II Lalte 9

THUTHLUNGHLUI   II Lalte   Bung 9
9:1	Tin zawlnei Elisan zawlneiho fapate zinga pakhat a ko va, a hnenah, "I puan veng la, he hriak bawm hi keng la, Ramoth-gilead kuaah va kal rawh.
9:2	I va thlen chuan Nimsia fa Jehosaphata fapa Jehua va zawng chhuak langin; va lut la, a unauteho zing ata ko chuak la, pindan chhungrilah luhpui rawh.
9:3	Tichuan hriak bawm hi la la, a lu-ah leih langin, 'LALPAN heti hian a ti: Israelte chunga lalah hriak ka thih a che, tiin,' ti rawh.
9:4	Chutichuan talngval, zawlnei tlangval chu Ramoth-gilead-ah chuan a kal ta a.
9:5	Tin, a va thlen chuan ngai teh, sipai hotuho an lo thu khawm a; tin, ani chuan, "Sipai hotu, i hnenah thuchah sawi tur ka nei e," a ti a. Tin, Jehua chuan, "A tu bera hnena hian nge ni?" a ti a. Tin, ani chuan, Nangma hnenah hian a ni, sipai hotu," a ti a.
9:6	Tin, a tho va, inah chuan a lut a; tin, a lu-ah hriak chu a leih a, a hnenah, "LALPA, Israelte Pathianin heti hiana ti: 'LALPA Israelte Pathianin heti hian a ti: 'LALPA mipuiho, Israel-ho chunga lalah hriak ka thih a he.
9:7	Ka chhiahhlawh zawlneite thisen leh LALPA chhiahhlawh zawng zawngte thisen phuba chu Jezebeli laka ka lak theihna turin i pu Ahaba chhungte chu i tiboral vek ang a.
9:8	Ahaba chhungte zawng zawng chu a boral vek ang a; Ahaba atang hian mipa fa tawh phawt chu Israel rama mi khuahkhirh leh khirh loh pawh ka tiboral dawn a ni.
9:9	Tin, Ahaba chhungte chu Nebata fapa Jeroboama chungte leh Ahija fapa Baasa chhungte angin ka siam ang a.
9:10	Tin, uiin Jezebeli chuJezreel khawkulh bulah an ei ang a, a phumtu tur reng reng an awm lo vang,' tiin," a ti a. Tichuan kawng a hawng a, a tlan chhuak ta a.
9:11	Tichuan Jehua chu a pu puipate hnenah chuan a lo chhuak a; pakhat chuan a hnenah, "Tha lam thu em ni le? Kha mi ata kha eng tiziaa i hnena lo kal nge ni le?" a ti a. Tin, ani chuan an hnenah, "In hria mi a ni a, a thu sawi pawh kha in hria alawm," a ti a.
9:12	Anni chuan, "Hre teh suh e, min han hrilh teh khai," an ti a. Ani chuan, "Hetiang tak hian min ti alawm maw le; 'LALPAin heti hian a ti; Israel-ho chunga lal atan hriak ka thih a che, tiin,'" a ti a.
9:13	Tichuan mi tininan puan chu an hlip hmawk hmawk a, kailawn chungah an phahsak ta theuh va, "Jehua lal a ni ta e," tiin tawtawrawt an ham ta a.
9:14	Chutichuan Nimsia fa Jehosaphata fapa Jehua chuan Jorama chu a phair ta a. (Suria lal Hazaela avangin Jorama leh Israel-ho zawng zawngte chuan Ramoth-gilead khua chu an veng a;
9:15	lal Rorama erawh chu Suria lal Hazaela nnen an inbeinaa Suria miten an hliam kha Jezreel khuaa intidam turin a kir le kha.) Tin, Jehua chuan, "Ka lama tang in nih chuan tumah reng reng Jezreel khuaa heng thu hi sawi turin khua ata hi kal chhuahtir su u," a ti a.
9:16	Chutichuan Jehua chu tawlailirah a chuang a, Jezreel khuaah a kal a; Jorama chu chutah chuan a mu a ni a. Tin, Juda lal Ahazia pawh Jorama kan turin a zuk kal a.
9:17	Tin, Jezreel kulhah ralveng a ding a, ani chuan Jehua-ho lo kal chu a han hmu a. "Mi tam tak ka hmu e," a ti a. Tin, Jorama chuan "Sakawr chung chuang mi anmahni hmuak turin va tir la, 'Tha lam thu em ni le?' va ti teh se," a ti a.
9:18	Chutichuan mi pakat sakawr chunga chuan hi a hmuak turin a va kal a, "Lalin heti hian a ti; Tha lam thu em ni le?" tiin, " a ti a. Tin, Jehua chuan, "Tha lam thu chu nanga lo hriat tur eng nge awm ni? Ka hnunga hian va kal ve rawh," a ti a. Tin ralveng chuan, "Kan mi tirha chuan an hnena chu a va thleng ngei a, nimahsela a lo kir leh ta hauh lo mai," tiin a hrilh a.
9:19	Tichuan mi pkhat sakawr chunga chuan hi a tir leh a, chu mi pawh chuan an hnen a ava thleng a, "laloin heti hian a ti; 'Tha lam thu em ni le?' tiin," a ti a. Tin, Jehuan a chhang a, "Tha lam thu chu nanga lo hriat tur eng nge awm ni?Ka hnungah hian va kal ve rawh," a ti a.
9:20	Tin, ralveng chuan, "Ani pawhin an hnen chu a va thleng ngei a, ani pawh chu a lo kir leh ta hauh lo mai; tin, a khalh dan pawh Nimsia fapa Jehua khalh dan chiah a ni; mi ? ang maiin a khalh thin a ni," a ti a.
9:21	Tin, Jorama chuan, "Buatsaih teh u," a ti a. Tin, a tawlailir chu an buatsaih a. Tin, Israel lal Jorama leh Juda lal Ahazia chu mahni tawlailir ve vein an va chuak a, Jehua hmuak turin an va kal a, Jezreel mi Nabotha huanah an va hmu a.
9:22	Tin, Joraman Jehua a han hmuh chuan heti hi a ni a, "Tha lam thu em ni le, Jehu?" a han ti a. Tin, ani chuan a lo chhang a, "I nu Jezebeli hian uire leh dawi a chin nasat chhung hian tha lam thu eng nge awm thei ang?" a ti a.
9:23	Tin, Jorama chuan a kai her a, a tlan a, Ahazia hnenah, "Inbumna a awm anih hi, Ahazi," a ti a.
9:24	Tin, Jehua chuan a thalngul chu a theihpatawpin a kuai a, Jorama dar leh dar inkarah akap a, thal chu alungah alut tlang a, a tawlailira a awp ta rawk a.
9:25	Tichuan Jehuan a sipai hotu Bidkara hnenah, "Pawm la, Jezreel mi Nabotha huan hmunah paih thla rawh; hmana rnang nena a pa Ahaba hnunga kan chuan dun laia LALPAN he phur hi a chunga a nghah reng anih kha:
9:26	LALPAN, 'Niminah Nabotha thisen leh a fapate thisen ka hmu ngei alawm,' a tih kha; tin, LALPAN, 'He mi hmun ngeia hian ka thungrul dawn che a ni, a tih leh kha. Chutichuan LALPA thu angin pawm la, he mi hmunah ngei hian paih thla rawh," a ti a.
9:27	Nimahsela Juda lal Ahazian chu chu a hmuh chuan huan in lamah a tlan ta a. Tin, Jehua chuan a um a, "Ani pawh tawlailirah khan that nghal rawh u," a ti a; tichuan Ibleam khaw kiang, Gur chohnaah an bei a. Tin, Megiddo khuaah a tlan lut a, chuta chuan a thi ta a.
9:28	Tin, amite chuan Jerusalem khuaah tawlailirin an kalpui a,ama thlanah, a pi le pute zingah Davida khawpuiah an phum ta a.
9:29	Ahaba fapa Jorama kum sawm leh kum khat a lal kumin Ahazia chu Judaho chungah a lal tan a.
9:30	Tin, Jehua chu Jezreel khuaa a va luh chuan, Jezebelina lo hria a; tichuan a mitte a lo hnawih a, a samte a lo chei a, tukverhah a dak a.
9:31	Tin, Jehua kulh kawngkaa a lo luh lai takin, "Tha lam thu em ni le, nang, mahni pute thattu, Zimri pa?" a lo ti a.
9:32	Tin, ani chu tukverh lam hawi chuan a han dak chho va, "Tunge ka lama tang che u? Tute nge?" a ti a. Mi tilreh pahnih emaw, pathum emaw hi a lam hawiin an lo dak chhuak a.
9:33	Tin, ani chuan, "Han theh thla rawh u," a ti a. Chutichuan an theh thla a; a thi chuan bang leh sakawrte chu a per nguai mai a; tin, ani chuan alo chil a.
9:34	Tin, alut a, a eiin a in a; "Anchhe dawngnu kha va ngaihven ta ula, va phum rawh u, lal fanu a ni si a," a ti a.
9:35	Tin, phum turin an va kal a; nimahsela a luruh te, a ke bawrte a kutphah bawrte ngawt lo chu an va hmu ta lo va.
9:36	Chutichuan an lo kal leh a, an rawn hrilh a. Tin, ani chuan, "Hei hi LALPAN a chiahlawh Tisbe mi Elija hmanga, 'Jezreel kul bula uiin Jezebeli chu an la ei ang a;
9:37	Jezebeli ruang chu Jezreel khaw kul bula huana ek dur ang mai a la niang a, tichuan, He chu Jezebeli a ni a, an tih loh nan, tih thu a sawi kha anih hi," a ti a.

II Lalte 8

THUTHLUNGHLUI   II Lalte   Bung 8
8:1	Tin, Elisan a fapa a tihdamsak hmeiche hnenah chuan, "Tho la, nang leh i chungte nen, in awm theih theihna hmunah va awm rih raw u; LALPAN tam a talktir dawn e; he ramah hian kum sarih chhung zet a tla nghe nghe dawn ni," tiin a lo sawi tawh a.
8:2	Tichuan hmeichhia chu a tho va, Pathian thu anga chuan a ti a; a chhungte nen chuan Philistia-ho ramah kum sarih an va awm ta a.
8:3	Tin, kum sarih a lo vei hnuah chuan heti hi a ni a, chu hmeichhia chu Philistia-ho ram ata a let leh ta a; tin, a in leh a lo lal dil turin a va kal a.
8:4	Tin, lal chuan Pathian mi chhiahhlawh Gehazia chu, "Elisan thil ropui a tih zawng anwg mi han hrilh teh khai," tia a lo biak lai a ni a.
8:5	Tin, mi pakhat thi taw a tihnun leh thu lal a lo hrilh lai mek chuan heti hi a ni a, ngai teh, a fapa a tihnun lehsak hmeichhia chuan a in leh a lo lal chu a rawn dil ve a. Tin, Gehazia chuan, "Aw lalber ka pu, hei hi a ni hmeichhia chu, tin, hei hi a ni a fapa Elisan a tihnun leh saka chu," a ti a.
8:6	Tin, lalin hmeichhia chu a han zawh chuan a hrilh ta a. Chutichuan lal chuan hotu pakhat a ruatsak a, "A ta zawng zawng, a lova thil haw zawng zawng chenin, he ram a chuahsan ata tun thlenga mi hi pe leh vek rawh," a tia .
8:8	Tin, Elisa chu Damasaka khuaa a kal a; tin, Suria lal Benhadada chu a dam lo va; tichuan, "Pathian mi hetah hian a lo kal e," tiin an hrilh a. Tin, lalin Hazaela hnenah, "Lawmman keng langin, Pathian mi be turin va kal la, ka na hi ka tha chhuak le thei ang emaw lalpa mi lo rawnsak teh," a ti a.
8:9	Chutichuan Hazaela chua amah be tur chuan a va kal a, lawmman atan Damaska khuaa thil tha tinreng, sanghawngsei sawmli phur a keng a, a hmaah chuan a va ding a, "I fapa Benhadada, Suria lalin, 'Ka na hi ka tha chhuak leh ang em?' ti turin i hnenah hian mi rawn tir a ni," a ti a.
8:10	Tin, Elisan a hnenah, "Kal leh ta langin, a hnenah, "I tha chuak le mawlh ang,a ti e,' ti ang che, amaherawhchu a la thi ngei dawn a ni tih zawng LALPAN mi hriattir a ni," a ti a.
8:11	Tichuan a tan zathlak khawpin a melh ta reng mai a; tin, Pathian mi chu a tap ta a.
8:12	Tin, Hazaela chuan, "Engati nge ka pu chu a tah mai?" a ti a. Ani chuan a chhang a, "Israela thlahte chunga i thil tha lo tih tur ka hriat avang a ni; an kulhte i la halsak ang a, an tlangvalte khandaihin i la that ang a, an fanau te tete chu i la paih sawm ang a, nau pai lai hmeichhiate chu i la pir thler dawn a ni," a ti a.
8:13	Tin, Hazaela chuan, "Kei i chhiahhlawh uicho mai mai hian chutiang thil nasa tak chu han ti theizia em ka nih?" a ti a. Tin, Elisan a chhang a, "Suria-ho chunga i la lal dawn tih LALPAN mi hriattir a ni," a ti a.
8:14	Tichuan Elisa hnen ata a chhuak a, a pu hnen lama chuan a kal ta a; ani chuan, "Elisan eng nge a lo hrilh che?" a ti a. Tin, ani chuan, "A tha chhuak leh mawlh ang,' tiin mi hrilh," a ti a.
8:15	Tin, atuka chuan heti hi a ni a, puan chhah tak a la a, tuiah a hnim a, chu chuan a hmai a upsak a, a thi ta a; tin, Hazaela chu a aiawhin a lal ta a.
8:16	Tin, Israel lal Ahaba fapa Jorama kum nga a lalkum chuan (Chu mi lai chuan Jehosaphata chu Juda lala ni a,) Juda lal Jehosaphata fapa Jehorama chu a lal tan a.
8:17	A lal tan lai chuan kum sawmthum leh kum hnih mi a ni a; Jerusalem khuaah kum riat ro a rel a.
8:18	Ahaba chhungte angin, Israel lalte kawng zawh chu a zawh ve a; Ahaba fanu nupuiah a nei a ni; tichuan LALPA mithmuha thil tha lo tak a ti thin a.
8:19	Amaherawhchu LALPAN a chiahlaw Davida avangin Judai ram chu a tiche duh lo va, a thlahte chena khawnvar neihtir reng a lo tiam tawh si a.
8:20	Ama chhanah chuan Edom-ho chu Judate lakah an hel a, an chunga lal tur an insiam chawp a.
8:21	Tichuan Jorama chu Zair khuaah a tawlailir zawng zawngte nen a va kal a; tin, zanah a thawk chhuak a, anmahni hualtu Edom-hote leh an tawlailir chunga hotute chu a va bei ta a; tin, mite chu an puan in lamahte an tlan ta vek a.
8:22	Chutichuan Edom-ho chu tun thlengin Judate lakah an la hel ta reng a ni. Chu mi lai vek chuan Libna khua pawh an lo hel ve a.
8:23	Tin, Jorama chanchin dangte leh a thiltih zawng zawngte chu Juda lalte lal lai thu ziakna buah a chuang a ni lawm ni?
8:24	Tin, Jorama chu a pi leh pute hnenah a muhil a, a pi leh pute zingan Davida khawpuiah an phum ta a; a fapa Ahazia chu a aiawhin a lal ta a.
8:25	Israel lal Ahaba fapa Jorama lal kumsawm leh kum hnih kum chuan Juda lal Jehorama fapa Ahazia chu a lal tan a.
8:26	Ahazian ro a rel tan lai chuan kum sawmhnih leh kum hnih mi a ni a; tin, Jerusalem khuaah kum khat ro a rel a. Tin, a nu hming chu Athali, Israel lal Omria fanu a ni.
8:27	Ahaba chhungte kawng zawh chu a zawh ve a, Ahaba chunge angin, LALPA mithmuha thil tha lo tak a ti thin a; Ahaba chhungte makpa a ni si a.
8:28	Tin, ani chu Ahaba fapa Joraman Ramoth-gilead khuaa Suria lal Hazaela a han beihnaa chuan a tel ve a; tin, Suria-ho chuan Jorama chu an lo hliam a.
8:29	Tin, lal Jorama chu Suria lal Hazaela an beihnaa Suria-hovin Rama khuaa an lo hliam chu Jezreel khuaa intidam turin a kir leh ta a. Tin, Juda lal Jehorama fapa Ahazia chu Ahaba fapa Jorama a nat avang chuan kan turin Jezreel khuaah a zuk kal a.