I Samuela 3

THUTHLUNGHLUI   I Samuela   Bung 3
3:1	Tin, naupang Samuela chuan Elia hmaa uan LALPA rawng a bawl a, chung lai chuan LALPA thu chu a hlu hle mai a; a langa inlarnate a awm lo va,
3:2	Tin, heti hi a ni a, chung lai chuan Elia chu ama hmuna a mut laiin, (a mit a thim tawh deuh va. Khua a hmu tha thei tawh mang lo va,)
3:3	Pathian khawnvar pawh a la mit hmain, Pathian bawm awmna Lalpa biak inah chuan Samuela chu a han mu a;
3:4	LALPA chuan Samuela a ko va; ani chuan, "Heta hi ka awm," a ti a.
3:5	TinElia hnenah chuan a va tlan a, a hnenah, "Heta hi ka awm e, min vo va," a ti a. Tin, ani chuan, "Ka ko lo va che; va mu leh tawh," a ti a. Tichuan a kal a, a va mu leh ta a.
3:6	Tin, LALPA chuan Samuela chu ako leh a. Tin, Samuela chu a tho va, Elia hnenah chuan a kal a, "Heta hi ka awm e; min vo va," a ti a. Tin, ani chuan a chhang a, "Ka ko lo va che, ka fapa, va mu le tawh," a ti a.
3:7	Chung lai chuan Samuela chuan LALPA chu a hre lo va, LALPA thu a hnena puan a la ni bawk lova.
3:8	Tin, LALPA chuan Samuela chu ako leh a. Tin, Samuela chu a tho va, Elia hnenah chuan a kal a, "Heta hi ka awm e; min vo va," a ti a. Tin, ani chuan a chhang a, "Ka ko lo va che, ka fapa, va mu le tawh," a ti a.
3:9	Chuvangin Elia chuan Samuela hnenah, "Kal la, va mu leh ta la, a kohleh che chuan, 'LALPA thu sawi rawh, i chhiahhlawhin a ngaithla e,' i ti a ni ang chu," a ti a. Tichuan Samuela chu a hmunah chuan a va mu leh ta a.
3:10	Tin, LALPA chu a lo kal a, a ding a, a hmaa a koh ang kha, "Samuel, Samuel," tiin a ko leh a. Chutichuan Samuela chuan, "Thu sawi rawh, i chhiahhlawhin a ngaithla e," a ti a.
3:11	Tin, LALPA chuan Samuela hnenah, "Ngai teh, Israel rama hian a hria apiangte beng a khing hnih hniha thawng zawng takin thil ka ti dawn a ni.
3:12	Chu mi ni chuan a chhungkaw chungchang thu ka sawi zawng zawng chu a bul atangin a tawp thlengin Elia chungah ka ti dawn a ni.
3:13	A faten Pathian an sawichiatna sual chu hre reng pawha a khap loh avangin a chhungkua chu kumkhua atan ka ngaihtuah dawn ani tih ka hrilh tawh si a.
3:14	Chuvangin Elia chhungkaw hnenah chuan Elia chhungte bawhchhiatna chu inthawinain emaw, thilhlanin emaw, engtikahmah tihkian theih ani lo vang tiin chhia ka cham tawh a ni," a ti a.
3:15	Tin, Samuela chu zing tlengin a mu a, tin, LALPA in kawngkharte chu a hawng a. chutichuan Samuela chuan chu mi inlarna chu Elia hriattir chu a hlauthawng a.
3:16	Chutichuan Elia chuan Samuela chu a ko va, "Samuel, ka fapa," a ti a. Tin, ani chuan, "Heta hi ka awm e," a ti a.
3:17	Tin, ani chuan, "Eng thil nge LALPA chuan i hnenah a sawi le? Ka lakah engma zep suh aw; i nena a sawi zawng zawng chu ka lakah zep i neih chuan i chunga Pathianin a tih tihin ti sela, chu aia nasa pawhin," a ti a.
3:18	Tin, Samuela chuan engkim a hrilh fai ta vek a, a lakah chuan engmah zep a nei lo va. Tichuan ani chuan, "LALPA a ni lawm, tha a tih ang zelin ti rawh se," a tia.
3:19	Tin, Samuela chu a lo thang lian deuh deuh va, a hnenah LALPA a awm zel a, a thu reng reng chu leilungah a luan raltir lo va.
3:20	Tichuan Dan atanga Beer-seba thleng raka Israel mite zawng zawng chuan Samuela chu LALPA zawlnei atan tihngheh a ni tih an lo hre ta a.
3:21	Tin, LALPA chu Silo-ah chuan a inlar leh a: LALPA chu thuin Samuela hnenah chuan Silo-ah a inlar a ni si a.

I Samuela 2

THUTHLUNGHLUI   I Samuela   Bung 2
2:1	Tin, Hani chu a tawngtai a :"LALPA chungah ka thinlunga lawm em em a, Ka ki chu LALPAah chawimawiin a awm a; Ka hmelmate chunga ka k?tihzauvin a awm a. I chhandamnaah chuan ka lawm em em avangin
2:2	LALPA anga thianghlim hi an awm lo; Nangma ang reng an awm si lo, Kan Pathian ang lungpui reng a awm hek lo.
2:3	Chuti taka chapovin thu sawi tawh suh ula: In ka atangin tawng chaltlai reng reng chhuak suh se: LALPA chu finna Pathian a ni si a,Amain thiltihte a buk fel thin.
2:4	Mi chak thalngulte a titliak a, Petekte tai chu chaknaa hrenin a awm a.
2:5	Tlaipuar thinte chu ei tur zawngin an inhlawhfa ta a,Riltam thinte chu an chawl ta: A ni, ching chuan pasariha hring ta;Fa tam tak nei nu chu a chau ta.
2:6	LALPA chuan a tihlum tin, a, a tinung bawk thin: Thlanah a chhuktir thin a, a hruai chuak bawk thin.
2:7	LALPA chuan a tirethei thin a, a tihausa bawk thin; A tilawm thin a, a chawisang bawk thin
2:8	Vaivut ata rethei chu a kaitho thin a; Pachia chu ekdur ata a chawikang thin; Mi liante hnena a awmtir theih a, Ropuina lalthutthleng an chan theih nan: Leilung nghahchan chu LALPA ta a ni a, Khawvel chu a chungah a nghat ta si a
2:9	A mi thianghlimte ke chu a veng ang a, Mi sualte eraw ch thim zingah tihngawih thiapin an awm ang; LALPA beitute hu an keh sawm ang, Van atanga khawpui riin a do vang a; LALPA chuan kawlkil thelngin ro a rel ang a; A lal chu chakna a pe ang a, A hriak thiha ki chu a chawimawi ang," tiin.
2:11	Chutichuan Elkana chu Rama kuaah a inah chuan a haw ta a. Tin, naupang chuan puithiam Elia hmaan LALPA rawng chu a bawl ta a.
2:12	Tin, Elia fapate chu Beliala fapate an ni a; LALPA chu an hre lo va
2:13	Tin, mipuitelaka puithiamte tih dan chu, mi in inthawina an rawnhlan hian, sa chhum lai takin puithiam chiahlaw hi sa thurn thirkut zum thumei mi kengin a lo kal thin a;
2:14	tin, bel rawng zau emaw, bel dawt nei emaw, bel khaina nei emaw, bel dawt nei emaw, bel kaina nei emaw, bel emaw chhung chu a zuk chun a: tin, chu mi sa thurna zumin a rawn thur chhuah zawng zawng chu puithiam in a la thin a ni. Chutiang chua Israel mi chta lo kal zawng zawngte lak ata chu Silo khuaah chuan an lo tihsak thin a.
2:15	A ni, a thau chu an hal hmain puithiam chhiahhlawh chu a lo kal a, in thawia chhiahlawh chu a lo kal a, inthawina hnenahah chuan, "Puithiam tana hem hmin tur sa min pe rawh: i sa chhum chu a duh lo va, a hel a duh a ni," a ti thin a.
2:16	Tin, mi chuan a hnenah, "A thau chu hal phawt mai sela, tin, chu mi zawhah chuan i nunnain a du zat zai i la dawn nia," an lo tihte hian, ani chuan, "Ni lo ve, min pe nghal tur a ni; min pek loh chuan ka la lui reng reng ang," a ti thin a.
2:17	Tichuan tlangvalte sualna chu LALPA mithmuin a lo nasa ta em em mai a: mite chuan LALPA hnena inthawina hlante chu an ngaihnep phah ta si a.
2:18	Amaherawhchu Samuela chu naupang mah ni sela, puan zai sin puithiam kawr hain LALPA hmaah rawng a bawl a.
2:19	Tin, chu lo pawh chu a nuin kawr fualte a thuisak a, an kum tin, inthawina hlan tura a pasal nena an kalin kum tin, a kensak thin a.
2:20	Tin, Elia chuan Elkana leh anupui chu mal a sawm a, "LALPA tana in thilhlan in hlan hi he hmeichhe thlah hian LALPAN rul che u rawh se," a ti a. Tichuan an in lamah an haw ta a.
2:21	Tin, LALPA chuan Hani chu a kan a, nau a pai a,fapa pathun leh fanu pahniha hring a. Tin, naupang Samuela chu Lalpa hmaa chuan a lo sei lian ta a.
2:22	Elia chu a lo tar ta hle mai a; Israel mite zawgn zawgn chunga a fate thltih zawng leh inbiakna puan in kawngka bula rawngbawltu hmeichhiate an lo mutpui thin tute a lo hria a.
2:23	Tichuan an hnenah, "Engati nge hetiang thil in tih ni le? Heng mi zawng zawng atangte hian in thiltih dan tha lote ka lo hria a ni.
2:24	Khai! Khai! Ka fate u, in chanchin ka lo hriat chu a tha lo lam hlir a ni; LALPA mite chu in bawhchhiattir a ni.
2:25	Mi pakhat mi dang chunga a sual chuan Pathianin ro a relsak ang a: amaherawhchu mi, LALPA chunga a sual chuan tuin nge ngenpui ang?" a ti a. Chutichung pawhin an pa thu chu an awih duh chuang lo va; LALPA chuan anmahni chu a tihlum ngei dawn si a.
2:26	Tin, naupang Samuea chu a thang lian deuh deuh va; Pathian leh mihring duhzawngin a awm a.
2:27	Tin, Elia hnenah huan Pathian mi pakhat a lo kal a, a hnenah, "LALPA chuan heti hian a ti, 'Aigupta rama Pharaoa bawiha an awm lai khan in thlahtute hnenah khan ka inlar a ni lawm ni?
2:28	Tin, Israela hnam zawng zawng zing ata ka maichama kal a, rimtui hal a, ka hmaa puithiam kawr ha turin ka puithiam atan amah chu ka ruat ani lawm ni? Tin, i thlahtute chu Israela mite halral thilhlan zawng zawgn ka pe ani lawm ni?
2:29	Eng vangin nge ka awmnaa hlan tura ka ruat ka hnena inthawina leh ka puala thilhlan chuin rahbeha, keimah aia i fate i chawimawi zawk a, nangmahni intihthau nana ka mi Israelte inthawina a tha tha in hman ni?" tiin.
2:30	Chuvangin LALPA Israelte Pathian chuan, 'Kei chuan i chhungte leh i pa chhunge chu kumkhuain ka hmaah in awm ang chu ka ti ngei mai a,' a ti a; nimahsela tunah hian LALPA chuan, 'In awm tawp lo vang; mi chawimawi apiangte chu ka chawimawi ang a, mi hmusit apiangte chu ka ngaihnep an ni dawn si a.
2:31	Ngai teh, i ban te, i pa chungte bante ka tan ni chu a lo thleng dawn ta, i inah tar kuna dam reng reng an awm lo vang.
2:32	Israel mite Pathianin neihnunna a la pek hunah te chuan ka awmna ina tuarna i la hmu ang a: tin, i inah chuan tarkuna dam reng reng an awm lo vang.
2:33	Tini mi, ka maicham ata ka tibo loh tura chu i mit tikham tur leh i rilru tilungngaitu tur an ang a: i ina lopiang apiangte chu an vanglai takin an thi zel ang.
2:34	Tin, hei hi, i fapate pahnih Hophnia leh Phinehasa chunga thil lo thleng tur chu i tan chinchiahna a niang; ni khatah an pahnihin an thi ve ve ang.
2:35	Tin, puithiam rinawm tak ka tan ka din tha leh ang a, chu chuan ka thinlung leh ka rilru remzawngin a ti ang a; tin, chhungkaw nghet takah ka din ang a, kumkhuain ka hriak thiha hmaah chuan a awm ang.
2:36	Tin, heti hi a ni ang a, i ina la awm zawng zawng chu tangka leh chhang dilin an kal ang a, chibai an buk ang a, chhang tlem tal ei tir ka hmuh theih nan puithiam hna eng emaw hmu theih nan puithiam hna eng emaw min thawhtir rawh khai, an ti ang,' a ti a ni," a ti a.

I Samuela 1

THUTHLUNGHLUI   I Samuela   Bung 1
1:1	Ephraim tlang ram Ramathaim-zophim kuaah chuan mi pakhat a awm a, a hming chu Elkana ani a; chu mi chu Jehorama fapa ani a, chu mi Elihua fapa a ni a, chu mi chu Tohua fapa ani a, chu mi chu Ephraim m Zupha fapa a ni.
1:2	Tin, nupui pahnih a nei a; a pakhata hming chu Hani a ni a, a pakhata hming chu chu Penini a ni a; tin, Penini chuan fate a nei a, Hani erawh chuan fa a nei ve lo va.
1:3	Tin, chu mi chu an khua atangin Silo khuaah Sipai hote LALPA be tur leh inthawi turin kum tin, a han kal thin a. Chutah chuan Elia fapate pahnih, Hophnia leh Phinehasa, LALPA puithiamte an awm a.
1:4	Tin, Elkana inthawi ni a lo thlen chuan, a nupui Penini leh a fapate leh a fanute zawng zawng chu chanvo a siam a;
1:5	Hani chu hmangaih em em mah se, LALPAN fa nei thei lova a siam avangin chan khat chauh a siamsak a.
1:6	Fa a neih theih loh avanga a lungngaihna tizual turin amah ertu Penini chuan a lo deuhsawh thin a.
1:7	Tin, chutianga kum tin, a tih avangin LALPA in a han kal apiang chuan a lungngaihna chu a lo chawhthawhsak thin a; chutichuan a tap a tap a, chaw pawh a ei lo va.
1:8	Tin, a pasal Elkana chuan a hnenah, "Hani, engati nge i tah? Engati nge chaw i ei loh? Enga ti nge i thin a nat? Fapa sawm ai pawin i tan ka tha zawk lawm ni?" a ti a.
1:9	Chutichuan Silo khuaa chaw an eia an in zaw chuan Hani chu a tho va. Tin, Puithiam Elia chu LALPA biak in kawngka ban ula a thutnaah chuan a thu a.
1:10	Tin, Hani chu a rilru a mangang em m mai a, LALPA hnenah chuan a tawngtai a, lungchhe takin a tap a.
1:11	Tin, thu a tiam a, "Aw Sipaihote LALPA, i bawihnu tlawmzia hi min hriatsak tak meuh va, min hriat reng a, i bawihnu hi min theihnghilh loh va, i bawihnu hi fapa i pek chuan, a dam chhung zawng LALPA ka pe ve thung ang a, a lu pawh meh reng reng a ni lo vang," a ti a.
1:12	Tin, heti hi a ni a, LALPA hmaa a tawngtai reng lai chuan Elia chuan a hmui phun chu a lo chhinchiah a.
1:13	Hani chuan a rilruina sawi a, a hmui chau a phu a, a awm chu hriat a ni lo va: chuvangin Elia chuan zua rui niin a ring a.
1:14	Chutichuan Elia chuan a hnenah, "Eng chen nge rui renga i awm dawn le? I uain chu dah bo rawh khai," a ti a.
1:15	Tin, Hani chuan,"Ka rui lo asin ka pu, hmeichhe rilru lungngai tawpkhawk ka ni a; uain pawh, zupui pawh ka in hau lo va, LALPA hmaa ka rilru ka phawrh zawk a ni.
1:16	I bawihnu hi Beliala fanuah puh lul suh ang che: ka rilrua khat liam ka lungnih lohna leh ka lungngaihna ka sawi a nih hi," tiin a chhang a.
1:17	Tin, Elia chuan, "Thlamuang takin kal rawh khai, Israelte Pathian chuan i thil dil chu pe che rawh se," tiin a chhang a.
1:18	Tin, ani chuan, "I chhiahhlawhnu hian i mit lo tlung rawh se," a ti a. Chutichuan hmeichhia chu a kal ta a, chaw te a ei a, lungngai hmel a pu ta lo
1:19	Tin, zing takah a tho va, LALPA chu an bia a, an haw a, Rama kua an in chu an thleng leh ta a: tin, Elkana chuan a nupui Hani chu a pawl a: tin, LALPA chuan ani chu a hre renga.
1:20	Chutichuan heti hi a ni a. Hani chuan nau a pai a, tina hun a lo thlen chuan fapa a hring a; "LALPA ka dil a ni," tiin ahmingah Samuela a sa a.
1:21	Tichuan Elkana le a chhungte zawng zawng chu LALPA hnena an kum tin, inthawina hlan tur leh a thutiam hlen turin an kal cho va.
1:22	Hani erawh chu a kal chho ve lo va: a pasal hnenah chuan, "Kei zawng naupangin hnute hnek a ban hma loh chuan ka kal chho ve lo vang e; chu mi hnuah chuan LALPA hmaa a inlan theih nan ka hruai ang a, chutah chuan an awm reng tawh dawn nia," a ti a
1:23	Tin, a pasal Elkana chuan a hnenah, "Tha awm i ti apiang chuan ti rawh; a hnute hnek i bantir thlengin awm rawh; amaherawhchu LALPA chuan a thu chu tinghet ngei rawh se," a ti a. Chutichuan a hnute hnek ban hma loh chuan hmeichhia chu a awm ta, a fapa chu hnute a hnektir ta a.
1:24	Tin, hnute hnek a bantir chuan, chhangphut epha khat leh uain saidawium khat kengin sebawng pathum nena han hruai a, Silo khuaa LALPA inah chuan a kalpui a: naupang chu ala naupang hle a.
1:25	Tin, bawngpa chu an talh a, naupang chu Elia hnenah an hruai a.
1:26	Tin, ani chuan, "Aw ka pu, i nunna chalin ka sawi e, kei chu e ka pu, he mi hmuna i kianga dinga LALPA hnena tawngtaitu hmeichhia kha ka ni ngei a.
1:27	He naupang dil hian ka tawngtai a ni a; tin, LALPA chuan ka dil chu min pe ta a:
1:28	chuvangin kei pawhin LALPA hnenah ka hlan a ni: a dam chhung zawng LALPA tana hlan a ni," a ti a. Tin, chutah chuan LALPA chu a bia a.

Ruthi 4

THUTHLUNGHLUI   Ruthi   Bung 4
4:1	Tichuan Boaza chu kulh kawngkaah chuan a han chho va, chutah chuan a thu a: tin, ngai teh, an laichin bul a chungchang thu Boazan a sawi kha alo kal a: chu mi hnenah chuan, "E! nang kha! Lo peng la thu teh khai," a ti a. Tin, ani chu a lo peng a, a thu ta a.
4:2	Tin, chu mi khuaa upaho zinga mi sawm a hruai a,a n hnenah, "Hetah hian thu teh u khai," a ti a. Tichuan an thu ta a.
4:3	Tin, an laichun bula hnenah chuan, "Moab rama atnaga lo kir Naomi chuan kan unaupa Elimeleka ram kha a zuar a;
4:4	tichuan i hnena, 'Henga thute mithmuhah leh kan upateho mithmuhah hian lei rawh. I tlan duh chuan tlan la, amaherawhchu i tlan duh loh chuan ka hriat theih nan min hrilh ang che: nang lo chu tumah a han tlantu awm dang an awm si lo va;tin, kei hi i dawtah chuan ka ni a,' tia riattir che tulin ka hria," a ti a. Tin ani chuan, "Ka tlan ang e," a ti a.
4:5	Tin, Boaza chuan, "Naomi hnenah mi, chu mi ram i lei ni chuan, mitthi nupui, Moab hmeichhia Ruthi lakah mitthi hming dai lova a roluahtu tur an awm zel theih nan i lei bawk tur a ni," a ti a.
4:6	An laichin bulpa chuan, "Keima tan chuan ka tlan thei lo, chutilozawng keima roluah lam thu ka tikhawlo dah ang e, tlan phak ka nihna ai chu nangman chang mai rawh; kei zawngin ka tlan thei lo a nih hi," a ti a.
4:7	Hman laia Israelte zingah thil engkim an tihngheh nana an intlan dan leh an inthleng dan chu hetiang hi a ni:- Pheikhawk hlip a, an vengte an pe a, chu chu Israelte zinga an tihngheh dan a ni.
4:8	Chutichuan an laichin bul chuan Boaza hnenah, "Nangman i tan lei zawk rawh," a ti a. Tin, a pheikhawk a hlip a.
4:9	Tin, Boaza chuan pate leh mipui zawng zawng leh Kiliona leh Mahlona thil neih zawng zawng Naomi hnena mi ka lei tih hretute in ni a.
4:10	Tin, chu chauh chu ni lovin, mitthi chu a hming dai lova ro luahtu siamsak tur leh mitthi chu a unaute zingah leh a awmna hmun kulh kawngkaa a hming a bo loh nan, Moab hmeichhia Ruthi, Mahlona nupui chu ka nupui atan ka lei a; chu chu vawiinah hian nangniho hi a hretute in ni e," a tia.
4:11	Tin, kulh kawngkaa mipui zawng zawng leh upate chuan, "Hretute kan ni e. I ina hmeiche lo luta chu Rakili leh Leaii, Israel chhungkaw dintu pahnihte ang khan LALPA chuan siam rawh se: tin, Ephrath-ah chuan chhuanawm takin ti la, Bethlehemah chuan hmingthang takin lo awm ang che;
4:12	tin, LALPAN he nula laka thlah a la siamsak tur che avang hian i chhungkua chu Tamarin Juda a hrinsak Pereza chhungkua ang lo ni rawh se," an ti a.
4:13	Chutichuan Boaza chuan Ruthi chu a hruai a, a nupui a lo ni ta a; tin, a pawl a, LALPA chuan nau a paitir a, tin, fapa a hring a.
4:14	Tin, hmeichhiate chuan Naomi hnenah chuan, "Vawiin ngeia laichin hnai chham lova awmtirtu che LALPA chu fakin awm sela; Israelte zingah hian a hming lo thang rawh se.
4:15	Tin, ani chu i nunna a lo ni ang a; i monu nangmah hmangaihtu, fapa pasarih aia i tana tha chuan amah chu a hring ta si a," an ti a.
4:16	Tin, Naomi chuan nau chu a la a, a pawm a, a awm ta a.
4:17	Tin, a vengte hmeichhia chuan a hming an saksak a, "Naomi tan fapa a lo piang a," tiin a hmingah Obeda an sa a: ani chu Davida pa Jesaia pa a ni a.
4:18	Heng hi Pereza thlahte an ni; Pereza chuan Hezrona a hring a;
4:19	Tin, Hezrona chuan Rama a hring a; tin, Rama chuan Aminadaba a hring a;
4:20	tin, Salmona chuan Boaza a ring a, tin, Boaza chua Obeda a hring a;
4:21	tin, Obeda chuan Jesaia a hring a; tin, Jesaia chuan Davida a hring a ni.

Ruthi 3

THUTHLUNGHLUI   Ruthi   Bung 3
3:1	Tin, a pi Naomi chuan a hnenah, "Ka fanu, i tana tha tur khawsakna ka zawnsak dawn lawm che ni?
3:2	Kan laichinpa Boaza, a chhiahhlawh nulate nena hna i va thawhna kha a awm a ni lawm ni? Ngai teh, zaninah hian barli hruiah a zap fai dawn a.
3:3	Chutichuan, inbual la, inthih la, i incheina puan sin la, hruiah chuan zuk kal rawh; amaherawhchu chawte a eia a in zawh hma loh chuan a hnenah inhriattir hauh suh ang che.
3:4	Tin, heti hi a ni ang a, a mut hunah chuan a mutna chu chhinchiah la, tin, lut la, a ke hlim la, mu rawh; tin, ani chuan i tih tur chu a lo hrilh ang che," a ti a.
3:5	Tin, ani chuan a hnenah, "I sawi apiang chu ka ti ang e," a ti a,
3:6	Tichuan hruiah chuan a zuk kal a, a piin a hrilh ang apiang chuan a ti a,
3:7	Tin, Boaza chuan chaw a ei a, a in zawh chuan a rilru a lo hlim ta em em a, buh vum bulah chuan mu turin a kal ta a; tin, zawitein a va kal a, a ke chu a hlim a, a mu ve ta a.
3:8	Tin, heti hi a ni a, zanlai chuan chu pa chuan a hlau va, lehlam a hawi a; tin, ngai teh, a ke bulah chuan hmeichhia a lo mu reng mai a.
3:9	Tin, ani chuan, "Tunge i nih?" a ti a. Ani chuan, "I chhiahhlawhnu Ruthi ka ni; chutichuan i chiahhlawh hi i puan mi han zawn rawh, ka laichin bul i ni si a," a ti a.
3:10	Tin, ani chuan, "Ka fanu, Lalpain malsawm che rawh se: tlangval rethei emaw, hausa emaw i zui loh danah hian a tir ai mahin a hnu lamah hian thatna i tilang nasa ta zawk a
3:11	Chutichuan ka fanu, hlau suh aw; i sawi ang zelin i chungah ka ti ang: kan khuaa mi zawng zawngte hian hmeichhe fel tak i ni tih an hre vek si a.
3:12	Tin, laichin inhnai kan ni ngei mai a, amaherawhchu keimah aia hnai zawk a awm a.
3:13	Zanin chu awm phawt la, naktuk zingah chuan i chungah ani chuan a laichin tih tur a tih duh chuan a tha a ni ang a; laichin pual chu ti ang hmiang: amaherawhchu laichin tih tur i chunga a tih duh loh chuan, laichin tih tur chu LALPA a nung ngei ang hian keiman ka ti ngei ngei ang: zing thlengin mu reng mai rawh," a ti a.
3:14	Tichuan zing thlengin a ke bulah chuan a mu ta a: tin, tumah la inhmuh chian theih hmain a tho va "Hruiah chuan hmeichhia chu a lo kal tih reng reng tumahin hre suh se," a ti reng a.
3:15	Tin, a hnenah, "I puan bah kha han la la, dawh rawh," a ti a; tichuan a dawh a; tin, barli hu tehkhawng rukin a teh a, a chhung a, tin, khuaah a kal ta a.
3:16	Tin, a pi hnen a han thlen chuan, "Ka fanu, engnge i an le?" a lo ti a. Tin, ani chuan chu pain a chunga thil a lo tih zawng zawng chu a hrilh a.
3:17	"He barli tehkhawng ruk hi min pe a, 'I pi hnenah chuan kutbengin haw hauh suh ang che,' min ti a ni," a ti a.
3:18	Tin, ani chuan, "Ka fanu, eng angin nge thil a lo awm dawn i hriat hma loh chuan awm mai rawh: vawiin nia he thil hi a tih zawh hma loh chuan chu pa chu a ngawi mai dawn si lo va," a ti a.

Ruthi 2

THUTHLUNGHLUI   Ruthi   Bung 2
2:1	Tin, Naoami chuan a pasala laichin, Elimeleka thlah, mi neinung tak laichin a nei a; a hming chu Boaza a ni.
2:2	Tin, Moab mi Ruthi chuan Naomi hnenah, "Lo lamah ka kal ang a, mi lo khawngaihtu apiang buhto ka va zawng ang e aw," a ti a. Tin, a hnenah, "Kal ta che, ka fanu," a ti a.
2:3	Tichuan, a kal ta a, buh sengtute seng hmaih chu a va zawng ta a: tichuan Elimeleka thlah Boaza lovah ngei chuan a va kal fu hlauh mai a.
2:4	Tichuan, ngai teh, Bethlehem atangin Boaza chu a va kal a, buh sengtute hnenah chuan,"In hnenah LALPA awm rawh se," a ti a. Tin, anni chuan, "LALPAN malsawm che rawh se," tiin an chhang a.
2:5	Chutichuan Boaza chuan a chhiahhlawh, buhsengtute chunga hotu hnenah chuan, "Hei khawi lam nula nge ni le?" a ti a.
2:6	Tin, a buh sengtute chunga hotu a chiahhlawh chuan, "Moab nula, Moab ram ata Naomi hnena lo kal ve a ni:
2:8	Chutichuan Boaza chuan Ruthi hnenah chuan, "Ka fanu, ngai teh aw; lo dangah chuan buhto zawngin kal suh la, heta ta hi kal sawn suh, ka chhiahhlawh nulate hnenah hian awm reng rawh.
2:9	An buh seng hi en reng la, an hnu chhui zel rawh; tlangvalte chu engmah tih loh tur chein thu ka pe tawh diam e; tin, i tui a hal apiangin tui bela tlangvalte ti chawi sa va in thin ang che," a ti a.
2:10	Chutichuan a kun a, lei siin a bawkkhup a, a hnenah, "Hnam dang ka ni si a, nangin hetianga min hriat duha min lo khawngaih hi eng tizia nge ni?" a ti a.
2:11	Tin, Boaza huan a chhang a, a hnenah, "I pasal thih achina i pi chunga i thiltih dan zawng zawngte miin mi hril vek a; tin, i nu leh i pa leh i pianna ram kalsana tun hma lama i mi hriat ngai lohte hnena i lo kal dante pawh hi.
2:12	LALPA chuan i thiltih chu rul sela, LALPA, Israelte Pathian, inhumhim nana a thlahnuai i rawn chuha chuan i that man pe teuh che u rawh se," a ti a.
2:13	Tin, ani chuan, "Ka pu, min khawngaih ang che; nangin mithlamuan a, i chhiahhlawh ulate zinga mi ni mah suh ila, i chhiahhlawhnu hi tha takin mi be ta si a," a ti a.
2:14	Tin, chaw ei hun chuan Boazan a hnenah, "Lo haw teh khai, chhangte hi han ei ve la, chhang themte chu uain thurah chiah ve rawh," a ti a. Chutichuan buh sengtue kiangah chuan a thu a; tin, chhangper chu a pe a, a ei a, a kham hnu pawhin a la ei bang ta cheu va.
2:15	Tin, buhto zawng tura a thawh leh chuan, Boaza chuan a tlangvalte hnenah, "Buhphal zinga mite pawh hi char zel sela, hau suh ang che u.
2:16	Tin, a tela mite pawh, pawh chuahsak ula, hnutchiah zel ula, chhar sela, hau suh u," tiin thu a pe a.
2:17	Chutichuan a zawng a; tin, a zawn sa chu a vua a, barli epha khat emaw lai a ni.
2:18	Tin, a phur a, khuaah chuan a haw ta a: tin, a pi chuan a buto zawng chu alo hmu a; tin, ani chuan a kham hnuah a ei bang chu a phawrh a, a pe a.
2:19	Tin, api chuan a hnenah, "Vawiinah hian khawi lama buhto nge i zawn? A lo hre duhtu che chu malsawmin awm rawh se," a ti a. Tin, ani chuan, tu hnenah nge a va thawh tih a pi chu a hrilh a. "Vawiina ka va thawhnpa chu a ming Boaza a ni," a ti a.
2:20	Tin, Naomi chuan a monu hnenah chuan, "LALPA, mi nung leh mitthi chunga a khawngaihna bang chuang ngai lova chuan amah chu malsawm rawh se," a ti a. Tin, Naomi chuan a hnenah, "chu mi chu, kan lamhnai, kan laichin bul a ni asin," a ti a.
2:21	Tin, Moab mi Ruthi chuan, "A nih tak chu, ka hnenah pawh, 'Ka buh hi a seng zawh vek hma loh chuan ka tlangvalho hnenah hian tel reng ang che,' mi ti nghe nghe asin," a ti a.
2:22	Tin, Naomi chuan a monu Ruthi hnenah chuan, "Ka fanu, lo danga an hmuh hauh lohna tur chein a chhiahhlawh nulaho zingah hlir chuan kal la a tha ang," a ti a.
2:23	Chutichuan barli leh huit seng zawh thlengin Boaza chhiahhlawhnulaho zingah hlir chuan buhto zawngin a kal a; tin, a pi hnenah chuan a awm a.

Ruthi 1

THUTHLUNGHLUI   Ruthi   Bung 1
1:1	Roreltute chuan ro an rel laiin heti hi a ni a, chu mi ramah chuan tam a lo tla a.
1:2	Tin, Bethlehem-Juda-a mi pakhat Moab rama awm turin amah leh a nupui leh a fapate pahnih nen an kal a. Chu mi hming chu Emimeleka a ni a, a nupui hming chu Naomi a ni a, a fapate pahniha hming chu Mahlona leh Kiliona, Bethlehem-Juda-a Ephrath mi an ni. Moab ramah chuan an kal a, chuta chuan an awm ta reng a.
1:3	Tin, Elimeleka, Naomi pasal chu a thi a, ama leh a fapate pahnih chauh an ni ta a.
1:4	Tin, Moab ram hmeichhia nupuiah an nei a, a pakhata hming chu Orpi a ni a, a pakhata hming chu Ruthi a ni: Chutah chuan kum sawm emaw lai an awm a.
1:5	Tin, Mahlona leh Kilona chu an thi ta ve ve a; tichuan chu hmeichhia chu a fate pahnih leh a pasal chuan an thihsan ta a.
1:6	Chuti chuan a mote nen chuan Moab ram ata chu haw leh turin an tho va, LALPAN ei tur pein a mite chu a kan dan te Moab ram atanga a lo riat avangin.
1:7	Tichuan a awmna ata chu a mote pahnih nen chuan an chuak a; Judai rama haw leh turin an kal ta a.
1:8	Tin, Naomi chuan a mote pahnih hnenah chuan, "In nu in lam ve vea haw leh turin kal rawh u khai; mitthi chung leh ka chunga in tih ang hian LALPA chuan in chungah ngilnei takin ti ve rawh se.
1:9	LALPA chuan in pahnihin pasalte ina khawsakna in tawn theih nan khawngaih che u rawh se," a ti a. Tichuan a fawp a, tin, aw chuah meuhvin a tap ta chiam mai a.
1:10	Tin, a hnenah, "Kan kal lo vang, i chite hnena i hawnnaah chuan kan tel ve zawk ang,"an ti a.
1:11	Tin, Naomi chuan, "Ka fanute u, haw leh zawk rawh u; engah nge ka hnenah chuan in kal ve tehlul ang le? In pasal tur fapa ka pai leh thei dawn em ni?
1:12	Ka fanute u, haw leh ula kal raw u khai; pasal han nei turin ka upa lutuk tawh si a. Tin, ka bei a la sei reng e ti mah ila, zaninah mai pawh hian pasal neiin fapate pawh nei mah ila,
1:13	an puitlin thlengin in awm dawn em ni ang? Ni kawng lo ve a, ka fanute u, nangmahni avang hian ka lungngaihna a zualkai zawk a ni, LALPA kut chu ka chungah a tla ta a nih hi," a ti a.
1:14	Tin, an aw chhuahin an tap leh ta chiam mai a; tin, Orpi chuan a pi chu a fawp a; Ruthi erawh chuan a vuan tlat a.
1:15	Tin, ani chuan, "Ngai teh, i mopuinu chu a chite nen leh a Pathian hnen lamah chuan a kir leh ta a; nang pawh i mopuinu umin haw ve taw aw," a ti a.
1:16	Tin, Ruthi chuan, "Nangmah then tur leh nangmah zui lova haw leh tur chuan min thlem lo hram hram rawh: i kalna apiangah ka kal ang a; i riahna apianga ka riak ang a, i chite chu ka chite an ni ang a, i Pathian chu ka Pathian a ni ang.:
1:17	i thihna apiangah chuan ka thi ang a, chutah chuan min phum ve mai tur a ni: nang leh kei hi thihna chauh lo chuan thil dangina min then dawn chuan LALPAN a tih tihin min ti mawi sela, chu aia nasa pawhin," a ti a.
1:18	Chutichuan a hnena kal a tum tlat tih a lo hriat chuan a ngawihsan ta a.
1:19	Tichuan Bethlehem thlengin an kal dun ta a. Tin, heti hi a ni a, Bethlehem an thlen chuan a khuain an phu ta mur mur mai a, hmeichhiate chuan, "Hei, Naomi kha ni maw?" an ti a.
1:20	Ani chuan an hnenah, "Naomi min ti suh u, Maraii min ti zawk rawh u. Engkimtitheia chuan lungchiatthlak takin min ti ta si a.
1:21	Muk takin ka chhuak a, LALPA chuan kutbengin mi hruai hawng leh a ni: LALPA chuan ka chungah a lungnih lohna a tilang a, Engkimtitheia chuan min tihreawm te hre reng siin angati nge Naomi min la tih cheu ni le?" a ti a.
1:22	Chutichuan Naomi chu a lo kir a, a monu Moab mi Ruthi nen Moab ram atang chuan an lo kir a ni: barli seng tan tirh laiin Bethlehem chu an thleng a ni.

Roreltute 21

THUTHLUNGHLUI   Roreltute   Bung 21
21:1	Tin, Israel mite chuan Mizpe khuaah, "Kan zinga mi tumahin kan fanute hi Benjamin-ho nupuiah i neihtir hauh suh ang u," tiin chhia an chham a.
21:2	Tin, mipuiho chu Bethelah an kal a, Pahian hmaah tlai thlengin an thu a, an awte chhuahin an tap vak vak a.
21:3	Anni chuan, "Aw LALPA, Israelte Pathian, eng tizia nge Israelte zinga hetiang thil hi a lo awm a, vawiinah hian Israelte hi hnam khata kim ta lo nge ni le?" an ti a.
21:4	Tin, heti hi ani a, a tukah chuan mipuiho chu zing takah an tho va, chutah chuan maicham an siam a, halral thilhlante leh remna thilhlante an hlan a.
21:5	Tin, Israel thlahte chuan, "Israel hnam zawng zawng zinga LALPA hnena pungkhawmho zinga han tel ve lo chu tute nge ni le?" an ti a. Mizpe khuaa LALPA hnena han kal ve lo apiangte chu, "Tihhlum ngei tur ani ang," tiin chhia an lo chham tawh tlat si a.
21:6	Tin, Israela thlahte chu an unau Benjamin-ho chungchangah chuan an inchhiar ta a, "Vawiinah hian Israel-ho zinga hnam khat chu chhawk an ni ta si a.
21:7	A awm chhunate tan chuan annupui tur engtin nge kan tih tak ang le? Kan fanute hi nupuiah neihtir hauh lo turin LALPA hming chhalin chhia kan chham ta si a," an ti a.
21:8	Tin, anni chuan, "Israel-ho hnasm zinga mi tu hnam ber nge ni Mizpe khuaa LALPA hmaa han inlan ve lo hi le?" an ti a. Tin, ngai teh, pungkhawmho awmna hmunah chuan Jabes-gilead mite chu pakhat mah an kal ve lo va.
21:9	Mipuiho an han inchhiar chuan, ngai teh, Jabes-gilead rama awmte chu pakhat mah an lo awm lah lo va.
21:10	Tin, inkhawmhote chuan mi huaisen tha thiau singkhat leh sanghnih an tir a, "Kal ta ula, Jabes-gilead rama awmte chu hmeichhie leh an fanaute tete nen khandaihin va sat hlum vek rawh u.
21:11	In tih dan tur chu hetiang ani , mipa zawng zawng leh hmeichia, mipa mutpui tawh phawt chu tiboral vek ang che u," tiin thu an pe a.
21:12	Tin, Jabes-gilead rama awmte zingah chuan nula zali, mipa la pawl ngai hauh loh an hmu a; tichuan an awmna Silo khuaah chuan an hruai a, chu chu Kanaan ram a ni.
21:13	Tin, inkhawmho zawng zawngte chuan mi an tir a, Rimon lungpuia awm Benjamin-ho an va bia a, an hnenah inrem thu an puang a.
21:14	Tin, chu veleh chuan Benjamin-ho chu an kir ta a; tin, Jabes-gilead rama hmeichheho an zuahte chu an pe a: chuti chung pawhin an la indaih ta l va.
21:15	Tin, Israel hnam zinga LALPAN intihhranna alo siam tak avangin mipuiho chu Benjamin-ho chungchangah chuan an inchhir ta a.
21:16	Chutichuan inkhawmho upate chuan, "A la damte nupui tur hi engtin nge kan tih ang le, Benjamin-hozinga an hmeichhiate chu tihboral an lo ni ta si a?" an ti a.
21:17	Anni chuan, "Israel hnam hi tihmanga a awm loh nan Benjamin-ho la awm chhungte hi nge thlah kan neihtir theih ang le?"
21:18	Kan fanute hi nupuiah kan neihtir thei si lo va," an ti a; Israela thlahte chuan, "Tupawh Benhamin-ho nupuia neihtir apiang chu anchhe dawngin awm rawh se," tiin chhia an lo chham tawh si a.
21:19	Tin, anni chuan, "Ngai teh u, Bethel hmar lam, Bethelh atanga Sekem kalna lamlian chhak lampanga Lebona chhim lama awm Silo khuaah kum tin, LALPA tan kut a awm thin kha," an ti a.
21:20	Tin, anni chuan Benjamina thlahteho hnenah chuan, "Va kal ta ula, grep hmunah va chang ru tawh u;
21:21	tin, lo thlir ula, tichuan ngai teh u, Silo khuaa nulaho lamnaa lam tura an lo chhuah chuan, grep hmun ata chu lo chhuak ula, Silo nulaho chu mahni nupui atan man theuh ula, Benjamin-ho ramah kal vek ang che u.
21:22	Tin, heti hi ani ang a, an pate emaw, an nutate emaw sawisel tura kan hnena an lo kal leh, an hnenah, 'Min khawngaih rawh u khai: indonaah khan an nupui tur kan lo mansak theuh ta si lo va: nangni lahin in lo pe bawk si lo va: lo pe ni ula, thiam loh in hlawh dawn si a,' kan lo ti dawn nia," tiin thu an pe a.
21:23	Tin, Benjamina thlahte chuan chutiang chuan an ti a, lamho zinga mi anmahni zat theuh nupuiah an man a, an kal bopui ta a: tin, an ram lamah chuan an hawng a, khawpui chu an chei leh a, chutah chuan an awm ta a.
21:24	Tin, chu veleh chuta tang chuan Israel thlahte chu mahni chi chi leh mahni hnam hnamin an intel hrang a, chuta ta chu anmhani ram theuhvah chuan an haw leh ta a.
21:25	Chung lai chuan Israelte zingah lal reng reng an awm lo va: mi tinn mahni tha tihzawng zawngin an ti mai a ni.

Roreltute 20

THUTHLUNGHLUI   Roreltute   Bung 20
20:1	Chutichuan Israela thlahte zawng zawng chu an thawk ta chiam a, thu khat vuain Dan khua atanga Beer-seba khaw thlenign Gilead rama mite nen Mizpe khuaah LALPA hnenah an inkhawm ta a.
20:2	Tin, mi zawng zawng hotute, Israel chite zawng zawng lam pawh chu Pathian mite inkhawmhonaah chuan an va tel a, sipai khandaih keng mi nuai li an ni a.
20:3	(Benjamina thlahte chuan Israela thlahte chu Mizpe khuaah an han chho tih an lo hria a.) Tin, Israela thlahte chuan "Eng tiziaa hetianga suahsualna hi lo awm nge ni min hrilh teh u?" an ti a.
20:4	Tin, Levi chi, hmeichhia an thaha pasal chuan, "Benjamin chite awmna Gibear khuaah ka hmei nen riah tumin kan va lut a.
20:5	Tin, Gibea mite chuan min rawn bei ta mai a, zanah in an rawn hual a; mi thah an tum a, ka hmei chu an sawisa hrep a, a lo thi ta a.
20:6	Tichuan ka hmei ruang chu ka la a, ka chan a, Israel-ho ram luah zawng zawngah ka thawn darh a: Israel ramah hian thil tenawm tak leh atthlak tak an lo ti ta si a.
20:7	Nangni Israel thlahte u, in vai hian ngai teh u, in ngaihdan leh in remtih dan chu sawi rawh u khai," a ti a.
20:8	Tichuan mipuiho zawng zawng chu thukhat vuain an thu tho thup a, "Tumah mahni puan in lamah kan haw hauh lo vang a, tumah mahni inah kan lut hek lo vang.
20:9	Gibea-ho kan tih dan tur hetiang a ni; thum kan vawr ang a:
20:10	Israel-hote chunga thil dik lo tak an tih ang zela an tih a, Gibea hmuan Benjabim-ho kan han beihnaa mipuite ei tur lo hlantu at Israel hnam zawng zawng zinga mi zakhatah sawm zel, sangkhatah za zel, singkhatah sang zel kan thlang chhuak ang," an ti a.
20:11	Chutichuan Israel mi zawng zawng chu thukhat vaw thapin chu khawpui bei tur chuan an pung khawm ta a.
20:12	Tin, Israel hnamte chuan Benjami hnam zawng zawngte hnenah chuan, "IN zinga hetiang suahsualhan lo awm ta mai hi eng tizia nge ni?
20:13	Gibea khuaa mi Beliala fate chu rawn hruai rawh u, tichuan Israel rama sual hi a reh theih nan kan lo tihlum ang e," tiin mi an tir a. Nimahsela Benjamin chite chuan an unau Israela thlahte thusawi an lo pawm duh l va.
20:14	Tin, Benjami thlahte chu Israela thlahte do turin khawpui ata te an lo chhuak khawm a, Gibea khuaah an lut chiam a.
20:15	Tin, chu mi nia Benjamin thlahte khawpui ata khandaih kenga chhuakho chu, Gibea khuaa mi zasarih thlan thiau thiam lovin singhnih leh sangruk an ni.
20:16	Chung zawng zawng zingah chuan veikhaw zasarih, thlan thiau an awm a; an vai chuan virvawma samzai tia pawh thelh hlek lo mi an ni.
20:17	Tin, Israel mite chu Benjamin mite tiam lovin khandaih keng thiau nuai li an ni: chungho zawng zawng chu indo mi vek an ni.
20:18	Tin, Israela thlahte chu an tho va, Bethel-ah an han chho va, Pathian an han rawn a, "Benjamina thlahte chu tunge han bei hmasa ang le?" an ti a. Tin, LALPAN "Juda-ho han kal hmasa rawh se," a ti a.
20:19	Tichuan Israela thlahte chu zingah an tho va, Gibea khua chu an han hual a.
20:20	an thawk a; tin, Israel mite chuan Gibea khuaah chuan bei turin tan an han siam a.
20:21	Tin, Benjamina thlahte chu Gibea khua ata an lo chhuak a, chu mi ni chuan Israel-hote zinga mi singhnih leh sanghnih an rawn that t buaih mai a.
20:22	Tin, mipuiho Israel mite chu an han infuih leh a, an beih tan nia an beihna hmunah vek chuan bei turin tan an han siam leh a.
20:23	(Tin, Israela thlahte chu an han chho va, Pathian hmaah tlai thlengin an han tap a, "Kan nau Benjamina thlahte hi bei turin kan han thawk leh dawn em ni ang?" tin, LALPA an zawt a. Tin, LALPA chuan, "Han bei leh rawh u," a ti a.)
20:24	Tin, a ni hnih niin Israela thlahte chuan Benjamina thlahte chu an han hnaih a.
20:26	Chuti chuan Israela thlahte zawng zawng leh, mipuiho zawng zawng chu an han chho ve, Bethel-ah an han kal a, an tap a, LALPA hmaah an thu a, chu mi ni chuan tlai thlengin chaw an nghei a; tin, LALPA hnenah halral thilhlan leh remna thilhlante an hlan a.
20:27	Tin, Israela thlahte hchuan LALPA an rawna,(chung lai chuan chutah chuan Pathian thuthlung bawm chu a awm a,
20:28	tin, chung lai chuan Arona fa Elazara fapa Phinehasa chuan a rawng a bawl thin a ni a,) " Kan unau Benjamina thlahte chu kan han bei leh ang nge, kan bansan tawh mai ang?" tiin. Tin, LALPAN, "Han chho leh rawh u, naktukah zawng in kutah ka pe tawh dawn e," a ti a.
20:29	Tin, Israel-hote chuan Gibea khaw velah chuan changtu an indah ru ta a.
20:30	Tin, Israela thlahte chu Benjamina thlahte bei turin a ni thum ni chuan an han thawk leh a, ni dang ang bawk khan Gibea khaw bei tur chuantan an han siam leh a.
20:31	Tin, Benjamina thlahte chu mite bei tur chuan an va chhuak a, khua chu an chhuahsan a; tichuan ni dang ang bawk khan mite chu beiin an that tan leh ta mai a, phul faia Bethel khaw chhohna leh Gibea khaw kang lamlianahte chuan Israel-hote chu sawmthum an that a.
20:32	Tin, Benjamin thlahte chuan, "A hma ang bawk khan kan hmaah an tlawm leh ta le," an ti a. Israela thlahte erawh chuan, "I tlan ang u khai, khawpui ata hi lamlian lamah i tawlh chhuahtir ang u," an ti a.
20:33	Tichuan Israel-ho zawng zawng chuan ant an hmun chu an chhuahsan a, Baal-tamar hmunah tan hmun an siam a: tin, Israel-ho aruka lo chang rutute khan an channa hmun Maaregeba hmun ata an lo chhuak a.
20:34	Tin, Israel-ho zawng zawng zinga thlan thiau singkhatin Gibea khua chu an bei a, an iebi chu a nasa ngei mai: nimahsela anni chuan an chan a chhe dawn ta ngei mai tih zawng an hre lo.
20:35	Tin, LALPAN Benjamin-ho chu Israel-hote hmaah chuan a tihlum chiam a: Israel thlahte chuan chu mi ni chuan Benjamin-ho chu mi singhnih leh sangnga leh za an that a: chungho zawng zawng chu khandaih keng mi vek an ni.
20:36	Chutichuan Benjamina thlahte chuan an tlawm ta tih an lo inhre ta a: Israela thlahte chuan Gibea khawbei tura a ruka changtute an dah kha an rin avangin Benjamin-ho chu an han hnungtawlhsan a ni.
20:37	Tin, a ruka changtute chuan Gibea khua chu an bawh ta thut a; tichuan a ruka changtute chu an inzar darh a, khuaa mi zawng zawng khandaihin an bei ta chiam a.
20:38	Israel-hote leh a ruka changtue khan an intiamna chu khawpui chhunga mei tihkhung ngut ngut a ni.
20:39	Tin, Israel-hote chu an han tawlh rih a, tichuan Benjamin-h chuan an han bei tan a, Israel mite chu sawmthum lai an that a, "Kan inbeih tirh ni ang bawk khan kan hmaah an tlawm leh ta ngei mai le." an ti a.
20:40	Nimahsela khawpui chhungah chuan meikhu a lo din tak luah veleh, Benjamin-ho chu an han lehhawi a, tin, ngai teh, khawpui chu a pumin van lamah a khu chho ta ngut ngut mai a.
20:41	Tichuan Israel-hote chu an rawn inher leh ta a, tin, Benjamin-ho chuan mak an ti hle a: an chan a chhe dawn tih an hre ta si a.
20:42	Chuvangn Israel-hote hmaah chuan thlaler lamah an tlanchhe ta a; nimahsela an um zui ngat ngat a; tin, khawpui ata lo chhuakte chuan chutah chuan an lo thlum a.
20:43	Benjamin mite chu an hual ta tlat a, an um a, ni chhuahna lam Gibea dep an chawlhna hmunah an umpha a.
20:44	Benjamin-ho chu mi singkhat leh sangriat an thi a; an vai chuan mi chak huaisen thiau an ni.
20:45	Tin, an tawlh a, thlaler lam Rimon lungpuiah an tlanchhia a: mi sangnga chu lamlianahte an rawt a; Gidom thlengin an um zui ngat ngat a, mi sanghnih an that a.
20:46	Chutichuan chu mi ni a Benjamin-ho thi zawng zawngte chu khandaih keng mi thiau singhnih leh sangnga an ni a, an vai chuan mi chak huaisen an ni.
20:47	Mi zaruk erawh chu thlaler lam Rimon lungpuiah an tlanchhia a, chu mi Rimon lungpuiah chuan thla l an awm a.
20:48	Tin, Israel-hote chu Benjamin-ho chhunga mi tawhphawt chu ran te, an hmuh apiang te khandaihin an sat hlum zel a: chu lo pawh chu khua an hmuh apiangte pawh chu an hal zel a.

Roreltute 19

THUTHLUNGHLUI   Roreltute   Bung 19
19:1	Tin, heti hi a ni a, chung lai Israel rama lal an awm loh lai chuan Levi chi, mi pakhat hi Ephraim tlang ram tawp lamah a awm a, Beth-lehem-Judai rama mi hmeiah a nei a.
19:2	Tin, a hmei chuan a uiresan a, tichuan Beth-lehem-judai rama a pa hnenah a tlansan a, chutah chuan thla li zet a awm a.
19:3	Tin, a pasal chu a tho va, a chhiahhlawh leh sabengtung pahnih hruaiin tlang taka va thlem a, lungawia hruai haw leh tumin a va um zui a: tin, ani chuan a pa inah chuan a lo hruai lut a: tin, nula pa chuan a hmuh chuan a lo lawm hle mai a.
19:4	Tin, a pu, nula pa chuan a hnena awm turin a lo chelh a; a hnenah chuan ni thum a awm a: tichuan an eiin an intlang a, chutah chuan a thleng a.
19:5	Tin, heti hi ani a, ani lo ni chuan zing takah an tho va, ani chu chhuah tumin a tho va; tin, nula pa chuan a makpa hnenah chuan, "Chhang tlem tal eiin i thinlung chu tiharh rih la, chu mi hnuah chuan in la kal ang chu maw le," a ti a.
19:6	Chutichuan an thu a, an pahnih chuan an eiin an in dun a: tin, nula pa chuan chu mi hnenah chuan, "Lungawi takin riak hram rawh khai, i thinlung chu hlim takin awm rawh se," a ti a.
19:7	Tin, chu mi chu chhuah tumin a han tho va, nimahsela a pu chuan a thlem chiam a, tichuan a riak leh ta a.
19:8	Tin, a ni nga tuk zing takah chuan chhuah tumin a tho va; tin, nula pa chuan, "I thinlung chu tiharh rih la maw le, tlai ni nem hun thleng tal chuan awm rih rawh khai," a ti a; tin, an pahnih chuan chaw te an ei dun leh ta a.
19:9	Tin, chu mi chu a hmei nen, a chhiahhlawh nen chhuah tuma a han thawh chuan a pu, nula pa chuan a hnenah, "Ngai teh, hei khua pawh a tlai tawh a, zanin chu riak leh rih hram rawh khai: ngai teh, khua pawh a htim hnai mai tawh alawm, hetha hian riak leh la, i thinlung chu hlim taka a awm theih nan; tichuan naktuk zing takah i tho vang a, i haw mai tur alawm," a ti a.
19:10	nimahsela chu mi chuan chu mi zan chuan riah a duh ta lo va, a tho va, a chhuak ta a, Jebus khaw zawn a va thleng a (chu ch Jerusalem khua a ni) sabengtung pahnih thuam sa a hruai a; a hmei pawh chu a tel ve a.
19:11	Jebus khaw kiang a thlen chuan khua a tlai hle tawh a; tin, chhiahhlawh chuan a pu hnenah, "Hawh teh, he Jebus0ho khaw puiah hian i lut mai ang khai, i riak teh ang u," a ti a.
19:12	Tin, a pu chuan a hnenah, "Israel thlahte ni si lo hnam dang khuaahte chuan lut lo ve: Gibea khaw lam i pan zel zawk ang u," a ti a.
19:13	Tin, a chhiahhlawh hnenah, "Hawh heng hmun khawii zawk emaw hi i pan ang: Gibea khuaah emaw, Rama khuaah emaw kan riak dawn nia," a ti a.
19:14	Chutichuan an kal leh ta zel a; Benjamin-ho Gibea khaw kiang an thlen chuan ni a tla ta a.
19:15	Tin, Gibea khuaa riak tur chuan an lut ta a: tin, a lut a chu khawpui khaw laiah chuan a thu a: tumah thleng peih reng reng an awm lo va.
19:16	Tin, ngai teh, putar pakhat hi tlaiah chuan a feh a lo hawng a; chu mi chu Ephraim tlang rama mi ani a, Gibea khuaah chuan a va awm rih lawk a ni: chu mia mite erawh chuan Benjamina chite an ni.
19:17	Tin, a han hawi a, khawlaia mikhualpa chu a han hmu a; tin, putar chuan, "Khawiahnge i kal dawn le? Khawi atanga lo kal nge i nih?" a ti a.
19:18	Tin, ani chuan a hnenah, "Beth-lehem-judai ram atanga Ephraim tlang tawp ram lama kal tum ka ni; chuta awm chu ka ni a, Beth-lehem-hudai ramah ka va kal a; tunah hian LALPA inah kal ka tum a ni; tumah mi thleng peih an awm lo a ni.
19:19	Kan sabengtun atn phei chuan buh pawl leh ran chawte zawng kan nei a; tin, kei leh, i bawihnu leh, i chhiahhlawhte hnena awm ve tlangval tante pawh hian chhang leh uain a awm bawk a: engmah tlakchham zawng kan nei hauh lo ve," a ti a.
19:20	Tin, putar chuan, "Thlamuang takin awm rawh khai; i mamawh zawng zawngte chu keimah ka tum vek ang e; khawlaiah zawng riak lul suh ang che," a ti a.
19:21	Chutichuan a inah a hruai lut a, sabengtungte chu chaw ape a: tin, an kete an sil a, an eiin an in ta a.
19:22	Chutia hlim leh lawm taka an awm lai chuan, ngai teh, chu mi khuaa mi, Beliala fapa thenkhat chuan in chu an rawn hual vel ta hlawm a, kawngkhar an rawn chhu dawt dawt a; in neitupa putar hnenah chuan, "I ina lo thlengpa kha han hruai chhuak rawh, kan lo pawl teh ang," an ti a.
19:23	Tin, in neitupa chu an hnenah a va chhuak a, an hnenah chuan, "Ni lo ve, ka unaute u, chuti ema sual chu ti lul suh u khai; he mi hi ka mikhual anih hi, hetiang thil atthlak tak zawng ti lo ve.
19:24	Ngai teh u, hetha hian ka fanu nula leh a hmei an awm a; anni chu ka rawn hruai chhuak ang a, anni chu tlawm ula, tha in tih ang apiangin an chungah ti nang che u: he mi chungah erawh hi chuan chutiang thil attlak chu ti suh ang che u," a ti a.
19:25	Nimahsela chu mite chuan a thu an pawm duh lo va: chutichuan mi chuan a hmei chu a man a, an hnenah chuan a va hruai chuak ta a; tin, anni chuan an lo pawl a, khawvar hma loh chuan zankhuain an lo sawisa hrep a: tin, khua a lo var veleh, an chhuah ta a.
19:26	Chutichuan hmeichhia chu khua alo var veleh a kal a, a hotupa thlen inpa kawngka bulah chuan a tlu thlawp a, khaw en hnu thhlengin a awm ta reng a.
19:27	Tin, a hotupa chu zingah chuan ahan tho va, kawngkate chu a han hawng a, kal tumin a va chhuak a: tin, ngai teh, a hmeinu chu kawngka bulah chuan rahkaah a lo tlu zangphar der mai a.
19:28	Tin, ani chuan a hnenah, "Tho rawh, i kal ang," a han ti a; nimahsela a lo chhang ta hauh lo mai a: tichuan a sabengtung chungah a hlang a; tin, a tho va, a hmun lamah chuan a kal ta a.
19:29	Tin, in a va thlen chuan chemte a la a, a hmei chu a fukte hmun sawm leh hmun hnihah a chan sawm a, Israel ram zawng zawngah a thawn darh a.
19:30	tin, heti hi ani a, a lo hmu apiang chussan, "Israela thlahte Aigupta ram ata an lo chhuah achin hetiang thiltih reng reng hi tun thleng hian a la awm ngaiin hmuh a la ni ngai hauh l mai: ngaihtuah ula, inrawn ula, sawi teh u," an ti a.

Roreltute 18

THUTHLUNGHLUI   Roreltute   Bung 18
18:1	Chung lai chuan Israel ramah lal an awm lo va: tin, chung lai chuan Dan chite chuan ram luah tur an zawng a; chutih lai pawh chuan Israel chite zingah ram luah tur an la chang ve si lo va.
18:2	Tin, Dana thlahte chuan an hnam pum pui zinga mi, pasaltha pang,a Zora leh Estaol khua atangin ram va enthla tur leh, va thlithlai turin an tir a; an hnenah chuan, "Va kal ta ula, ram chu va thlithlai teh u," an ti a; Tichuan Ephraim tlang rama mIka in chu an va thleng a, chutah chuan an riak ta a.
18:3	Mika in kianga an awm lai chuan Levi chi tlangval aw chu an han hria a, chu lam chu an va pan a, a hnenah, "Tuin nge hetah hian rhuai che? He hmunah hian engnge maw i tih le? Engtin nge hetah hian i khawsak?" an ti a.
18:4	Tin, ani chuan an hnenah, "Mika hian heti hian min lo siam ta a, mi ruai a, a puithiamah hian ka awm a ni," a ti a.
18:5	Tin, anni chuan a hnenah, "Kan kalna turah hian kan hmuingil dawn nge dawn lo tih kan hriat theih nan Pathian min rawnsak teha ng che," an ti a.
18:6	Tin, puithiam chuan an hnenah, "Thlamuang takin kal tawh u: in kalna tur chu LALPANIN a hriatpui zel a che u," a ti a.
18:7	Chutichuan m pangate chu an chhuak ta a, Lais khuaah an va lut a, chuta mite chu Zidon mite ang bawka ralmuang tak leh thlamuang taka an awm hle hlezia na va hmu a; chu mi ramah chuan engmaha han intichhe thei tura thu neitu lem chuang tumah an awm lo va, Zidon-hote nen lah an inhlat a, inhmanna reng reng an nei si lo.
18:8	Tin, Zora leh Estaol khuaa an unaute hnen lamah chuan an haw ta a: tin, an unaute chuan an hnenah, "Engtin nge ni le?" an ti a.
18:9	Tin, anni chuan, "Tho rawh u khai, i han bei ang u: ram chu kan han hmu ta ngei ma a, ngai teh u, a tha hle a nia: in chechang na nge?" Chu mi rama han luh a, han luah tur chuan muang suh u khai.
18:10	In han kal chuan ralmuanga awm mite a nia in han hmuh ang ni, ram lah chu a zau si a: Pathianin a pe tawh che u ania; leia thil awmah zawng engmah tlakchham tur awm hauh lohna hmun a nia," an ti a.
18:11	Tichuan Zora leh Estaola khua tang chuan Dan hnamte chu indona thuam inbelin mi zaruk an chhuak ta a.
18:12	Tin, an han chho va, Judai ram Kiriath-jearim khuaah awmhmun an han inkhuar a: chuvangin chu mi hmun chu tun thlengin Mahane-dan an la ti a ni: ngai teh, Kiriath-jearim thlang lama awm a ni.
18:13	chuta tang chua Ephraim tlang ram lam an pan a, Mika in chu an han thleng a.
18:14	Chutichuan Lais ram enthla tura m panga hnenah chuan, "Heng inahte hian ephod te, milem te, milem siam chawp te, mi lem chhun chawpte a awm tih in hria em? Chutichuan engtin nge in tih dawn ngaihtuah rawh u," an ti a.
18:15	Tin, chuta ta chu an peng a, Levi chi tlangval awmna Mika in ngei chu an va thleng a, a chungchnag thu an zawt a.
18:16	Tin, Dana thlah, mi zaruk indona thuam inbelte chu kulh kawngka bulah an ding a.
18:17	Tin, mi panga ram enthlatute chu an han chho va, an han lut a, milem siamchawp te, ephod te, milem te, milem chhun chawpte chu an la a; tin, puithiam chu mi zaruk indona thuam inbelte zinga kulh kawngka bulah chuan a ding ve a,
18:18	Tin, chungte chu Mika ina an han luh a, milem siam chawp te, ephod te, milem puithiam chuan an hnenah, "Engnge maw in tih chu le?" a ti a.
18:19	Tin, anni chuan, "Ngawi rawh, i kutin i hmui kha hup la, kan hnenah lo kal ve la, kan paah leh puithiamah lo awm rawh: i tan hian chhung khat chauh puithiama awm nge tha zawk, Israel zinga chi khat leh hnam khat puithiama awm?" an ti a.
18:20	Tin, puithiam rilru chu a lawm ta hle mai a, tichuan ephod te, milem te, milem siam chawpte chu a la a, mipuiho zingah chuan a tel ve ta a.
18:21	Chutichuan an kal chhuak ta a, an fanau te tete, ran te, bungrua te chu an hmachhawm zel a.
18:22	Mika in atanga thui fe an han kal chhuah hnu chuan Mika thenawmte chu an inpun khawm a. Dana thlahteho chu an va umpha ta a.
18:23	Tin, Dana thlahteho chu an han au va. Tin, anni chu an lo lehhawi a. Mika hn阯ah chuan, "Engni ti nge ni le, mi khati zozai i rawn kalpui mai?" an ti a.
18:24	Tin, ani chuan, "Ka Pathian siamte leh puithiam chu in kalpui a, in kal ta daih mai a, engnge neih ka neih tak ni? Eng ti tiha, 'Eng i ti nge ni le?' mi ti mai nge in nih chu le?' a ti a.
18:25	Tin, Dana thlahteho chuan a hnenah, "Kan zingah hian tawng mai mai suh khai, chuti lo zawng mi thinchhe kut i tuar mai ang a, i chhungte nen hian in nun in chan mai tur ania," an ti a.
18:26	Tichuan Dana thlahteho chu an kal ta a: tin, Mika chuan beih ngam rual niin a hre si lo va, a in lamah a haw leh ta a.
18:27	Tin, Mika thil siam leh, a puithiam neih c hu an kalpui ta a, Lais khua, ralmuanga awm hle hlete hnen chu an han thleng a, khandaihin an han that a; tin, khua chu an hal ta a.
18:28	Zidon atanga a hlat em avangin a han chhan chhuaktu tur lah tumah an awm si lo va, tute nen mah inhmanna reng reng an nei lo bawk a; Beth-rehob bul ruama awm a ni. Tin, khua chu an din leh a, chutah chuan an awm ta a.
18:29	Tin, a khaw hmingah chuan Israela fa, an thlahtu Dana chawiin, Dan an vuah a: amaherawhchu a tirah c huan chu khua chu Lais an ti thin a ni.
18:30	Tin, Dana thlahte chuan milem siam chawp chu an mahni tan an lo din ta a: tin, Mosia Gersoma fapa Jonathana leh a fapate chu, ram chu miin an lak hma loh chuan Dan chite puithiamah an awm ta a.
18:31	Chuti chuan Mika siam milem siam chawp chu Silo khuaa Pathian in a awm chhung zawng chuan an din ta.

Roreltute 17

THUTHLUNGHLUI   Roreltute   Bung 17
17:1	Tin, Ephraim tlang ramah mi pakhat a awm a, a hming chu Mika a ni.
17:2	Tin, ani chuan a nu hnenah, 'Tangka sangkhat leh zakhat an ruksak chia, nang pawhin anchhia i lawh a, ka beng hriat ngeia i sawi kha ngai teh, kha tangka kha ka hnenah a awm asin, keima lak a ni e," a ti a. Tin, a nu chuan, "Ka fapa chu LALPA malsawmin awm rawh se," a ti a.
17:3	Tin, tangka sangkhat leh zakhat chu a nu a pe leh a, tin, a nu chuan, "He tangka hi keima kut ngeiin ka fapa puala milem siam nan leh milema chhun atan LALPA hnenah ka hlan e: chuvangin tunah hian ka pe leh dawn che ni," a ti a.
17:4	Tin, tangka chu anu a han pek chuan, a nu chuan tangka zahnih chu a la a, tangkaraw chhertu a pe a, ani chuan milemah a lo siam a, milemah a lo chhung a: chu chu Mika inah chuan a awm a.
17:5	Tin, chu Mika chuan pathiante in a nei a, ephod leh milemte a siam a, a fapa pakhat chu a puithiam atan a tihrang ta a.
17:6	Chunglai chuan Israel ramah lal an awm lo va: mi tinin mahni tha tih zawng zawngin an ti mai a.
17:7	Tin, Bethlehem-juda-a mi Juda hnam, Levi chi tlangval pakhat a awm a, chutah chuan a va awm ve lawk a.
17:8	Chumi chu Bethlehem-juda khawpui ata a chhuak a, awmna zawngin a a vak ani a: chutia a vahna lamah chuan Ephraim tlang rama Mika in chu a va thleng a.
17:9	Tin, Mika chuan a hnenah, "Khawi atanga lo kal nge i nih le?" a ti a. Tin, ani chuan a hnenah, "Bethlehem-Juda-a mi Levi chi ka ni a, awmna hmun zawngin ka vak a ni," a ti a.
17:10	Tin, Mika chuan a hnenah, "Ka hnenah hian awm ta che, ka paah leh puithiamah awm langin, kum tin, tangkarua tlang sawm ka pe ang chian, silhfen silh khat leh i ei turte pawh," a ti a. Chutichuan Levi chi chu a lut ta a.
17:11	Tin, Levi chi chuan chu mi hnena awm chu a remti ta a; tichuan chu tlangval chu a fapa pakhatah a awm ta a.
17:12	Tin, Mika chuan Levi chi chu a tihrang ta a, tichuan tlangval chu a puithiamah a lo awm a, Mika inah chuan a awm ta a.
17:13	Chutichuan Mika chuan, "Tunah zet chuan Levi chi ka puithiam atan ka nei tawh si a, LALPAN mi tihmuingil ngei ang tih ka hria e," a ti a.

Roreltute 16

THUTHLUNGHLUI   Roreltute   Bung 16
16:1	Tin, Samsona chu Gaza khuaah a kal a, chutah chuan nawhchizuar hi a va hmu a, a pawl ta a,
16:2	Tin, "Samsona hetah a lo kal e," tiin, Gaza mite chu an hrilh a. Tichuan an hual ta a, khawpui kulh kawngka bulah chuan zna khuain an chang a, zankhua chuan an ngawi thiap a, "Khua lo var teh phawt se, tichuankan that dawn nia," an ti a.
16:3	Tin, Samsona chu zan lai thlengin a mu a, tin, zan laiah chuan a tho va, khawpui kulh kawngkharte leh a ban pahnih chu a chelh a, a kalhnate nen lam chuan a phawi chhuak vek a, a kovah a pu a, Hebron zawn tlang chhipah a pu chho ta luah mai a.
16:4	Tin, heti hi a ni a, nakin deuhvah chuan Sorek ruama mi hmeichhe pakhat a ngaizawng ta a, a hming chu Delili a ni.
16:5	Tin, Philistia-ho mi liante chu a hnenah an han chho va, a hnenah, "Amah chu kan hneh a, phuara kan sawisak theih nan a chakna chhan hriat tumin thlem rawh khai: tichuan kan zavai hian tangka sangkhat leh zakhat kan pe theuh ang che," an ti a.
16:6	Chutichuan Delili chuan Samsona hnenah, "I chak viauna chhan hi mi hrilh teh khai, engtin nge sawisak turin phuar theih i nih ang?" a ti a.
16:7	Tin, Samsonan a hnenah, "Thal hrui thar, la ro hlek lo pasarihin mi phuar sela, tichuan ka chak lo vang a, mi dang ang mai bawk ka ni ang," a ti a.
16:8	Chutichaun Philistia-ho mi liante chuan thalhrui thar pasarih, la ro hlek lote chu an han pe a, chung chuan an phuar ta a.
16:9	Pindan chhung rilah changrutute a dah a. Tichuan a hnenah, "Samson, Philistia-hovin an rawn bei dawn che, " a ti a. Tin, thlahruite chu meiin ziza hrui tawm a kang chat ang mai hian a tichat ta mai a. Chutichuan a chakna chhan chu hriat ani lo.
16:10	Tin, Delili chuan Samsona hnenah, "Ngai teh, mi tihder a, dawt mi hrilh a nih hi: engtia phuar theih tur nge i nih mi hrilh tawh rawh khai," a ti a.
16:11	Tin, ani chuan a hnenah, "Hruizen thar, la hman hlek lohvin mi han phuar mai sela, tichuan ka chak lo vang a, midang ang mai bawk ka ni ang," a ti a.
16:12	Chutichuan Delili chuan hruizen thar a la a, a phuar ta a, tin, a hnenah, "Samson, Philistia hovin an rawnbei dawn a che," a ti a. Pindan chhung rilah chuan a changrutute kha an awm a. Tin, a kut phuarna chu lazai tihchah ang maiin a han tichat ta a.
16:13	Tin, Delili chuan Samsona hnenah, "Mi i la tihderin, dawt mi la hrilh cheu a nih hi: engtia phuar theih tur nge i nih mi hrilh teh khai," a ti a. Tin, a hnenah, "Ka sam phiar sarih hi puanah tah hnan la ani mai," a ti a.
16:14	Tin, kilhnain a kilh bet tlat a, a hnenah, "Samson, Philistia-hovin an rawn bei dawn ac he," a ti a. Tichuan a mu chu a han harh a, puanbu kilh behna leh puanbu chawp chuan a tithlawh ta vek mai a.
16:15	Tin, a hnenah, "I thinlung hi mi pe hlek silovin, eng tiziaa, "Ka hmangaih che," ti thei nge maw i nih le? Hei vawi thum tlawng i mi tihderhna chu i tilang tawh ani a, i chak viauna chhan hi mi la hrilh ta lo fo mai a," a ti a.
16:16	Tin, heti hi a ni a, ni tin, a ngen tlut tlut a, a thlem a tlem thin avangin thihna khawp hialin a rilru a lo mangang ta a.
16:17	Tichuan a rilru zawng zawng chu a hrilh ta vek a, a hnenah, "Ka luah hian bakmehna reng reng rawih a la ni ngai lo va; ka nu chhula ka awm lai atanga Pathian tana Nazarit mia lo awm ka ni a: tuinah hian lo inmet ta ila, ka chakna chu a bo vek mai ang, tichuan ka chak lo vang a, mi dang ang mai bawk ka ni ang," a ti a.
16:18	Tin, a rilru zawng zawng chu a hrilh ta vek tih Delili chuan a hriat veleh Philistia-ho mi liatne chu, "Lo chho leh phawt rawh u, a rilru zawng zawng chu mi hrilh vek tawh e," tiin a chah ta hlawm a. Chutichuan Philistia-ho mi liante chu a hnenah chuan an han kal a, tangka chu an keng a.
16:19	Tin, a mal chungah a muthilhtir a; tin, mi a ko a, a sam phiar sarih chu a hlep thla ta vek a; tichuan a sawisa tan ta a, tin, a chakna chu a bo ta vek mai a.
16:20	Tin, "Samson, Philistia-hovin an rawn bei dawn a che," a han ti a. Tin, a mu chu a han harh a, "Ni dang ang bawk khan ka chhuak leh mai ang a, ka tal chhuak leh mai ang chu," a ti a. Nimahsela LALPAN a kalsan tawh tih reng reng a hre lo va.
16:21	Tin, Philistia-ho chuan an man a, a mit an kher chhuahsak a; tin, Gaza khuaah an chukpui a, dar kawlte an buntir ta a; lung inah buh a rawt sawm thin a.
16:22	Nimahsela a lu meh kha a lo chawr leh ta a.
16:23	Tin, Philistia-ho mi liante chu an pathian Dagona hnena inthawina ropui tak hlan tur leh inchawk hlim turin an pung khawm chiam a: "Kan pathianin kan hmelmapa Samsona min pe tawh alawm," an ti a.
16:24	Tin, mipuite chuan an han hmuh chuan an pathian chu an fak a, "Kan pathianin kan hmelmapa leh kan ram tichhetu, mi tam tak min thattupa chu kan kutah min pe ta alawm," an ti a.
16:25	Tin, heti hi ani a, an thinlung a hlim lai tak chuan, "Samsona chu ennawm atan han ko teh u," an ti a. Tichuan Samsona chu lung in ata an va ko chhuak a; tin, a hmaah chuan ennawmah a awm ta a: ban leh abn inkarah hian an dintir a.
16:26	Tin, Samsona chuan a kaitu naupang hnenah, "He mi in dotu ban hi mi han dehtir teh khai, ka han ngheng teh ang," a ti a.
16:27	Chu mi in chu mipa leh hmeichhiain an khat mup mai a; Philistia-ho mi lian zawng zawng chu chutah chuan an awm vek a; tin, Samsona ennawma thlirtute chu in chungah chuan mipa leh hmeichhia sang thum lai an awm a.
16:28	Tin, Samsona chuan LALPA a au va, "Aw LALPA pathian, khawngaih takin mi han hre reng langin, khawngaih takin tun tumah chauh hian mi han tichak la, aw Pathian, ka mit khinghnih phuba hi Philistia-hote chungah hian ka han la thaui teh ang," a ti a.
16:29	Tin, Samsona chuan chu mi in dotu ber sut pahnih chu a han dek a, a kut dinglamin pakhat,
16:30	tin, Samsona chuan, "Philistia-ho hi ka han thihchilh teh ang," a ti a. Tichuan a theihtawpin a kun vak a; tin, mi liante leh mipui a chhunga awm zawng zawngte chu in chuan a delh ta chiam mai a. Chutichuan a dam laia a tihhlumte ai chuan a thihchilhte chu an tam zawk a.
16:31	Tichuan a unaute leh a pa chhungte zawng zawng chu an lo chhuk a, an la a, an zawn chho va, Zora leh Estaol inkara a pa Manoa phumna hmunah an phum ta a. Tichuan kum sawmhnih Israel-hote chungah ro a rel a ni.

Roreltute 15

THUTHLUNGHLUI   Roreltute   Bung 15
15:1	Nimahsela heti hi ani a, a nakin deuhvah chuan, buh seng hun lai hian, Samsona chuan kel no kengin a nupui a va kan a; "Pindan chhungah sawn ka nupui hnenah ka va lut dawn e," a ti a. Nimahsela apain a luh a lo phal ta lo va.
15:2	Tin, a pa chuan, "Amah hi i haw hle emaw ka ti a; chuvangin i thian ka lo pe ta a ni: a nau hi amah aiin a hmel a tha zawk ani lawm maw ni? A aiah khawngaih takin nei zawk mai rawh khai," a ti a.
15:3	Tin, Samsonan an hnenah, "Tun tum chu Philistia-te pawi khawih mah ila dem ka kai lo vang," a ti a.
15:4	Chutichuan Samsona chuan sihal zathum a va man a, meicher a la a, an mei leh mei chu a zawm a, an mei inkar theuhvah chuan meichher chu a dah theuh va.
15:5	Tin, meichherte chu a han hal veleh chuan Philistia-ho buh ding zingah chuan a tlan luhtir chiam a, buhphal leh buh la dingte chu, oliv hmunte nen lam a kang ta vek a.
15:6	Chutichuan Philistia-hote chuan, "Tu tih nge maw ni le?' an ti a. Tin, anni chuan, "Timna khuaa mi makpa Samsona tih a ni, a nupui a chhuhsak a, a thianpa kha a neihtir avangin," an ti a. Tin, Philistia hote chuan an pafain an han hal hlum ta a.
15:7	Tin, Samsonan an hnenah, "Hetianga in tih chuan in chungah phuba ka la ve phawt ang a, chu mi zawhah chuan ka ti tawh lo vang," a ti a.
15:8	Tichuan a bei vak a, a that chiam a: tin, a chhuk thla a, Etam lungpui keh karah a awm ta a.
15:9	Chutichuan Philistia-ho chu an han chho va, Judai ramah chuan an han inkulh a. Lehi hmunah an inzar chiam a.
15:10	Tin, Judai rama mite chuan, "Engtizia nge min bei tura in lo kal mai?" an ti a. Tin, anni chuan, "Samsona phuara kan chunga a tih ang bawka a chungah ti ve turin kan lo kal a ni," an ti a.
15:11	Chutichuan Judai rama mi, mi sangthum Etam lungpui keh karah chuan an zuk kal a, Samsona hnenah, "Philistian-ho hi kan chunga roreltute an ni tih i hre na nge? Eng tiziaa hetianga kan chunga thil rawn ti ta mai nge i nih le?" an ti a.
15:12	Tin, ani chuan an hnenah, "Nangmah hi phuar a, Philistia-ho kuta pe turin kan lo chhuk a ni," an ti a. Tin Samsonan an hnenah, "Nangni chuan mi tihlum lo turin ka hnenah chhia chham rawh u," a ti a.
15:13	Tin, anni chuan a hnenah, "Tihlum lo ve; amaherawhchu kan phuar tlat ang chia, an kutah kan pe dawn che a ni: thah zawng kan that hauh lo vang che," tiin an sawi a. Tichuan hruizen thar pahnihin an phuar a, lungpui ata chu an hruai chho ta a.
15:14	Lehi hmun a lo thlen chuan Philistia hovin an lo hmuak a, an lo au dur dur a; tin, LALPA thlarau chu a chungah nasa takin a lo thleng a, tichuan a ban phuarna hruizen chu ziza zai kang chat ang mai a lo ni ta a, a phuarnate chu a kut ata a tla ta tawp mai a.
15:15	Tin, sabengtung khabe ruh tharlam hi a hmu a, a han ban a, a la a, chu chuan mi sangkhat a vawhlum a.
15:16	Tin, Samsona chuan, Sabengtung khabe ruhin ka tiang pawng th阹 thin mai le, Sabengtung khabe ruhin mi sangkhat ka vaw hlum e," a ti a.
15:17	Tin, heti hi a ni a, thu a sawi zawh veleh chuan a khabe ruh ken chu a paih ta a; tin, chu hmun chu Ramath-lehi an lo ti ta a.
15:18	Tin, a tui a lo hal ta em em mai a, LALPA a au va, "Nangin i chhiahhlawh kut hi hmangin ropui takin mi lo chhan chhuak ta a: tunah hian tuihalin ka thi mai dawnin, serhtan lohho kutah hian ka tlu lut mai dawn em ni ang le?" a ti a.
15:19	Nimahsela Pathianin Lehi hmuna khuarkhurum awm chu a han tikhichat ta phuk a, tin, tui a lo chik chhuak ta a; tin, chu chu a han in veleh a rilru a lo chak leh ta a, a lo harh ta huai a: chutichuan chu mi hmingah chuan En-hakore an ti ta, tun thlengin Lehi hmunah chan a la awm reng a.
15:20	Tichuan Philistia-ho hun lai chuan Israelte chungah kum sawmhnih ro a rel a ni.

Roreltute 14

THUTHLUNGHLUI   Roreltute   Bung 14
14:1	Tin, Samsona chu Timna khuaah chuan a zuk kal a, Timna khuaah chuan Philistia-ho fanute zinga mi hmeichhe pakhat hi a zuk hmu a.
14:2	Tin, a lo hawn chhoh leh chuan a nu leh a pa chu a hrilh a. "Timna khuah, Philistia-ho fanute zinga mi hmeichhe pakhat ka hmu a: ka nupuiah mi neihsak rawh u," a ti a.
14:3	Tichuan a nu leh a pa chuan a hnenah, "I unaute fanute zingah emaw, ka nc hite zawng zawng zingah hian emaw hmeichhia na awm hauh lo em ni le, Philistia-ho serhtan lohte zinga nupui tur i zuk zawn tak mai?" an ti a. Tin, Samsona chuan a pa hnenah, "MI neihsak mai rawh; ka duh em asin maw ;e," a ti a.
14:4	Nimahsela a nu leh a pa chuan chu chu LALPA tih ani tih an hre lo va: Philistia-ho chungah remchang a zawng a ni si a. Chutih lai chuan Philistia-hote chuan Israel- hote chungah ro an rel a.
14:5	Chutichuan Samsona chu a nu leh a pa nen Timna khuaah chuan an zuk kal a, Timna khuaa Grep hmun hi an zu thlang e: tin, ngai teh, sakeibaknei vanglai hian a lo rum a.
14:6	Tin, LALPA thlarau chu a chungah nasa takin a lo thleng a, tichuan kel n pawh sawm ang maiin apawt sawm ta mai a, engmah a keng si lo va: nimahsla a thiltih chu a nu leh a pa a hrilh lo.
14:7	Tin, a zuk kal a, hmeichia chu a kawm a; Samsona chuan a duh hle mai a.
14:8	Tin, nakin deuhvah chuan zuk neih tumin a kal leh a, sakeibaknei ruang chu en tumin a va peng a: tin, ngai teh, sakeibaknei taksaah chuan khuai hi alo awm mur mur a, a zu pawh a lo awm a.
14:9	Tin, chu chu a la a, a kal leh ta a, a kal pahin a ei zel a, tin, a nu leh a pa hnen chu a han thleng a, a pe ve a, anni pawh chuan an ei a: amaherawhchu khawzu chu sakeibaknei taksaa mi a lak ani tih engmah a hrilh lo va.
14:10	Tin, a pa chu hmeichhe hnenah chuan a zuk kal a: tin, chutah chuan Samsonan ruai a theh a; chu chu tlangvalte tih dan ani reng a.
14:11	Tin, heti hi a ni a, amah an hmuh veleh, a hnena awm ve turin thiam sawmthum an hruai a.
14:12	Tin, Samsona chuan an hnenah, "Tunah hian thu khirh ka zawt teh ang che u le: ruaitheh ni, ni sarih chhunga mi hrilhfiah theih a, in hriat chhuah theih chuan puan zai sin silh sawmthum leh inthlakna puan sawmthum ka pe ang che u;
14:13	amaherawhchu mi hrilhfiah theih loh chuan, puan zai sin silh sawmthum leh inthlakna puan sawmthu mi pe tur a ni," a ti a. Tin, anni chuan a hnenah, "I thu khirh chu han sawi teh le, kan lo ngaithla ang e," an ti a.
14:14	Tin, ani chuan an hnenah, "Eitu ata ei tur lo chhuak a, Chak tak ata thil thlum tak lo chhuak, tih hi," a ti a. Tin, a ni thum chhungin chu thu khrih chu an hrilhfiah thei ta lo va.
14:15	Tichuan heti hi a ni a, ani sarih ni chuan Samsona nupui hnenah, "I pasal hi he thu khrih min hrilhfiah turin thlem rawh, chutilo chuan nang leh i pa chhungte hi kan hal dawn a ni: min tikawnkaw turin a ni maw min sawm? A ni lawm ni?" an ti a.
14:16	Tichuan Samsona nupui chu a hmaah a tap a, "Mi lo hmangaih lovin, mi hua a lo nih zawk hi le: ka chiteho lem thu khirh i zawt a, kei zawng mi hrilhfiah ve si lo va," a ti a. Tin, ani chuan a hnenah "Ngai teh, ka nu leh ka pa pawh ka hrilh lo va, nang ka hrilh ang che maw?" a ti a.
14:17	Tin, an ruaitheh, ni sarih chhung zang chuan a hmaah a tap a tap mai a: tin, heti hi a ni a, a ni sarih ni chuan a ngen tlut tltu avangin a hrilh ta nge nge a: tin, ani chuan a thu khirh chu a chiteho a hrilh ve a a.
14:18	Tin, a ni sarih ni, ni tlak hmain chu mi khuaa mite chuan a hnenah, "Khawizu aia thlum zawk engnge ni le? Tin, sakeibaknei aia chak zawk engnge ni le?" an ti a. Tin, ani chuan an hnenah, "Ka bawngla hian lei let suh ula chuan, Ka thukhirh hi in hre chhuah hauh lo vang le," a ti a.
14:19	Tin, LALPA thlarau chu a chungah nasa takin a lo thleng a, tin, Askelon khuaah a zuk kal a, mi sawmthum a that a, an thuam a hlihsak a, inthlakna puante chu thu khirh hrilhfiahtute chu a pe ta a. Tichuan a thin a rim ta em em mai a, a pa in lamah a chho ta a.
14:20	Nimahsela Samsona nupui chu thian atana a hman, a thiana kha an lo pe ta mai a.