Deuteronomy 4

THUTHLUNGHLUI   Deuteronomy   Bung 4
4:1	Khai le, Israel mite u, LALPA in pi leh pute Pathianin ram a pek che u chu nungdama in luah theihna tura in pawm tura ka zirtir thin che u dante leh rorelte chu ngaithla rawh u.
4:2	LALPA in Pathian thupek ka pek che u hi in pawm theihna turin, thu ka pek che u hi in belhchhah tur a ni lo va, in tikiam tur a ni hek lo.
4:3	Baal-peor avanga LALPA thiltih chu in mitin a hmu a: Baal-peor betu zawng awngte chu LALPA in Pathianin in zing ata a tiboral a.
4:4	LALPA in Pathian vuantu apiangte erawh chu tun thleng hian nungdamin in la awm theuh va.
4:5	Ngai teh u, in va luah tur ramah pawh in zawm zel turin LALPA ka Pathianin thu min pek ang takin dante leh rorelte chu ka zirtir che u a.
4:6	Chutichuan, pawm ula, zawm rawh u; chu tak chu, heng dan zawng zawngte hi hria a, 'He hnam ropui tak hi mi fing tak leh thil hre mi tak an ni ngei mai,' titu hnamte mithmuhah chuan in finna leh thil hre mi in nihna a ni ang.
4:7	"Kan koh apianga LALPA kan Pathianin min hnaih anga anmahni hnaih thin Pathian nei hnam ropui tunge awm ve?
4:8	Heti taka fel, dante leh rorelte, tuna in hmaa ka zam zawng zawng ang dan nei hi hnam ropui dang tunge awm ve?
4:9	Engpawh ni sela, fimkhur ula, ngun takin invawng phawt mai rawh u; chutilochuan in mitin a thil hmuhte chu in theihnghilh ang a, in dam chhungin in thinlung ata a bo dah ang e; in fate leh in tute zirtir rawh u;
4:10	tin, Horeb tlanga LALPA in Pathian hmaa in din a, LALPAN ka hnena, ' MIpuite chu min koh khawmsak rawh, leilunga an awm chhung zawnga mi tih dan an zir theih nan leh an fate zirtir turin ka thute ka lo hriattir ang e,' mi tih ni pawh kha i theihnghilh dah ang e.
4:11	Tichuan in lo hnai a, tlang bulah chuan in lo ding a, vanlaizawl tawngin tlang chu thim te, chhum te, thim chhah mup te awmtirin a kang ta a.
4:12	Tin, LALPA chuan mei atang chuan a rawn bia che u a; a thu sawi chu in hria a, nimahsela riruang engmah in hmu lo va, aw chauh in hria a ni.
4:13	A thuthlung zawm tura thu a pek che u, thu sawm pek chu in hnenah a puang a, lungphek pahnihah a ziak a.
4:14	Tin, chu mi lai chuan luah tura in va kaina rama in zawm turin dante leh rorelte zirtir turin LALPAN thu mi pe a.
4:15	Chuvangin fimkhur hle rawh u; milem te insiam chawpin, a pa ang emaw, a nu ang emaw, leia ran ang emaw, boruaka thlawk thin, sava thla nei ang emaw, leia a vaha vak mi ang emaw, lei hnuai tuia sangha zinga mi ang emaw te siamin in intichhe dah rual ang e; Horeb tlanga mei atanga Lalpan a rawn biak ni che u khan riruang engmah in hmu si lo va; a nih loh leh van lam in han hawi a, ni te, thla te, arsite vana mi zawng zawngte reng pawh in han hmuhin, LALPA in Pathianin van hnuai chhina mi zawng zawng a ruasakte chuan a hip ang che u a, in bia ang a, an rawngte in bawl mai dah rual ang e.
4:16	Chuvangin fimkhur hle rawh u; milem te insiam chawpin, a pa ang emaw, a nu ang emaw, leia ran ang emaw, boruaka thlawk thin, sava thla nei ang emaw, leia a vaha vak mi ang emaw, lei hnuai tuia sangha zinga mi ang emaw te siamin in intichhe dah rual ang e; Horeb tlanga mei atanga Lalpan a rawn biak ni che u khan riruang engmah in hmu si lo va; a nih loh leh van lam in han hawi a, ni te, thla te, arsite vana mi zawng zawngte reng pawh in han hmuhin, LALPA in Pathianin van hnuai chhina mi zawng zawng a ruasakte chuan a hip ang che u a, in bia ang a, an rawngte in bawl mai dah rual ang e.
4:17	Chuvangin fimkhur hle rawh u; milem te insiam chawpin, a pa ang emaw, a nu ang emaw, leia ran ang emaw, boruaka thlawk thin, sava thla nei ang emaw, leia a vaha vak mi ang emaw, lei hnuai tuia sangha zinga mi ang emaw te siamin in intichhe dah rual ang e; Horeb tlanga mei atanga Lalpan a rawn biak ni che u khan riruang engmah in hmu si lo va; a nih loh leh van lam in han hawi a, ni te, thla te, arsite vana mi zawng zawngte reng pawh in han hmuhin, LALPA in Pathianin van hnuai chhina mi zawng zawng a ruasakte chuan a hip ang che u a, in bia ang a, an rawngte in bawl mai dah rual ang e.
4:18	Chuvangin fimkhur hle rawh u; milem te insiam chawpin, a pa ang emaw, a nu ang emaw, leia ran ang emaw, boruaka thlawk thin, sava thla nei ang emaw, leia a vaha vak mi ang emaw, lei hnuai tuia sangha zinga mi ang emaw te siamin in intichhe dah rual ang e; Horeb tlanga mei atanga Lalpan a rawn biak ni che u khan riruang engmah in hmu si lo va; a nih loh leh van lam in han hawi a, ni te, thla te, arsite vana mi zawng zawngte reng pawh in han hmuhin, LALPA in Pathianin van hnuai chhina mi zawng zawng a ruasakte chuan a hip ang che u a, in bia ang a, an rawngte in bawl mai dah rual ang e.
4:19	Chuvangin fimkhur hle rawh u; milem te insiam chawpin, a pa ang emaw, a nu ang emaw, leia ran ang emaw, boruaka thlawk thin, sava thla nei ang emaw, leia a vaha vak mi ang emaw, lei hnuai tuia sangha zinga mi ang emaw te siamin in intichhe dah rual ang e; Horeb tlanga mei atanga Lalpan a rawn biak ni che u khan riruang engmah in hmu si lo va; a nih loh leh van lam in han hawi a, ni te, thla te, arsite vana mi zawng zawngte reng pawh in han hmuhin, LALPA in Pathianin van hnuai chhina mi zawng zawng a ruasakte chuan a hip ang che u a, in bia ang a, an rawngte in bawl mai dah rual ang e.
4:20	LALPA chuan a mite, a ro ni turin thir rawhtuina ata, Aigupta ram ata chu a hruai chhuak zawk che u a ni, tuna in nih ang hi.
4:21	Chuti chang pawh ni lovin, nangmahni avangin LALPA chu ka chungah a thinur a, Jordan lui chu ka tan lohva, in luah atana ram tha tak LALPA in Pathianin a pek che uah chuan ka luh loh nan chhia a chham bawk a:
4:22	kei chu he rama thi tur Ka ni a, Jordan lui chu ka kai dawn lo a ni; nangni erawh chu in kai ang a, chu ram tha tak chu in luah ang.
4:23	Fimkhur hle rawh u, LALPA in Pathian thuthlung, in laka a thlun chu in theihnghilh ang a, LALPA in Pathian in eng anpui maha siam a phal loh milemte in insiam chawp dah rual ang e.
4:24	LALPA in Pathian chu kanral hmang mei, thikthuchhe tak Pathian a ni si a.
4:25	Tu leh fate in han neih a, chu rama rei fe in awm hnu a, in intihkhawloh va, eng emaw anpuitea milem siam chawp mai te in din a, a thin tiur tura LALPA in Pathian mithmuha thil tha lo in tih vaih chuan,
4:26	Jordan kana in va luah tur ram ata chu in boral thuai mai ang tih in chungchang thuah min hriatpuitu atan tunah hian lei leh van ka sawm a ni; in cheng rei lo vang a, in boral vek mai ang.
4:27	LALPA chuan hnam tin, zingah a tidarh ang che u a, LALPAN a kalbotirna che u hnamte zingah chuan tlemte chauhin in awm ang.
4:28	Chutah chuan, pathian thing leh lunga mihring siam, hmu thei hlei lo, hre thei hlei lo, ei thei hlei lo, rim pawh hre thei hlei lote in bia ang a.
4:29	Nimahsela chutah pawh chuan LALPA in Pathian chu in zawn a, in thinlung zawng zawng leh in rilru zawng zawnga in zawn chuan in hmu leh ang.
4:30	Hrehawma in awma in chunga chung thil zawng zawng chu a lo thlen hunah a tawp a tawpah chuan LALPA in Pathian lam in lo hawi leh ang a, a thu chu in pawm tawh ang a;
4:31	LALPA in Pathian chu zahngai thei tak Pathian a ni si a: a thlahtlam lo vang che u a, a tiboral lo vang che u a, in pi leh pute hnena chhechhama a thuthlun chu a theihnghilh hek lo vang.
4:32	In awm hma, tun hma lam te chu han chhut ula leilung Pathianin mihring a siam achin van hnuai chhinah, heti anga thil ropui hi a awm ngaiin, hriat a ni ngai emaw chu?
4:33	Mei atanga thu rawn sawi in hriata in la nun cheu sina pathian aw miin an hre ngaiin,
4:34	hnam dang zing ata fiahna te, chhinchhiahna te, thil mak te, indona te kut chak tak te, ban phar te, thil rapthlak tea LALPA in Pathianin in mithmuha Aigupta rama a tih zawng zawng anga hnam hruai chhuak ngam pathian an awm ngai emaw chu.?
4:35	LALPA chu Pathian a ni tih in hriat theih nan in hnena tihlan a ni a; amah lo chu a dang reng an awm lo.
4:36	A zirtir theih nan che u van atangin a aw a rawn hriattir che u a, lei chungah hian a meipui chu a hmuhtir che u a: mei atanga a thu chu in lo hria a.
4:37	In pi leh pute a hmangaih avangin an hnua an thlahte chu a thlang che u a, amah telin, a thiltihtheihna ropui takin hnam dang in aia ropui leh thiltithei zawk a hnawhchhuahsak che u a, an ram chu luah tura luhtir che uin Aigupta ram ata chu a hruai chhuak che u a, tuna in nih ang hi.
4:38	In pi leh pute a hmangaih avangin an hnua an thlahte chu a thlang che u a, amah telin, a thiltihtheihna ropui takin hnam dang in aia ropui leh thiltithei zawk a hnawhchhuahsak che u a, an ram chu luah tura luhtir che uin Aigupta ram ata chu a hruai chhuak che u a, tuna in nih ang hi.
4:39	Chuvangin tunah hian in thinlungah vawng ula, chung lam vanah leh hnuai lam leiah hian LALPA chu Pathian a ni tih hre rawh u; a dang reng an awm lo.
4:40	Kumkhua atan LALPA in Pathianin a pek che u ramah chuan nangmahni leh inthlahte tana tha tur leh in chen rei theih nan a dante leh a thupek te, tuna ka pek che u hi in zawm tur a ni," tih hi.
4:41	Chutichuan, Mosia chuan tualthattu, a thenawm khawveng, tun hma pawha a huat lem loh that palhtu tual tlanna, Jordan ral ni chhuahna lam pangah khaw pathum a ruat a; chung khua, a engah pawh a tlan chuan a him ang a:
4:42	Chutichuan, Mosia chuan tualthattu, a thenawm khawveng, tun hma pawha a huat lem loh that palhtu tual tlanna, Jordan ral ni chhuahna lam pangah khaw pathum a ruat a; chung khua, a engah pawh a tlan chuan a him ang a:
4:42	chung chu Reuben-ho pualah thla lera tlang zawla Bezer te, Gad-ho pualah Gilead-a Ramot te, Manase-ho pualah Basan-a Golan te ani a.
4:43	Tin, hei hi Mosian Israela thlahte dan apek chu a ni;
4:45	heng hi, Aigupta ram ata an lo chhuah laia Israela thlahte hnena Mosian Jordan rala, Mosia leh Israela tlahten Aigupta rama an lo chhuah laia an thah, Hesbon-a awm Amon-ho lal Sihona rama Bet-peor zawn ruama a sawi hriattirna te, dan te, rorel te chu a ni;
4:46	heng hi, Aigupta ram ata an lo chhuah laia Israela thlahte hnena Mosian Jordan rala, Mosia leh Israela tlahten Aigupta rama an lo chhuah laia an thah, Hesbon-a awm Amon-ho lal Sihona rama Bet-peor zawn ruama a sawi hriattirna te, dan te, rorel te chu a ni;
4:47	a ram leh basan lal Oga ram, Jordan ral ni chhuahna lama Amor-ho lal pahnihte ram chu an luah a;
4:48	Arnon ruam fema Aroer atanga Sion tlang (Hermon an ti bawk) thleng leh
4:49	Jordan ral chhak lampang Araba zawng zawng, Pisga pangper hnuaia Araba tuifinriat thlengin.