Exodus 24

THUTHLUNGHLUI   Exodus   Bung 24
24:1	Tin, ani chuan Mosia hnenah, "Nang nen, Arona nen, Abihua nen, Israel upa sawmsarih nen LALPA hnenah lo chho ula, ralkhat atangin chibai rawn buk ang che u:
24:2	tin, Mosia chu amah chauhvin LALPA hnenah lo kal sela; anniho erawh chu lo kal hnai suh se, mipuite pawh a hnenah chuan lo chho suh se," a ti a.
24:3	Tichuan Mosia chu a zuk kal a, LALPA thu zawng zawng leh rorel dan tur zawng zawngte chu mipui hnenah a zuk sawi a: tin, mi zawng zawng chuan, "LALPA sawi zawng zawngte chu kan ti ang e," tiin arualin an chhung dual dual a.
24:4	Tin, Mosia chuan LALPA thu zawng zawng chu a ziak vek a, tin, atuk zing takah a tho va, tlang bulah chuan maicham a siam a, tin, lungphun sawm leh hnam hnih zatin a phun bawk a.
24:5	Tin, Isreal thlahte zinga tlangvalte chu a tir a, chu mite chuan LALPA tan halralathilhlante an hlan a, tin, remna inthawiin sebawngpatein an inthawi bawk a.
24:6	Tin, Mosia chuan chung thisen zatve chu a la a, maihunahte a dah a; tin, thisen zatve dang chu maichamah a theh a.
24:7	Tin, thuthlunna bu chu a la a, mipuite hriatah chuan a chhiar a: anni chuan, "LALPAN a sawi zawng zawngte chu kan ti zel ang a, mi tihawih tak kan ni zel ang," an ti a.
24:8	Chutichuan Mosian thisen chu a la a, mipuite chu a theh a, "Ngai the u, LALPAN heng thu zawng zawng chungchang thua in hnena thu a lo thlun tawh, thuthlunna thisen a nih hi," a ti a.
24:9	Chutichuan Mosia leh Arona leh Nadaba leh Abihua leh Israel upa sawmsarihte chu an han chho va:
24:10	Israela Pathian chu an han hmu a; tin, a kephah hnuai chu sapphir lungrem ang mai, a thianzia chu van thiang vek ang mai hi a ni a.
24:11	Tin, Israela thlahte zinga mi lianhote chungah chuan a kut a thlak lo: tichuan Pathian chu an hmu a, an eiin an in hlawm a.
24:12	Chutichuan LALPA chuan Mosia hnenah, "Tlangah hian ka hnenah lo chho la, lo awm rawh; tichuan mipuite I zirtir atuka lungpheka dan leh thupek ka ziak chu ka lo pe ang che," a ti a.
24:13	Tin, Mosia leh a rawngbawltu Josua chu an tho va: tin, Mosia chu Pathian tlangah chuan a han kal a.
24:14	Tin, ani chuan upate hnenah huan, "In hnena kan lo kal hma chuan hetah hian min lo nghak reng ang che u: ngai the u, Arona leh Hura in hnena an awm hi: tupawhin thubuai eng emaw in neih chuan an hnenah hian in lo kal thin dawn nia," a ti a.
24:15	Chutichuan Mosia chu tlangah chuan a han chho va, tin, chhumin tlang chu a chim ta hmur a.
24:16	Tin, LALPA ropuina chu Sinai tlangah chuan a awm reng ta reng a, chhum chuan ni ruk chhung chu a chim a: tin, a ni sarih n?chuan chhum atangin Mosia chu a han ko va.
24:17	Tin, Israela thlahte mithmuhah chuan LALPA ropuina lan dan chu tlang chhipa thil kanralhmang mei ang mai a ni a.
24:18	Tin, Mosia chu chhum zingah chuan a va lut a, tlangah chuan a han lawn a, tin, Mosia chu tlangah chuan ni sawmli leh zan sawmli a han awm a.