Genesis 10

THUTHLUNGHLUI   Genesis   Bung 10
10:1	Tin, heng hi Nova fapa Sema te, Hama te, Japhetha teho thlahte an ni: tui let hnuah chuan fapate an nei hlawm a.
10:2	Japhetha fapate chu Gomera te, Magoga te, Madaia te, Javan te, Tubala te, Maseka te, Tirasa te an ni a.
10:3	Tin, Gomera fapate chu Askenaza te, Riphatha te, Togarma te an ni a.
10:4	Tin, Javana fapate chu Elisa te, Tarsisa te leh Kittama te, Dodanima te an ni a.
10:5	Chungho atang chuan a ni, Jentailte thliarkarahte chuan anmahni ram rama an darh tak ni; anmahni tawng ang zel leh anmahni hnam ang zelin, anmahni chi zingahte chuan.
10:6	Tin, Hama fapate chu Kusa te, Mizraima te, Puta te, Kanaana te an ni a. Tin, Kusa fapate chu Seba te, Havila te, Sabta te, Raama te, Sabteka te an ni a: tin, Raama fapate chu Seba leh Dedana an ni a.
10:7	Tin, Hama fapate chu Kusa te, Mizraima te, Puta te, Kanaana te an ni a. Tin, Kusa fapate chu Seba te, Havila te, Sabta te, Raama te, Sabteka te an ni a: tin, Raama fapate chu Seba leh Dedana an ni a.
10:8	Tin, Kusa chuan fapa Nimroda chu a nei a: ani chu leia mi chak tak a lo ni tan ta a.
10:9	LALPA hmaah chuan sa pui mi chak tak a ni a: chuvangin a ni, "Lalpa hmaa sa pui chak tak Nimroda ang a ni," an tih thin ni.
10:10	Tin, a lal tanna chu Sinar rama Babel khua te, Erek khua te, Akkad khua te, Kalne khua te a ni a.
10:11	Chu mi ram atang chuan a chhuak a, Assuria ramah a let a, Ninevi khua te, Rehoboth-Ir khua te, Kalah khua te,
10:12	Ninevi leh Kalah inkarah Resen khua te a siam a (chu mi Resen khua chu khaw ropui tak a ni).
10:13	Tin, Mizraima chuan Lud-ho te, Anam-ho te, Lehad-ho te, Naphtu-ho te,
10:14	Pathrus-ho te, kasluh-ho (Philistin-ho chhuahna) te, Kaphtor-ho te chu a thlah a.
10:15	Tin, Kanaana chuan a fa tirah Zidona a nei a, Hetha pawh a nei bawk a;
10:16	Jebus-ho te, Amor-ho te, Girgas-ho te leh,
10:17	Hiv-ho te, Arka-ho te, Sin-ho te leh,
10:18	Arvat-ho te, Zemar-ho te, Hamath-ho te a thlah a: chu mi hnuah chuan Kanaan-ho hnamte chu an darh zau ta a.
10:19	Tin, Kanaan-ho ramri chu Zidon khua atangin Gerar panzawngin, Gaza khaw thlengin; Sodom leh Gomorra leh Adma leh Zeboiim panzawngin, Lasa khaw thlengin a ni.
10:20	Chunghote chu Hama thlahte chu an ni, anmahni hnamte ang zel leh anmahni tawngte ang zelin, anmahni ram ramahte leh anmahni chi zingahte chuan.
10:21	Tin, Sema, Ebera fa zawng zawngte thlahtu Japhetha u pawh chuan fate a nei a.
10:22	Sema fapate chu Elama te, Assura te, Arpaksada te, Luda te, Arama te an ni a.
10:23	Tin, Arama fapate chu Uza te, Hula te, Getherra te, Masa te an ni a.
10:24	Tin, Arpaksada chuan fapa Sela a nei a; tin, Sela chuan fapa Ebera a nei a.
10:25	Tin, Ebera chuan fapa pahnih a nei a: pakhat hming chu Pelaga a ni a, a dam lai chuan lei hi thenin a awm ta si a; a nau hming chu Joktana a ni a.
10:26	Tin, Joktana chuan fapa Almodadate, Selepha te, Hazarmavetha te, Jera te leh,
10:27	Hadorama te, Uzala te, Dikla te leh,
10:28	Obala te, Abimaela te, Seba te leh,
10:29	Ophira te, Havila te, Jobaba te a nei a: chung zawng zawng chu Joktana fapate an ni.
10:30	Tin, an awmna chu Mesa atangin khaw chhak tlang Sephar lam panzawngin a ni.
10:31	Chunghote chu Sema thlahte chu an ni, anmahni hnamte ang zel leh anmahni tawngte ang zelin, anmahni ram ramahte, anmahni chite ang zel chuan.
10:32	Chunghote chu Nova thlahho hnamte an ni a, an thlahte ang zelin, an chite zingah chuan: tui let hnuah chungho atang chuan a ni leiah hian chi tin an darh tur a ni.