II Samuela 12

THUTHLUNGHLUI   II Samuela   Bung 12
12:1	Tin, LALPA chuan Davida hnenah Nathana a tir a. Tin, a hnena chuan a kal a, "Khaw pakhatah hian m pahni an awm a; pakhat chu mi hausa a ni a, pakhat chu mirethei a ni a.
12:2	Mi hausa chuan beram rual tam tak leh ran rual tam tak anei a:
12:3	mi rethei erawh kha chuan beram no anu te tak te pakhat a leia, a vulh pakhat chuah lo chu engmah anei lo va: a hnena a fate nena puitling an ni a; a thleng znepui leh a no tawmpi, a angchunga awm,a fanu ang chiaha a ngaih ani a.
12:4	Tin, mi hausa hnenah chuan khualzin pakhat hi a va thleng a; tin, a hnena mikhual lo thleng chu a ma beram leh ran chu talh phal lovin mi rethei beram no chu a chhuhsak a,a hnena lo kalpa chu a talh a," a ti a.
12:5	Tichuan Davida chu chu mi chunga chuan a thinur ta viau mai a; Nathana hnenah chuan, "LALPA nunna chhalin ka sawi e, chu thil titu tihhlum mai tlak a nih chu;
12:6	tin, hetiang thil a tih avang leh khawngaihna a neih loh avangin a beram no chu a lehliin a rul tur a ni ang," a ti a.
12:7	Chutichuan Nathana chuan Davida hnenah, "Nangmah hi i ni alawm, LALPA, Israele Pathianc huan heti hian a ti, 'Israelte lal atan hriak ka thih chia, sual kut ata ka chhanchhuak chia;
12:8	tin, i pu in ro chu ka luahtir chia, i pu nupuite chu i angchhungah ka dah a, tin, Israela chhungte leh Juda chhungte chu ka pe chia; tin, chung chu a la tlem luat tuk chuan thlah dangte pawh ka pek belh tur che alawm.
12:9	Engati nge LALPA thu chu ngainep a, a mithmuha thil tha lo i tih mai: Hit mi Uria chu khandaihin i tihhlum a, a nupi chu i nupui atan i neihsak a, Amona thlahte khandaihin i that a.
12:10	Chuvang chuan khandaih chuan i chhungte chu a kiansan tawp lovang; nang chuan min ngainepin Hit m Uria nupui chu i nupui atan i chhuhsak ta si a.
12:11	LALPA chuan heti hian a ti a ni, 'Ngai teh, nangma chhungkaw zing atang ngeiin i chunga thil tha lo ka chhuahtir ang a, i mithmuh ngeiah inupuite chu ka laksak ang chia, i vengte ka pe ang a, chun enah inupuite an mutpui ang .
12:12	Nang chuan a rukin i ti a, kei erawh chuan Israel mite zawng zawng mithmuhah chhun enah ka ti ang," a ti a.
12:13	Tin, Davida chuan Nathana hnenah, "LALPA chungah thil ka tisual ta a ni," a ti a. Tin, nathana chuan Davida hnenah, "LALPA chungah thil ka tisual ta a ni, " a ti a. Tin, Nathana chan Davida hnena "LALPA pawhin i sual chu a dah bo ve ta e; i tho lo vang.
12:14	Amaherawhchu he i thilti hian Pathian sawichiatna remchang tak LALPA hmelmate tan i siam avangin naupang i laka piang chu a thi ngei ngei ang, a ti a.
12:15	Tichuan Nathana chuan a in lamah a hawnsan ta a. Tin, Uria nupuiin Davida a hrinsak chungah chuan lalpana kut a thlak a, a damlo ta hle a.
12:16	Chutichuan Davidan naupang tan chuan Pathian hnenah a ngen chiam a; tin, Davida chuan hawte a nghei a, a lut a, zankhuain leiah a mu a.
12:17	Tin, a chhungte zinga upate chu an tho va, lei ta chu kai tho turin a kiangah an ding a; nimahsela tho du lo va, an hneh pawh chaw a ei hek lo.
12:18	Tin, heti hi a ni a, a ni sarih ni chuan naupang chu a thi ta a. Tin, Davida chhiahhlawhte chuan naupang chu a thi ta tih hrilh chu an hlau va, "Ngai teh, naupang a lam lai khan a hnena thu kan sawi a, a ngaithla duh si lo va, naupang chu a thi ta tih engtin nge kan hrilh ngam ang, eng emaw tin a inti mai ange," an ti a.
12:19	Nimahsela Davida chutia achiahhlawhte inbe ruo ahmu chuan Davida chuan naupang chu a thi ta ani tiha hre ta a; tin, Davida chuan a chiahhlawhte hnenah, "Naupang chu athi ta elo?" a ti a. Tin, anni chuan, "Thi ta," an ti a.
12:20	Chutichuan Davida chu lei ata chu a tho va, a insil a, hriak a inthih a, a puante a inthlak a; tin, LALPA inah a kal a, Pathian chibai a buk a; tin, a in lamah a kal leh a, tin, chaw a han lam a, ahmaah chuan an hlui a, a lo ei ta a.
12:21	Chutichuan chiahlawhte chuan a hnenah, "I thil tih dan hi engtizia nge ni? Naupang chu adam lai khan chaw te i nghei a, i tap a, nimahsela naupang chu a thi ta cheng a, i tho va, chaw te i ei ta zawk mai si a," an ti a.
12:22	Tin, ani chuan, "Naupang chu a la dam lai khan chaw e ka nghheiin ka tap tak a; 'Naupang chu a dam theih nan LALPA chuan min khawngaih mahna, tunge hria ang i?' ka ti a ni a.
12:23	Nimahsela tuna chuan a thi ta si a, engah nge chaw ka nghei tawh ang? Ka ko kor leh thei dawn em ni? A hnenah keimah hi ka kal ang a, nimahsela ani zawng ka hneh a lo kir leh tawh lo vang," a ti a.
12:24	Tichuan Davida chuan a nupui Bathsebi chu a thlamuan a, a hnenah a lut a, a mutpui a, tin, fapa ahring a, ahminga Solomona a sa a. Tin, ani chu lalpan a hmangaih a;
12:25	tin, zawlnei Nathana chu a chahtir a, tin, ani chuan LALPA chawiin a hmingah chuan Jedidia a sa a.
12:26	Chutichuan Joaba chan Amona thlahte khawpui Raba a run a, khawpui chu a la a.
12:27	Tin, Joaba chuan Davida hnena mi a tir a, "raba chu ka run a, a ni, tuite khawpi chu ka la a sin.
12:28	chutichuanmi la awm zawng zawngte chu khawm la, khawpi chu beih tumin ep la, la rawh: keimahinkhawpui chu ka lak zawngin ka hming a pu mai dah ang e," a ti a.
12:29	Chutichuan Davida chuan mi zawng zawngte chu a khawm a, Raba-ah chuan an kal a, an va run a, an la ta a.
12:30	Tin, an lal lallukhum khum lai chu a laksak a, a rih lam chu rangkachak talent buk a ni a, lunghlute pawha tel a; tin, Davida an khumtir a. Tin, khawpuia mi rallak sum tam tak a la a.
12:31	Tin, mipuite chu a kawi chuak a, thingzaina te, lei lehna thir zum te, thir hreipui te hmangin hna an thawhtir a, leirawhchante an siamtir a: Amona thlahte khawpi zawng zawng chu chutiang huan a ti a. Tin, Davida leh mi zawng zawng chu Jerusalem-ah an haw leh ta a.