II Samuela 9

THUTHLUNGHLUI   II Samuela   Bung 9
9:1	Tin, Davida chuan, "Jonathana avanga khawngaihna ka tihlan theihna turin Saula chhungte zinga mi awm an la awm em aw?" a ti a.
9:2	Tin, Saula chhungte chhiahhlawh pakhat a hming Ziba a awm a, Davida hnena kal turin an ko va: tin, lal chuan a hnenah, "Ziba i ni em?" a ti a. Tin, ani chuan, "Kei i chhiahlawhpa hi," a ti a.
9:3	Tin, lal chuan, "Pathian khawngaihna ka tihlan theihna turin Saula chhungte zinga mi an la awm lawm ni le?" a ti a. Tin, Ziba chuan lal hnenah, "Jonathana chuan fapa pakhat a la nei a, a ke pawh a bai nghe nghe," a ti a.
9:4	Tin, lal chuan a hnenah, "Khawiah nge a awm?" a ti a. Tin, Ziba chuan lal hnenah, "Ngai teh, Lo-debar-ah Amiela fapa Makira inah a awm" a ti a.
9:5	Chutichuan lal Davida chuan mi a tir a, Lo-debar ata Amiela fapa Makira ina mi chu an va hruai a.
9:6	Tin, Saula fa Jonathan fap Mephibosetha chu Davida hnenah chuan a lo kal a, ahmaia lei siin chibai abuk a. Tin, Davida chuan, "Mephiboseth," a ti a. Ani chuan, "En teh, i chhiahlawhhi," a ti a, a chhang a.
9:7	Tin, David chuan a hnenah, "Hlau suh, i pa Jonathana avangin ka khawngaih ngei ngei ang chia, i Pu Saula awng ka neihtir leh ng chia, ka dawhkanah chaw i kil ve fo tawh ang," a ti a.
9:8	Tin, chibai a buk a, "Kei, ui thisawn ang mai, i chhaihhlawh hi engnge maw a nih a, i ngaihsak ni?" a ti a.
9:9	Chutichuan lal chuan Saual chhiahhlawh Ziba chu a ko va, a hnenah, "Saula thil zawng zawngte leh a chhungte zawng zawngte thilte chu i pu fapa hi ka pe vek a ni.
9:10	Tin, a tan lei i lehsak ang a, nang leh i fapate leh i chhiahlawht nen; tin, i pu fapa chuan ei turte a nei teih nan i thaw chhuahte chu i rawn la ang a; i pu fapa Mephibosetha erawh hi chuan ka dawhkanah chaw i kil fo vang," a ti a. Ziba chuan fapa sawm leh panga leh chhiahhlawh sawmhnih a nei a.
9:11	Chutichuan Ziba chuan lal hnenah, "Ka lal, ka puin a chhiahhlawh thu a pek ang zelin i chhiahhlawh hian a ti ang," a ti a. Lal chuan, "Mephibosetha zawngin ka dawhkanah lal fapa ang bawkin chaw akil ang," a tia.
9:12	Mephibosetha chuan fapa, naupang anei a, a hming chu Mika a ni. Tin anwg chu Mephibostha chhiahhlawh an ni a.
9:13	Chutichuan Mephibosetha chu Jerusalem-ah a awm ta a; lal dawhkanah chaw a kil ve fo va; a ke khinghnih a bai a ni.