I Samuela 27

THUTHLUNGHLUI   I Samuela   Bung 27
27:1	Tin, Davida chuan a rilruin, "Eng tikah emaw chuan Saula kutah hian ka la boral ngei mai dawn zawng a ni hi: Philistia mite rama tlan bo aia tha hi a awm dawn lo anih hi; tichuan Saula chuan Israel ram chung zawng zawnga mi zawn hi a bei a dawng tawh ang a, tichuan a kut ata ka chhuak ani ang," a ti a.
27:2	Chutichuan Davida chu a tho va, amah leh a hnena mi zaruk awmte chu Maoka fapa, Gath lal Akisa hnenah an kal ta a.
27:3	Tin, Davida chu amah nen a mite nen, mi tin, an chhungkuain Davida paw anupui pahnih, Jezreel mi Ahinoami leh Nabala nupui, Karmel-a mi Abigaili te nen Gth khuaah Akisa hnenah an awm ta a.
27:4	Tin, Davida chu Gat khuaah a tlan tih Saula an hrilh a, tichuan a zawng le ta lo va.
27:5	Tin, Davida chuan Akisa hnenah, " Min khawngaih la, i rama khaw pakhatah hian awm hmun min pe ve la, chuta chuan ka awm ang e: i chiahhlaw hi enga nge lal khuaah i hnenah a awm reng?" a ti a.
27:6	Chutichuan Akisa chu chumi ni chuan Ziklag khua chu a pe ta a: chuvangin Ziklag chu tun thlengin Judai ram lalte ta a ni ta reng a.
27:7	Tin, Philistia rama Davida a awm chhung chu kum khat pumhlum le thla li a ni.
27:8	Ur mi te, Gizi mi te Amalek mite an run a: chung hnamte chu Telam atanga Zur ram lampang Aigupta ram thlenga awm an ni a.
27:9	Tin, Davida chuan ram chu a bei a, ahmei apain zuah reng reng a nei lo va, beram te, sebawng te, sabengtung te, sanghawngsei te, an silhfen te a laksak a; tin, a haw leh a, Akisa hnenah a kal a.
27:10	Tin, Akisa chuan, "Vawiinah hian khawi lam nge i run?" a ti a. Tin, Davida chuan, "Juda Chhim ram te, Jeramil-ho him ram te, Ken-ho Chhim ram e," a ti a.
27:11	Tin, "Philistia rama a awm chhung reng rengin Davida chuan hetiang hian a ti fo thin a ni,' an ti dah ang e," tiin Davida chuan a hmei apain Gath khuaa hruai tur zuah reng reng anei ngai lo a ni.
27:12	Tin, Akisa chuan Davida thu sawi chu awihin, "Aama miIsraelte chu a inhuattir ta hle mai a; chuvangin kumkhuain ka chhiahhlawhah a awm ang," a tih phah ta a.