II Samuela 16

THUTHLUNGHLUI   II Samuela   Bung 16
16:1	Tin, Davida chuan tlang chip a lawn chuahnaa pel hlek hnu chuan, ngai te, Mephilbosetha chiahhlaw Ziba ua a lo muak a, sabengtung pahnih a thuam a, chhang tlang zahnih leh grep pho ro bawr za leh nupui thei za leh uain peng khat a phurtir a.
16:2	Tin, lal chuan Ziba eah chuan, "Heng hi engtizia nge ni?" a ti a. Tin, Ziba chuan,"Sabengtungte hi lal chhungte chuan nan a niang a; tin, chang leh nupui theite hi tlangvalte ei atan ani ang a, tin, uain hi chu thlalera chau apiangte in atan a ni ang," a ti a.
16:3	Tin, lal chuan, "A nih leh khawiah nge i pu fapa chu?" a ti a. Tin, Ziba chuan lal hnenah,"Ngai teh, Jerusalem-ah a awm: 'Vawiina hian Israel-hote chuan ka pa ram min le leh dawn,' a ti nghe nghe asin," a ti a.
16:4	Tin, lal chuan Ziba hnena chuan, "Ngai teh, Mephibosetha thil neih zawng awng chu i ta vek a ni ta," a ti a. Tin, Ziba chuan,"Chibai ka buk tak zet che a ni; aw lalpa, ka pu, i mittlun zel ka tum ang e," a ti a.
16:5	Tin, lal Davidan Bahurim a thlen chuan ngai teh, Saula chhungte zinga mi Gera fapa a hming Simeia a lo chhuak a: anche lawnh chung zelin a lo chhuak a.
16:6	Davida chu lungin a deng a, lal Davida chhiahhlawh zawng zawngte pawh: tinmipui zawng zawng leh sipai huaisen zawng zawngte chu a ding lamah leh a vei lamah an awm a.
16:7	Tin, Simeian anchhe lawh chungin heti hian a ti a, "Kal bo daih rawn, kal bo daih rawh, nang thisen chhuah hmang leh Beliala mihringpa:
16:8	a rorel ai i rel tak Saula chhungte thisenc hu lalpan i chungah a rawn lettir ta a; tin, LALPA chuan a ram chu i fapa Absaloma a lo pe tawh a; tin, ngai teh, thisen chauh hmang mi i nih avangin nangmaha pawi i inkhawih chawp a ni," a ti a.
16:9	Chutichuan Zeruia fapa Abisaia chuan lal hnenah, "Engati nge he ui thisawn hian lalpa ka pu chu anchhia a lawh mai mai? A lu ka va tan teh mai ang aw?" a ti a.
16:10	Tin, lal chuan, " nangni Zeruia fapate u, nangni hian mi lo hriatsak tur engnge awm? Lalpana hnena, 'Davida anchhia lawh rawh,' a tih si chuan lawh mai ang hmiang, 'Engati nge chutiang i tih?' Tuin nge ti tehlul ang?" a ti a.
16:11	Tin, Davida chuan Abisaia leh a chhiahhlawh zawng zawngte hnenah chuan, "Ngai teh u, ka fapa, ka rila rah ngei chuan min thah a tum a ni a; he Benjamin mi hian a va tum nasa lehzual dawn em? Engmah tih su ula, anchhia chu lawh mai rawh se; LALPA tihtir ani sia.
16:12	LALPA chuan ka hreawmzia hi a rawn hmu ang a, LALPA chuan vawiina anchhe min lawh hi a tha laminmin rul leh mai pawh ani thei e," a ti a.
16:13	Chutichuan Davida leh amite chu kawngah chuan an kal ta zel a: tin, Simeia chu an run tlang pangah chuan a kal zel a, a kal pah chuan anchhia a lawh zel a, lungtein a deng a, vaivuttein a theh a.
16:14	Tin, lal leh a hnena mi awm zawng zawngte chuan Aiphim an thleng a; tichuan chutah chuan a chawl hahdam a.
16:15	Tin, Absaloma lehmipui zawng zawng Israel mite chu Jerusalem-ah an kal a, tin, a hnenah Ahothophela pawha tel a.
16:16	Tin, heti hi a ni a, Ark mi Husaia, Davida thian chuan Absaloma hnen a thlenin Husaia chuan Absaloma hnenah, "Pathianin lalber humhim raw se, Pathianin lalber humhim rawh se," a ti a.
16:17	Tin, Absaloma chuan Husaia hnenah, "Hetiang hi ani maw i thian i khawngaihna dan chu? Engati nge i thian hnena i kal loh?" a ti a.
16:18	Tin, Husaia chuan Absaloma hnenah, "Ka kal lo vang; LALPA leh heng mipuite leh Israel mi zawng zawngin an thlana thu thuin ka awm ang a, a hnenah ka awm zawk ang.
16:19	Tin, tu rawng nge ka bawl ang? A fapa hmaah rawng ka bawl tur ani lawm ni? I pa hmaa rawng ka bawl ang khani i hmaah ka bawl ang," a ti a.
16:20	Chutichuan Absaloma chuan Aothophela hnenah, "Engtin nge ka tih ang i ngaih dan sawi the khai," a ti a.
16:21	Tin, Ahithophela chuan Absaloma hnenah, "I pa hmei, in nghaka a dahte hnenah va lut rawh; tin, Israel mi zawng zawngin i pain a lungten che tih an lo hria ang a; tichuan i lama tangte zawng zawng kut a chak dawn nia," a ti a.
16:22	Chutichuanin chungah Absaloma tan puan in an zar a; tichuanIsrael mite zawng zawng mithmuhah a pa hmeite hnenah chuan a lut a.
16:23	Chung laia rem a ruat, Ahithophela remruatte chu, Pathian thu ngaih anga ngaih a ni thin a: chutiang bawk chuan Ahothophelan Davida leh Absaloma rem a ruatpui zawng zawngte chu ngaih a ni thin.