Genesis 23

THUTHLUNGHLUI   Genesis   Bung 23
23:1	Tin, Sari dam chhung chu kum 127 a ni a: chung chu Sari dam chhung kum chu a ni.
23:2	Tin, Sari chu Kanaan rama Kiriath-arba khuaah chuan a thi a (chu chu Hebron khua a ni): tin, Abrahama chu Sari sun tur leh tah turin a lo kal a.
23:3	Tin, mitthi ruang hma ata chu a tho va, Hetha thlahte hnenah chuan,
23:4	"In zingah mikhual leh tar mai ka ni a: ka mitthi ruang hi ka hmuh lohva ka phum theihna turin in zingah hian phumna hmun ro mi pe rawh u," tiin a sawi a.
23:5	Tin, Hetha thlahte chuan Abrahama chu an chhung a, a hnenah,
23:6	"Ka pu, min ngaithla teh, nang chu kan zingah hian lal ropui tak i ni a: kan thlanahte hian i duhna berah chuan i mitthi chu phum ta che: i mitthi i phumna turin kan zinga tumahin kan thlan pek che kan ui lovang," an ti a.
23:7	Tichuan Abrahama chu a tho va, chu mi rama mi, Hetha thlahte chu chibai a buk a.
23:8	Tin, "Ka mitthi chu ka hmuh lohva ka phum rem in tih chuan mi ngaithla ula, Makpela puk, a lo mawnga awm, a neih kha mi pe turin Zohara fapa Ephrona hnenah mi ngensak teh u. In zingah phumna hmun ro atana a man tawk ang ang zelin mi pe rawh se," tiin a bia a.
23:9	Tin, "Ka mitthi chu ka hmuh lohva ka phum rem in tih chuan mi ngaithla ula, Makpela puk, a lo mawnga awm, a neih kha mi pe turin Zohara fapa Ephrona hnenah mi ngensak teh u. In zingah phumna hmun ro atana a man tawk ang ang zelin mi pe rawh se," tiin a bia a.
23:10	Tin, Ephrona chu Hetha thlahte zingah chuan a thu ve reng a: tichuan Hit mi Ephrona chu Hetha thlahte hriatah, a khaw kulh kawngkaa lut apiang hriat ngeiah chuan,
23:11	"Ni lo ve, ka pu, mi ngaithla teh: lo chu ka pe chia, a chhunga puk awm pawh chu ka pe bawk a che; ka chipuiho fate mit hmuhah hian ka pe a che: i mitthi chu phum mai rawh," tiin Abrahama chu a chh鈔g a.
23:12	Tin, Abrahama chu chu mi rama mite hmaah chuan a kun a, chibai a buk a.
23:13	Tin, chu mi rama mite hriatah chuan Ephrona hnenah, "Rem i tih phawt chuan khawngaih takin mi ngaithla teh; lo man chu ka pe zawk ang che; ka hnen ata hi la la, chutah chuan ka mitthi chu ka phum dawn nia," tiin a sawi a.
23:14	Tin, Ephrona chuan Abrahama chu a chhung a, a hnenah,
23:15	"Ka pu, mi ngaithla teh: lei hmun, tangka sekel zali hu maite chu, nang leh kei at鈔 sawi tham em ni ang? I mitthi chu phum mai rawh," a ti a.
23:16	Tichuan Abrahama chuan Ephrona thu chu a zawm ta a; tin, Abrahaman Hetha thlahte hriatah Ephronan tangka a sawi zel, tangka sekel zali, sumdawnghovin an hman thina chu a bun a, Ephrona a pe ta a.
23:17	Chutichuan Ephrona lo, Mamre zalna Makpela rama awm chu, a lo nen a chhunga puk awm nen, lova thing awm zawng zawngte nen, a lo ri vel zawng zawnga thing awmte nen chuan,
23:18	Hetha thlahte mithmuhah, a khaw kulh kawngkaa lut apiangte mithmuhah chuan, ro atan Abrahama hnenah pek nghehin a awm ta a.
23:19	Chu mi hnuah chuan Abrahaman a nupui Sari chu Kanaan rama Mamre zalna (chu chu Hebron khua a ni a) Makpela lova pukah chuan a phum ta a.
23:20	Tichuan lo leh a chhunga puk awm chu, phumna hmun ro atan Abrahama chu Hetha thlahten an pe nghet ta a.