlahte chuan LALPA thupek angin an chanpual ata chung khawpuite chu a daivelte nen Levi chite an pe a.
21:4	Tin, thumvawr chu Kophath mite hnam chungah a tlu ta a: tichuan puithiam Arona thlah Levi chia mite chuan Juda hnam chanpuala mi te, simeon hnam chanpual mi te, Benjamin hnam chanpuala mi te khawpui sawm leh pathum thumvawrin an chang ve a ni.
21:5	Tin, Kohatha thlah dangte chuan Ephraim hnam thlahte chanpuala mi te, Dan hnam chanpuala mi te, Manasea hnam zatvete chanpuala mi te, khawpui sawm thumvawrin an chang ve a ni.
21:6	Tin, Gersona thlahte chuan Isakar hnam thlahte chanpuala mi te, Aser hnam chanpuala mi te, Naphtali hnam chanpuala mi te, basan rama Manasea hnam zatvete chanpuala mi te, khawpui sawm leh pathum thumvawrin an chang ve a.
21:7	Meraria thlahte chuan an chhungkaw zir zelin Reuben hnam chanpuala mi te, Gad hnam chanpuala mi te, Zebulun hnam chanpuala mi te khawpui sawm leh pahnih an chang ve a.
21:8	Tin, Israela thlahte chuan LALPAN Mosia hmanga thu a pek ang khan Levi mite chu khawpuite leh a daivelte chu thumvawrin an pe a.
21:9	Tin, Juda thlahte hnam chanpuala mi te, Simeona thlahte hnam chanpuala mite chu an pe a; heng khawpui a hming lamte hi:
21:10	chung chu Levi thlah, Kohat-ho hnam te, Arona thlahteho ta tur a ni: thumvawr chu an chungah a tlu hmasa ber reng a.
21:11	Tin, Judai tlang rama Kiriath-arba khua chu a daivelte nen an pe a, chu Arba chu Anaka pa a ni a, (chu chu Hebron a ni).
21:12	Khawpui chhehvelte leh a khawperte erawh chu Jephunia fapa Kaleba chanpual atan an pe a.
21:13	Tin, puithiam Arona thlahte chu Hebron, mi thattute inhumhimna khawpui chu a daivelte nen, Libna khua a daivelte nen;
21:14	Jatir khua a daivelte nen, Estemoa khua a daivelte nen;
21:15	Holon khua a daivelte nen, Debir khua a daivelte nen;
21:16	Ain khua a daivelte nen, Juta khua a daivelte nen; Beth-semes khua a daivelte nen, chung hnam hnihte chanpuala mi khawpui pakuate chu an pe a.
21:17	Tin, Benjami hnam chanpuala mi chu Gibeon khua a daivelte nen, Geba khua a daivelte nen,
21:18	Anathoth khua a daivelte nen, Almon khua a daivelte nen; khawpui pali an pe bawk a.
21:19	Arona thlah, puithiamho khawpui zawng zawng chu khawpui sawm leh pathum a ni, a daivelte nen.
21:20	Tin, Kohatha thlahte chhungkua, Levi-ho, Kohatha thlah dangte pawh chuan an chanpual khawpuite chu Ephraim hnam chanpuala mi a ni an neih ni.
21:21	Tin, mi thattute inhumna khawpui Ephraim tlang rama Sekem chua daivelte nen, Gezer khua a daivelte nen,
21:22	Kibzaim khua a daivelte nen, Beth-horon khua a daivelte nen;khawpui pali an pe a.
21:23	Tin, Dan hnam chanpuala mi Elteke khua a daivelte nen, Gibethon khua a daivelte nen;
21:24	Aijalon khua a daivelte nen, Gath-rimon khua a daivelte nen, khawpui pali, Tin, Manase hnam zatvete chanpuala mi Taanak khua a daivelte nen; Gath-rimon khua a daivelte nen khawpui pahnih.
21:25	Kohatha thlah dangte hnam khawpui zawng zawng chu khaw sawm a ni, a daivelte nen.
21:27	Tin, Gersona thlahteho, Levi hnam te chu Manase hnam zatvete chanpuala mi, mi thattute inhumhimna khawpui, Basan rama Golan chu a daivelte nen; Be-estera khua daivelte nen; khawpui pahnih an pe a.
21:28	Tin, Isakar hnam chanpuala mi Kision khua a daivelte nen, Daberath khua a daivelte nen;
21:29	Jarmuth khua a daivelte nen, En-ganim khua a daivelte nen; khawpui pali.
21:30	Tin, Aser hnam chanpuala mi Misal khua a daivelte nen Abdon khua a daivelte nen;
21:31	Helkath khua a daivelte nen, Rehob khua a daivelte nen, khawpui pali.
21:32	Tin, Naphtali hnam chanpuala mi, mi thattute inhumhimna khawpui, Ralili rama Kades chu a daivelte nen, Hamoth-dor khua a daivelte nen, khawpui pathum.
21:33	Gerson-ho an chhukaw zir zela an chanpual khawpui zawng awng chu khawpui sawm leh pathum a ni, a daivelte nen.
21:34	Tin, Meraria thlahteho chhungkua, Levi-ho dangte chu Zebulun hnam chanpuala mi Jorneam khua a daivelte nen, Karta khua a daivelte nen,
21:35	Dimna khua a daivelte nen,Nahalal khua a daivelte nen, khawpui pali.
21:36	Tin, Reuben hnam chanpuala mi Bezer khua a daivelte nen, Jahaz khua a daivelte nen,
21:37	Kedemoth khua a daivelte nen, Mephaath khua a daivelte nen; khawpui pali.
21:38	Tin, Gad hnam chanpuala mi, mi thattute inhumhimna khawpui, Gilead rama Ramoth a daivelte nen, Mahanaim khua a daivelte nen;
21:39	Hesbon khua a daivelte nen,Jazer khua a daivelte nen; a vaiin khawpui pali.
21:40	Chung zawng zawng chu Levi ho chhungkaw dangte Meraria thlahteho an chhungkaw zir zela a ni khawpuite chu a ni; tichuan an chanpual chu khawpui sawm leh pahnih a ni.
21:41	Israela thlahteho chanpuala mi Levi-ho khawpui zawng zawng chu khawpui sawmli leh pariat a ni, a daivelte nen.
21:42	Chung khawpuite chuan daivel a nei theuh a ni: chung khawpui zawng zawng chu chuatiang vek a ni.
21:43	Chutichuan LALPAN an thlahtute chhechhama pek a lo tiam tak ram zawng zawng chu Israelte chu a pe a; tichuan ram chu an luah a, awmhmun an khuar ta a.
21:44	Tin, LALPAN an thlahtute hnena chhechhama a lo tiam tawh ang ngei khan hmun tinah muanna a pe a: an hmelma zawng zawngte chu tumah an hmaa tang thei reng reng an awm lo; LALPAN an hmelma zawng zawngte chu an kutah a pe vek a.
21:45	LALPAN Israela chhungte hnena a tha lam thu a lo sawi zawng zawng kha thlawn reng reng a awm lo va, a lo thleng vek a ni.

Josua 20

THUTHLUNGHLUI   Josua   Bung 20
20:1	Tin, LALPAN Josua chu a bia a,
20:2	"Israela thlahte hnenah hian, 'Inhumhimna khuate siam rawh u khai, Mosia hmanga in hnena ka sawi tawh kha:
20:3	tupawh hre lova mi that palhtu chu, chutah chuan a tlan lut thei dawn nia: tichuan thisen phubalatu lakah chuan in tan inhumhimna a ni ang.
20:4	Tin, chung khawpuite zinga a engah emaw chuan a tlan ang a, khawpui kulh kawngka luhnaah a va ding a, chu mi khaw upaho beng hriatah a chanchin chu a va thlen ang a: tin, anni chuan khaw chhungah an hnenah an hruai lut ang a, an zinga a chen ve theihna turin awmna tur chu an ruatsak ang.
20:5	Tin, thisen phubalatuin a rawn um chuan, a thattu chu a kutah an lo pe tur a ni lo; a thenawm chu hre lovin a that a ni a, tun hmain huatna a nei si lo va.
20:6	Mipui hmaa rorelsak tura a din hma leh chung laia puithiam lala awma chu a thih hma loh chuan, chu mi khuaah chuan a awm reng tur a ni; tin, chu mi hunah chuan mi thattu chu a ma khaw chhung ngei, a tlan chhuahsan khua, ama in chhungah ngei chuan a lut leh tur ani,' tiin sawi ang che," tiin.
20:7	Tichuan Naphtali tlang rama Galili-ah Kadesh khua te, Ephraim tlang rama Sekem khua te, Judai tlang rama Kiriath -arba khua (chu chu Hebron a ni)_ te chu an ruat ta a.
20:8	Tin, chhak lamah Jordan ralah Jeriko-ah chuan Reuben hnam rama thlaler phai zawla Bezer khua te, Gad hnam rama Gilead ram Ramoth khua te, Manase hnam rama Basan rama Golan khuate an ruat a.
20:9	Chung khuate chu a ni Israela thlahte zawng zawng leh an zinga hnam dang awmte tana ruat chu: tupawh mi that palhtu chu chutah chuan a tlan luh a, mipuite hmaa a din zet hma loh chuan thisen phubalatu kuta a thih lohna turin.

Josua 19

THUTHLUNGHLUI   Josua   Bung 19
19:1	Tin, thumvawr vawi hnihna chu Silmeona chungah, Simeona thlahte hnam chungah an chhungkaw zir zelin a tlu leh ta a: an chanpual chu Juda thlahte chanpual zingah a tel ve a ni.
19:2	An chanpuala tlute chu Beer-seba (Seba emaw) te, Molada te:
19:3	Hazar-sual te, Bala te, Ezem te;
19:4	Eltolad te, Bethul te, Horma te;
19:5	Ziklag te, Beth-markaboth te, Hazar-susa te;
19:6	Beth-leboath te, Saruhen te; khawpui sawm leh pathum a khawperte nen:
19:7	Ain te, Rimon te, Ether te, Asan te: khjawpui pali a khawperte nen:
19:8	chung khawpui vela khawper zawng awng Baalath-beer Chhim Rama thlengin.
19:9	Chung chu a ni Simeona thlhate hnam an chhungkaw zir zela an chanpual chu Juda thlahte chan zinga mi a ni: Juda thlahte chanpual chu an tan a zau lutuk si a: chuvangin Simeona thlahte chanpual chu a chan zingah a tel ve a ni.
19:10	Tin, thumvawr vawi thumna chu Zebuluna thlahte chungan an chhungkaw zir zelin a tlu leh ta a: tin, an chanpual ramri chu Sarid thlengin a ni:
19:11	tin, an ramri chu thlang lampangah Marala thleng rakin a kal zel a, Debeseth an va thleng a: tin, Jokneam bula luite a va thleng a;
19:12	tin, Sarid atangin chhak lampang ni chhuahna lamah Kisloth-tabor ramri thlengin a kawi cho va; Deberath-ah a chhuak a, tin, Japhia-ah a chho leh a;
19:13	tin, chuta tang chuan chhak lampangah Gath-hepher leh Eth-kazin ah a kal zel a, Nea lam panin Romon-ah a chhuak a;
19:14	tin, ramric hu hmar lamah Hanathon-aha kual phei a: tin, a chhuahna chu Iphtah-el ruamah a ni;
19:15	tin, Katath te, Nahalal te, Simron te, Idala te, Bethlehem te; khawpui sawm leh pahnih a khawperte nen.
19:16	Chung chu ani Zebulun thlahte an chhunkaw zir zela an chanpual a ruat chu; khawpuite leh a khawperte chu.
19:17	Tin, thumvawr vawi lina chu Isakara chungah, Isakara thlahte chungah an chhungkaw zir zelin a tlu leh ta.
19:18	Tin, an ramri chin chu Jezreel te, Kesuloth te, Sunem te;
19:19	Hapharaim te, Sion te, Anaharath te;
19:20	Rabith te, Kision te, Ebez te;
19:21	Remeth te, Enganim te, En-hada te, Beth-pazez te thlengin a ni;
19:22	tin, ramri chuan Tabor te, Sahazurma te, Beth-semes te a va thleng a; tichuan an ramri chhuahna chu Jordan-ah a ni: khawpi s鈝m leh paruk a khawperte nen.
19:23	chung chu a ni Isakara thlahte hnem chhungkaw zir zela an chanpuala ruat chu; khawpute leh a khawperte chu.
19:24	Tin, thumvawr vawi ngana chu Asera thlahte hnam chungah an chhungkaw zir zelin a tlu leh ta a.
19:25	Tin, an ramri chin chu Helkath te, Hali te, Beten te, Aksaph te;
19:26	Alamemel te, Amad te, Misal te a ni; thlang lampangah Karmel leh Sihor-libnath a zuk thleng a;
19:27	tin, ni chhuahna lampangah Beth-dagon-ah a kual chho va, tin, Zebulun leh hmar lampangah Iphtah-el ruamah Bethemek leh Neiel a va thleng a; tin, vei lampangan Kabul te,
19:28	Ebron te, Rehob te, Hamon te, Kana te, Zidon ropui thleng rakin a kal zel a;
19:29	tin, ramri chu Ramaah leh Tura khawpui kulh neiah a kual phei a: tin, ramri chu Hosa-ah a kual phei zel a; tichuan a chuahna chu Akzibram tuifinriatah a ni:
19:30	Uma te, Aphek te, Rehob te; khaw sawmhnih leh pahnih a khawperte nen.
19:31	Chung chu a ni Asera thlahte hnam an chhungkaw zir zela an chanpual chu; chung khaw puite leh a khawperte chu.
19:32	Tin, thumvawr vawi rukna chu Napthtalia thlahe chngah an chhungkaw zir zel bawkin Naphtalia thlahte chungah a tlu leh ta a.
19:33	Tin, an ramri chin chu Heleph atang te, Zaananima sasua atang te, Adami-nekdeb leh Jabneel atang tea Lakum thleng a ni;
19:34	tin, ramri chu thlang lampangah Aznoth-tabor-ah a chhuk a; tin, chuta tangin Hukok-ah a kal a: tin, chhim lamah Zebulun a va thleng a, thlang lamah Aser a thleng a, tin, ni chhuahna lamah Judai rama Jordan a han thleng a.
19:35	Tin, khawpui kulh neite chu Zidim te, Zer te, Hamath te, Rakath te, Kinereth te;
19:36	Adama te, Rama te, Hazor te;
19:37	Kedes te, Edrei te, En-hazor te;
19:38	Iron te, Migdal-el te, Horem te, Bethanath te, Beth-semes te a ni; khawpui sawm leh pakhua a khawperte nen.
19:39	Chung chu a ni Naphtalia thlahte hnam an chhungkaw zir ang zela an chanpual chu, khawpuite leh a khawper te nen.
19:40	Tin, thumvawr vawi sarihna chu Dana thlahte hnam chungah an chhungkaw zir zelin a tlu ta a.
19:41	Tin, an chanpual ramri chu Zora te, Estaol e, Irseme te;
19:42	Saalabin te, Aijalon te, Ithla te,
19:43	Elon te, Timna te, Ekron;
19:44	Elteke te, Gibethon te, Baalath te;
19:45	Jehud te, Bene-berak te, Goth-rimon te;
19:46	Me-jarkon te, Rakon, Jopa dep ramte nen a ni.
19:47	Tin, Dana thlahte ramri chuan chung chu a va pel a ni: Dana thlahte chuan Lesem an han bei a, an la a, khandaihin an tiboral a, an nei ta a, chutah chuan an awm ta nghal a ni a, an pu Dana hming chawiin Lesem chu Dan an lo ti ta a ni.
19:48	Chung chu ani Dana thlahte hnam an chhungkaw zir zela an chanpual chu: chung khawpuite leh a khawperte nen.
19:49	Chutichuan an chanpual atana ramri siam ang zelin ram chu an lo sem zo ta a; tichuan Israela thlahten Nuna fapa Josua chu an zingah chanpual an siamsak ve a:
19:50	LALPA thupek angin Ephraim tlang rama a khawpui dil Timnath-sera khua ngei chu an pe a: tin, khawpui chu a siam a, chutah chuan a awm ta a.
19:51	Chungte chu a ni puithiam Eleazara te, Nuna fapa Josua te leh Israela thlahte hnam chhungkaw puipaten Silo-a LALPA hmaah inbiakna puan in kawngkaa thumvawra an rochan atana an lo sem takte chu. Chutichuan ram then chu an zo ta a ni.