II Samuela 23

THUTHLUNGHLUI   II Samuela   Bung 23
23:1	Heng hi Davida thusawi hnuhnung ber a ni. Jesaia fapa Davida, "Sang taka chawi sana, Jakoba Pathian hriak thih a, Israelte hla mawi tak phuahtu chuan a sawi a:
23:2	LALPA thlarau chuan keimah mi hmangin a sawi a: A thu chu ka leiah a awm a. A thu chu ka leiah a awm a.
23:3	Israelte Pathian chuan a sawi a, Israelte Lungpui chuan: 'Mi chunga fel taka rorel thin a, Pathian tih chunga rorel thina chu,
23:4	Ni a lo chhuah a, chhum awm hauh lo Zing eng ang hi a ni ang a. Ruah sur hnua khaw lo thiang a, Leia hlobet chawr no dep ang hia ni ang.
23:5	Kan chhungkua chu Pathian hnena mi ani lawm ni? Chatuan thuthlung chu ka hnenah a thlung a, Engkim fel leh tinghet tlatin; Ka chhandamna kimleh duhthusam kim, A chawr chhuahtir lawng maw?
23:6	Mi suaksualte erawh chu an zain a hnawla hnawlbo mi, hling ang an ni ang a, Kuta lak mi an ni si lo:
23:7	A khawihtu tur chuan thir leh feingul rawih zawk tur a ni a; Tichuan an hmunah halral vek an ni ang,' tiin mi bia a," a ti a.
23:8	Heng hi Davida sipai huaisen hmingthangte chu a ni: Takemon miJosebasehebetha chu sipai hotute zinga hotu ber a ni a; ani chu tum khata mi zariat thattu Eznet Mi Adinoa an tih bawk kha a ni.
23:9	Tin, a dawttu chu Aho mi fapa Dodaia fapa Eleazara a ni a; chu mi chu Philistia mite indo tura an punkhawm a, an cho va, Israel mite an kal bo vek laia Davida hnena sipai huaisen pathumte zinga pakhat kha a ni:
23:10	tin, ani chu a tho va,P hilistia mite chu a kut a khama a khandaih pawh thlah thei lo hial khawpin a that a: chu mini chuan LALPAN nasa takin a ngamssak a; tin, mipuite chu a hnungah rallak thil la tur ngawtin an lo kir leh a.
23:11	Tin, chu mi dawttu chu Hara mi Agea fapa Sama a ni a. Tin, dailuah awmna chuk hmunah Philistia mite chu lak tumin an infawk khawm a; tin, mipuite chuan Philistia mite chu an tlan chhiatsan a.
23:12	Nimahsela ani chu chu mi hmunah chuan a ding a, a veng tlat a, Philistia mite chu a that a: tin, LALPAN nasa takin a ngamsak a.
23:13	Tin, sipai huai huai sawmthum zinga pathumte chu an chhuk a, buh seng lai takin Davida hnenah Adulam pukah an kal a; tin, Philistia sipaiho chuan Rephaim kawnah tanhmun an khuar a.
23:14	Tin, chutih lai chuan Davida chu kulhbingah a awm a, chutih lai bawk chuan Philistia sipaiho chu Beth-lehem-ah an awm a.
23:15	Tin, Davida chuan tui a chak em em mai a, "Beth-lehem-a tuichhunchhuah tui, kulh kawngkhar kianga mi kha in tura mi pe han awm teh sela aw!" a ti a.
23:16	Chutichuan sipai huaisen pathumte chuan Philistia sipaiho chu an tawn tlang a, kulh kawngkhar kiang ami Beth-lehem-a tuichhunchhuah chu an va chawi a, an keng a, Davida hnenah an kalpui a: nimahsela a lo in duh lo va, LALPA tan a bun chhuak ta zawk a.
23:17	"Aw LALPA, hei hi ka tih loh turzia mai chu; thih huama kalte thisen chu ka in dawn em ni?" a ti a; chutichuan a in duhta lo va. Chung thilte chu sipai huaisen pathumte chuan an ti a ni.
23:18	Zeruia fapa Joaba unau Abisaia chu an pathum zinga hotu ber a ni a. A feiin mi zathumte chu a bei a, a that a, pathumte zingah chuan hming that a hlawh a.
23:19	Pathumte zingah chuan chawimawi tlak ber a ni lawm ni? Chuvangin an hotu atan an siam a: nimahsela chungnungber pathum zinga chhiar tel a kai lo.
23:20	Tin, Kebzeel mi huai fapa Jehoiada fapa Benaia thil nasa tak titu chuan Moab mi Ariela fapate pahnih chu a that a: tin, a zuk chhuk a, vut tlak hun laiin khuarkhurrumah sakeibaknei a zuk that bawka:
23:21	tin, Aigupta mi, mi lian tak a that a: Aigupta mi chuan fei a keng a; nimahsela ani chuan tiang kengin a zuk pan a, Aigupta mi fei ken chu a chhuhsak a, ama fei chuan a chhunhlum ta a,
23:22	Jehoiada fapa Benaia chuan chutiang thil chu a tih avangin sipai huaisen pathumte zingah chuan hmingthat a hlawh a.
23:23	Mi sawmthumte ai chuan chawimawi tlak a ni a; nimahsela chungnungber pathumte zinga chhiar tel a kai lo. Tin, Davida chuan amah vengtu hotu atan a dah a.
23:24	Joaba unau Asahela chu sawmthum zinga pakhat chu a nia; Beth-lehem khuaa mi Dadoa fapa Elhanana te;
23:25	Harod mi Sama te, Harod mi Elika te;
23:26	Pal mi Heleza te, Teko mi Ikesa fapa Ira te;
23:27	Anathot mi Abiezera te, Husat mi Mebunaia te; Aho mi Zalmona te, Netophat mi Maharaia te;
23:28	Netophat mi Bana fapa Heleba te, Benjamina thlah, Gebea khuaa mi Ribaia fapa Itaia te;
23:29	Pirathon mi Benaia te, Gaas-a luitea mi Hidaia te;
23:30	Arbat mi Abi-albona te, Barhum mi Azmavetha te;
23:31	Saalbon mi Eliaba te, Jesena fapate zinga Jonathana te;
23:32	Harar mi Sama te, Araar mi Sarara fapa Ahiama te:
23:33	Maakat mi Ahasbaia fapa Elipheleta te, Gilon mi Ahitophela fapa Eliama te;
23:34	Karmel mi Hezroa te, Arba mi Paaria te;
23:35	Zoba khuaa mi Nathana fapa Igala te, Gad mi Bania te;
23:36	Zeruia fapa Joaba ralthuam kengtu Amon mi Zeleka te, Beerot mi Naharaia te:
23:37	It mi Ira te, Itmi Gareba te;
23:38	Hit mi Uria te an ni: an za chuan sawmthum leh pasarih an ni.