Exodus 30

THUTHLUNGHLUI   Exodus   Bung 30
30:1	Tin, rimtui halna tur maicham i siam tur a ni: thingri thingin i siam tur a ni.
30:2	A dunglam tawngkhat a vanglam tawng khat a ni tur a ni; kil li neia siam tur a ni: tin, a sanlam chu tawng hnih nisela: a kite chu maich鈓 nen chuan in zawm vek tur a ni.
30:3	Tin, a chungte , a pang velte leh a kilte chu rangkachak hlir hlak tuiin i luantur a ni; tin, a kotlang velah chuan rangkachak i dah tur a ni.
30:4	Tin, a kotlang hnuailamah, a san tuakah chuan rangkachak khang pahnih i siam tur a ni; a sir pahnihah chuan i siam tur a ni, chung chu a zawn fung rawlhna tur a ni ang.
30:5	Tin, thingri thinga zawnfungte siamin rangkachak tuiin i luantur a ni.
30:6	Tin, chu chu thuhriattirnachua ka rawn biak thinna tur che zahngaihna thutphah hmaah, thuhriattirna bawm kianga puanzeh bulah i dah tur a ni.
30:7	Tin, Aronan chutah chuan englo rimtui tak hal tur rimtui a hal tur a ni: tuktin khawnvarte a chei hun apiangin a hal thin tur a ni.
30:8	Tin, Aronan tlai lamah khawnvarte a dah hun chuan rimtui chu a hal thin tur a ni: chu chu in thlahte thlenga LALPA hmaa rimtui a ni reng ang.
30:9	Chutah chuan rimtui dang emaw, halral thilhlan emaw, ei tur thilhlan emaw in hlan tur a ni lova; tin, chutah chuan in tur thilhlan pawh in leih tur a ni lo.
30:10	Tin, Aronan kumkhat ah vawikhat ki chuah te chuan inremna a siamtur a ni: inremna tura sual thawina thisen chuan kumtin vawikhat in thlahte thlengin inremna chu a siam thin tur a ni: chu chu LALPA tan thianghlim tak a ni," tiin.
30:11	Tin, LALPAN Mosian hnenah, Israela thlahte awm zat i chhiar ang zel chuan mitinin an nunna tlanna chu LALPA an pe zel tur a ni, i chhiar hun chuan an mahni i chhiar huna an zinga hri a lo len loh nan.
30:12	Tin, LALPAN Mosian hnenah, Israela thlahte awm zat i chhiar ang zel chuan mitinin an nunna tlanna chu LALPA an pe zel tur a ni, i chhiar hun chuan an mahni i chhiar huna an zinga hri a lo len loh nan.
30:13	Heihi an pek tur chu a ni: chhiar tawhte zinga tel tura kal apiangte chuan hmunhtianghlim sekel chanve an pe tur a ni (sekel chu gera sawmhnih a ni): LALPA puala atan sekel chanve.
30:14	Chhiar tawhte zinga tel tura kal apiang, kum sawmhnih a chin chulam zawng chuan LALPA puala thilhlan chu an pe tur a ni.
30:15	In nunna tlanna tura LALPA puala thil an hlan chuan sekel chanve aia tam chu mi hausa na pe tur a ni lo va, mi rethei pawhin chu mi aia tlem chu a pe tur a ni lo.
30:16	Tin, Israela thlahte tlanna man tangka chu lo lain, in biakna puan ina rawngbawl nan i lo ruat tur a ni; in nunna tlan nana LALPA hmaa Israela thlahte tana i hriat rengna a lo nih theina turin," tiin a sawi a.
30:17	,18 Tin, LALPAN Mosia hnenah, "insilna tur dar maihun, a hal chhan dar nen i siam bawk tur a ni: chu chu inbiakna puanin leh maicham inkarah i hung tur a ni; tin, chutah chuan tui i dah tur a ni: chu chu inbiakna puan in leh maicham inkarah i hung tur a ni; tin, chutah chuan tui i dah tur a ni.
30:19	Tin, Arona leh a fapate'n chutah chuan an ke te an sil thin tur a ni:
30:20	inbiakna puanin chhunga an luh hun in emaw, LALPA tana meia thilhlan hal tura maicham bula rawngbawl tura an lo kal hun in emaw tui chuan an in sil tur a ni; chutilochuan an thi mai ang:
30:21	Chutichuan an thih loh nan an kut leh an kete chu an sil thin tur a ni: chu chu an tan kumkhua a tana thuruat ani ang, a mah leh a thlahte leh an thlahte thleng atan pawh," tiin a sawi a.
30:22	,23 LALPA vekin Mosia hnenah, Rimtui tuiber zinga mi-murra tui sekel zanga leh, thakthing rimtui, chumi zatve sekel zahnih leh sawmnga zet- leh fu rimtui sekel zahnih leh sawmnga leh,
30:24	thakthing chi dang sekel zanga, hmunthianghlima sekel an pek thin ang, olive hriak tin khat nen rawn lain,
30:25	rimtui siamtu angin hriakthih chu hriak thianghlim a ni ang.
30:26	Tin, inbiakna puan in te, thuhriattirna bawm te,
30:27	dawhkan leh a bungbel zawng zawng te, khawnvar dahna leh a hmanrua te, rimtui halna maicham te,
30:28	halral thilhlan maicham leh a hmanrua zawng zawng te, maihun leh a hal chhan te nen, chu chuan i hnawih vek tur a ni.
30:29	Tin, thianghlim tak an lo nih theih nan i tithianghlim tur a ni: chung dek a piangte chu an lo thianghlim zel ang.
30:30	Tin, ka tan puithiam hnathawh thawka ka rawng an bawl theih nan Arona leh a fapate chu hriak thihin i tithianghlim tur a ni.
30:31	Tin, Israela thlahte hnenah, 慔e hriak hi i thlahte thlenga ka hriak thianghlim thih mi chu a ni ang.
30:32	Mihring taksa ah chuan leih tur a ni lo va, he mi siam dar anga siam, a ang tak hian in siam tur a ni hek lo: hei hi zawng a thianghlima, tichuan in tan thil thianghlim a ni tur a ni.
30:33	Tupawhin a anpui siam sela emaw, chu mi chu a chipuite zinga ata tihboral a ni ang,"tiin sawi ang che," tiin a sawi leh a.
30:34	Tin, LALPAN Mosia hnenah, Rimtui tui tak takte te, onuka te, ngalbanum te - la ang che; rimtui ti tak beraw fir tak nen buk in zat vekin;
30:35	chu chu rimtui siamtu siam angin chi-a al, fir leh thianghlim takin rimtui i siam tur a ni:
30:36	a thente chu rawt dip dep tur a ni a, ka rawn biak thinna tur che inbiakna puan in chua thuhriattirna bulah chuan i dah tur a ni: chu chu in tan thianghlim tak a ni ang.
30:37	Tin, chu mi rimtui i siamtur, a siam dan tur anga siam chu zawng nangmahni tan in siamtur a ni lo ve: LALPA tana thil thianghlimah i ngai tur a ni.
30:38	Tupawhin hnim atan ngawta chutiang a siam chuan chu mi chu a chipuite zing ata tihboral a ni ang." a ti a.