II Samuela 21

THUTHLUNGHLUI   II Samuela   Bung 21
21:1	Tin, Davida dam laiin a kum zawngin kum thum tam a tla a; tin, Davida chuan LALPA chu a rawn a, Tin, LALPA chuan, "Saula avang leh a chhungte, thisen chhuahte avangin a ni e, Gibeon mite a that mai si a," a ti a.
21:2	Tin, lal chuan Gibeon mite chu a ko va; (Gibeon mite chu Israela thlahte an ni lo va, Amor mi la awm chungte kha an ni zawk a; Israela thlahte chuan an lakah chhia an lo chham tawha; Saula chuan Israela thlahte leh Juda thlahte tana thahnem angaih avangin thah a tum thin mai a ni,)
21:3	Davida chuan Gibeon mite hnenah chuan, "Engnge ka tihsakang che u? LALPA ro chu mal in sawm theih nan eng anga inremna nge ka siam ang?" a ti a.
21:4	Tin, Gibeonmite chuan a hnenah, "Saula leh a chhungte nena kan chungthuah hian tangka leh rangkachak lamthu a ni lo va; Israel zingah hian mi tihhlumtheihna kan nei hek lo," an ti a. Tin, ani chuan, "In sawi ang apiang chu ka tihsak ang che u," a ti a.
21:5	Tin, lal hnenah chuan, "Mi tiboraltu leh Israel ram chhungah reng reng awm lova tiboral tura mi phiartu chu,
21:6	a fapa pasarihte min pe la, LALPA mi ruat Saula awmna Gibea khuaah chuan LALPA hmaah kan khai hlumang e," an ti a. Tin, lal chuan, "Pe ang hmiang," a tia.
21:7	Nimahsela lal chuan LALPA hnena Davida leh Saula fapa Jonathana kar a, anpaniha kara chhechhamna avangin Saula fapa Jonathana fapa Mephiltbosetha chu a hum a.
21:8	Lal chuan Aii fanu Rizpiin Saula fapa panih a hrinsak Armonia leh Mehphibopsetha erawh chu a hruai a; tin, Meholat mi Barzilaia fapa Adriela, Saula fanu Mikalin fapa panga a hrinsakte nen:
21:9	Tin, Gibeon mitete kutah chuan a hlan a, tinanni chuan LALPA hmaah tlangah an khaihlum a, tichuan an pasarihchuan hmunkhatah an thi za a: buh seng hun,barli seng tantirh lai velin an tihluma.
21:10	Tin, Aii fanu Rizpi chuan saiip puan a la a, buh seng tirh ata van atanga ruahin a rawn nan thlenga a awm nan lungpui chungah a inzar a; an chunga chhuna chungleng savate fuk leh zana ram sate awm pawh a phal lo va.
21:11	Tin, Aii fanu Saula hmeinu Rizpi thiltih chu Davida an hrilh a.
21:12	Tin, Davida chu akal a, Philistia miten Gilboa-a Saula an thah nia Philistia miten Bethsan muallaia an khai rutu, Jabes-Gilead mite hnen ata Saula ruh leha fapa Jonathan ruhte chu a la a;
21:13	chuta Saula ruhte leh a fapa ruhte chu a la chho va; tichuan an khaiate ruh chu an la khawm a.
21:14	Tin, Saula ruhte leh a fapa Jonathana ruhte leh Benjamina rama Zela khuaa a pa Kisa thlanah an phum a: tin, lal thupek ang zel chuanan ti a. Tin, chu mi hnuah chuan chu mi ramchungah chuan Pathian a lungawi ta a.
21:15	Tin, philistia mite chuan Israel mite chu an do leh a; tin, Davida chu a mite nen an chhuk a,Philistia mite chu an zu bei a: tin, Davida chu a chau ta hle maia.
21:16	Tin, Isbi-benoba, mi lian fapate zinga mi, a fei rihlamdar sekel zathu, nunghnam thar pai chuan Davida chu thah a tum a.
21:17	Nimahsela Zeuira fapa Abisaian a chhan a, Philistia mi chu a bei a, a that ta a. Tin, Davida mite chuan, "Israelte khawnvar i tihmih loh nan indo turinkan hnenah i chhuak ve tawh hauh lo vang," tiina chungah chhia an chham a.
21:18	Tin, heti hi a ni a, chu mi hnuah chuan Philistia mite nen Gob khuaah indopna a awmleh a: chutichuan Husat mi Sibekaia chuan mi lian fapate zinga mi Sapha a that a.
21:19	Tin, Philistia mite nen Gob khuaah an indo leha; tin, Beth-lehem mi Jaare-oregima fapa Elhanan Git mi Goliatha a that a,a fei ngul chu themkawl ang a ni.
21:20	Tin, Gath khuaah indona a awmleh a, chutah chuan mi sang tak mai, akut lehlam lehlam zungtang paruk, a ke lehlam lehlam zungtang paruk, a vaia sawmhnih leh pali neihi a awm a, ani pawh milian laka piang a ni.
21:21	Tin, Israel mite chu a va cho va, Davida unau Simeia fapa Jonathana chuan a lo that a.
21:22	Tin, chung palite chu Gath khuaah milian laka piang an ni a,chung chu Davida leh a mite kutah an thi a.