I Samuela 29

THUTHLUNGHLUI   I Samuela   Bung 29
29:1	Chutichuan Philistia mite chuan an sipai zawng zawngte ch Aphek-ah an khawm vek a; tin, Israel mite chuan Jezreel-a tuikhur kiangah tanhmun an khuar a.
29:2	Tin,Philistia-ho lalte chu za tel tel te, sang tel tel tein an kal zut zut maia. Tin, Davida leh a mite chuan Akisa nen hnu an dal a.
29:3	Chutichuan Philistia lalte chuan, "Heng Hebrai-hote hian engnge an tih?" an ti a. Akisa chuan Philistia lalte hnenah chuan, "He Davida, Israelte lal Saula chhiahhlawh, hei leh chen ka hnena awm tawh a, ka hnena a lo tluk luh ata tun thleng pawha a sualna ka hmuh lohva chu a ni lawm ni?" a ti a.
29:4	Nimahsela Philistia lalte chu a chungah an thinrim a;Philistia lalte chuan a hnenah, "Chu mi chu i hmun ruatsakah khan haw turin kirtir la, indonaah kan hnenah zuk kal ve suh se; chutilochuan indonaa kan hmelma lamah a tang mai dah ang e: Kan mite lua la ang a, a pu nen an inrem leh hlauh si ang e.
29:5	He Davida hi a ni lawm ni?lam chunga 'Saulan a sang a sang a that, Davidan a sing a sing,' tia a chungchang thu hlaa an saka kha?" an ti a.
29:6	Chutichuan Akisa chuan Davida chu a ko va, a hnenah, "LALPA nunna chhalin ka sawi e, mi dk tak i lo ni a, sipaihote zinga ka hnenah i kal leh i haw thinte chu ka mithmuhah chuan a tha hle mai a; ka hnena i lo kal ni ata vawiin thlengin i chungah engmah that lohna reng reng ka hmu hauh lo mai a ni: nimahsela lalhote hian an ngaina lo che a ni.
29:7	chuvangin Philistia lalhote i tihlungnihloh loh nan kir leh la, lungawi takin kal ang che," a ti a.
29:8	Tin, Davida chuan Akisa hnenah, "A nih leh, eng thil nge maw ka lo tih le? I hnena ka awm chung zang vawiin thleng hian, ka pu, lalber hmelma chu do lova ka han kir lehna mai turin i chhiahhlawh chungah hian engnge maw hriat i neih le?" a ti a.
29:9	Tin, Akisa chuan a chhang a, Davida hnenah, "Ka mithmuhah chuan Pathian vantirhkoh ang maiin i tha a; nimahsela Philistia lalhote hian 'Indonaah kan hnenah a han kal ve lo veng,' an ti tlat mai a.
29:10	Chuvvangin i hnena kal ve i pu chiahhlawhte nen hian zing takah tho ula: tin, zing takah in thawha khua a en veleh chuan kal ang che u," a ti a.
29:11	Chutichuan Davida leh a mite hchu Philistia rama kir leh turin zinga chhuak turin zing takah an tho ta a. Tin, Philistia mite chuan Jezreel-ah an chho ta a.