Exodus 31

THUTHLUNGHLUI   Exodus   Bung 31
31:1	,2 Tin, LALPAN Mosia hnenah, Ngaiteh, Juda hnama mi Hura fapa Uria, chu mi fapa Bezalela chu ka thlang tawh a:
31:3	,4,5 tin, ani chu finna te, hriat thiamna te hriatna te, kawng tinrenga themthiamna te, thiltih tur fing taka suangtuah thiamna te, lunghlute zeh tura phel thiamna te, thing zai mawi dan thiamna te, kawng tinrenga themthiamna te nei turin PATHIAN thlarauvin ka tikhat tawh e.
31:6	Tin, ngai teh, a hnena thawk ve turin Dana hnama mi Ahisamaka fapa Oholiaba keimahin ka ruat leh e: thil siam tura thu ka pek zawng zawng che
31:7	inbiakna puan in te, thuhriattirna bawm te, chu mi chhunga zahngaihna thutphah te, Puan in chhunga bungrua zawng zawng te,
31:8	tin, dawhkan leh a hmanrua te, rangkachak hlir hlaka siam khawnvar dahna a hmanrua zawng zawng te nen, rimtui halna maicham te;
31:9	tin, halrala thil hlanna maicham, a bungbel zawng zawng te nen, maihun leh a hal chhan te;
31:10	tin, silhfen mawi taka tah te, puithiam rawng an bawl huna hal tur puithiam Arona silhfen thianghlim leh a fapate silhfen te;
31:11	tin, hriak thih mi te, hmun thianghlim atana rimtui tui takte hi an siam theina turin mi themthiamho zawng zawng te finna ka pe e: tih tura thu ka pek zawng zawng che ang khan i ti tur a ni." tiin a sawi a.
31:12	,13 Tin, LALPAN Mosia hnenah, Israela thlahte hnenah chuan, 慘a chawlhnite hi in serh ngei ngei tur a ni; in thlahte thlenga keimah leh nangmahni inkara chhinchhiahna a ni si a; kei hi LALPA, nangmahni tithianghlimtu che u ka ni tih in hriat theih nan.
31:14	Chuvangin chawlhni hi in serh tur a ni; chu chu in tan ni thianghlim a ni si a; tupawh tibawlhlawh apiang chu tihhlum ngei ngei tur a ni: tupawh chu mi nia hna engpawh thawk chu, chu mi chu a chipuite zing ata tihboral tur a ni.
31:15	Niruk chhung hnathawh nan hman tur a ni a; a nisarih ni erawh chu chawlh derna chawlhni, LALPA tana ni thianghlim a ni: tupawh chawlni a hnathawk apiang chu tihhlum ngei ngei tur a ni.
31:16	Chutichuan Israela thlahte hian chawlhni chu an thlahte thlenga kumkhuaa thu thlun nan chu chawlhni chu a na serh tur a ni.
31:17	Keimah leh Israela thlah te inkarah hian kumkhuaa thuthlun chhinchhiahna a ni: niruk chhungin LALPAN lei leh van a siama, tin, a nisarih ni chuan a chawl a; tin, a intihahdam ta a ni si a.?ti bawk ang che,?tiin a sawi a.
31:18	Tichuan sinai tlanga a mah a biak zawh chuan thuhriattirna lungphek pahnih, lung pher, PATHIAN kutzunga ziak chu Mosia a pe ta a.