II Lalte 7

THUTHLUNGHLUI   II Lalte   Bung 7
7:1	Tin, Elisan, "LALPA thu hi lo hre rawh u; LALPAN heti hian a ti: 'Naktuk hetih hun velah hian Samari kulh kawngka bulah chuan chhangphut dip mi tehkhawng khat chu sekel khatah an hralh ang a, barli tehkhawng hnih chu sekel khatah,' tiin," a sawi a.
7:2	Tin, sipai hotu, lalin a kut a rawn rinchhan a chuan Pathian mi chu a chang a, "Ngai teh, LALPAN vanah tukverh a hawn dawn che le! Chutiang chu a ni thei tehlul ang maw?" a ti a. Tin, ani chuan, "Ngawi rawh, i mit zawngin i hmu ngei ang a, a ei earw chu i ei dawn lo a ni," a ti a.
7:3	Tin, kulh luhna kawngka bulah phar pali an awm a; anni chuan, "Eng atan nge maw thih nghak maia kan thut reng le?
7:4	Khaw chhungah i lut teh mai ang u,' han ti dawn ila, khaw chhung an tam a, ka va thi mai awm si a; tin, hetah hian thu reng dawn ila, kan thi tho tho awm bawk si a. Chutichuan hawh teh u, Suria sipaihote hnen lama i tlu lut rawk mai teh ang u; min zuah leh kan nung ang a; min thah leh kan thi a ni mai ang chu," tiin an inbia a.
7:5	Tichuan Suria-hote riahmuna kal tur chuan thimhmulah an thawk chhuak ta a; tin, Suria-ho riahhmun tawntirh an va thlen chuan, ngai teh, tumah an lo awm lo va.
7:6	LALPAN Suria sipaihote chu tawlailir thawm te, sakawr thawm te, sipai tam tak thawm te a hriattir a ni a; tichuan, "Ngai teh u, Israel lal hian Hit lalhote, Aigupta lalhote hi min rawn bei turin a ruai anih hi," tiin an inbia a.
7:7	Chutichuan an tho va, thimhmulah chuan an tlanche ta a, an puan in te, an sakawr te, an sabengtungte leh an riahhmun chu a awm ngai ngaiin an tlansan a, an tlanche ta chiam a.
7:8	Tin, chung pharho chuan riahhmun tawntir an va thlen chuan puan in pakhatah hian an va lut a, an eiin an in a, chuta tangkarua leh, rangkachak te, silhfen te chu an la a, an va thukru a; tin, an va let leh a, puan in dangah an lut leh a, chuta mi pawh chu an la a, an va thukru leh a.
7:9	Nakina chuan, "Kan tidik hauh lo mai a; vawiin hi chanchin lawmawm thlenni a ni a, keini hi kan ngawi reng mai a; khawvar kan nghah chuan hrem kan tawk mai ang; chutichuan hawh u, lal chhungte i va hrilh ang u," tiin an inbia a.
7:10	Chutichuan khaw kawngkhar vengtu chu an va au va; "Suria-ho riahhmunah kan va kal a, tin, ngai teh, tumah an lo awm lo va, mihringthawm reng reng pawh a awm lo va, sakawrte leh saengtungte chauh a lo inthlung a, puan inte pawh chu a awm ngai ngaiin a awm reng mai," tiin an hrilh a.
7:11	`Tin, kawngkhar vengtute chu a ko va; tin, anni chuan lal in chhunga mite chu an va hrilh a.
7:12	Tin, lal chu zanah chuan a tho va, a puipate hnenah chuan, "Suria-hote tih dan hi ka hrilh teh ang che u. Kan riltamia hi an hria a; chuvangin, 'Khawpui ata an lo chhua chuan anungin kan lo man ang a, khaw chhunga kan lut dawn zuk nia,' tiin ramah biru turin an riahhmun an chuahsan anih hi," a ti a.
7:13	Tin, a puipa pakhat chuan a chhang a, "Khawpuia sakawr awm chhunte zinga a panga hi tute emaw hruaitir rawh khai, (ngai teh, Israel mipuiho, a la dam zawng zawngate ang bawk an ni tho tho va; ngai teh, Israel mipuiho thia ngaihte ang bawk an ni tho tho alawm;) tichuan i va tir teh reng ang u," a ti a.
7:14	Chutichuan tawlailir hnuktu sakawr pahnih an hruai a; tin, lal chuan, "Va en teh ta u," tiin Suria sipaihote um turin a tir a.
7:15	Tin, Jordan lui thlengin an va um a; tin, ngai teh, Suria-hoten an hmanhmawh avanga a paih silhfente leh bungruate chu kawng tluanin a awm zel zul mai a. Tin, a mi tirhte chu an lo kir leh a, lal chu an rawn hrilh a.
7:16	Tin, mipui ch an va chhuak a, Suria-ho riahhmun chu an va suam ta chiam a. tichuan LALPA thu ang ngeiin chhang phut dp mi tehkhawng khat chu sekel khatah an hrlah a, busanghar tehkhawng hnih chu sekel khatah.
7:17	Tin, lal chuan sipaihotu a kut a rawn rinchhana kha kulh kawngka vengtuah a ruat a; tinmipite chuan kulh kawngka bulah chuan an chil ta nuai nuai a, Pathian miin a hnena lal a lo chuk laia a lo sawi ang khan a thi ta a.
7:18	Heti hi a ni a, Pathian miin lal hnena, "Naktuk hetih hun velah hian Samari kulh kawngka bula buhsanghar tehkhawng hnih chu sekel khatah a hralh ang a, chhangphut dip mi tehkhawng khat chu sekel khatah," a tih a,
7:19	tin, sipai hotuin Pathian mi chu a hchhan a, "Ngai teh, LALPAN vanah tukverh a hawn dawn chu le! Chutiang chu ani thei tehlul ang maw?" a tih a, anin , "Ngai rawh, i mit zawngin i mu ngei ang a, a ei eraw chu i ei dawn lo a ni," tia a sawi kha;
7:20	Chutiang ngei chuan a chungah a lo thleng ta a ni; mipuiin kulh kawngka bula chuan an chil nuai nuai a, a thi ta a ni.

II Lalte 6

THUTHLUNGHLUI   II Lalte   Bung 6
6:1	Tin, zawlneiho fapae chuan Elisa heah, "En teh hei, i bula kan thut khawmna hi kan tan a chep lutuk a.
6:2	Jordan luiah kan zuk kal ang a, chuta thing chu kan zuk la theuh ang a, kan thut khawmna tur chuta chuan kan zu siam teh ang aw?" an ti a. Tin, ani chuan a chhang a, "Kal ta che u," a ti a.
6:3	Tin, mi pakhat chuan, " chiahhlawhte hnenah hian kal ve ta che," a ti a. Tin, ani chuan, "ka kal ve ang e," tiin a chhang a.
6:4	Chutichuan an hnenah a kal ve ta a. Tin, Jordan lui an thlen chuan thing chu an han kt a.
6:5	Tin, mi pakhatin thing a han kih lai tak chuan, hrei fang chu tuiah a tla ta a: tin, ani chu, "E khai aw, ka pu! Kan hawh asin ni le," tiin a au ta a.
6:6	Tin, Pathian mi chuan, Khawii laiah nge a tlan?" a ti a. Tin, ani chuan a tlakna lai aentir a. Tichuan thingtuai a han sat a, chutah chuan a han paih lut a, thir chu a lo lang ta a.
6:7	Tin, a nichuan, "Chhar rawh le," a tia. Chutichuan ahan ban a, a chhar ta a.
6:8	Suria lalin Israelte a run a, chu mi, kha mi hmunah chuan i chang ang u," tiin a puipateho a rawn a.
6:9	Tin, Pathian mi chuan Isael lal hnenah, "Chutiang hmuna kal lo turin fimkhur rawh; chutah chuan Suria-ho an lo chhuk dawn a nia,"tiin mi a tir thin a.
6:10	Tin, Israel lal chuan Pathian miin a lo hrilh tawh hmun chu mi a va enthlaktir hin a: chuta chuan awi hnih khat chang pawh ni lovin, a lo inhumhim thin a.
6:11	Tichuan chu mi thuah chuan Suria lal thinlung chu a mangang hle mai a; tin, a pupate chu a ko va, an hnenah, "kan zinga mi atu hi nge Israel lal lama tang mi rilh duh dawn lawm ni?" a ti a.
6:12	Tin, a puipate zinga mi pakhat chuan, "Tumah kan tang lo ve, aw lalber ka pu, Israel rama awm zawlnei Elisa hian i pindan chhungrila i sawite hi Israel lal a hrilh zel thin a ni zawk e," a ti a.
6:13	Tin, ani chuan "Khawiah nge a awm va zawng teh u, ka va mantir ang e," a ti a. Tin, "Ngai teh, Dothan khuaah a awm e," tiin an hrilh a.
6:14	Chutichuan sakawr e, tawlailir te, sipai tam takte chutah chuan a tir a, zanah an va kal a, khua chu an hual ta mup a.
6:15	Tin, Pathian mi chhiahhlawh chu zing taka a thawh a, a va chauh chuan, ngai teh, sipaiho chuan sakaw nen, tawlailir nen khua chu an lo hual mup mai a. Ti a chhiahhlawh chuan a hnenah, "E kahi aw, ka pu! Engtin nge kan ti tak ang le?" a ti a.
6:16	Tin, ani chuan, "Hlau mata che; an lama tangai chuan kan lama tang an tam zawk alawm," a ti a.
6:17	Tin, Elisa chuan a tawngtai a, "LALPA, a hmuh theihna turin a mit han tihmensak teh ang che," a ti a. Tin, LALPAN chu tlangval mit ch ahan tihmensak a; tichuan a hmu ve ta a; tin, ngai teh, Elisa velah chuan tlang chu mei tawlailir leh sakawrin a khat mup mai a.
6:18	Tin, a lama an lo chhuk chuan Elisan LALPA hnenah a tawngtai a, "Hengho hi an mit han tihdelsak teh ang che," a ti a. Tin, Elisa thu angin an mit a rawn tihdelsak ta a.
6:19	Tin, Elisan an hnenah, "Hei chu kawng a ni lo ve, hei chu khua pawh ani hek lo; mi zui rawh u, in mi zawna hnenah chuan ka hrua ang che u," a ti a. Tichuan Samari khuaah a hruai ta a.
6:20	Tin, samari khaw chhung an han thlen chuan heti hi a ni a, Elisan,"LALPA, hengho hian an hmuh theihna turin an mit han tihmensak ang che," a ti a. Tin, LALPAN an mit chu ahan tihmensak a, an hmu ta a; tin, ngai teh, Samari kha chhungah chuan an lo awm reng mai a.
6:21	In Israel lal chuan anniho chu a hmuh chuan Elisa hnenah, "Ka pa, ka that ang em? Ka that ang em?" a ti a.
6:22	Tin, ani chuan a chhang a, "That lo ve a; i khandaih leh i thalngual i sal mante chu i that dawn em ni? Chhang leh tui han hlui langin,eiin in sela, an pu hnenah haw leh rawh se," a ti a.
6:23	Tichuan ei tur nasa tak a buatsaihsak a; tin, an ei a an in zawh chuan a hawntir ta vek a, an pu hnen lamah an haw leh ta a. Tichuan Suria-ho pawlte chu Israel ramah chuan an rammu leh ta lo.
6:24	Tin, chu mi hnuah chuanheti hi a ni a, Suria lal Benhadadan a sipai zawng zawng a khawm a, Samari khua a han hual a.
6:25	Tin, Samari khuaah chuan tam a nasa em em mai a; tin, ngai teh, an hual tlat a, sabengtung lu hi tangka sawmriatah an hralh a, tin, thuro ek hi kab hmun lia thena hmun khat tangka ngaah an hralh hial a.
6:26	Tin, Israel lal chu kulh tlanga a kal lai hmeiche pakhat hian, "Aw lalbe, ka pu, min pui rawh," tiin a lo au va.
6:27	Tin, ani chuan, "LALPAN a tanpi nghal loh chein keiin khawi atain nge ka han tanpui tehlul ang che? Hruih zawl atain emaw, grep sawrna khur aanin emaw em ni dawn?" a tia .
6:28	Tin, lal chuan a hnenah, "Eng i ti nge ni le?" a ti leh a. Tin, ani chuan a chhang a, "He hmeichhia hian ka hnenah, 'Vawiina hian i fapa hi kan eiah thawh rawh khai, naktukah ka fapa hi kan ei ve thung dawn nia,' a ti a.
6:29	Tichuan ka fapa chu kan chum a, kan ei a; tin, a tukah chuan keiin a hnenah,'I fapa chu kan eiah thawh ve thung rawh le,' ka ti a, a fapa chu a thukru ta bik mai a ni," a ti a.
6:30	Tin, lalin chu hmeichhe thu sawi chu a hriatin heti hi a ni a, a puan a pawt thler ta a; (kulh tlanga a kal lai a ni a;) tin, mipuite chuan an han en a, ngai teh, a pang depah chuan saiip puan hi a lo sin reng a.
6:31	Tichuan ani chuan, "vawiinah hian Saphata fapa Elisa hian a lu a la put na chuan pathianin a tih tihin mi ti mai sela, chu aia nasa pawhin," a ti a.
6:32	Tin, Elisa chu a inah a thu a, upahote pawh an thu ve a; tin, lalber chuan a hnenah mi pakhat a tir a, nimahsela a mi tirh chuan a hnen a lo thlen hmain upaho hnenah chuan, "He tualthattupa fapa hian ka lu la turin mi a rawn tir tih in hre ve em u? Ngawi teh u, a mi tirh chu a lo thlen veleh, kawng lo khar ula, kawngkhar khan lo dang tlat ang che u; a hnunga chuan a pu pen ri a hriat nghe nghe lawm ni?" a ti a.
6:33	Tin, chutia anmahni a la biak lai mekc haun ngai teh, a mi tir chu a lo thleng thla ta a; tin, lalber chuan, Ngai teh, he thil tha lo hi LALPA rawn tirh a nih hi; LALPA chu engah nge ka la ngaihchan cheu vang?" a ti a.

II Lalte 5

THUTHLUNGHLUI   II Lalte   Bung 5
5:1	Suria lal sipai hotu Naamana hi LALPAN Suria-hote chhanhimtua a hman thin avangin, a pu ngaiha ropui leh mi zahawm tak a ni a; amah chu mi chak huaisen a ni bawk a, phar a ni pawh a.
5:2	Suria-hote chu a pawl pawlin an rammu a, Israel ram atangin hmeichhe naupang te hi salah an rawn hawn a; ani chuan Naamana nupui rawng a bawl thin a.
5:3	Tin, ani chuan a pi hnenah, "Ka pu hi Samari khuaa zawlnei hmaah va kal sela ka va ti em ve aw! A phar hi a lo tidam mai tur a," a ti a.
5:4	Tin, Naamana chu a va lut a, "Israel rama hmeiche naupang te khan chutiang khatiang chuan a ti e," tiin a pu chu a hrilh a.
5:5	Tin, Suria lal chuan, "Va kal tak rawh khai, Israel lal hnenah lehkha ka thawn ang e," a ti a. Tichuan a chhuak ta a, tangkarua talent sawm leh, rangkachak tlang sangruk leh silhfen inthlakna tur sawm a keng a.
5:6	Tin, "He lehkha hi i lo hmu ang a, ngai teh, ka puipa Naamana hi a phar i lo tihdam tak turin i hnenah ka rawn tir a ni e," tihna lehkha chu Israel lal a va pe a.
5:7	Tin, Israel lalin chu lehkha chu a han chhiar chuan heti hi a ni a, a puan a pawt thler a,"Mite tihlum thei a, tinung leh thei thin Pathian em ka nih a, he mi hian phar tidam tura ka hnena a rawn tirh ngawt mai hi le? Ngaihtuah ula, ka chungah remchang a zawng a ni tih hre rawh u khai," a ti a.
5:8	Tin, Pathian mi Elisan Israel lalin a puan a pawt thler tih a lo hriat chuan, heti hi a ni a, "Eng vangin nge i puan i pawh thler? Ka hnenah lo kal ang hmiang, tichuan Israel ramah hian zawlnei a awm tih a hre mai ang chu," tiin lal hnena mi a tir a.
5:9	Chutichuan Naamana chu a sakawrte nen, a tawlailirte nen chuan a va kal a, Elisa in kawngka bulah chuan a va ding a.
5:10	Tin, Elisa chuan, "Jordan luiah vawi sarih va inbual la, i tisa ngai i pu leh ang a, i lo thianghlim tawh ang," tiin mi a tir a.
5:11	Nimahsela Naamana chu a thinrim ta hle mai a, a kal leh ta a, "Ngai teh u, amah ngei chu ka hnenah a lo chhuak ang a, a lo ding ang a, LALPA a Pathian hming chu a han lam ang a, a phar lai chunga a kut thenin phar hi a han tidam dawn emaw ka ti asin le.
5:12	Damasaka khaw li Abana te, Pharpar te chu Israel lui zawng zawngte ai chuan a tha zawk lo vem ni? Chungah chuan inbualin ka intithianghlim thei lo vem ni?" a ti a. Chutichuan a lehhawi a, thinrim zetin a kal ta a.
5:13	Tin, a chhiahhlawhten an va hnaih a, an va bia a, "Ka pa, zawlnei khan thil khirhkhan tak tihtir dawn ta che sela, i ti mai dawn lawm ni? Va inbual la, va intithianghlim rawh,' i hnena a han ti kha tih zawk awm tak a ni lawm ni le?" an ti a.
5:14	Tichuan a zuk chhuk a, Pathian mi sawi ang chuan Jordan luiah vawi sarih a zuk inhnim a; tin, a tisa chu nausen tisa ang mai a lo ni leh a, a lo thianghlim ta a.
5:15	Tin, amah leh a hote zawng zawng nen chuan Pathian mi awmna lamah an kir leh a, a hmaah an va ding a: tin, ani chuan, "Ngai teh hei, Israel ramah ngawt lo chuan leilung zawng zawngah hian Pathian a lo awm lo ve tih ka hre ta; chutichuan i chhiahhlawh lawmman hi la teh khai," a tia .
5:16	Nimahsela ani chuan, "A bua ka awm thinna LALPA nunna chhalin ka sawi e, engmah hi ka la lo vang," a ti a. Tichuan la turin a thlem chiam a; nimahsela a duh lo tlat a.
5:17	Tin, Naamana chuan, "A nih loh leh, i chhiahhlawh hi sabengtung pahnih phur lei mi laktir rawh khai; tun achinah zawng i chiahhlawh hian LALPA hnena ngawt lo chuan halral thilhlan leh inthawina reng reng hi pathian dangte hnenah ka hlan dawn tawh hauh lo a nia.
5:18	He thilah hian LALPAN i chhiahhlawh hi ngaidam rawh se; ka pu hi ka kut rinchana chibai buk tura Rimmonaina alu a, Rimmona ina ka kun chua, Rimmona ina ka kun ve thuah chuan, LALPAN i chiahhlawh hi ngaidam rawh se," a ti a.
5:19	Tin, ani chuan a hnenah, "Thlamuang takin kal rawh," a ti a. Chutichuan a hnen ata chu a chhuak leh a, eng emaw chen a kal hman a.
5:20	Nimahsela Pathianmi Elisa chhiahhlawh Gehazia chuan, "Khawinge, ka pu hian Suria mi Naamana hi a thil rawn kente la hlek lovin a chhuah leh ta mai a; LALPA nunna chhalin ka sawi e, ka va um ang a, eng emaw tal ka va laksak teh ang," a ti a .
5:21	Chutichuan Gehazia chuan Naamana chu a um ta a. Tin, Naamanan tuin emaw a rawn um a han hmuh chuan, lo biak tumin tawlailir ata chu a chhuk a,"Tha lam thu alawm maw?" a ti a.
5:22	Tin, ani chuan, "Tha lam thu ni e. Ka puin, 'Ngai teh hei, Ephraim tlang ram atangin zawlnei ho fapate zinga tlangval pahnihin mi rawn tlawh ta thut mai a, anni chu tangkarua talent khat leh silhfen inthlakna tur pahnih pe rawh khai,' tiin mi rawn tir a ni e," a ti a.
5:23	Tin, Naamana chuan, "Talent hnih hi la rawh khai," a ti a. Tichuan la turin a thlem chiam a, tin, tangkarua talen hnih chu silhfen inthlakna tur pahnih nen chuan ip hnihaa thun a, a chhiahhlawhte pahnih a phurhtir a, a hmaah chuan an kalpui ta a.
5:24	Tin, tlang a va thlen chuan a laksak a, in chhungah a dah a; tin, chu mite chu a kaltir a, an kal ta a.
5:25	Ani erawh chu a lut a, a pu hmaa chuan a va ding a.
5:26	Tin, Elisa chuan a hnenah, "Khawi atangin nge i lo kal le, Gehazi?" a ti a. Tin, ani chuan, "I chhiahlawh hi khawiah mah ka kal lo ve," a ti a.
5:27	Tin, ani chuan a hnenah, "A be tur chea tawlailir ata kha mi lo chhuk lai mek khan ka rilru i hnena a kal ve zel a ni lawm ni? Tangka te, silhfen te, olive huan te, grep huan te, beram te, sebawngpa te, bawipa leh bawihnu te hi lak a hun em ni?
5:28	Chutichuan Naamana phar khan a man ang chia, kumkhuain i thlahte pawh a man zel ang," a ti a. Tichuan a hnen ata chu vur anga vara pharin a kal chhuak ta a.

II Lalte 4

THUTHLUNGHLUI   II Lalte   Bung 4
4:1	Zawlneite fapaho nupuite zinga hmeichhe pakhat hian Elisa hnenah, "I chiahhlawh, ka pasal chu a thi ta a; tin, i chiahhlawh khan LALPA chu a tih thin tih i hria : ei a leibatna chu ka fate pahnih bawi atana hruai turin a lo kal a ni," tiin a mangan thu a sawi a.
4:2	Tin, Elisan a hnenah, "Engnge i neih?" a ti a. Tin, ani chuan, "I bawinu sahriak um khat chauh lo chu inah engmah ka nei lo," a ti a.
4:3	Tichuan ani chuan, "Va kal a la, i thenawmteho zawng zawng bel, bel ruak va hawh khawm tawh khai: tlemte mai zawng hawh suh.
4:4	Tin, lut la, nang leh i fapate nen kawng inkhar khum ula, chung bel zawng zawngah chuan thun langin; a khat chu dah hrang zel ang che," a ti a.
4:5	chutichuan a hnen ata chu a kal ta a, ama leh a fapate nen chuan kawng an inkhar khum a; anni chuan belte chu an rawn la a, ani chuan a lo thun zel a.
4:6	Tin, belte chu a khah hnu chuan, heti hi a ni a, a fapaa hnenah, "Bel mi han lak leh rawh," a ti a. Tin, ani chuan, "Bel a awm tawh lo," a ti a. Tin, sahriak chu a kang ta a.
4:7	Tichuan Pathian mi chu a va hrilh a. Tin, ani chuan, "Va kal la, sahriak chu va zuar ta la, i leiba chu va rul langin, a bak chuan i fapate nen va khawsa tawh u," a ti a.
4:8	Tin, ni khat chu Elisa chu Sunem khuaah a va zin a, chutah chuan hmeichhe neinung tak a awm a; ani chuan chaw ei turin a lo kai lut a. Chutichuan a kal apiangin chutah chuan chaw ei turin a lut thin a.
4:9	Tin, ani chuan a pasala hnenah, "Ngai teh hei, he mi mi rawn pal fo thintu hi Pathian mi thianghlim a ni tih ka hria e.
4:10	Hawh teh, in chhawng te i siamsak ang khai, khum te, dawhkan te, thutphah te, khawnvar dahna te i dahsak ang; tichuan kan hnena a lo kal apiang hian alut thin dawn nia," a ti a.
4:11	Tin, ni khat chu a va kal leh a, chu mi in chhawngah chuan a va lut a,a mu a.
4:12	Tin, a chhiahlawh Gehazia hnenah, "He Sunam nu hi han ko teh," a ti a. Tin, a va koh hnu chuan a hmaah a lo ding a.
4:13	Tin, anichuan a hnenah, "Ngai teh, nangin hei theihtawpin min duat a, engnge kan tihsak ve ang che, lal emaw, sipai hotu emaw biaksak che i duh em?' tiin a hnenah hian sawi teh," a ti a.
4:14	Tin, ani chuan, "Eng emaw chu kan tihsak tak ang?" a ti a. Tin, Gehazia huan a chang a, "Gapa chu a nei hauh lo mai ale, a apsal lah chu a tar tawh si a," a ti a.
4:15	Tin, ani chuan, "Va ko teh," a ti a. Tin, a va koh hnu chuan kawngkaah a lo ding a.
4:16	Tin, ani chuan, "Tun ang hun a lo thlen leh tikah chuan fapa i pawm tawh ang," a ti a. Tin, ani chuan, "A, ka pu, nang Pathian mi, i bawihnu lakah hian daw ma ta che," a ti a.
4:17	Tin, hmeichhia chu a rai a. Elisan a hnena a sawi ang ngei khan chu mi hun a lo thlen leh chuan fapa a hring ta a.
4:18	Tin, nausen chu a lo sei lian a, ni khat chu a pa hnenah buh latute hnenan a kal ve a.
4:19	Tin, a pa hnenah chuan, "Ka l? ka l?" a ti a. Tin, a ni chuan a chhiahhlawh hnenah, "A nu hnenah pawm tawh," a ti a.
4:20	Tin, a hruai a, a nu hnen a thlen chuan a mal chungah chuan tlai thlengin a thu a, tichuan a thi ta a.
4:21	Tin, a chho va, Pathian mi khumah chuan a han mut a, kawng a kharkhum a, a chhuak ta a.
4:22	Tin, a pasal chu a au va, "Chhiahhlawh tu emaw leh sabengtung pakhat emaw mi han ngaihtuahsak teh, Pathian mi hnenah ka va tlan ang a, ka lo kir leh ang e," a ti a.
4:23	Tin, ani chuan, Eng atan nge vawin khera a hnena kal i tum? Thla thar pawh a la ni lo va, chawlhni pawh a la ni si lo va," a ti a. Tin, a ni chuan, "A rem mai ang," a ti a.
4:24	Tichuan sabengtung a thuam a, a chhiahhlawh hnenah, "Tlantir la, kal zel rawh khai; thu ka pek loh che chuan mi timuang hauh suh a ti a.
4:25	Chutichuan a kal ta a, Pathian mi hnenah chuan Karmel tlangah a va kal a. Tin, Pathian mi chuan hla tak atanga lo hmuh chuan, heti hi a ni a, a chhiahhlawh Gehazia hnenah, "En teh, sawta saw Sunam nu khaani;
4:26	amah hmuak turin va tlan la, a hnenah, "I dam em le? I pasal a dam em? Naupang kha a dam em? 'lo va ti tawh khai," a ti a. Tin, ani chuan a lo chhang a, "Dam e," a lo ti a.
4:27	Tin, tlanga Pathian mi hnen a han thlen chuan, a ke a han vuan ta tlat a. Tin, amah chu rawn nam kian tumin Gehazia chuan a va pan a; nimahsela Pathian mi chuan, "Engmah tih suh, a rilru a mangang a nih hi; LALPAN ka lakah ala thup rih a, mi la hrilh rih lo ve," a ti a.
4:28	Tichuan ani chuan, "Ka pu hi fapa ka dil che em kha? 'Mi tihder suh ang che,' ka ti lawm ni kha?" a ti a.
4:29	Tichuan Gehazia hnenah, "I puan veng la, ka tiang kengin va kal tawh khai; tupawh va hmu la, chibai buk suh ang che; tin, tupawh in chibai an buk che chuan buk ve kher suh ang che; tin, ka tiang hi naupang hmaiah nghat ang che," a ti a.
4:30	Tin, naupang nu chuan, "LALPA nunna leh i nunna chhalin ka sawi e, ka thlah dawn tawp lo che a ni," a ti a. Tin, a tho va, a zui ta a.
4:31	Tin, Gehazia chuan anni chu a lo hmakhalh a, tiang chu naupang hmaia chuan a han nghat a; nimahsela awka leh hriat theihna reng reng a nei lo va. Chutichuan a be turin a kir leh a,"naupang chu a meng hauh lo mai," tiin a hrilh a.
4:32	Tin, Elisa chu ina a va luh chuan ngai teh, naupang chu a lo thi tawh reng a, a khuma chuan an lo la mut a.
4:33	chutichuan a va lut a, an pahnih chuan kawng a khar hnan a, LALPA hnenah a tawngtai a.
4:34	Tin, a han lawn a, naupang chu a bawhkhuh a, a hmui leh a hmui, a mit leh a mit, a kut leh a kut a chuktuah a; tin, a chungah chuan a kaikun a; tichuan naupang taksa chu a lo lum ta tial tial a.
4:35	Chutichuan a zuk chhuk leh a, in chhungah chuan a han vei a; tin, a han lawn a, a chungah chuan a han kaikun leh a; tichuan naupang chu vawi sarih a han hahchhiau va, naupang chu a lo meng ta a.
4:36	Tin, Gehazia a ko va, "He Sunam nu hi han ko teh," a ti a. Chutichuan a va ko va. Tin, a hnena a va luh chuan, "I fapa hi pawm rawh," a ti a.
4:37	Tichuan a va lut a, a ke bulah a bawkkhup a, a hmaia lei siin chibai a buk a; tin, a fapa chu a pawm a, a chhuak ta a.
4:38	Tin, Elisa chu Gilgal-ah a kal leh a; chu mi rama chuan tam a tla a: tin, zawlneiho fapate a hmaah an thu khawm a; chhiahhlawh hnenah, "Bel lian tak kha chuang langin, zawlneiho fapate hi thil chhumkawi chhumsak rawh khai," a ti a.
4:39	Tin, mi pakhat ram lama chawhmeh zawng turin a va kal a, ram hrui a va hmu a, chuta mi ram awmpawng chu a puan tlin tawkin a rawn fun a, a zai sawm a, bela thil chhumkawia chuan a thlak ta a; eng tih an hre hauh lo mai a.
4:40	Chutichuan chu miteho ei atan chuan an han suak chuak a. Tin, thil chhumkawi chu an han ei chuan, heti hi a ni a, "E khai, Pathian mi, bel chunga ian thihna a awm alawm le," an ti ta chul mai a. Tichuan an ei thei ta lo va.
4:41	Tin, ani chuan, "Chhangphut han la te u," a ti a. Tin, chu chu belah a han thlak a, "He mite eiah hian han suak chhuak te u," a ti a. Tichan bela chuan hlauhawm engmah a awm ta lo va.
4:42	Tin, Baal-salisa atangin mi pakhat a lo kal a, Pathian mi chu buh thar hmasa bera siam busanghar changper sawmhnih leh buh thar vui a ipin a rawn kensak a. Ani chuan, "He miteho ei atan hian pe ta che," a ti a.
4:43	Tin, a chhiahlaw chuan, "Eng a ni; hei hi mi za zet ka hlui ang maw?" a ti a. Ani erawh chuan, "He miteho ei atan hian pe rawh; LALPAN heti hian a ti, 'An ei ang a, an ei bang bawk ang,' tiin," a ti a.
4:44	Chutichuan a han hlui a, an ei a, LALPA tih ang ngeiin an ei bang bawk a.

II Lalte 3

THUTHLUNGHLUI   II Lalte   Bung 3
3:1	Tin, Juda lal Jehosaphata kum sawm leh kum riata lal kumin Ahaba fapa Jehorama chu Israel-ho chungah Samari khuaah a lal tan a; tin, kum sawm leh kum hnih a lal a.
3:2	Tin, LALPA mithmuhah thil tha lo tak a ti thin a: amaherawhchu a nu leh a pa ang em zawngin thil a ti lo: ani zawngin a pain Baala lung a lo phun kha a paih a ni.
3:3	Nimahsela Israel-hote thil tihsualtir a a tih Nebata fapa Jeroboama sualnaahte chuan a bet tlat a; a kalsan leh tawh lo.
3:4	Moab lal Mesa chu beram vulh mi a ni a; ani chuan Israel lal lakah beram no nuaikhat hmul leh berampa nuaikhat hmul chhiahah a chawi thin a.
3:5	Amaherawhchu Ahaba thih hnu chuan heti hi a ni a, Moab lal chu Israel lal chungah a hel ta a.
3:6	Tin, chutih lai chuan lal Jehorama chu Samari khua ata a chhuak a, Israel-ho zawng zawng ch a khawm vek a,
3:7	Tichuan a chhuak a, Juda lal Jehosaphata hnenah, "Moab lal ka chungah a hel a, Moab-ho mi han beihpui duh ang emaw chu?" tiin mi a tir a. Tin, ani chuan, "Han beihpui e a: kei le nang, ka mite leh i mite chu pumkhat kan ni a, ka sakawrte leh i sakawrte chu pumkhat an ni alawm," a ti a.
3:8	Tin, amah vek chuan, "Khawi lam kawngahnge kan kal ang?" a ti a. Tin, ani chuan a chhang a, "Edom thlaler lam kawngah le," a ti a.
3:9	Chutichuan Israel lal chu Juda lal nen, Edom lal nen an kal ta a; ni sarih an kal kual a; tin, sipaihote leh an sa ruaite in tur tui a awm lo va.
3:10	Tin, Israel lal chuan, "E khai aw! LALPAN lal pathumte hi Moab-ho kuta pek turin min hruai khawm ani ngei mai le," a ti a.
3:11	Nimahsela Jehosaphata chuan, "Hetah hian LALPA min rawnsak tur LALPA zawlnei tu emaw tal an awm lawm ni?" a ti a. Tin, Israel lal chhiahhlawh pakhat chuan a chang a, "Elija kut tuia leih thintu Saphata fa pa Elisa hetah hian a awm asin," a ti a.
3:12	Tin, Jehosaphata chuan, "A hnena chuan LALPA thu a awm mai chu," a ti a. Chutichuan Israel lal leh Jehosaphata leh Edom lal chu a hnenah an zuk kal ta a.
3:13	Tin, Elisan Israel lal hnenah chuan, "Nang leh keiin inhmanna engnge kan neih le? I pa zawlneite hnenah leh i nu zawlneite hnenah kal daih tawh," a ti a. Tin, Israel lal chuan a hnenah,"Kal lo ve; lal pathumte hi Moab-ho kuta pek turin LALPAN min hruai khawm anih hi," a ti a.
3:14	Tin, Elisan, "A bula ka awm thinna Sipaihote LALPA nunna chhalin ka sawi e, Juda lal Jehosaphata hi zah lo ni ila chuan i lam pawh ka hawi duhin, hmuh pawh ka hmu duh hlek lo tur che ania le.
3:15	Engpawh ni sela, tingtang tum thiam mi han koh a che u, " a ti a. Tin, tingtang tum thiamin a han tum chuan, heti hi a ni a, LALPA kut chu a chungah a lo awm ta a.
3:16	Tin, ani chuan, "LALPAN heti hian a ti,'He miruam zawng zawng hi lai khuar thliah rawh u,' tiin.
3:17	LALPA vekin heti hian a ti a ni; 'Thli reng reng in hre lo vang a, ruah reng reng pawh in hmu hek lo vang a, nimahsela hemi ruam hi tuiin a khat vek ang; tichuan nangni leh in ran rualte leh in sate hian in tlan ang,' tiin.
3:18	Chuchu LALPA ngaih chuan thil te tham mai a ni a; Moab-ho hi in kutah a pe bawk dawn a ni.
3:19	Tin, kulhpui nei khua zawng zawng leh khawpui tha zawng zawng chu in tichhia ang a, thing tha zawng zawng chu in kit ang a, tuikhur zawng zawng chu in hnawhping ang a, hmun tha lai zawng zawng chu lungin in vawm chhe vek ang," a ti a.
3:20	Tin, zingah, thilhlan hun vel lai chuan heti hi a ni a, ngai teh, Edom ram lam atangin tui a lo luang chiam a, a ram chu tuiin a lo khat ta a.
3:21	Tin, Moab-ho zawng zawng chuan anmahni bei turin lalho an lo thawk chho tin, an lo hriat chua, ralkai chin zawng zawng an inko khawm chiam a, ramriah an lo tang a.
3:22	Tichuan zing takah an tho va, niin tui chu a zuk chhun a, tin, Moab-ho chuan an zawna tui chu thisen ang maia sen kukin an an hmu a.
3:23	"Thisen a nih saw, lalho hi anmahni leh anmahni an indo va, anmahni leh anmahni an inthat a ni ngei mai le, hawh u, Moab-hote u, rallak sum i va chuh ang u," an ti a.
3:24	Tin, Israel ho riahmun an va thlen chuan, Israel ho chu an tho phut mai a, Moab-ho chu an bei a, tichuan an hmaah an tlanchhe ta chiam a; tin, Moab-ho that chung zelin an ramah an um lut a.
3:25	Tin, khuate chu an tichhia a; an hmun tha lai zawng zawng chu mi tinin an vawm a, lungin a khat ta vek a; tin, tuikhur zawng zawng an hnawhping a, thing tha zawng zawng an kit a; Kir-hareseth khuaa mi chauh a ni, lung chu an khawih loh ni; chu pawh chu virvawma vawm miin an hual a, an bei a.
3:26	Tin, Moab lalin an indo chu chelh dawnin a inhre ta lo va, Edom lal hnenah thleng tura tawn tlang tumin khandaih keng mi zasarih a hruai chhuak a, nimahsela an thei ta lo va.
3:27	Tichuan a fapa upa ber, a aia la lal tura chu kulh tlangah chuan halral thilhlanah a hmang ta a.
3:28	Tin, Israel-hote an thinrim ta em em mai a, an kirsan a, an ram lamah an haw leh ta a.