II Samuela 11

THUTHLUNGHLUI   II Samuela   Bung 11
11:1	Tin, hetih a ni a, kum a lo vei a, lalte indo tura an chuah thin lai hun chuan, Davidan Joaba chu a tir a, amite leh Israel mi zawng zawngte nen; tin, Amona thlahte chu an tiboral a, Raba khua an hual a, Davida erawh chuJerusalem-ah a awm a.
11:2	Tin, heti hi a ni a, tlai nemah chuan a khum ata Davida chu a tho va, lal in chungah a han kal a: tin, in chung atang chuan hmeichhe pakhat inbual lai hi a han hmu a; chu hmeichhia chu hmel tha tak a ni.
11:3	Tin, Davida chuan mi a tir a, chu hmeichhe chanchin chu a zawh fiahtir a. Tin, "eliama fanu, Bath-sebi, Hit mi Uria nupui a ni lawm ni?" an ti a.
11:4	Tin, Davida chuan mi a tir a, an hruai ta a; tin, a hnen chu a va thleng a, a lo mutpui ta a, (a fel loh lai tak ani a), tin, a lamah a haw leh ta a.
11:5	Tichuan hmeichhia chu a lo rai ta a; tin, "nau a pai ta," tiin Davida chu a hrilhtir a.
11:6	Tin, Davida chuan Joaba hnenah, "Hit mi Uria hu ka hnena han kaltir rawh," tiin a chah a. Tin, Joaba chuan Uria chu Davida hnena a kaltir a.
11:7	Tin, Urian ahnen a han thlen chuan Joaba leh mite chu engne an an a, indonaahte engne an tih a zawt a.
11:8	Tin, davia chuan Uria hnenah, "I in lamah haw la, i kete zuk sil rawh," a ti a. Chutichuan Uria chu lal in ata chu a chhuak a,tin, lal chu ei turtein a umzui a.
11:9	Nimahsela Uria hu a pu chhiahhlawhhote zingah lal in kawngkhar bulah chuan a mu ta mai a, a in lamah chuan a haw ta lo va.
11:10	Tin, Davida chu, "Uria chu a in lamah a haw lo," tiin an han hrilh veleh Davidan Uria hnenah, "Khawilo ni hawng i ni lawm ni? Engati nge i in lamah i hawn loh?" a ti a.
11:11	Tin, Uria chuan Davida hnena, "Pathian bawm te, Israelte leh Judate hu bukah an awm a; tin, ka pu Joaba leh ka pu mite ram lakah an inkulh a; kei ka inah ka hawngin ka eiin ka in ang a, ka nupi hnenah ka mu bik ang maw? I nunna leh i thlarau nuna chhalin ka sawi ka sawi e, chu chu ka ti lo tawp ang," a ti a.
11:12	Tin, Davida chuan Uria hnenah, "Vawiinah pawh hetah awm la, naktukah pawh i kal dawn nia," a ti a. Chutichuan Uria chu Jerusalem-ah chuan chu mi ni leh a tukah pawh chuan a awm ta a.
11:13	Tin, Davida chuan a ko va, a hmaah chuan a eiin a in a; a tirui ta der mai a; tin, tlai lamah chuan a in lamah haw lovin a pu chhiahhlawhte zingah mu tur chuan a chhuak ta a.
11:14	Tin, heti hi a ni a, a tuk zingah chuan Davida chuan Joaba chu lehka a thawn a, Uria chu akentir a.
11:15	Tin, lehkhaah chuan, "Uria chu ral zualna lai berah hmatawntir ula, an thaha a thih hlauh nan thlahthlam rawh u," tiin a ziak a.
11:16	Tin, heti hi a ni a, Joaban khua ch a hual vel lai chuan mi huai huai awmna nia a hriatah chuan Uria chu a tantir a.
11:17	Tin, khuaa mite chu an chhuak a, Joaba chu an bei a, mi thenkhat, Davida mite zinga mi ngei chu an thi a; tin, Hit mi Uria pawh a thi a.
11:18	Chutichuan Joaa chuan mi a tir a, indo chungchang thu lam zawng zawng chu Davida a hrilh a;
11:19	tin, a mi tirh chu,"Lal hnena indo chanchin zawng zawng a sawi zawh a,
11:20	a thin a ur thut mai mai a, 'Engati nge bei tura chutianga khaw bul lawka in kal mai:? Kulh atangin an kap mai ang che u tih in hre lawm ni?:
11:21	Jerubesetha fapa Abimeleka kha tuin nge that kha? Bu rawtsawmna lun gchungnung sawk hmeichhiain kulh atanign a chunga a zuk thlak a. Thebez-ah khan a thi a ni lawm ni? Engati nge chutianga kulh bul lawka in kal ni?" a tih chuan, 'I chhiahhlawh Hit mi Uria paw kha a thi a sin,' ti ang che," tiin a hrilh a.
11:22	Chutichuan ami tir chu akal ta a, a va thleng a, Joaban a tirh chhan zawng zawng hu Davida a hrilh a.
11:23	Tin, a mi tirh chuan Davida hnenah, "Mite chuan min rawn nawr a, phulah min rawn bei a, tin, keininan khaw luhna kawng khar thleng rawkin kan nawr ta a.
11:24	tin, kaptute chuan kulh atangin i chhiahhlawhte chu an kap a, tichuan lal chhiahhlawh thenkhatte an thi a, tin, i chhiahhlawh Hit mi Uria pawh kha a thi asin," a ti a.
11:25	Chutichuan Davida chuan a mi tirh hnenah chuan, "Joaba hnena chan heti hian va sawi rawh, "heng hian i rilru tilawm lo chuang suh se, khandaih chuan atuamah a thlei si lo, nasa lehzualin khua chu bei ula tiche rawh u,' tiin fuih rawh," a ti a.
11:26	Tin, Uria nupi chuan a pasal Uria a thi tih a lo hriat chuan a pasal chu a sun a.
11:27	Tin, a sun hun bi a pelh hnu chuan Davida chuan a in lamah a hruaitir a, anupiah anei ta a, fapa a hrinsak a, Nimahsela Davida thiltih chuan LALPA a tilungni lo va.