Number 35

THUTHLUNGHLUI   Number   Bung 35
35:1	Tin, Jeriko zawn Jordan kam, Moab phaiah chuan LALPAN Mosia a bia a,
35:2	"Israela thlahte chu thu pe la, an ramahte chuan Levi-ho awmna tur khuae siamsak rawh se; tin, ran tlatna turin khaw daikiang velte Levi-ho in pe tur a ni.
35:3	Kuate chu an awmna tur ani ang a, a velte chu an bawng leh an ran, an thil vulh zawng zawng tan a ni ang.
35:4	Tin, daikiang Levi-ho in pek tur chu khaw kulh atanga tawng 1,000-a thui ani tur a ni.
35:5	Tin, kulh pawn lam atangin in teh ang a, chhak lampangah tawng 2,000 chhim lampangah tawn 2,000, thlang lampangah tawng 2,000, hmar lampangah tawng 2,000, khua a lai taka awmin. Hei hi an daikiang pual ani ang.
35:6	Tin, Lev-ho in pek tur khuate chu tualthatte tlan nan tual tlanna khaw paruk a ni ang a; chung lo chu khaw sawmli leh khaw hnih in pe bawk tur a ni.
35:7	Levi-ho in pek tur khua zawng zawng chu khaw sawmli leh khaw riat a ni ang: daikiang nen in pe tur a ni.
35:8	Israela thlahte luah khua in pek dan tur chu, a tam deuh atangin in pe tam ang a, a tlem deuh atangin in pe tlem ang a, mi tinin an luah ram tam dan azirin an khua chu Levi-ho an pe tur a ni," tiin.
35:9	Tin, LALPAN Mosia a bia a,
35:10	"Israela thlahte bia la, an hnenah, 'Jordan lui in kaia Kanaan ram in luh hun chuan
35:11	tualtlanna khua tur khua in inruat tur a ni, tualthat palhtu tlan nan.
35:12	Chung khuate chu phubalatu laka in tualtlanna ani ang; ;ungkhawm hmaa rorelsak tura a din hmaa tualthattu chu a thih loh nan.
35:13	Tichuan, in tan tualtlanna tur in ruatte chu khaw paruk a ni ang.
35:14	Jordan ralah khaw thum in ruat ang a, Kanaan ramah khaw thum in ruat ang a, tualtlana khuate ani ang.
35:15	Israela thlahte leh hnam dang leh an hnena chengte tan he khaw paruk hi tualtlana a ni ang: chutah chuan tupawh mi that apiang an tlan dawn nia.
35:16	Amaherawhchu thir hmanga mi a bei a, a thih chuan tualthat a ni a: tualthat chu tihhlum ngei tur a ni.
35:17	Tin, thi khawpa lunga mi a chhuta a thih chuan tualthat ani a, tualthat chu tihhlum ngei tur a ni.
35:18	Tin, thi khawpa mi thinga a vuak a, a thih chuan tualthat ani a, tualthat chu tihhlum ngei tur a ni.
35:19	Thisen phuba latu chuan tualthattu chu a that nghal mai ang: a hmuh hun apiangin a tihlum tur a ni.
35:20	Tin, mi ahuat vanga anam vak emaw, lo chang rua a vawm emaw a thihin emaw
35:21	intaina avanga chum hhlum emaw chuan, a tihlumtu chu tihhlum ngei tur a ni; tualthata ni : thisen phuba latu chuan a hmuh hun apiangin a tihlum tur a ni.
35:22	Amaherawhchu intai vang ni lem lova nam thut emaw, tin, chang ni kher lova mi an awm tih pawh hre lova, a hmelma pawh ni lova, a pawi khawih pawh tum ni chuang lova lung emawa a den a, mi o thi ta anih chuan
35:23	Amaherawhchu intai vang ni lem lova nam thut emaw, tin, chang ni kher lova mi an awm tih pawh hre lova, a hmelma pawh ni lova, a pawi khawih pawh tum ni chuang lova lung emawa a den a, mi o thi ta anih chuan
35:24	pungkhawmhovin heng rorelna dan ang hian a tihlumtu chu thisen phuba latu ro chu an relsak tur a ni.
35:25	Tin, pungkhawmho chuan tualthattu chu thisen phuba latu lak ata chu a hum ang a, pungkhawmho chuan atlanna, a tualtllan khuaah chuan an awmtir leh ang a, hriak thianghlima thih puithiam lal tanglai thih hma chu chutah chuan a awm tur a ni.
35:26	Amaherawhchu englai pawhin tualthattu chuan a tlanna, a tualtlanna kahw ramri pawn lama a kal a,
35:27	thisen phuba latuin a tualtlanna khaw panw a hmuha thisen phuba latuin a thah chuan thisenah chuan thiam oloh a chang lo vang,
35:28	puithiam lal a thih hma loh chu a tualtlanna khuaa awm reng tur anih avangn; puithiam a thih hnu erawh chuan tualthattu chu a awmna ramah chuan a haw leh tur a ni.
35:29	Heng thil hi in thlahte thlenga in awmna apiang in rorel dan tur ani ang.
35:30	Tupawhin mi a thah chuan tualthhattu chu hretute ka atanga thu chhuakin tihhlum tur a ni: amaherawhchu hretu pakhat chu mi tihhlumna tur chuan a tak lo.
35:31	Tin, tualthattu chu in tlan tur ani lo, thihna khawpa thiam looh chang a ni a, tihhlum ngei tur ani zawk.
35:32	tin, tualtlnna khuaa tlan chu chutih laia puithiam lal thih hma chuan a awmna khaw hluia kir leh tur tlan phal a ni lovang.
35:33	Chutichuan in awmna ram chu in tibawlhhlawh lo vang a: thisen chuan ram chu a tibawlhhlawh a, thisen chhuahna ram tihbawlhlawh sil nan a chhuahtu thisen ngawt lo chu hman theih a ni si lo.
35:34	In awmna ram, ka awmna hi in tibawlhlawh tur ani lo, kei LALPA chu Israela thlahte zingah ka awm si a,' ti rawh" tiin.