Number 25

THUTHLUNGHLUI   Number   Bung 25
25:1	Tichuan Israel-ho chu Sittim-ah an awm a, tin, Moab-ho fanute chu an pawl ta hlawm a:
25:2	an pathiante hnenah an inthawinate chu an sawm a; tichuan an ei a, an pathiante chu chibai a buk ve a.
25:3	Tin, Israel-ho chuan Peor hmuna Baal chu an pawm ve ta a; tichuan Israelho chungah LALPA thin chu a alh ta a.
25:4	Chutichuan LALPAN Mosia hennah, "mipuite hotu zawng zawng hi hruai la, LALPA thinurna tihbaiawm tak mai chu Israel-ho chung ata a kian theih nan chhun engah LALPA hmaah awhhlumtir rawh," a ti a.
25:5	Tin, Mosian Israel-ho roreltute hnenah chuan,"Peor hmuna Baal pawm apiangte chu tihlum vek rawh u," a ti a.
25:6	Tin, ngai teh, Israela thlahte zinga mi pakhatin inbiakna puan in kawngkaa a tah lai takin Mosia mit hmuhah leh Israel-ho pungkhawmte mithmuhah Media hmeiche pakhat a chhungte hnenah a rawn hruai a.
25:7	Tin, puithiam Arona fa Eleazara fapa Phinehasan a han hmuh chuan pungkhawmho zing ata chu a tho va, fei a chuh a;
25:8	tin, Israel mi chu puan in chhungah chuan a um lut a, Israel mi nen an pahnih chuan a chhun tlang , hmeichia chu a pumah. Chuti chuan Israel thlahte chung hremna chu a reh ta .
25:9	Chumi hremnaa thite chu 24,000 an ni.
25:10	Tin, LALPAN Mosia a bia a,
25:11	"puithiam Arona fa Eleazara fapa Phinehasa hian ka thin anga an zinga a thikna chuan ka thinurna chu Israela thlahte lak ata a tikiang ta a, tichuan ka thikna chuan Israela thlahte chu ka tiboral lo vang .
25:12	Chuvangin 'Ngai teh, ka inremna thuthlung chu a chungah ka thlung ang a;
25:13	tin, amah leh a hnua a thlahte tan kumkhaw puithiam nihna thuthlung ani ang a; a Pathian tan a thik a, Israela thlahte tan inremna a siam avangin,' ti rawh," tiin.
25:14	Israel mi an thah, Midia hmeichhia nena an thah tak hming chu Zimria, Simeon-ho zinga an chhungkaw puipa Salua fapa a ni a.
25:15	Tin, Midia hmeichia an thah taka hming chu Kozbi, Zura fanu a ni: ani chu Midia ho chhungkaw zinga an hotu a ni.
25:16	Tin, LALPAN Mosia a bia a,
25:17	Mida-ho chu bei ula, tilawm rawh u:
25:18	Peor hmunah an bum che u a, hrem tak Midia-ho milian fanu Kozbi an thah tak chungchang thuah in chungah thil dik lo tak an tih aeleazara hian," tiin.